ވިލިމާލެ އިން މިދިޔަ އަންގާރަ ދުވަހުގެ ރޭ ތެޔޮ ބޯޓެއްގައި ފުރި ދެ މީހަކު ގެއްލިގެން ހޯދަން ފުލުހުން އިއުލާންކޮށްފި އެވެ.
ފުލުހުން ބުނީ ގެއްލިގެން އުޅެނީ ގދ. ތިނަދޫ މަނާރު، މުހަންމަދު ނިޒާމް، 45، އާއި ބަންގްލަދޭޝްގެ ރައްޔިތެއް ކަމަށްވާ މުހަންމަދު ލިޓަން، 35، ކަމަށެވެ.
އެ މީހުންނާ ބެހޭ އެއްވެސް ހަބަރެއް ނުވެގެން ރިޕޯޓްކުރީ ޖެހިގެން އައި ބުދަ ދުވަހު ކަމަށް ވެސް ފުލުހުން ބުންޏެވެ. އެކަމަކު، ބޯޓު ފުރައިގެން ދިޔައީ ކޮންތަނަކަށް ކަމެއް، އަދި ގެއްލުނީ ކިހިނެއް ކަމެއް ވެސް ފުލުހުން އަދި ނުބުނެ އެވެ. އެކަމާ ބެހޭ ތަފުސީލެއް ވެސް ނުދެ އެވެ.
އެ ދެ މީހުންނާ ބެހޭ އެއްވެސް މައުލޫމާތެއް އެނގޭ މީހަކު ހުރި ނަމަ އެކަން ފުލުހުންނަށް އެންގުމަށް ފުލުހުން އެދެ އެވެ.