ނަޝީދުގެ ވާހަކަފުޅު ފުލުހުން ދޮގުކޮށްފި

އެމްޑީޕީ ހަރުގެ ކައިރިއަށް އެއްވި ބަޔަކު ފޮނުވާލަން ފުލުހުން ހަރަކާތްތެރިވަނީ -- ފޮޓޯ: ހުސެއިން ވަހީދު/ މިހާރު

އާމިނަތު ޝިފްލީން، މިހާރު

10 ފެބުރުއަރީ 2018 - 17:05

އިސްލާމިކް ސްޓޭޓް (އައިއެސް)ގެ ހަނގުރާމަތަކުގައި ބައިވެރިވުމަށް ފަހު އެނބުރި ރާއްޖެ އަންނަ ދިވެހިން، ފުލުހުންގެ ތެރޭގައި ވެސް އުޅޭ ކަމަށް ކުރީގެ ރައީސް މުހައްމަދު ނަޝީދު ވިދާޅުވި ވާހަކަފުޅު ފުލުހުން މިއަދު ދޮގުކޮށްފި އެވެ.

އިންޑިއާގެ ނޫހެއް ކަމަށްވާ، "ދަ ޓައިމްސް އޮފް އިންޑިއާ"އަށް މިއަދު ދެއްވި އިންޓަވިއުއެއްގައި ނަޝީދު ވިދާޅުވީ އިރާގާއި ސީރިއާއިން އައިއެސްގެ ހަނގުރާމަވެރިން ފަހާލުމުން، އޭގެ ތެރޭގައި ތިބި ބައެއް ދިވެހިން އެނބުރި ރާއްޖެ އައިސް، ފުލުހުންނާއި ސިފައިންނާއި ކަސްޓަމްސް އަދި އިމިގްރޭޝަންގެ ތެރޭގައި މަސައްކަތް ކުރަމުން ދާ ކަމަށެވެ. އެހެންވެ، ދިވެހި ދައުލަތުގެ ތެރޭގައި މިހާރު އިތުރު ދައުލަތެއް އުފެދިފައިވާ ކަމަށް އެ މަނިކުފާނު ވިދާޅުވި އެވެ.

ކުރީގެ ރައީށް މުހައްމަދު ނަޝީދު ވާހަކަފުޅު ދައްކަވަނީ.-- ފޮޓޯ: ރައީސް އޮފީސް

ނަޝީދުގެ މި ތުހުމަތު ދޮގުކުރައްވައި ފުލުސް އޮފީހުން މިއަދު ނެރުނު ނޫސް ބަޔާނެއްގައި ބުނީ އެއީ ފުލުހުންގެ މުއައްސަސާގެ އަގުވައްޓާލަން އެމަނިކުފާނު ދެއްކެވި އެއްވެސް ހަގީގަތެއް ނެތް ވާހަކަފުޅުތަކެއް ކަމަށެވެ. އަދި އެއީ ފުލުހުންނާ މެދު ދެކޭ ގޮތް ބަދަލުކޮށް، ކުރާ އިތުބާރު ގެއްލުވާލަން، ނަޝީދުގެ އަމިއްލަފުޅު އެދުމެއްގައި ދެއްކެވި ވާހަކަފުޅުތަކެއް ކަމަށް ވެސް އެ ބަޔާނުގައި ބުންޏެވެ.

"އެހެންވެ، ފުލުހުންގެ އިދާރާއާ ގުޅޭ ގޮތުން މިފަދަ ހަގީގަތެއް ނެތް ވާހަކަތައް ނުފެތުރުމަށް އިލްތިމާސްކުރަމެވެ،" ފުލުހުން ލިއެފައިވެ އެވެ.

ފުލުހުން ބުނީ ފުލުހުންނާ ގުޅޭ ގޮތުން މި ފަދަ ވާހަކަ ފަތުރާ ނަމަ، އެކަމާ ދެކޮޅަށް ފިޔަވަޅު އަޅާނެ ކަމަށެވެ.

ދިވެހިންގެ ގިނަ ބަޔަކު ސީރިޔާ ފަދަ ގައުމުތަކުގައި ހަނގުރާމަ ކުރަމުން ދާ އިރު، އޭގެ ތެރެއިން ބައެއް މީހުން ވަނީ މަރުވެފަ އެވެ. އެކަމަކު ސަރުކާރުން ބުނީ ބޭރު ގައުމުތަކަށް ހަނގުރާމައަށް ދާ މީހުން ހުއްޓުވަން ގިނަ މަސައްކަތްތަކެއް ކުރަމުން އަންނަ ކަމަށެވެ.

ރައީސް މުހައްމަދު ނަޝީދު އިންޑިއާ ފުލުހުން ޖިހާދު ރާއްޖެ-އިންޑިއާ ހައްދުފަހަނައެޅުން ސީރިއާ އެމްޑީޕީ އިދިކޮޅު ފަރާތްތައް ކުއްލި ނުރައްކަލުގެ ހާލަތު

29 ކޮމެންޓް, 125 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ނަޝީދުގެ ހިޔަނި

02 May 2019

ހާދަ ޔަގީންކޮށޭ ތިބުނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސައިކޯ ވެލަޒިންނީ

24 July 2018

މަށަށް ވާ ގޮތަށް މޮޔަ ގޮވެނީ ދޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލު

11 February 2018

ފުލުހުންނާއި ސިފައިންނާ ދިމާކުރުމަކީ ވަރަށް ހިތާމަ ހުރިކަމެކެވެ. ކުރިން ވެސް މަނީ މަނީ ގޮވަމުން ދިއުމުގެ ނަތީޖާވެސް ދިވެހިންނަށް ވާނީ ފެނިފައެވެ. އިޙްތިރާމް ކުރި މިންވަރަކުން ނޫނީ އިޙްތިރާމެއް ނުލިބޭނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

Fareed

11 February 2018

ފުލުހުންނާ ސިފައިން ޤާނޫނާ އެއްގޮތަށް އަމަލުކޮށްބަލަ އޭރުން ދިމަލެއް ނުކުރާނެ ، އަތުގަ މުގުރާ ބަޑި ހުރީ މާ ނިކުމެ މީހުން ތަޅާ ރޯނާ ގަންނަވާފަ ހަށިފުއްޕީމަ ރައްޔިތުން އެއްޗެހިވެސްކިޔާނެ ، އެހެންކަންތައްވެސް ކުރާނެ . އިހްތިރާމް ކުރާނީ އިހްތިރާމްކުރާގޮތަށް އުޅުނީމަ. އޮޅިގެންނޫޅޭ .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަޒް

11 February 2018

ފުލުހުން ތި ތިބެނީ ތީ ވަރަށް އަގުހުރި ބައެއްކަމަށް ހީކޮއްތަ؟ ތީ މިހާރުވެސް އެއްވެސް އަގެއް ހުރި ބައެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހު ކަބީލަ

11 February 2018

ބައެއް ކަންތައްތަކަކީ ހަގީގަތެއް ކަމުގައިވިޔަސް އެވާހަކަ ދައްކަން ރަނގަޅުނޫން ވަގުތުވެސް ހުންނާނެ. މިއަދު ނަޝީދު އެވާހަކަ ހަގީގަތއް ދެއްކުމުން އެކަން ވަރަށް ހަރުކަށި އިބާރާތުން ކުއްވެރިކޮށް ހުރިހާ ފުލުހުންގެ ރުހުން ގާސިމް ހޯއްދަވައިފި. އަދި ވަރަށް މުނާފިގު ވާހަކައެއް ވެސް ގާސިމް ވިދާޅުވި. އެއީ، "ފުލުހުން ގާނޫނާ ޚިލާފު އެއްވެސް ކަމެއް ނުކުރާނެކަމުގެ ޔަގީންކަން ގާސިމަށް އެބައޮތޭ" ވިދާޅުވުން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޭގޭ

11 February 2018

ކުރީދުވަހު ރުމާލު 2 ޖަގަހައިގަ ޖަލްސާއެއް އޮތީތީ ތިބި ފުލުހުން އުޅުނީ އާދަޔާ ހިލާފަށް ބުރަކޮށް. ސައިކަލްތައް އެތާ ގިނަވެ މަގުމެދުގަ މީހުން އައިސް ޕާކު ކުރީމަވެސް ސްޓިކާ އެއްވެސް ނުޖަހާ. އެހެންހަދާ މީހުންގެ ސައިކަލުވެސް ޕާކިންޒޯނުގަ ޖާގަ ހަދާފަ ސައިކަލު ޖަހައިދެނީ. ހަމަ އެރޭ އުޅޭ އެމް.ޑީ.ޕީ ހަރުގޭގަ ބައްދަލުވުމެއް ބޭއްވިޔަ ނުދީގެން. މިހާބޮޑަށްވެސް ބަޔަސް ވާކަށް ނުވާނެދޯ. އެންމެންނަކީވެސް ދިވެހިން ވިއްޔަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުނިޔާ

11 February 2018

ކަލޭމެންނަށް އިތުބާރު ކުރާ ބަޔަކު މި ގައުމުގަ ތިބި ކަމަށް ހީކުރުމަކީ ހެދޭނެ އެންމެ ބޮޑުގޯސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލްޖިބްރާ

10 February 2018

ޤާނޫނު އަންބޮޑިއަށް ޖަހާފަ ޔާމީނުއަށް ހެއްލުނު ބަޔަކު ދައްކާވާހަކަ ޤަބޫޅުކުރާނެ ބަޔަކު މިހާރަކު ނެތް !

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕީޖޭ

10 February 2018

ފުލުހުންވަރު މުއައްސަސާއެއް މިގައުމުގައި ނެތް، މުޅިގައުމުގައި ކުށްކުރާމީހުން ތިބިއިރު އެތަނުގައިވެސް ތިބޭނެ ކުށްކުރާމީހުން، މިގައުމުގެ ހާލަތު ރަނގަޅުވެ އަދަބު އިހްތިރާމް ވެރިންނަށް ލިބެމުން ދިޔަ ދަނޑިވަޅެއްގައި އުއްތަމަ ފަނޑިޔާރު ބޮޑު ޖަރީމާއެއް ހިންގުމުން ވަރަށް ވ ދެރަ، ވެރިކަން ހޯދަން ވާނީ ގާނޫނީ އިމުގެ ތެރެއިން، ވޯޓުން އެކަންދެއްކީމަ ނިމުނީ..އަހަންނަށް ވަރިހަމަ ކޮންމެ ވެރިއަކު ހުރިކަމަށްވިއަސް އަމިއްލަ މަސައްކަތުން ހަލާލުފައިސާ ހޯދައިގެން އުޅޭނީ، ރާއްޖޭ އެންމެން ރިބާކާ ލޯނުނަގައިގެން ހުއްދަކަމަކަށް ހެދިޔަސް އެވެސް ނުނަގާނަން އިންޝާﷲ