އިދިކޮޅު އެމްޑީޕީން ކަނޑުމަތީގައި މީގެ ކުރިން ބޭއްވި މުޒާހަރާއެއް.
14 މާޗް 2018 - 13:19
87 comments
އިދިކޮޅު ފަރާތްތަކުން ބާއްވާ އެއްވުންތަކުގައި ބައިވެރިވާ މީހުން އުފުލާ ނަމަ ދޯނިފަހަރުގެ މަސްވެރިކަމުގެެ ލައިސަންސް ބާތިލް ކުރާނެ ކަމުގެ އިންޒާރު ފިޝަރީޒް މިނިސްޓްރީން މިއަދު ދީފި އެވެ.
އަންނަ ހުކުރު ދުވަހު މާލޭގައި ސަރުކާރާ ދެކޮޅަށް ބޮޑު މުޒާހަރާއެއް ބޭއްވުމަށް އިދިކޮޅު ފަރާތްތަކުން ދަނީ ވަރަށް ބޮޑަށް ތައްޔާރުވަމުންނެވެ. އަދި މި މުޒާހަރާގައި ރަށްރަށުން ވީހާ ވެސް ގިނަ ބަޔަކު މާލެ އައިސް، ރައީސް އަބްދުﷲ ޔާމީންގެ ސަރުކާރާ ދެކޮޅަށް އަޑު އުފުލުމަށް އިދިކޮޅު ފަރާތްތަކުން ގޮވާލަ އެވެ.
ބޮޑު އެއްވުން ބާއްވަން ތައްޔާރުވަމުން ދަނިކޮށް، ފިޝަރީޒް މިނިސްޓްރީން ނެރުނު ބަޔާނެއްގައި ބުނީ ލައިސަންސް ނަގައިގެން މަސްވެރިކަމުގައި އުޅޭ ދޯނިތަކުން ރާއްޖޭގައި މިހާރު ހިނގަމުންދާ ބައެއް ހަމަނުޖެހުންތަކާއި ޣައިރު ގާނޫނީ ބައެއް އެއްވުންތަކުގައި ހަރަކާތްތެރިވުމަށް މީހުން އުފުލަމުންދާ ކަމަށެވެ. އަދި އެފަދަ މީހުން އުފުލަން ތައްޔާރުވަމުންދާ ކަމަށް ވެސް އެ ބަޔާނުގައިވެ އެވެ.
އެހެންކަމުން ޣައިރު ގާނޫނީ ހަރަކާތްތަކަށް މަގު ފަހިކުރުމަށް، މަސްވެރިކަން ކުރުމުގެ ލައިސަންސް ހޯދާފައިވާ ދޯނިތައް ބޭނުން ކުރުމަކީ މަނާ ކަމެއް ކަމަށް ވެސް އެ ބަޔާނުގައިވެ އެވެ.
މިފަދަ ހަރަކާތްތަކުގައި މަސްވެރިކަމުގެ އުޅަނދުފަހަރު ބޭނުންކޮށްފި ކަމުގައިވާ ނަމަ، މަސްވެރިކަން ކުރުމަށް ފިޝަރީޒް މިނިސްޓްރީން ދޫކޮށްފައިވާ ލައިސަންސް ބާތިލްކޮށް، އެފަދަ އުޅަނދުފަހަރާ މެދު ހަރުކަށި ފިޔަވަޅު އަޅާނެ ކަމަށް ވެސް ފިޝަރީޒް މިނިސްޓްރީން ނެރުނު ބަޔާނުގައިވެ އެވެ.
މަސްވެރިކަމުގެ ގާނޫނުގެ ދަށުން ހަދާފައިވާ ގަވައިދުގައި ބުނެފައިވަނީ ލައިސަންސް ލިބިފައިވާ ފަރާތަކުން ރާއްޖޭގެ އާންމު މަސްލަހަތަށާއި ގައުމަށް ނުރައްކާވާނެ ފަދަ އެއްވެސް ކަމެއް ކުރާނަމަ ނުވަތަ ކޮށްފިނަމަ ނުވަތަ ކުރުމަށް މަސައްކަތްކޮށްފި ނަމަ، އެކަމުގެ ކުޑަބޮޑުމިނަށް ބަލައި އެ ފަރާތްތަކަށް ދީފައިވާ ލައިސަންސް އަނބުރާ އަތުލުމުގެ އިހްތިޔާރު މިނިސްޓްރީއަށް ލިބިގެންވާ ކަމަށެވެ.
ވެރިކަން ކުރާ ޕީޕީއެމުން އިއްޔެ ބުނީ ރާއްޖޭގެ ހަމަޖެހުން ނަގާލުމަށް އަންނަ ހުކުރު ދުވަހު ފުރުސަތު ނުދޭނެ ކަމަށެވެ. ރާއްޖޭގައި ގާނޫނީ ގޮތުން އުފެދިފައި އޮތް ސަރުކާރު ވައްޓާލަން ނިކުތް ބަޔަކާ ދެކޮޅަށް ގާނޫނު އަރާ ހަމަ ކުރާނެ ކަމުގެ އިންޒާރު ވެސް ޕީޕީއެމުން ވަނީ ދީފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްދުކަލޯ
15 March 2018
ސައްޔިދޫ. ޖެނެރަލޫ. އެންމެ ގިނަމީހުން އަންނާނީ ފްލައިޓުން. ދާންވީ ބައެއް މިހާރު ގޮސް ނިމިއްޖެ. ދޯނިން ދާކަށްނުޖެހޭ....
ކައްޕިބޯހަލާކު
15 March 2018
ދެން ފްލައިޓުން ބުދަ، ބުރާސްފަތި އަދި ހުކުރު ދުވަހު ހެނދުނު އަންނަން ތިބި މީހުންނަކީ ކޮން ޕާޓީ އަކަށް ނިސްބަތްވާ މީހުންބަލާ. އެމީހުންނަކީ އިދިކޮޅު މީހުންނަމަ، އެމީހުން އުފުލާ މޯލްޑިވިއަން ފްލައިޓްގެ ހުއްދަ ބާތިލްކުރޭ. އަދި އެމީހުން އުފުލާ ހުޅުލޭ ފެރީއާ އަދި ޓެކްސީ ނުވަތަ ޕިކަޕްގެ ވެސް ހުއްދަ ބާތިލްކުރޭ. ކޮންތާކުން ގާނޫނާ ގަވާއިދު އުފަންކުރާބައެއްތަމީ؟ވެރިކަމާހުރެ ބޫތުކައިފަ!
އެމްސް
15 March 2018
އިދިކޮޅު ޚިޔާލަށް ޖާގަ ނުލިބޭ ތަނަކު ޑިމޮކްރަސީއެއް ނޯންނާނެ
ސޮކްތެރެޕީ
15 March 2018
މިރާއްޖޭގެ ގިނަމީހުން ބޭނުމެއްނުވޭ ނަޝީދު ހޮވާކަ.
ބެމްބޫ
15 March 2018
ފިޝަރީޒުގެ ހުއްދަ ބޭނުންވޭތަ މަސް ބާނަން. އެހުއްދަ ނެތިއްޔާ މަސް ނުބޭނޭނެތަ. ތިވާގޮތުން ދިވެހިން މަގުމަތީގައި ހިގާށާއި ކައިބޮއި އުޅެންވެސް ހުއްދަނަގަން ޖެހެނީތާ.
ޑޮކްޓަރުންގެ ސިޓީ / އައްޑޫ ސިޓީ
15 March 2018
އިޤިރޭސި އެމަރިކާ ކެނަޑާ، އިންޑިޔާ އެމްބެސެޑަރުން އެބޭފުޅުން އެދިގެން އައްޑޫ ސިޓީ ކައުންސިލާއި ހުވަދޫ ބައެއްކައުންސިލްތަކާ ބައްދަލުކުރުމުން ޔާމިން އަބުދުލް ޤައްޔޫމް ގެ ސަރުކާރަށް ތަހައްމަލްކުރަން އުދަގޫކަމަކަށް އެކަންވި. . . ޔާމިންގެ ސަރުކާރުންއެބުނަނީ ރާއްޖޭގެ ޤާނޫނުއަސާސީ އާއި ހިލާފްވުމުގެއިތުރަށް ރާއްޖެއެއަށް އަމަލުކުރުމަށް އެއްބަސްވެ ސޮއިކޮށްފައިވާ ޕެރިސް ޑެކްލަރޭޝަން އާއިވެސް މުޅިން ހިލާފު “ރޭސިޒަމްގެ” އަމަލެއްހިންގާނެކަމުގެ ވާހަކަ. . . ޑިމޮކްރެޓިކް ޤާނޫނެއްގެދަށުން ހިންގާދައުލަތެއްގައި އަމުދުން އދ އިންސާނީހައްޤުތަކުގެ މުއާހަދާޤަބޫލުކޮށްގެން ތިބިބަޔަކު “ރައްޔިތުންގެދަތުރު ފަތުރަށްހުރަސްއަޅާ އިޤްތިސޯދީ ކަންކަމަށް ޤާނޫނީބާރަކާއިނުލާ ދަތިކުރާނެ ވާހަކަދެއްކުމަކީ ބައިނަލްއަޤުވާމީކުށެއް”ސަރުކާރުންމިކަމަށް މާފަށް އެދެންޖެހޭނެ. . . ރާއްޖޭގައި ނަސްލީތަފާތުކުރުން އޮންނަކަން އިގެނީ މާލޭ މީހުންނަށް އެހެން ރަށްރަށަށް ދިއުމަށް ހުރަހެއްނެތިފައި ރަށްރަށުގެ މީހުން މާލެ އައުން “ބޮޑު ބިރަކަށް” ވާތީ.
އަތްފުނާ
14 March 2018
ހުއްދަ ބާތިލް ކުރުމުގެ އިތުރުން އޭގައިވާ އިންޖީނުވެސް ނަގަންވީ.އެމީހުންނަށް ހުއްދަ ދިނީ އެއްގަމުމަސް ބާނަކަށެއްނޫން
އައްދޭ
14 March 2018
މުޒާހަރާއަށް ނޫނަސް މީހުން އުފުލޭނެ އަދި އެމީހުން މުޒާހަރާގައި އަމިއްލަ ގޮތުން ބައިވެރިވުމަކީ ދޯނީގެ ހުއްދަ ބާތިލް ކުރަންޖެހޭނެ ކަމެއްނޫން! އަދި ނުވެސްވާނެ ތިކަމެއް! މަސްވެރިކަމަކީ ދިވެހިންގެ ލޭނާރު އެއާ ކުޅެން ނުހަދާތި! ކަލޭމެން ތިކުރާ ހުރިހާކަމެއްގެ އުނދަގޫވަނީ ހަމަ ރައްޔަތުންނަށް! ދެން މިނިމެނީ..ނިމެނީ!!!
ގާނޫނޭ
14 March 2018
މިވެސް އަލަށް ހަދަންޖެހޭ ގާނޫނެއްތަ؟ ކޮންމެ ދުވަހަކު މިހެން އާ ގާނޫނޫ ހަދަމުން ދެން ދާން ޖެހޭނީ. މާދަމާ އިދިކޮޅު މީހުން އުފުލާ ޓެކްސީގެ ލައިސަންސްވެސް ބާތިލް ކުރަން ޖެހިދާނެ އޭގެ އަނެއްދުވަހު މުޒާހަރާކުރާ މީހުން ކާން ބޭނުންކުރާ ހޮޓާތަކާއި ރެސްޓޯރެންޓްތައްވެސް ބަންދުކުރަންޖެހިދާނެ. ލޮލް.
ދިރާސާ
14 March 2018
މާދަން ބުނާނެ މުޒާހަރާއައް ގޮސްފިއްޔާ އަނބި ފިރި ކަމުގެ ހުއްދަވެސް ބާތިލް ކުރާނަމޭ. ކީއްވެތަ ބިރުދައްކަނީ. މީ 21 ވަނަ ގަރުނޭ. ހިޔާލުފާޅު ކުރުމަކީ މިހާރު ކެއުން ބުއިން ފަދައިން އެންމެ އާދައިގެ އިންސާނީ ހައްގެއް.