ފަނޑިޔާރުންތަކެއް ހުވާކުރެއްވުމަށް މިދިޔަ މަހުގެ 25 ވަނަ ދުވަހުގެ ރޭ ސުޕްރީމް ކޯޓުގައި ބޭއްވި ރަސްމިއްޔާތުގައި އުއްތަމަ ފަނޑިޔާރު އަބްދުﷲ ސައީދާއި އެ ކޯޓުގެ އެހެން ފަނޑިޔާރުން ބައިވެރިވެވަޑައިގަންނަވަނީ.---ފޮޓޯ: މިހާރު
13 ފެބުރުއަރީ 2018 - 17:29
39 comments
ރާއްޖޭގައި ގާނޫނީ ގޮތުން އުފެދިފައި އޮތް ސަރުކާރު ވައްޓާލުމަށް ބޮޑު ކުންފުންޏަކުން 2.4 މިލިއަން ޑޮލަރުގެ މަންފާއެއް، އުއްތަމަ ފަނޑިޔާރު އަބްދުﷲ ސައީދަށް ލިބިވަޑައިގެންފައިވާ ކަމަށް ފުލުހުން ބުނެފި އެވެ.
ސުޕްރިންޓެންޑެންޓް އޮފް ޕޮލިސް އަހުމަދު ޝިފާން ނޫސްވެރިންނާ ބައްދަލުކުރައްވައި މިއަދު ވިދާޅުވީ ރާއްޖޭގެ ކުންފުނިން ސުޕްރީމް ކޯޓުގެ ފަނޑިޔާރުންނަށް ނާޖައިޒު މަގްސަދެއް ހިމެނޭ ގޮތަށް ދިން ކަމެއް ތުހުމަތު ކުރެވޭ 2.4 މިލިއަން ޑޮލަރު ސީދާ ލިބިވަޑައިގެންނެވީ އުއްތަމަ ފަނޑިޔާރަށް ކަމަށެވެ.
އެ ފައިސާ ބޭނުން ކުރައްވައިގެން އުއްތަމަ ފަނޑިޔާރު ރާއްޖެ އާއި ރާއްޖެ އިން ބޭރުން އަގު ބޮޑު މުދާ ބައްލަވައިގަތުމަށް މަސައްކަތް ކުރެއްވި ކަމަށް ވެސް ޝިފާން ވިދާޅުވި އެވެ.
"ރިޝްވަތުގެ ފައިސާ ބޭނުންކޮށްގެން (އުއްތަމަ ފަނޑިޔާރު) ރާއްޖެ އާއި ރާއްޖެއިން ބޭރުން އަގުބޮޑެތި ޕްރޮޕެޓީސް ގަތުމަށް އެތަންތަން ބަލަން ދަތުރުކޮށް، ޒިޔާރަތް ކުރި ކަމާއި ވިޔަފާރި ހިންގާ ކަމުގެ ކިތާބީ ހެކި ވަނީ ލިބިފައި،" ނޫސްވެރިންނަށް ސުވާލުކުރުމުގެ ފުރުސަތު ނުދީ ޝިފާން ވިދާޅުވި އެވެ.
މީގެއިތުރުން ދައުލަތް ހިންގުމަށް ހުރަސް އަޅައި ސުޕްރީމް ކޯޓުގެ އައިޓީ ވިއުގައި ހުއްޓުމަކަށް ގެނައުމުގެ މަސައްކަތް ކުރެއްވީ އުއްތަމަ ފަނޑިޔާރުގެ ސީދާ އަމުރުގެ ދަށުން ކަމަށް އޭނާ ވިދާޅުވި އެވެ.
ފުލުހުން އުއްތަމަ ފަނޑިޔާރުގެ މައްޗަށް ކުރާ ތުހުމަތުތަކަކީ ރިޝްވަތުގެ ގޮތުގައި ފައިސާ ހިފުމަށް ފަހު، ޝަރުއީ ހުކުމްތައް ވަކި ގޮތަކަށް ކުރުމާއި ގާނޫނީ ގޮތުން އުފެދިފައި އޮތް ސަރުކާރު، މަގާމުގެ ނުފޫޒު ބޭނުންކޮށްގެން ބަދަލުކުރަން މަސައްކަތް ކުރުމާއި ދައުލަތް ހިންގުމަށް ހުރަސް އެޅުމާއި ޖިނާއީ އަދުލުގެ ނިޒާމު ހިންގުމަށް ގަސްދުގައި ހުރަސް އެޅުމެވެ.
މިދިޔަ އާދިއްތަ ދުވަހު ފުލުހުން ބޭއްވި ނޫސްވެރިންގެ ބައްދަލުވުމުގައި ޝިފާން ވަނީ ސުޕްރީމް ކޯޓުގެ ފަނޑިޔާރު އަލީ ހަމީދުގެ އާއިލާ އަށް، ރާއްޖޭގައި ވިޔަފާރި ހިންގަމުން އަންނަ ބޮޑު އަދި ބިޔަ ކުންފުންޏަކުން 2.4 މިލިއަން ޔޫއެސް ޑޮލަރުގެ އެހީއެއް، ލޯނެއްގެ ގޮތުގައި ދީފައިވާކަމަށް ވިދާޅުވެފަ އެވެ.
އަލީ ހަމީދަށް ނިސްބަތްވާ ދަބަހަކުން 3.4 މިލިއަން ރުފިޔާ ފެނިފައިވާ ކަމަށް ވެސް ޝިފާން ވިދާޅުވި އެވެ. ޝިފާން ވިދާޅުވި ގޮތުގައި ދަބަހުން ފެނުނީ 215،000 ޔޫއެސް ޑޮލަރާއި 150،000ރ. އެވެ.
ރާއްޖޭގައި ގާނޫނީ ގޮތުން އުފެދިފައި އޮތް ސަރުކާރު ވައްޓާލަން އުޅުނު މައްސަލައިގައި މިހާތަނަށް 13 މީހަކު ފުލުހުން ވަނީ ހައްޔަރުކޮށްފަ އެވެ. އޭގެތެރޭގައި އުއްތަމަ ފަނޑިޔާރާއި އަލީ ހަމީދުގެ އިތުރުން ކުރީގެ ރައީސް މައުމޫން އަބްދުލްގައްޔޫމާއި ޗީފް ޖުޑިޝަލް އެޑްމިނިސްޓްރޭޓަރު ހަސަން ސައީދު ހިމެނިވަޑައިގަންނަވަ އެވެ.
މީގެއިތުރުން ރައްޔިތުންގެ މަޖިލީހުގެ ތިން މެމްބަރުން ކަމުގައިވާ ދިއްގަރު ދާއިރާގެ މެމްބަރު އަހުމަދު ފާރިސް މައުމޫނާއި ދަނގެތި ދާއިރާގެ މެމްބަރު އިލްހާމް އަހުމަދާއި މައްޗަންގޮޅި ދެކުނު ދާއިރާގެ މެމްބަރު އަބްދުﷲ ސިނާން ހިމެނިވަޑައިގަންނަވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޭލާ
14 February 2018
ރައީސް ޔާމީނުވެސް ވިދާޅުވެފައިވާ އެމަނިކު ފާނު އުޅުއްވާ ހާލަތު އެނގޭ އެމަނިކުފާނުގެ ރަހުމަތްތެރިން އެހީތެރިވާކަމަށް. ސުވާލަކީ އެ ވިދާޅު ރައްޓެހިންގެ ތެރޭގައި ރާއްޖޭގެ ވިޔަފާރިވެރިންނާއި ރާއްޖޭގައި އިސްވެސްޓް ކޮށްފައި ބޭރުގެ ފަރާތްތަކާއި އެކަމަށް ޝައުވެރިވާ ފަރާތްތައް ނުހިމެނޭތޯއެވެ. އަދި އެއީ ވަކި މަންފާއެއް ހޯދަން ކަމަން ނުވާނެތޯއެވެ. އެހެން ކަމަށްވާނަމަ ކުއްފުންޏަކުން އުއްތަމަ ފަޑިޔާރަށް ލޯނެއް ދިނުމަކީ ރިޝަވަތު ކަމުގައި ޝަރުއީ އަދި ގާނޫނީ ހަމަތަކުން ބަލާނީ ކިހިނެތްހޭ!
ރާޝީ
14 February 2018
އެވެސް ރިޝްވަތު މިވެސް ރިޝްވަތު..
ކަމަނާ ފާތުން
14 February 2018
2.4 ގެ ވާހަކައަކީ 2013 ވަނަ އަހަރު އިންތިހާބް އޮޅުވާލަން ހުށައެޅި އަދަދުތޯ؟
ހަބޭސްބބބބ
14 February 2018
ތިއިންއެގެނީ ކުރިންވެސް ތިފަދަ މަންފާ އެމީހުންނަން ނުލިބި އެގޮތަށް ޙުކުމްތަށް ނުކުރާނެކަން
ޔާނު
14 February 2018
ސުވާލަކީ ދަޢުލަތުގެ އުއްތަމަ ފަނޑިޔާރު ހައްޔަރު ކުރިގޮތް! ރިޝްވަތުނަގައި އެހެނިހެން ޖިނާއީ ކުއްކުރީމަ ކަންކަން ކުރަންޖެހޭގޮތް ގާނުނުގަ ވ. ސާފުދޯ!! ސުޕްރީމް ކޯޓުތެރެއަށް ވަދެގަނެގެން ތިހިންގި އަމަލަކީ އަބުދުﷲ ގާޒީ ހައްޔަރު ކުރުމަށްވުރެވެސް މާބޮޑު ގޯހެއް!! މިވާހަކަ ދައްކަނީ މުޅިދަޢުލަތުގެ އެންމެފަހުބަސް އިއްވާ ކޯޓުގެ އުއްތަމަފަނޑިޔާރުގެވާހަކަ!!
ފަރަޝް
14 February 2018
މިހާރު މިގައުމުގެ %80 މީހުން ޕޮލިހުންނާ ސިފައިން ދައްކާ ވާހަކަ ގަބޫލެއް ނުކުރާނެ. ތިބޭފުޅުންނަށް ޑްރަގްސް ޑީލަރުން މީހުން މަރާމީހުން ނުހޯދެނީ ކީއްވެގެންތަ. ސިޔާސީ ބޭފުޅުން ފްރޭމް ކުރުން ނޫންކަމެއް ތިބޭފުޅުންނަށް ނުކުރެވެނީ ކީއްވެގެންތޯ؟
ސިވިލްސަރވިސް މުވައްޒަފު
14 February 2018
ފުލުސްމީހާއަށް ވަރަށް ސަލާން.. ކާނަލް ނާޒިމް އޭ ކިޔާފަތިހެް ވާހަކަ ދެއްކީ ކޮންބައެއް.. ޑޮކްޓަރ އަފްރީޝީމްގެ މަރުގެ މައްސަލަގައި ނުފުރޮޅާއެއްވެސް ގަލެއް ނުބާއްވާނަމޭ ބުނެ ކަންކަން އެނގުމުން ވަކި ހިސާބަކުން ހެދީ ކިހިނެއް؟ ނޫސް ވެރިޔާ ރިޟްވާންގެ ކަންތައް މުޅި ގައުމަށް އިނގޭ.. އަދީބު އަށް މި ޤައުމުގެ ބައެއް މީހުން އަޅުކަންކުރި އިރު ކޮބާ ކަލޭމެން..؟؟؟ ފުލުހުން ކަނޑައެޅިގެން ރައްޔިތުންނަށް އޮޅުވާލާ ދޮގުހެދުމަށްފަހު، އަދި ސީދާ ދޮގު ހެކިބަސްދީފައިވާ ކަމާއި، ދިވެހި ރައްޔިތުންގެ ތެރެއިން އެތަކެއް ބަޔަކު ފްރޭމް ކޮށްފައިވާ ކަމީ މިއަދު މުޅި ރާއްޖޭގެ ކުދިބޮޑު އެންމެން ދަންނަ ޙަޤީގަތެއް.. ޖަލުގައި ބަންދުކޮށްފައި އެތިބީ ކިތައް މީހުން..؟؟ ހަމަ އެއީވެސް ތިބުނާ ސްޕްރީމް ކޯޓުން ޙުކުމް ކޮށްގެން.. އެއީވެސް ސަރުކާރުންނާއި ފުލުހުންގެ އޭގައި ޝާމިލްވެގެން ކުރުވި ކަންތައްތަކެއްގެ ނަތީޖާ.. ކާނަލް ނާޒިމްގެ ގެޔަށް ފިސްތޯލަ ވެއްދީ ޚުދު ފުލުހުންކަން އެނގޭ.. އިސްލާޙްވޭ.. ނޫނީ އިސްލާޙް ކުރާނަން..
ޢަޛާން
14 February 2018
ޙުސް ފޭކު ވާހަކަ.
ޚާމިން
14 February 2018
ފުޜޭމް ކޮއްލީބާ
މެންޓަލިސްޓް
14 February 2018
ޝީފާންއަށް ވަރަށް ސަލާމް ،،، ތިޔަހެން ތިބޭފުޅުން ނާޒިމްސޯއާޢި ބެހޭގޮތުންވެސް ޕްރެސްކޮންފަރެންސް ދީއުޅުނު ،،، އަފްރީޝީމްގެ މައްސަލަވެސް ،،، ރިލްވާނެމައްސަލަވެސް ،،، އަދި އަދީބްގެ މައްސަލަތައްވެސް ،،،، މިހުރިހާ މައްސަލަތަކުގައި ތިޔަބޭފުޅުން ދޮގުމައުލޫމާތް ފެތުރިކަމީ މުޅިގައުމު ހެކިދޭކަންކަން ،،، އޭގެ ކިތާބީ އަދި ވީޑިއޯ ހެކިވެސް އެބަހުރި ،،،، ވީމާ މިއަދަކު ގައުމަކުނެތް ތިބޭފުޅުންގެ ވާހަކަތަށް ގަބޫލްކުރާނޭ ފަރާތްތަކެށް ،،، އެހެންވީމައި ތިޔަދައްކަވަނީ ބޭކާރުވާހަކަ ،،،، މައައްސަލާމާ
99
14 February 2018
ވިލާ ކައްއިގޭ