ހަފީޒު އެއާ އެންބިއުލެންސްގައި ބޭރަށް ގެންދަން އެހީ ލިބިއްޖެ

މާލޭގެ މަގުމަތިން ބާރު ސްޕީޑުގައި ދުއްވި ސައިކަލަކުން ޖެހި އަނިޔާވި ގައުމީ ޔުނިވާސިޓީ ލެކްޗަރާ އަލީ ހަފީޒަށް ބޭނުންވާ ހާއްސަ ފަރުވާ ދިނުމަށް ރާއްޖެއިން ބޭރަށް ގެންދަން އެހީ ލިބިފައިވާ ކަމަށް އާއިލާއިން ބުނެފި އެވެ.

ހަފީޒުގެ ހާލު ދެރަކަމުން ކޮމާޝަލް ފްލައިޓެއްގައި ރާއްޖެއިން ބޭރަށް ގެންދެވެން ނެތުމުން އެއާ އެންބިއުލެންސެއްގައި އޭނާ އިންޑިއާއަށް ގެންދިއުމަށް އެހީ ހޯދަން ފެށީ އިއްޔެ އެވެ. އޭނާގެ ގާތް ރައްޓެއްސަކު ކޮށްފައިވާ ޕޯސްޓެއްގައި ބުނީ އެއާ އެމްބިއުލާންސެއްގައި ރާއްޖެއިން ބޭރަށް ހަފީޒު ގެންދިއުމުގެ އިންތިޒާމު މިހާރު ހަމަޖެހިފައިވާ ކަމަށެވެ.

މި ކަމުގައި ހަފީޒުގެ އާއިލާގެ މެމްބަރުންނާއި އެކުވެރިންނާއި އެމްއެންޔޫގެ މުވައްޒަފުންގެ އިތުރުން ދަރިވަރުންނާއި އާންމުން އަދި ސަރުކާރުގެ އެހީތެރިކަން ލިބިފައިވާ ކަމަށް ހަފީޒުގެ އާއިލާއާ ހަވާލާދީ އެ ޕޯސްޓުގައި ބުނެފައިވެ އެވެ.

Air ambulance eh gai Hafeez beyrah gendhan ehee hoadhanee

The most trusted news source in the Maldives

Mihaaru

ހަފީޒްގެ ގާތް ބައެއް މީހުން ބުނި ގޮތުގައި، ހަފީޒްގެ ހާލު އަދިވެސް ވަރަށް ސީރިއަސް އެވެ. އޭނާއަށް ފަރުވާދެމުން އަންނަނީ އޭޑީކޭގެ އައިސީޔޫގަ އެވެ. އެކްސިޑެންޓްވި ދުވަހުން ފެށިގެން މިއަދާ ހަމައަށް ވެސް އޭނާގެ ހާލަތަށް ބަދަލެއް ނާދެ އެވެ.

ތައުލީމީ ދާއިރާއަށް 18 އަހަރަށް ވުރެ ގިނަ ދުވަހު ހިދުމަތްކޮށްދެއްވާފައިވާ ހަފީޒް އެކްސިޑެންޓް ވީ މިދިޔަ ބުދަ ދުވަހު ފަތިސްނަމާދުން ފައިބައިގެން މަޖީދީމަގުން ހިނގާފައި ދަނިކޮށް މަގުމަތިން ބާރު ސްޕީޑުގައި ދުއްވި ސައިކަލުން ޖެހި އެވެ. ފުލުހުން ބުނީ ސައިކަލް ދުއްވި 22 އަހަރުގެ މީހާ އަކީ ލައިސަންސް އޮންނަ މީހެއް ނޫން ކަމަށެވެ. މިއަދު ފުލުހުން ވަނީ އޭނާ ހައްޔަރުކޮށްފަ އެވެ.