ފިނޭންސް މިނިސްޓަރު މުނައްވަރު: އިލެކްޝަންސް ކޮމިޝަނުން ބުނީ ޕާޓީތަކަށް ދޫކުރަން ޖެހޭ ފައިސާގެ އަދަދު ކަނޑައަޅައި، ފައިސާ ދޫކޮށްދޭން ފިނޭންސް މިނިސްޓްރީ އަށް ހުށަހަޅާފައިވާ ކަމަށް.---މިހާރު ފޮޓޯ
08 އޮކްޓޯބަރ 2017 - 11:07
34 comments
ސިޔާސީ ޕާޓީތަކަށް ދައުލަތުގެ ބަޖެޓުން މި އަހަރަށް ކަނޑައެޅި ފައިސާ އަށް ވީ ގޮތާ މެދު ސުވާލު އުފެދިއްޖެ އެވެ.
މި އަހަރަށް ފާސްކުރި 27 ބިލިއަން ރުފިޔާގެ ބަޖެޓުން 0.1-0.2 ޕަސެންޓް (ގާތްގަނޑަކަށް 27 މިލިއަން ރުފިޔާ) ވަނީ ސިޔާސީ ޕާޓީތަކަށް ކަނޑައަޅައިފަ އެވެ.
ސިޔާސީ ޕާޓީތަކުގެ ގާނޫނުގައިވާ ގޮތުން މެމްބަރުންގެ އަދަދު 10،000 އަށް އަރާ ޕާޓީތަކަށް، އަހަރުގެ ފުރަތަމަ ތިން މަސް ދުވަހުގެ ތެރޭގައި އިލެކްޝަންސް ކޮމިޝަން (އީސީ) އިން ފައިސާ ޖަމާކޮށްދޭން ޖެހެ އެވެ. އެކަމަކު މި އަހަރު ނިމެން ދެ މަހަށް ވެފައިވާއިރު ވެސް ޕާޓީތަކަށް ފައިސާ ދުލެއް ނުކުރެ އެވެ.
އިލެކްޝަންސް ކޮމިޝަނުން ބުނީ ޕާޓީތަކަށް ދޫކުރަން ޖެހޭ ފައިސާގެ އަދަދު ކަނޑައަޅައި، ފައިސާ ދޫކޮށްދޭން ފިނޭންސް މިނިސްޓްރީ އަށް ހުށަހަޅާފައިވާ ކަމަށެވެ.
އެ ފައިސާ ނުދީ ހިފަހައްޓާ ސަބަބާ ގުޅޭ ގޮތުން ފިނޭންސުން ވާހަކައެއް ނުދެއްކި އެވެ. އެކަމަކު އެނގިފައިވާ ގޮތުގައި، އެ ފައިސާ ދިނުން ލަސްވަނީ ޕާޓީތަކަށް ކަނޑައެޅި އަދަދަށް ފައިސާ ދެވެން ނެތިގެންނެވެ.
ފިނޭންސް މިނިސްޓްރީގެ އޮފިޝަލަކު ވިދާޅުވީ އެއްވެސް ބަޔަކަށް ދައުލަތުން ފައިސާ ދޭން ޖެހޭނަމަ، ދޫކުރުމުގެ މަސައްކަތް ކުރިއަށްދާނެ ކަމަށެވެ. ތަފުސީލެއް ނުދެއްވި އެވެ.
ޕާޓީތަކުން ބުނެފައިވާ ގޮތުގައި ފައިސާ ނުދީ ލަސްކުރުމަކީ ގާނޫނާ ޚިލާފު އަމަލެކެވެ. މި މައްސަލާގައި އިދިކޮޅު ޕާޓީތަކުން ދަނީ ވަރަށް ބޮޑަށް ފާޑުކިޔަމުންނެވެ. ފައިސާ ދޫނުކޮށްގެން ޕާޓީތަކުގެ އިދާރީ ބައެއް ކަންކަމަށް ވެސް ހުރަސްއެޅިފައިވާ ކަމަށް ޕާޓީތަކުން ވަނީ ބުނެފަ އެވެ. ދައުލަތުގެ ބަޖެޓުން ދޭ ފައިސާ ސިޔާސީ ޕާޓީތަކުގެ މެދުގައި ބަހާނީ އެ ޕާޓީއެއްގެ ދަފްތަރުގައި މެމްބަރުންގެ ގޮތުގައި ރަޖިސްޓަރީ ކޮށްފައިވާ މެމްބަރުންގެ އަދަދުގެ ނިސްބަތުންނެވެ. އީސީގެ ތަފާސްހިސާބުތައް ދައްކާ ގޮތުން އެންމެ މެމްބަރުން ގިނަ ޕާޓީ އަކީ ޕީޕީއެމް އެވެ.
ވެރިކަން ކުރާ ޕާޓީ، ޕީޕީއެމަށް އީސީން ވަނީ މިދިޔަ އަހަރު 10 މިލިއަން ރުފިޔާ ޖަމާކޮށްދީފަ އެވެ. އިދިކޮޅު އެންމެ ބޮޑު ޕާޓީ އެމްޑީޕީއަށް ހަތް މިލިއަން ރުފިޔާ ޖަމާކޮށްދިންއިރު ޕީޕީއެމްގެ ކޯލިޝަން ޕާޓީ އެމްޑީއޭ އަށް ލިބެންޖެހޭ 2.8 މިލިއަން ރުފިޔާ އާއި ޖުމްހޫރީ ޕާޓީ އަށް ލިބެން ޖެހޭ 2.7 މިލިއަން ރުފިޔާ ވެސް ވަނީ ޖަމާކޮށްދީފަ އެވެ. މިދިޔަ އަހަރު ވެސް ޕާޓީތަކަށް ފައިސާ ޖަމާކޮށްދިނީ ބައެއް ޕާޓީތަކުން ބޮޑެތި ފާޑު ކިޔުންތަކެއް އީސީ އަށް އަމާޒުކުރުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަދުލު އިންސާފު
18 October 2017
އިންސާދުގެ ނަމުގައި ކޮމެންޓް ކުރެއްވި ބޭފުޅާއަށް ދަންނަވަން އޮތީ ތެދުފުޅެކޭ އިންސާފު އަރާ ހަމަކުރާނޭ. އެހެންވެގެންނޭ ނާއިންސާުފުން ކަންކަން ކުރި މީހުންގެ ވެރިކަން ވެއްޓުނީ. އެހެން ވެގެންނޭ ގައުމުގައި ހުޅުޖެހި މީހުންނަށް ގަދަކަން ނުލިބި މި އޮންނަނީ. އެހެން ވެގެންނޭ އަންދާޒާ ނުކުރާ 11 ވަރަކަށް ހާސް މީހުން ނުކުމެ ވޯޓް އިތުރުކޮށްގެން ރައީސް ޔާމީން ހޮވީ. އެހެން ވެގެންނޭ ނުހައްގުން ހައްޔަރުކުރި ގާޒިއަށް އިންސާފް ލިބުނީވެސް.އިންސާފު އަރާ ހަމަކޮށްގެން ވީ ބައެއް ކަންކަން މިދެންނެވީ
ބިއްލޫރިއެއާޕޯޓު
08 October 2017
މިރަށުއެއާޕޯޓު އަޅަން ކަނޑައެޅި ފައިސާވެސް ވީތަނެއް ނޭނގޭ
ނަމޫނާ ދާއިރާ
09 October 2017
ނ.މާފަރު ހދ.ކުޅުދުއްފުށި؟ ށ.ފުނަދޫ
ވޯލް
08 October 2017
ތިިޔަ މައްސަލަ ބަލާ ފިޔަވަޅު އަލަންޖެހޭ، އީސީ ނުނީ ފިނޭންސް މިނިސްޓަރއަށް ޤާނޫނުގައި ހިލާފު އަމަލެއް ހިންގުމުގެ ދައުވާ ކުރަންޖެހޭ، ސަބަބަކީ މިހެން ފައިސާ ނުލިބޭތީތާ ރައީސްއަށް ޕާޓީ ހިންގަން ރާއްޖޭގެ ހެޔޮއެދޭ މަހުޖަނުން ފައިސާ ކުރީގެ ނައިބ ރައީސް މެދުވެރިކޮށް ހަވާލުކުރާނީ.
އަހުމަދު އ
08 October 2017
ޕާޓީތަކުން ޖަރީމާ ހިންގަން ޖަމާ ކުރާ ރައްޔިތުންގެ ފައިސާ ބޮނޑި.
ހަޑިގިއްލާ
08 October 2017
ސަރުކާރުންހިންގާ ޖަރީމާ ކުޑައީތޯ؟ 1.2ބިލިޔަން ކަޓުވާލީ ޕާޓީތަކުންތޯ؟
ޖައިސާމް
08 October 2017
ހަގީގަތަކީ ޕާޓީތަކަށް ފައިސާ ނުދިނީމަ ގެއްލުންވަނީ ޕީޕީ އަދި އެމްޑީއޭ އަށް. އެއީ އެމީހުންނަށް ފައިސާ ހޯދޭނެ 'އެހެން ގޮތްތަށް' ހުރީމަ. މީގެ ބޭނުމަކީ އެހެން ޕާރޓީތައް ހިންގުމަށް ހުރަސް އެޅުން.
އިންސާފު
08 October 2017
އަދުލުއިންސާފު ގާއިމް ކުރައްވާ! ނުހައްގުން ގެއްލުވާލާފައިވާ މެމްބަރުން ގޮނޑިތައް އަލުން މެމްބަރުންނަށް ދެއްވާ މެމްބަރުންނާ ރައްޔިތުންގެ ހައްގުތައް އަދާކޮށްދެއްވާ, އެއްވެސް ފަރާތަކަށް ބޭއިންސާފުން ކަންތައް ނުކުރައްވާ, ދުނިޔެއަކީ ވަގުތީ ތަނެއް, އިންސާފުއަރާ ހަމަކުރާނެ, އެހީތެތިވާނެ ފަރާތެއް އާރެއް ބާރެއް ނޯންނާނެ ރަނގަޅަށް ވިސްނަވާ އިންސާފުން ރައްޔިތުންނާމެދު ކަންކަން ނިންމަވާދެއްވާ!
މާނު
08 October 2017
ހަމަ ރަގަޅަށް އެހަދަނީ. ގައުމު ފިތުނަ ކުރަން ހަރަދު ކުރަން ރައްޔިތުންގެ ފައިސާ ދޭނެ ކަމެއް ނެތް!
އެފައިސާ މިފައިސާ
08 October 2017
ބުރޯ އެ ފައިސާ ނުދިނަސް އެޔަށް ވީގޮތެއް އެބަ އެނގެން ޖެހޭ. ފައިސާގެ ނަން އަޑު އިވުނަސް ކުޅުދިޔާވެ ސޮނި ފައިބާ މީހެއްގެ ވާހަކަ ދައްކަން މިޖެހެނީ
އައްޑޫ ރަދުން
08 October 2017
ދެން ބުނޭ ތަރައްގީއަށް ޚަރަދުކޮއްލީއޭ...އޭރުން ރުމާދޭކުން އަތްޖަހާ އެއީ ތެދުފުޅެއް އެއީ ތެދުފުޅެއް ގޮވާ ނަގަން ފަށާނެ...
އަމީޒާބިިންތިޔަޒީދު
08 October 2017
މިތަނުގައި މިހާރު ހިނގަނީ ޖަންގަލީގެ ގާނޫނެވެ.
ތެދުބަސް
08 October 2017
މެމްބަރުންލައްވާ ވޯޓުލައިގެން މަގާމް ލިބުމުން, މެމްބަރުންތަކެއްގެ ގޮނޑި ހުކުމާވެސް ގާނޫނާވެސް ހިލާފަށް ގެއްލުވާލައި މާކުރިން ޕާޓީއިން ވަކިވެފައި ތިބި މެމްބަރުން ތަކެއްކަން އެނގިތިބެ އަދުލުއިންސާފެއްނެތި ގޮނޑިތައް ގެއްލުވާލައި ރައްޔިތުންނާއި އާއިލާ އާއި އެތައް ބައެއްގެ ހައްގުތައް ނިގުޅައިގަނެފައި ނުގެއްލޭ ގޮނޑިތަކަކަށް ބައި އިލެކްޝަން ބޭއްވުން. ހައްގު ނޫން އެއްޗެއްވާނީ ހަމަ ބާތިލް ބާތިލް ދެމިއެއް ނޯންނާނެ ﷲ ނަޞްރުދެއްވާނީ ހައްގަށް, މިއަދު ބޭއިންސާފުން ބަޔަކަށް އަނިޔާއެއް ދެވިދާނެ އެހެނަސް އެބަޔަކު އެކަން ދެކޭނެ ދުވަހެއް އަންނާނެ އިންޝާ ﷲ