ނ.މަނަދޫ: ހޯމް ކަރަންޓީންގައި ހުރެފައި ނުކުމެ އުޅެނިކޮށް ނަތީޖާ ލިބުނުއިރު ކޮވިޑަށް ޕޮޒިޓިވް
11 ސެޕްޓެމްބަރ 2020 - 22:26
29 comments
ނ. މަނަދޫގައި ހޯމް ކަރަންޓީނުގައި ހުރި މީހަކު ނަތީޖާ ނުލިބެނީސް ނުކުމެ އުޅެނިކޮށް، އޭނާގެ ސާމްޕަލް ކޮވިޑަށް ޕޮޒިޓިވްވެ، އެ ރަށް ނުރައްކަލަށް ހުށަހެޅިއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ ބުނީ މަނަދޫގައި ފުރަބަންދު ހޯމް ކަރަންޓީނުގައި ހުރި މީހަކު ކޮވިޑަށް ޕޮޒިޓިވް ވުުމުން އޭނާއަށް ގުޅި އިރު ވެސް ނުކުމެ ހުރީ ގެއިން ބޭރުގައި ކަމަށެވެ. އޭނާ ހޯމް ކަރަންޓީނުގެ 14 ދުވަސް ފުރިހަމަ ވުމުން ނެގި ސާމްޕަލް ޕޮޒިޓިވްވި އިރު، ސާމްޕަލް ނެގި ދުވަހުން ފެށިގެން ނަތީޖާ ލިބުމާ ހަމައަށް އާއްމުކޮށް ރަށު ތެރެއަށް ނުކުމެ މީހުންނާ ބައްދަލުވި ކަމުގެ މައުލޫމާތު ލިބިފައިވާ ކަމަށް ވެސް އެޗްޕީއޭން ބުންޏެވެ.
އެޗްޕީއޭގެ އޮފިޝަލް ވިދާޅުވި ގޮތުގައި މަނަދޫން ކޮވިޑަށް ޕޮޒިޓިވްވި މީހާ މިހާރު ހުރީ ގޭގަ އެވެ. އެކަމަކު އޭނާ ގެއަށް ވަނީ އަމިއްލައަށް ކަމެއް ނުވަތަ ފުލުހުން އޭނާ ގެއަށް ވެއްދީ ކަމެއް އަދި ސާފެއް ނުވެ އެވެ.
"އޭނާއާ ބައްދަލުވީ ކިތައް މީހުންނާ ކަމެއް އަޅުގަނޑުމެންނަކަށް އަދި ނޭނގޭ. ކޮންޓެކްޓް ޓްރޭސިންގެ މަސައްކަތް މިހާރު ދަނީ ކުރިއަށް،" އެޗްޕީއޭގެ އޮފިޝަލް ވިދާޅުވި އެވެ.
އެނގިފައިވާ ގޮތުގައި އެ މީހާ މިއަދު ހުކުރު ނަމާދަށް ވެސް ދިޔަ އެވެ. އޭގެކުރިން ކެފޭތަކާއި އާއްމުން ގިނައިން ގޮސް އުޅޭ އެހެން ސަރަހައްދުތަކަށް ވެސް އޭނާ ދިޔައިރު، ބައްދަލުވި މީހުންގެ އަދަދު ވެސް ގިނަ ކަމަށް ވެ އެވެ. އޭނާ ހޯމް ކަރަންޓީންގައި ހުރި ގޭގައި ވެސް ގިނަ ބަޔަކު އުޅޭ ކަމަށް ވެ އެވެ.
ކޮންޓެކްޓް ޓްރޭސިން ކުރިއަށް ގެންދަން މަނަދޫ މިހާރު ވަނީ މޮނިޓަރިންއަށް ލައިފަ އެވެ.
ފުރަބަންދު ހޯމް ކަރަންޓީނުގައި އަމަލުކުރަން އެޗްޕީއޭއިން ކަނޑައަޅާފައި އޮންނަ އުސޫލަކީ 14 ދުވަސް ވުމުން ސާމްޕަލް ނަގައި ނަަތީޖާ ލިބެންދެން މަޑުކުރުމެވެ. ކަރަންޓީނު ނިމުމަކަށް އަންނާނީ ސާމްޕަލް ނެގެޓިވްވުމުންނެވެ. ހޯމް ކަރަންޓީނުގައި ތިބޭ މީހުން ކޮވިޑަށް ޕޮޒިޓިވް ވާ ހާލަތުގައި ވެސް އެޑްމިޓްކޮށްގެން ފަރުވާ ދޭން ޖެހޭހާ ބަލި ނޫން ނަމަ ބައިތިއްބަނީ ގޭގަ އެވެ.
އެޗްޕީއޭއިން މިއަދު އާއްމުކުރި މައުލޫމާތުން އެނގޭ ގޮތުގައި މާލޭގެ އިތުރުން ރާއްޖޭގެ 25 ރަށަކާއި 22 ރިސޯޓެއްގައި ކޮވިޑަށް ޕޮޒިޓިވް މީހުން އެބަތިއްބެވެ. ރާއްޖޭގެ ކޭސްތަކުގެ ޖުމްލައަކީ މިހާރު 8900 އެވެ. އޭގެ ތެރެއިން 31 މީހަކު އެ ބަލީގައި ވަނީ މަރުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޔެސޭ
13 September 2020
އޭނާ ހައްޔަރު ކުރޭ އޭނާގެ އިހުމާލުން ބަޔަކަށް ބަލި ޖެހިއްޖެނަމަ ޖިނާއީ ދައުވާކުރަން ޖެހޭ
ާާއަލިބެ
12 September 2020
މީނާ އާއިމެދު ހަރުކަށި ފިޔަވަޅު އަޅަންޖެހޭ. އެޗްޕީއޭއިން މިކަން ސާމްޕަލް ނެގުން ލަސްވުމަކީ މިކަހަލަ ކަންކަން މެދުވެރިވާ އެއްސަބަބު. ކޮރަންޓީނުގަ ތިބޭ މީހުންގެ ކަންކަން ބަލާ މިނިޓަރކުރެވެންވެސް ޖެހޭ
އިބިރިހިންބެއްޔާ
12 September 2020
ކައުންސިލް އާއި ލާމަރުކަޒީ މިކަމުގެ ޒިންމާ ނަގަންޖެހޭ.
ޞޒބސގ
12 September 2020
ކީކޭބުނާނީދެން. އަސްލުމިކޮޥިޑްކަންތައް ރަގަޅުނުވަނީ މިހެންވެ. އޭގެހުރިހާގެއްލުމެއް ނަފްސާނީގޮތުންކުރިމަތިވަނީ ކުޑަކުދިންނަށް. އަހަރެންގެ 4 އަހަރުގެދަރިފުޅު އާދަޔާހިލާފަށް ރުޅިގަދަވެ އަބަދުރޮއެހަދަނީ ބޭރަށްދާހިތުން. އަަހަރެންފަތިހު 5 ބައިގަ ބޭރަށްނުކުތްއިރުވެސް މުޅިމަގުގަކަސްރަތުކުރާމީހުން. ދުވާއިރުވެސް ކަރުކެހިފަކުޅުތަޅަމުންދާމީހުންވެސްފެނޭ. ހިތަށްއަރާ ކުޑަކުދިންނަށްޓަކައި ވަގުތެއް ސަރުކާރުންކަނޑައަޅަފައޮންނަނަމައޭ
އަޖައި 1
12 September 2020
އޮވޭ ކަނޑައަޅާފަ. ކުޑަކުދިން ނިކުންނަ ގަޑި، ކަސްރަތަށް ހާއްސަ ގަޑީ، އުމުރުން ދުވަސްވީ މީހުންނަށް ހާއްސަ ގަޑި. އެކަމަކު ދިވެހިންނަކީ ކަނޑައަޅާ އުސޫލުތަކަށް އަމަލުކުރާ ބައެއް ތަ؟
ބައިތު
12 September 2020
ދިވެހިން އެކަނިތަ؟ ތަނެއްގައި ހުސްތަންކޮޅެއް ހުރިއްޔާ ބަންގާޅީބޭފުޅުން އެތަނަކަށް ޖަ މާވެގެން ތިބޭނީ. އާޓިފިޝަލްބީޗްސަރަހައްދުގައި ހުންނަ އުނދޯލީގައި ތިންހަތަރު ބަންގާޅީން ނުތިބޭ އިރެއް ނުދޭ. ދިވެހިންނަށްވުރެން މިތާގައި ގިނައީ ބަންގާޅީން.
ހަކީމް
12 September 2020
މިހާރުން މިހާރަށް ރައްރަށަން ދިޔުން ހުއްޓުވަން އެބަޖެހޭ ... ރާއްޖޭގައި އުޅެނީ ހުސް ޑޮކްޓަރުންނަށް ވެގެން އުޅޭ މީހުން. މިހާރު ހުރިހާ ރަށަކަށް ފެތުރުމުގެ ބިރު ބޮޑު.
މަހޭ
12 September 2020
އުމުރު ދުވަހު ދައްކާ ދައްކާވެސް ސަލާމަތް ނުވާ ވަރަށް ޖޫރިމަނާ ކޮށްލަބަލަ. ކިހާބޮޑު ނޮހޮރޮއްޕާނެއް މީ ދެން.
ފުންއަސަރު
12 September 2020
ބަސްނާހާ މީހުންގެ ސަބަބުން ކިތައްމީހުން ނުރައްކަލުގެ ތެރެއަށް މި ހުށަހެޅުނީ. މިފަދަމީހުން ހިފާހައްޔަރުކޮށް ގެއްލުމުގެ ބަދަލުވެސް ހޯދަންވީ.
މުލޭ
12 September 2020
މިކަހަލަ މީހުންނަށް އަޅާ ފިޔަވަޅަކީ އޭނާއާއި އެހެން މީހުންނަށް ވެސް ޢިބުރަތަކަށް ވާކަހަލަ ފިޔަވަޅަކަށް ވާންޖެހޭ.
ޢަޒްރާ
12 September 2020
މ8ކަމުގަ އެޗްޕީއޭގެ އިހްމާލު ބޮޑު ކީއްވެތަ މާލއެއިން ރަށަށް ފުރުމުގެ ކުރިން ޓެސްޓް ނަހަދަނީ
ބުތޯ
12 September 2020
ރަށަށް ފުރާއިރު ޓެސްޓް ކުރިއަސް 14 ދުވަސް ތެރޭ ޕޮޒިޓިވްވުމުގެ ފުރުސަތު އޮވޭ. އެހެންވީމަ 14 ދުވަސް ކަރަންޓީނު ކުރަނީ. ކަމެއް ވާއިރަށް އެޗްޕީއޭ ސަންދޯކޯ. އޭނަ ނަތީޖާ ލިބެންދެން އެޗެޕީއޭއިން ބުނިގޮތަށް ގޭގަ އޮއިނަމަ މިހެނެއްނުވީސް.
ކަންއޮތްގޮތް
12 September 2020
ހަރުދަނާ އިންތިޒާމެއްނެތް ބަލިޖެހިފަ ހުރިމީހާގެ އިހްތިޔާރަށް ހުރިހާކަމެއް ދޫވެފަ އޮންނަނީ އެއީ ހެޔޮ ވާނުވާނޭނގޭ ބިދޭސިއަކަސް ހީވަނީ މިކަންކަން ހިންގަން އުޅޭމީހުން ވަރުބަލިވެ ގޮތް ހުސްވެގެން އުޅޭހެން މިސާލަކަށް މިބަލި ފަތުރަން ބޭނުންވާ މީހަކުހުއްޓަސް އެކަމަށް އެމީހަކަށް ބޮޑެތި ހުރަސްތަކެއް ހުންނަގޮތަށް ކަންކަން ތަރުތީބުކުރެވެންޖެހޭނެކަމަށްދެކެން ދައުލަތުން ބިލިއަނުން ހަރަދުކޮށްގެން ވާކަމެއް ހަރާން އާބާދީގެއަށް ބަލާނަމަ ޕޮޒިޓީވް ދުނިއޭން1ވަނަ
ކޮވިޑް
12 September 2020
ރައްޔިތުންގެ އަމިއްލަ ޒިންމާއެއް މިބަލިން ސަލާމަތްވާން ހަމަނެތީތޯ. ސަރުކާރުންތޯ ހުރިހާކަމެއް ކުރަންވީ. އަހަންނަށް ފެންނަ ގޮތުގައި ރައްޔިތުންގެ އަތުގައި މިކަމުން ސަލާމަތްވުމުގެ އެންމެބޮޑު ބާރުއޮތީ.
މީމަގޭ ހިޔާލު
12 September 2020
ހޯމްކަރަންޓީނަށް ރަށަށް އަންނަމީހުންގެ ސަބަބުންނާއި މާލެއައިސް ގޮސްވާ އޮޑިފަހަރުގެ މީހުންގެ އަމަލުތަކުގެ ސަބަބުން ކުރިއަށް އޮތް 2 މަސްތެރޭގަ މީތި އަތަށްގޮވާނެކަން ކަށަވަރު އިތުރު ބިލިއަން ރުފިޔާ އާއި އެތަށްބައެއްގެ ފުރާނަ ނުދަނީސް ރަނގަޅު ހަމަޔަކުން މިކަން އަލުން އިންތިޒާމުކުރުމަށް ސަރުކާރަށް ގޮވާލަން މިހެން މިކަން ކަން ހުރީމަ މިކިޔެނީ ސަރުކާރު ނާގާބިލޭ ދައުލަތް ބަނގުރޫޓްވަނީއޭ
ސަލާމް ޖ
12 September 2020
ސަރުކާރުން އޭނަ ކައިރިބުނީ މުޅިރަށުގައި ވިއްސޭށޭތަ. ކައުންސިލަރ ފުލުހުންގެ އިހުމާލުވަރަށްބޮޑު ތިކަމުގައި