ކޮންމެ ދުވަހަކު ވެސް އެތައް ބަޔަކު އުޅެނީ ކަންބޮޑުވުމާއި ހާސްކަމެއްގެ ތެރޭގަ އެވެ. ކޮންމެވެސް ކަމަކުން އަރައިގަނެވޭނެ ގޮތެއް ނުވެގެންނެވެ.
ޝައިހު އިބްރާހިމް ޒަކަރިއްޔާ މޫސާ އަހަރެމެންނަށް ވިދާޅުވެދެއްވީ މުސީބާތްތަކުންނާއި ހާސްކަމުން އަރައިގަންނަން ﷲ އަށް ދަންނަވާނެ ހާއްސަ ދުއާއެކެވެ.
އެ ދުއާގެ މާނައިގައި ވަނީ" ޔާ ﷲ! އިބަ ﷲ ގެ ރަހުމަތަށް މި އަޅާ އެދި އުންމީދު ކުރަމެވެ. ލޮލުގެ އެސްފިޔަ ޖަހާލާ ހިނދުކޮޅަކަށް ވެސް މި އަޅާގެ އަމިއްލަ ނަފުސާ މި އަޅާ ހަވާލުނުކުރައްވާނދޭވެ! މި އަޅާގެ ހުރިހާ ކަމެއް ރަނގަޅު ކޮށްދެއްވާނދޭވެ! އިބަ ﷲ ފިޔަވައި އެހެން އެއްވެސް އިލާހަކު ނުވެ އެވެ،" މިއެވެ.
ޝައިހު ވިދާޅުވީ، ﷲ ގެ ރަހުމަތްފުޅަށް އުންމީދުކުރާ ހާލުގައި މި ދުއާ ކޮށްފި ނަމަ އެކަލާނގެ ތަނަވަސް ރަހުމަތްފުޅާ އެކު، އެއްވެސް މުސީބާތެއް، ދަތިކަމެއް ކުރިމަތި ނުވާނެ ކަމަށެވެ.