އައްޑޫގެ ކެންގަރޫ ކިޑްސް އަދި ބިލަބޮންގް ސްކޫލުގެ އާ އިމާރާތުގެ ބިންގާ އިއްޔެ އަޅުއްވައިދެއްވަނީ.-- ފޮޓޯ: އައިލެންޑާސް އެޑިއުކޭޝަން
10 މާޗް 2021 - 11:59
3 comments
ސ. ހިތަދޫގައި ކެންގަރޫ ކިޑްސް އަދި ބިލަބޮންގް ސްކޫލުގެ އާ އިމާރާތުގެ ބިންގާ އިއްޔެ އަޅައިފި އެވެ.
އެ ރަށުގައި ބޭއްވި ރަސްމިއްޔާތުގައި 16،000 އަކަފޫޓު ބޮޑު ބިމުގައި ސްކޫލުގެ ބިންގާ އަޅުއްވައިދެއްވީ ސްކޫލު ޕްރިންސިޕަލް އައިޝަތު އަޒްރާ އަދި ޓީޗަރުންނާއި ސްޓޫޑެންޓް ލީޑަރުންނެވެ.
އެ ތަނުގައި 13 ކްލާސްރޫމާއި ހޯލެއްގެ އިތުރުން ބަސް ޓާމިނަލެއް ހަދަން ހަވާލުކޮށްފައިވަނީ ދޮންނާ ބިލްޑާސް ނަމަކަށް ކިޔާ ކުންފުންޏަކަށެވެ. އަމާޒަކީ އާ އިމާރާތުގައި ވީހާ ވެސް އަވަހަކަށް ކިޔަވައިދޭން ފެށުމެވެ.
އައްޑޫގައި ޖެނުއަރީ 2012 ން ފެށިގެން ހިންގަމުން އަންނަ ބިލަބޮންގް ހައިި ކެންގަރޫ ކިޑްސް ސްކޫލަކީ އެޑިއުކޭޝަން ޑިވެލޮޕްމަންޓް އިންވެސްޓްމަންޓް (އީޑީއައި) އަދި އައިލެންޑާސް އެޑިއުކޭޝަނާއެކު ވެފައިވާ ސަބް ފްރެންޗައިސް އެއްބަސްވުމުގެ ދަށުން އީޑީއައިން ހިންގަމުން އަންނަ ސްކޫލެކެވެ.
ސްކޫލު ޕްރިންސިޕަލް އަޒްރާ ވިދާޅުވީ އާ އިމާރާތް ނިމުމުން ސްކޫލަށް ދިމާވެފައިވާ ޖާގައިގެ ދަތިކަން ހައްލުވެ ދަރިވަރުންނަށް އިތުރު ރިސޯސް ރޫމުތައް ގާއިމްކުރެވޭނެ ކަމަށެވެ.
"ސްކޫލުގައި މިހާރު ވެސް ކިޔަވަމުން އަންނަ ދަރިވަރުންނަށް މި އިމާރާތުގެ ސަބަބުން އިތުރު ހިދުމަތްތަކާ އެކު ތަނަވަސް ޖާގައިގެ ހިތްހަމަޖެހުން ލިބިގެންދާނެ. އަދި މި ސްކޫލަށް ވަންނަން ބޭނުންވާ ނަމަވެސް ޖާގަނެތުމުގެ ސަބަބުން ފުރުސަތު ނުލިބޭ ދަިރވަރުންނަށް ވެސް މީ ވަރަށް އުފާވެރި ހަބަރެއް. މި އިމާރާތާއެކު ފުރުސަތު ދެވޭ ދަރިވަރުންގެ އަދަދު ވެސް ވަރަށް ބޮޑުތަނުން އިތުރުކުރެވޭނެ،" އަޒްރާ ވިދާޅުވި އެވެ.
ދެ ފަރާތުން ގުޅިގެން އަޅާ އިމާރާތާއެކު އީޑީއީގެ ތައުލީމީ ތަސައްވަރުގައި ވާ ގޯލްތަކާއެކު އާ އުސްމިންތަކަކަށް ހާސިލްވެވޭނެ ކަމަށް ސްކޫލުން ބުންޏެވެ.
އައްޑޫގެ ބިލަބޮންގް ސްކޫލާއި ކެންގަރޫ ކިޑްސްގައި 444 ދަރިވަރުން ކިޔަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވިލާ ކުއްޖާ.
10 March 2021
އަންނަ އަހަރު ވިލާ ކޮލެޖް ކެމްޕަސް ރާއްޖޭގެ އެންމެ ބޮޑު ކެމްޕަހުގެ ގޮތުގައި އިމާރާތް ކުރުމުގެ މަސައްކަތް އައްޑޫގައި ފައްތާނެ. އެތަނަކީ މިހާރު ރާއްޖޭގެ އެއްވެސް ތަނެއްގައި ނެތް ފަދަ އެތައް ވަސީލަތް ތަކާއި އެކު އެންމެ ޒަމާނީ ފެންވަރަށް ތަރައްޤީ ކުރާ ތަނެއް. ކޮލެޖްގެ ކެމްޕަސް ތެރޭގައި އެހެން ރަށް ރަށުންނާއި ބޭރުން އަންނަ ސްޓޫޑެންޓުންނަށް އޮކމަޑޭޗަން ހަމަޖެހޭނެ ގޮތް ހުންނާނެ.
ސޯބެ.
10 March 2021
ތިކަމެއް ނުކުރާނެ. ހުސް ދޮގު. 70 ހާސް އަކަފޫޓުގެ ބިން ހޯދާފައިވަނީ 4 ލައްކައެއްހާ ރުފިހާގެ ހަދިޔާ ދީގެން. އެތަން ދީފައި އޮތީ ކުއްޔެއް ދައްކާން ނުޖެހޭ ގޮތަށް. މިއީ ކިހާ ދެރަކަމެއް؟
އޮނަރަބްލް އަފީފު ދީދީ
10 March 2021
މިހާރުއޮތް ކައުންސިލާއި މޭޔަރުގެ ދިގުދައުރު ނިމިގެން ދިޔައިރު އައްޑޫގެ ލޭންޑް ޔޫޒްޑް ޕްލޭން އެކުލަވާ ނުލެވި އޮތުމަކީ ވަރަށް ދެރަކަމެއް. # ޙިޔާނާތުގެ ފަސާދަ އެކުލެނޭގޮތަށް މަޝްހޫރު ވިޔަފާރި ވެރިއަކު ހިންގާ ކޮލެޖަކަށް ދާދިފަހުން މިސިޓީން ދޫކުރި 70 ހާސް އަކަފޫޓުގެ ބިމުގައި އަދި އެއްވެސް ކަމެއް ނުފައްޓާ. # އަލަށް ރައްޔިތުން އިންތިޙާބު ކުރާ ކައުންސިލާއި މޭޔަރު މިފަދަ ބިންތަކާއި މެދު ގޮތެއް ނިންމަވާ މަސައްކަތް ނުކުރާނަމަ އެއްބަސްވުން ބާތިލް ކުރާންވާނެ.