ނ. އަތޮޅު ފޮއްދޫއަކީ އަބާދީގޮތުން ކުޑަނަމަވެސް, ފަތުރުވެރިންގެ މެދުގައި މަޤުބޫލު މަންޒިލެކެވެ. އުމްރާނީ ގޮތުން މިހާރު ފޮއްދޫއަށް ކޮންމެވެސް ވަރަކަށް ތަރައްޤީގެ ކުލަ އަންނަނީ ޖެހެމުންނެވެ. އެހެންނަމަވެސް ޒަމާނުއްސުރެން ފޮއްދޫގެ ރައްޔިތުންނަށް ދިމާވެފައިވާ ލަފާފުރުމުގެ ދަތިކަމަށް އަދިވެސް އެންމެ އެދެވޭ ހައްލުވަނީ ނުލިބިފައެވެ. ރައީސް ޞާލިޙްގެ ސަރުކާރުން 3 ސެޕްޓޭމްބަރ 2023 ގައި އެމް.ޓީ.ސީ.ސީއާއި އެކު ފޮއްދޫ ބަނދަރު ހެދުމަށް ސޮއެކުރެވުންދިޔައީ ފޮއްދޫ އެންމެ ކުޑައިން ފެށިގެން ބޮޑުމީހާ އާއިހަމައަށް އުފާވެރިކަން ގެނުވިކަމަކަށެވެ. ނަމަވެސް އަދިވެސް ކަންބޮޑުވުމަކީ ބަނދަރުގެ އަމަލީ މަސައްކަތް ނުފެށި އޮތުމެވެ.

އިދިކޮޅު ޕީއެންސީގެ ނައިބް ރައީސް އަދި މާވަށު ދާއިރާގެ މެންބަރު އަލްފާޞިލް މުހައްމަދު ސައިދު ނ.ފޮއްދޫއަށް ވަޑައިގަތުން. ސައިދު ފޮއްދޫއަށް ވަޑައިގެންނެވީ އިދިކޮޅު ކެންޑީޑޭޓްގެ ކެންޕެއިނަށް ކަމަށް މައުލޫމާތު ލިބެއެވެ.

އެމްޑީޕީއާއި ގުޅިފައިވާ އިއްތިހާދުން އާހިތްވަރަކާއެކު ކެމްޕޭން ހަރަކާތްތައް ނ. ކުޑަފަރީގައި ފަށައިފިއެވެ.

ރައީސް އިބުރާހީމް މުހައްމަދު ސޯލިހު ދެވަނަ ދައުރަކަށް ހޮވުމަށް އެމްޑީޕީ އަދި އެމްޑީއޭއާއި ގުޅިގެން ގިނަހަރަކާތްތަކެއް ހިންގުމަށް ވަނީ ރާވާފައެވެ. "ވޯޓްލާ ދުވަހާޖެހެންދެން ކޮންމެ ދުވަހަކު ހެނދުނު 6 ކުން ފެށިގެ ރޭގަނޑު 12 ޖަހަންދެން، ހުއްޓުމެއްނެތި ކޮންމެދުވަހަކު ކެމްޕޭން ހަރަކާތްތައް ކުރިއަށްގެންދެވޭނެ" ކެމްޕޭނުގައި އިސްކޮން އުޅެފަރާތެއް މައުލޫމާތު ދިނެވެ. ރޭ ވަނީ ދެޕާޓީ ގުޅިގެން ކެމްޕެއިން ވޯކްސޮޕެއް ހިންގާފައެވެ. މި ވޯކްސޮޕްގައި ކެމްޕޭން ޓީމުގައި ހިމެނޭ ގިނައަދަދެއްގެ މެމްބަރުން ބައިވެރިވިއެވެ.

ޤައުމީދުވަހުގެ ދިދަ ނެގުމުގެ ރަސްމިޔާތު މިއަދު ހެނދުނު 6 ޖެހިއިރު، ނ.ކުޑަފަރީ އަނބާގޭ ސަރަހައްދުގައި ކުރިއަށް ގެންގޮއްސިއެވެ. ޤައުމީ ދިދަ ނަންގަވައިދެއްވީ ނ. ކުޑަފަރީ ކައުންސިލްގެ ނައިބުރައީސާ ހުމާމް އަބުދުއްރަހީމެވެ. ރަސްމިއްޔާގުގެ ބައިވެރިންނާއި މުޚާތަބުކުރައްވާ ކައުންސިލްގެ ރައީސާ އިލްތިމާސް ކުރެއްވީ ކޮންމެ ކަމެކައްގައިވެސް އަހަރެމެންގެ ޤައުމާއި އަހަރެމެންގެ ދީން އިސްކުރުމަށެވެ. މި ރަސްމިއްޔާގުގައި ރަށުގެ މުއައްސަސާތަކުގެ އިސްވެރިންނާއި ސުކޫލު ދަރިވަނުންނާއި އަދި ގިނަ އަދަދެއްގެ ރައްޔިތުން ބައިވެރިވިއެވެ.

ނ.ފޮއްދޫގެ ވޯޓް ފޮށީގެ ވޯޓްލުން މިހާރުވަނީ ބަންދުކުރެވިފައެވެ. ވޯޓް ގުނަން ފެށޭނެ ގަޑިއަކީ 17:35 ކަމަށް ފޮއްދޫ އިލެކްޝަން ގެ ފޯކަލް ޕޮއިންޓް ހާމަކުރެއްވިއެވެ.

ޖޯޝާއި ފޯރިއާއެކު ރިޔާސީ އިންތިޚާބުގެ ހަރަކާތްތައް ނ. ކުޑަފަރިން ނިންމާލާފިއެވެ. އުފާވެރި އަމާންރާއްޖެ ކެމްޕެއިން ނިމާލުމަށް ބޭއްވި ހިނގާލުމުގައި އެމްޑީޕީ އާއި ގުޅިފައިވާ އިއްތިހާދުގެ ގިނައަދަދެއްގެ ރައްޔިތުން ބައިވެރިވިއެވެ. މި ހިނގާލުމުގައި ބައިވެރިވި ރައްޔިތުން ބުނަމުން ގެންދިޔައީ، މާދަމާ 9 ސެޕްޓެމްބަރ 2023 ގައި ބާއްވާ އިންތިޚާބު ރައީސް އިބުރާހީމް މުހައްމަދު ސާލިހް އެއްބުރުން ކާމިޔާބު ކުރާނެ ކަމަށެވެ. "ރައީސް އިބޫގެ ކުޑަރަށެއް ބޮޑު ރަށެއް ނުބަލާ ތަރައްޤީ ގެންނަ ސިޔާސަތަށް ވަރަށް ބޮޑަށް ތާއީދު ކުރަން، މިހާރު ފަށާފައިވާ ގިނަ ތަރައްޤީގެ މަސްރޫޢޫތަށް ނިންމުމަށް ރައީސް އިބޫއަށް ދެވަނަ ދައުރެއް ދޭންޖެހޭ" ކެންޕެއިން ހަރަކާތުގެ ބައިވެރިއަކު ބުންޏެވެ.