ފުރަތަމަ ފަހަރަށް ކޮންޓިނުއަސް ޝަރީއަތެއް: އަށް ގަޑިއިރު ހޭދަވި

ކްރިމިނަލް ކޯޓު: ފުރަތަމަ ފަހަރަށް ކޮންޓިނުއަސް ހިއަރިންއެއް އިއްޔެ ވަނީ އެ ކޯޓުގައި ކުރިއަށް ގެންގޮސްފައި -- ފޮޓޯ/މިހާރު

މުއިއްޒު އިބްރާހިމް، މިހާރު

25 އޮކްޓޯބަރ 2020 - 13:12

6 comments

ރާއްޖޭގައި ޖިނާއީ މައްސަލައެއްގައި ފުރަތަމަ ފަހަރަށް ކޮންޓިނުއަސް ހިއަރިންއެއް ކްރިމިނަލް ކޯޓުގައި އިއްޔެ ކުރިއަށް ގެންގޮސްފި އެވެ.

ޕްރޮސެކިއުޓާ ޖެނެރަލް ހުސައިން ޝަމީމް ކުރެއްވި ޓްވީޓެއްގައި ވިދާޅުވީ، ޖިނާއީ އިޖުރައާތުގެ ގާނޫނު ތަސައްވުރު ކުރާ ގޮތަށް މެދުކެނޑުމެއް ނެތި ފުރަތަމަ ފަހަރަށް އިއްޔެ ކުރިއަށް ގެންދިޔަ އަޑުއެހުން އަށް ގަޑިއިރަށް ވުރެ ދިގު ދެމިގެންދިޔަ ކަމަށެވެ. އެ އަޑުއެހުމުގައި އެކަނި ވެސް 14 މީހެއްގެ ހެކިބަސް ނަގާފައިވާ ކަމަށާއި އެއީ ތާރީޚީ ދުވަހެއް ކަމަށް އޭނާގެ ޓްވީޓްގައިވެ އެވެ.

ޝަމީމްގެ ޓްވީޓްގައިވާ ގޮތުން އެގޮތަށް އަޑުއެހުންތައް ކުރިއަށް ގެންދިއުމުން ދޮޅު އަހަރުން ކުރިއަށް ގެންދެވޭ މަރުހަލާ އެއް ހަފުތާއަކަށް ކުރު ކުރެވޭނެ އެވެ.

Great leap forward yesterday by @CRCMaldives. First real continuous hearing as envisaged by Criminal Procedure Code. 8+ hours, 14 witnesses in one trial. A 18-month process shorten to a week. Tiring, yet rewarding work by prosecutors @siiiimmm @Neetion & @faraas. Historic! 👏 🙏🏽
— Hussain Shameem (@HuShameem) October 25, 2020

ޝަމީމްގެ ޓްވީޓް

ކްރިމިނަލް ކޯޓުގައި ކުރިއަށް ގެންދިޔައީ ކުޑަކުއްޖަކަށް ޖިންސީ ގޯނާކުރި ކަމުގެ ދައުވާ ލިބޭ މީހެއްގެ ޝަރީއަތެވެ. އެ މީހާގެ މައްޗަށް ހަތަރު ދައުވާއެއް ދައުލަތުން ކުރެ އެވެ. އެއީ ޖިންސީ ނިޔަތެއް އޮވެގެން ކުޑަކުއްޖެއްގެ ހަށިގަނޑުގައި އަތްލުމުގެ ދައުވާ އާއި ޝަހްސު އޮޅުވައިލުމުގެ ދައުވާ އާއި މަކަރާއި ހީލަތް ހެދުމުގެ ދައުވާއެއްގެ އިތުރުން ކުޑަކުއްޖަކު އެކްސްޕްލޮއިޓް ކުރުމުގެ ދައުވާ އެވެ.

ޖިނާއީ އިޖުރައާތުގެ ގާނޫނު ބުނާގޮތުން ޖިނާއީ މައްސަލަތަކުގެ ޝަރީއަތްތައް މެދުކެނޑުމެއް ނެތި އަޑުއެހުންތައް ކުރިއަށް ގެންގޮސް އެކަށީގެންވާ މުއްދަތެއްގެ ތެރޭގައި މަައްސަލަ ނިންމުމަކީ އެ ގާނޫނު މަގުސަދެކެވެ. އެހެންވެ، އިބްތިދާއީ މަރުހަލާ ނިމުމަށް ފަހު ޝަރީއަތުގެ މަރުހަލާ ކުރިއަށް ގެންދާނެ ގޮތުގެ ތާވަލެއް އެކުލަވައިލުމާއި އަޑުއެހުންތައް ނިންމާތާ 30 ދުވަސް ތެރޭގައި ހުކުމް ކުރަން ވެސް އެ ގާނޫނު ލާޒިމް ކުރެ އެވެ.

އެކަމަކު، މިހާތަނަށް ގިނަ މައްސަލަތަކުގައި އަޑުއެހުންތައް ކުރިއަށް ގެންދަނީ ވަކިވަކިންނެވެ. ބައެއް މައްސަލަތަކުގެ އަޑުއެހުންތައް ނިންމުމަށް ފަހު ވެސް ގިނަ ދުވަސްތަކެއް ވަންދެން ހުކުމް ނުކޮށް އެބަހުއްޓެވެ.

ކުށްކުރުން ކްރިމިނަލް ކޯޓް ޖިނާއީ އަދުލުގެ ނިޒާމު ހުސައިން ޝަމީމް (ޕީޖީ) ކުޑަކުދިން ކުޑަކުދިންނަށް އަނިޔާކުރުން

6 ކޮމެންޓް, 14 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އޭބީ

26 October 2020

ކޮންޓިނިއުއަސް އަށް ދިވެހި ލަފުޒެއް ނޯންނަނީތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީއެސްއެމްގެ ސިޔާސީ ރައިވަރު

25 October 2020

ގިނަ ބަޔެއްގެ މައްޗަށް ކުށް ސާބިތުވިޔަސް ޖަލުގައި އެއެންމެނަށް ޖާގައެއް ނެތެވެ. ޖަލު މިހާރުވެސް ވަނީ ފުރި ބަންޑުންވެފައެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތޫނުފިލި ފޯނު އެބަހީސުމާޓުފޯން

25 October 2020

މެދުކެނޑުމެއްނެތި ޝަރީޢަތް ގެންދިޔުމަށް އިޖްރާއާތުގައި އޮތް އޮތުމުގެ މާނައަކީ މިއެއް ނޫނެެވެ. އެހެނަސް މެރަތަންގެ މިއުޞޫލު ވަރަށް ފައްކަލެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިބެއްޔަ

25 October 2020

ޔާމީނުގެ ޝަރީައތް އަޑުއެހުންތައްނިމި ދެންއޮންނާނީ ހުކުމް އިއްވުންކަމަށް ބުނިފަހުން 3ހަފްތާވެއްޖެ. މިކަންނިންމަން ސަރުކާރުން ބޭނުން ނުވާތީ ކިތަންމެ އަހަރަކަށްވެސް ދިގުދަންމާފާނެ.