ފިއުލް ސަޕްލައިސްގެ ތެޔޮ އުފުލާ ބާޖެއް މާލޭގެ ފަޅުތެރޭގައި: ދުނިޔޭގެ ބާޒާރުގައި ތެލުގެ އަގު ބޮޑު ބޮޑުވުމާ ގުޅިގެން އެ ކުންފުނިން ސަޕްލަޔަރުންނަށް ވިއްކާ އަގު ވަނީ ބޮޑުކޮށްފައި.
14 އޯގަސްޓް 2017 - 11:10
18 comments
އެސްޓީއޯގެ އަތުން ޕެޓްރޯލާއި ޑީސަލް ގަންނަ ސަޕްލަޔަރުންނަށް އެ ބާވަތް ވިއްކާ އަގު ބޮޑުކޮށްފި އެވެ.
"މިހާރު"އަށް އެނގިފައިވާ ގޮތުގައި އެސްޓީއޯގެ ސަބްސިޑަރީ ކުންފުނި އެފްއެސްއެމް އިން ސަޕްލަޔަރުންނަށް ވިއްކާ ޑީސަލް ލީޓަރަކުން 43 ލާރި އަދި ޕެޓްރޯލް ލީޓަރަކުން 26 ލާރި ވަނީ ބޮޑުކޮށްފަ އެވެ. ނަމަވެސް އެ ކުންފުނިތަކަށް ތެޔޮ ވިއްކާ އަގެއް އެސްޓީއޯއިން ނުބުނެ އެވެ.
ސަޕްލަޔަރުން ތެޔޮ ގަންނަ ނިސްބަތަކުން އެކި ކުންފުނިތަކަށް އެފްއެސްއެމް އިން ތެޔޮ ވިއްކަނީ އެކި އަގުތަކުގަ އެވެ.
މި ގެނައި ބަދަލާ އެކު ރަށްރަށުގައި އާންމުންނަށް ތެޔޮ ގަންނަން ލިބޭ އަގު މިހާރު ބޮޑުވާނެ އެވެ.
ޕެޓްރޯލާއި ޑީސަލުން ނަގަމުން އައި ޑިއުޓީ ފަސް ޕަސެންޓަށް ކުޑަކުރުމާ ގުޅިގެން މިދިޔަ ޖޫން 18 ވަނަ ދުވަހު އެސްޓީއޯއިން ވިއްކާ ތެލުގެ އަގު ހެޔޮކޮށްފައިވެ އެވެ. އެގޮތުން ތެޔޮ އަޅައިދޭ ޝެޑްތަކުން ޕެޓްރޯލް ލިޓަރެއްގެ އަގު ވަނީ 8.95ރ. އިން 8.65ރ. އަށް ހެޔޮކޮށްފަ އެވެ. އަދި ޑީސަލް ލިޓަރެއްގެ އަގު ކުޑަކުރީ 8.95ރ. އިން 8.44ރ. އަށެވެ.
ރާއްޖޭގައި ފުޅާ ދާއިރާއެއްގައި ތެލުގެ ވިޔަފާރިކުރާ އެސްޓީއޯގެ އިސް އޮފިޝަލަކު މިއަދު ވިދާޅުވީ އެފްއެސްއެމް އިން ތެޔޮ ގަންނަ ސަޕްލަޔަރުންނަށް ވިއްކާ އަގު ބޮޑުކުރީ ދުނިޔޭގެ ބާޒާރުގައި ތެލުގެ އަގު ވަރަށް ބޮޑަށް އުފުލުމާ ގުޅިގެން ކަމަށެވެ.
ދުނިޔޭގެ ބާޒާރުގައި ސާފުނުކުރާ ތެޔޮ ފީފާއެއްގެ އަގު މިހާރު އުޅެނީ 53 ޑޮލަރުގަ އެވެ.
"އެފްއެސްއެމް އިން ތެޔޮ ގަންނަ ފަރާތްތަކަށް ވިއްކާ އަގު ބޮޑުކުރި ނަމަވެސް މާލޭގެ ޝެޑްތަކާއި ކަރަންޓުގެ ހިދުމަތް ދޭ ކުންފުނިތަކަށް ތެޔޮ ވިއްކާ އަގު ބޮޑެއްނުކުރަން. ސަޕްލަޔަރުންނަށް ވިއްކާ އަގު ބޮޑުކުރަނީ އެ މީހުންނާ އެކު ހަދާފައިވާ އެއްބަސްވުމުގައިވާ ގޮތަށް،" އެ އޮފިޝަލް ވިދާޅުވި އެވެ.
އެފްއެސްއެމް އިން ތެޔޮ ގަންނަ ކުންފުންޏަކުން ބުނީ ތެލުގެ އަގު ބޮޑުކުރުމާ ގުޅިގެން ރަށްރަށުގައި ތެޔޮ ވިއްކާ އަގު ބޮޑުކުރަން ޖެހިފައިވާ ކަމަށެވެ.
"އެފްއެސްއެމް އިން ވިއްކާ ތެލުގެ ވަރަށް ބޮޑު ބައެއް ބޭނުންކުރަނީ ރަށްރަށުގައި ދިރިއުޅޭ ރައްޔިތުން. އަޅުގަނޑުމެންނަށް ގަންނަން ލިބޭ އަގު ބޮޑުވާ ނަމަ އެ މިންވަރަށް ބޮޑުވާނެ،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުޙުއްމާ
15 August 2017
އެސް.ޓީ.އޯ. އިން ތެޔޮ އިމްޕޯރޓް ކުރަނީ އެހެން ޕްލެނެޓަކުން ބާ ދުނިޔޭގެ ބާޒާރުގައި ތެލުގެ އަގު ދަނީ ދަށަށް. މިއަދު ތެޔޮފީފާއެއްގެ އަގު ހުރީ 49.16 ޑޮލަރަށް
އިބްތިޝާމް
15 August 2017
ޢަބުދުﷲ ޖަމީލުގެ މިއާޓިކަލް ވަރަށް ފުރިހަމަ. އެކަކަމު އިބްތިޝާމްގެ ނަޒަރުގައި މިފަދަ އާޓިކަލްއެއް ލިޔާއިރު، ދުނިޔޭގެ ބާޒާރުގައި ތެލުގެ އަގަށް އަންނަ ބަދަލުގެ މައްޗަށް އަލިއަޅުވާލުން މުހިއްމު. އަދި ކައިރި ގައުމުތަކުގައި ތެލުގެ އަގު ހުރީ ކިހާވަރަކަށްތޯ ދިރާސާ ކުރުން ބުއްދިވެރި. އެކަން ބަޔާންކުރެވުނު ނަމަ މިއާޓިކަލް އިތުރަށް ފުރިހަމަވީސް. ނޫސްވެރިކަމުގެ ފައިދާ ގިނަ ރައްޔިތުންނަށް ކުރާނީ، ވަރަށް ޒިންމާދާރުކޮށް މިފަދަ ޚަބަރުތައް ގެނެސްދީގެން.
ބަކަރު
15 August 2017
އެއްކޮޅުން މުސާރަ ބޮޑޫކުރަނީއްޔޯ ، އަނެއްކޮޅުން ޖުމްލަކޮށް ތެޔަ އަނގުބޮޑޫވީމާ ތަކެތީގެ އަނގު 2 % ވަރު އުފުލޭނެ ، މީވާ އިކޮނޮމިސްޓްއެއް
މުޙައްމަދު
15 August 2017
ސަޕްލަޔަރުންނެއް ނޫން. މަޖްލިސް މެމްބަރުންނަށް. މިހާރު ތެޔޮ ދޫކުރަނީ މެމްބަރުންނަށް ކަމިޝަން ލިބޭގޮތަށް ނުވަތަ އެމީހުންގެ ޢާއިލާގެ މީހުން މެދުވެރިވާގޮތަށް ސަޕްލަޔަރުންނަށް. ފެނަކައަށް ތެޔޮއަޅައިދިނުމުގެ ނަމުގައި މެމްބަރުން އެސްޓީއޯ މެދުވެރިކޮށް ހިންގަމުންދާ ކޮރަޕްޝަން އެމްއެމްޕީ އާރުސީއަށް ވުރެ ކުޑައެއް ނުވާނެ.
ޓަހުނިޔާަ
15 August 2017
ޓިބުނާ ރައްތަކުގާ ތެލުގެ ވިޔަފާރި ކުރާ މީހުން 18 ޖޫން ގައި ތެޔޮ އަގުހެޔޮކޮން ލިބުނުއިރު ތިބުނާ ނިކަމެތި ރައްޔިތުން ފެލީ ހަމަހެޔޮފުޅުކަމުން ބާ؟
ބޭރަށް
14 August 2017
ތިހަމަ ބޮޑުވީ ކާޑުގެ އަގުވެސް ބޮޑުވީ ނުކޮށް ނުވެސް ވާނެ ދައުރު ނިމެން ކުޑަ ދުވަސްކޮޅެއް އަލަކުން ނުހޮވޭނެ
އަލީ
14 August 2017
ދެން ދުވަސްކޮޅަކުން 10 ލާރި ވަރު އަގުހެޔޮކޮށްފަ ތެލުގެ އަގުވެސް ހެޔޮފުޅުކަމުން ކުޑަކޮށްފިކަމަށް ހަބަރު ފަތުރާ. އޭރުންވެސް އަތްޖަހާނެ ބަޔަކު އުޅޭނެ މިގައުމުގަ.
އަލްޖިބްރާ
14 August 2017
ދެން އަތްޖަހަގަ ؟
ދަންނާތި.
14 August 2017
މިހެންވީމަ ކަރަންޓްގެ އަގު ބޮޑުވާނެ.
ކަނޭ
14 August 2017
ނުވާނެ. އެއޮތީ ސާފުކޮށްބުބެދީފަ އިންޖީނުގެތަކަށާ ޝެޑުތަކުގެ އަގަކަށް ބަދަލެއްނުގެންނަމޭ. މީގެކުރިން ސަރުކާރުންވަނީ އަމިއްލަ ފަރާތްތަކުން ތޮޔޮގަތުން ހުއްޓާލާ އެސްޓީއޯ އިންގަތުމަށް އިންޖީނުގެ ތަކަށް އަންގާފަ.އެހެންވީމަ ނުވާނެ
ނާސިރު
14 August 2017
ޚަބަރު ކިޔާއިރުވެސް ތި ކިޔަނީ ސުރުޙީ އެކަނި ދޯ.
އިހުސާނު
15 August 2017
ކަނޭއަށް އެނގޭތަ ރާއްޖެތެރޭ އިންޖީނުގެތަކަށް ތެޔޮ ގަންނަނީ މިކިޔާ "ސަޕުލަޔަރުން" އަތުންކަން
ވާލުސޮރު
14 August 2017
ދެން ރިޔާސީ އިންތިޚާބާ ކައިރިކޮށްލާފަ ލިޓަރަކުން ފަސްލާރި ކުޑަކޮށްލީމަ އެންމެން އުފަލުން އަތްޖަހަންފަށާނެ. އެހެންނޫނަސް ކެމްޕޭނަށް ރައްޔިތުންގެ އަތުން ކޮންމެހެންވެސް ލާރިކޮޅެއް އަތުލަންޖެހޭނެ. "ވެނުމަސް ވެނަށް" ކާންދެވޭނީ އޭރުން.