ފައިސަލް، އދ. ފެންފުށީގެ ބައެއް ރައްޔިތުންނާއެކު ފޮޓޯއަކަށް ހުއްޓިގެން. -
30 ޖުލައި 2018 - 22:10
11 comments
ރިޝްވަތަކީ އާންމު އެއްޗަކަށް ހަދަން ސަރުކާރުން މަސައްކަތް ކުރުމަކީ ގަބޫލު ކުރެއްވޭނެ ކަމެއް ނޫން ކަމަށް އިދިކޮޅު ކޯލިޝަންގެ ކެންޑިޑޭޓް އިބްރާހިމް މުހައްމަދު ސޯލިހް (އިބޫ) ގެ ރަނިންމޭޓު ފައިސަލް ނަސީމް މިއަދު ވިދާޅުވެއްޖެ އެވެ.
ގާނޫނުލްއުގޫބާތުގައި ރިޝްވަތުގެ ކުށް ކަނޑައަޅާފައިވާ މާއްދާ އުވާލެވޭ ގޮތަށް ސަރުކާރުން ރައްޔިތުންގެ މަޖިލިހަށް ބިލެއް ހުށަހަޅާފައިވާ މައްސަލައިގައި އިދިކޮޅު ފަރާތްތަކުން ދަނީ ފާޑު ކިޔަމުންނެވެ. އެ ފަރާތްތަކުން ބުނާ ގޮތުގައި، އިސްލާމް ދީން ހަރާމް ކޮށްފައިވާ ކަމެއް ހުއްދަ ކުރަން އުޅެގެން ނުވާނެ އެވެ.
އދ. ފެންފުށީ ރައްޔިތުންނާ ބައްދަލު ކުރައްވައި، ކާށިދޫ ދާއިރާގެ ޖުމްހޫރީ ޕާޓީގެ މެމްބަރު ފައިސަލް ވިދާޅުވީ ދިވެހިންގެ ފައިސާ އެއްވެސް މިންވަރަކަށް ނަހަމަ ގޮތުގައި ބޭނުން ކުރެވޭ ނަމަ، އެކަމާ ދެކޮޅަށް ކޮންމެ ރައްޔިތަކު ވެސް ނުކުމެ އަޑު އުފުލާނެ ކަމަށެވެ. އަދި، އެއް އަޑަކުން ދިވެހިން މިހާރު ވެސް ގޮވަނީ އެމްއެމްޕީއާރުސީގެ ފައިސާ އަށް ވެގެންދިޔަ ގޮތް ސާފުކޮށް ދިނުމަށް ކަމަށް ވެސް ފައިސަލް ވިދާޅުވި އެވެ.
ފައިސަލް އާއި އިދިކޮޅު ބައެއް ބޭފުޅުން، އދ. ފެންފުށީގެ ބައެއް ރައްޔިތުންނާއެކު ފޮޓޯއަކަށް ހުއްޓިގެން. -
"އެތައް މިލިއަން ޑޮލަރެއް ވީނުވީއެއް ނޭނގިގެން އެ ހޯދުމުގެ މަސައްކަތް ކުރަން ޖެހިފައި މި އޮތީ،" ރާއްޖޭގައި މި ފަހުން ހިނގި އެންމެ ބޮޑު ހިޔާނާތާ ގުޅޭގޮތުން ފައިސަލް ވިދާޅުވި އެވެ.
މި އަހަރުގެ ރިޔާސީ އިންތިޚާބުގެ ކެމްޕެއިނަށް އދ. އަތޮޅަށް ވަޑައިގެން ހުންނެވި ފައިސަލް ވިދާޅުވި ގޮތުގައި މާލޭގައި އިމާރާތް ކުރަމުން އަންނަ 25 ބުރީގެ ދަރުމަވަންތަ ހޮސްޕިޓަލަށް ބަލާއިރު، ހަމަ އަގުގައި، ރަނގަޅަށް އެކަން ކުރާ ނަމަ، 50 މިލިއަން ޑޮލަރު ވެސް ނާރާނެ އެވެ.
އެކަމަކު، އެ އިމާރާތުގެ އަގު ތިނެއް ނޫނީ ހަތަރު ގުނަ އަށް މައްޗަށް އަރައިގެން ގޮސްފައިވާކަން ފައިސަލް ފާހަގަކުރެއްވި އެވެ. އޭނާ ވިދާޅުވި ގޮތުގައި، ބޮޑެތި މަޝްރޫއުތައް ހެޔޮ އަގުގައި ހިންގި ނަމަ، ރަށްރަށުގައި ފުރިހަމަ ކުރަން ޖެހޭ ސިއްހީ ނިޒާމުގެ ކަންކަމާއި އެހެނިހެން ކަންކަން ފުރިހަމަ ކުރެވުނީހެވެ.
ފައިސަލް ވިދާޅުވީ އިދިކޮޅު ފަރާތްތަކުގެ ބޭނުމަކީ ރައްޔިތުން ބޭނުންވާ ކަންކަން ބެލުން ކަމަށެވެ. އަދި ރަށްރަށަށް ކުރައްވާ ދަތުރުތަކުގެ ސަބަބުން ރައްޔިތުންގެ ކަންބޮޑުވުންތައް އެނގިވަޑައިގަންނަވާ ކަމަށާއި ކޯލިޝަން ވެރިކަމެއްގައި ކަންކަން ކުރާނީ ރައްޔިތުން ބޭނުންވާ ގޮތަށް ކަމަށް އޭނާ ވިދާޅުވި އެވެ.
ކޯލިޝަން ސަރުކާރެއްގައި ގާނޫނުއަސާސީ އާއި ގާނޫނުތަކުގެ ތެރޭގައި އުޅޭ އެއްވެސް މީހަކަށް ގޯނާ ނުކުރާނެ ކަމަށާއި އެކަމަކު، ކުށް ކުރާ މީހުންނާއި ރިޝްވަތު ދިނީމަ، ރިޝްވަތު ދޭ މީހާ ފަހަތުން ދުވާނެ ކަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައިންތު
01 August 2018
ﷲ އިރާދަ ކުރެއްވީއާ ދެން މިގައުމު އެން ޑީ ޕީގެ އަތްދަށަކަށް ނުދާނެ ދިޔަ ފަހަރުވެސް މިގައުމު މުޅިން ސުންނާފަތިކޮށްލައިފި ހޮސްޕިޓާތަކާ، ސުކޫލުތައް އިނދަޖައްސާލީ އަދި އަނގަފުޅާކޮށްފަ އިންސާފު ހޯދައި ދޭނަމެ އެބަ ބުނެއެއްނު. އަހަރެމެން ރާއްޖޭގެ ރައްޔިތުން މިއުޅެނީ މިހާރު ވަރަށް އުފަލުގައި ހަމަޖެހިލައިގެން ތަޅާފޮޅުން މުޅިން ނެތި ހިނގައްޖެ. މި ގައުމުގެ އަންހެން ކަނބަލުންގެ ހަޔާތް ކަނޑުވާލި ބައެއްތި އެންޑީޕީއަކީ މަގުމައްޗަށް ނެރެގެން.
ރައްޔިތުން
31 July 2018
ވޯޓުން ނޮހެވޭނެކަން ކަށަވަރުވާތީ ފަހު ދުވަސްކޮޅު ގާތްމީޙުންނަށް ފައިސާ ނެގޭނެ ގޮތް ހަދައިދީ އަދި މި ދައުރުގައި ހިންގާފައިވާ ރިޝްވަތު މައްސަލަތައް ހިތުން ނުބެލޭނެ ގޮތް ހަދައިދީ ރިޝްވަތުގެ އަމަލު ހިންގާ މީހުންނަށް ތަސައްލީއެއްް ދެވޭތޯ އާއި ރާއްޖޭގެ ހުރި ޢިލްމުވެރިޔެއްކަމުގައިވާ ޝަހީމުގެ އިތުބާރު ރައްޔިތުން ވޯޓުން ގެއްލުވާލަން ކުރާ މަސައްކަތް ޔާމީން ކުރާތަން މިފެންނަނީ
އަސްތާ
31 July 2018
ގާނޫނީގޮތުން ހުއްދަކަމަކަށް ހަދަނީ؟ ހަމަ މި ރައްޔަތުން މިއަށްވެސް އޯކޭ؟ ޖޯކު ދިވެހިން. ގަމާރު ދިވެހިން، އެޅިހާބަތަކަށް ރިހަ ދިވެހިން، ލާރިކޮޅަކަށް މުސްތަގަބަލް ވިއްކާލާ ދިވެހިން، ބުނާހާއެއްޗަކަށް އާނއެނޭ ބުނާ ދިވެހިން. މިހެންގޮސް ކިޔާނެ ކަމެއްނެއް، ހުސް ބޯގޯ މީހިން ގިނައީ. ބޯހަލާކު
ސައިނީ
31 July 2018
ކަލޭތީ ދިވެއްސެއް ނޫންތަ
ކިއްލިބާޝާ
30 July 2018
ރިޝްވަތު ހަދަންވީ ޚާއްސަ އެއްޗަކަށް. އެއީ ޚަާއްސަކޮށް ބޮޑުންގެ އެއްޗަކަށް.
އަލީ ވަހީދު
30 July 2018
ޤައުމު ބިއްކާފަ ހޯދާ ފައިސާއެއް ބޭނުނެއް ނޫން .. އަހަރަމެންގެ ދަރިންނާ, ދަރިންގެ ދަރިން އުޅޭނެ, ދޮންވެލީގެ މިރީތި ޖަޒީރާ ރާއްޖެ ޗައިނާ އަކަށް ވިއްކުމަށް ޔާމީނަކަށް ފުރުސަތެއް ނެތް ... ވަގޭވޯޓް އިބޫ ފައިސަލް އަށް .... ވަރަށް ސާފް ... އިންޝާ ﷲ.
މަރީ
30 July 2018
ޓަޓުވާއަށް ތިލަފުށި ޕްރޮޖެކްޓް ލިބުނުގޮތް ބައްލަވާލައްވާ. ފައިސަލަކީ ޖުމްހޫރީ ބޭފުޅެއް. އެހެންވީމާ އިނގިވަޑައިނުގެނެދާނެ.
ޝޮކްތެރަޕީ
30 July 2018
ތިބިލަކީ ފައިސަލްމެން މިހާރު ޖަލުތަކުގަތިބި މީހުން ދޫކޮއްލަން ވެގެންކުރާކަމެ މައުމޫނާ ފާރިސް ޤާސިމް ދޫކޮއްލަން ވެގެން ކުރާކަމެއްތީ
އަބްދުއްލާ
30 July 2018
ބަޔަކު އައިސް ހިލޭ ދަރުމަވަންތަ ހޮސްޕިޓަލް އަޅާ ނުދޭނެތަ ؟ މިހާރު ބޮޑެތި މަސްރޫއުތަކަށް ފައިސާ ހޯދާގޮތް ތިޔަ ބޭފުޅާއަށް އެގޭހެނެއް ހީއެއް ނުވޭ ، މުވަތަ މަސައްކަތް ތިޔަ ކުރައްވަނި ރައްޔިތުންނަށް އޮޅުވާލައްވަން. ތިޔައީ މަޖިލީހުގެ މެމްބަރެއް ކަމަށްވާއިރު ދަރުމަ ވަންތަ ހޮސްޕިޓަލް އިމާރާތް 50 މިލިއަން ޑޮލަރަށް އަމިއްލަ ތަކެތީގަ އިމާރާތް ކޮށްދޭން ފަރާތެއް ހޯދާދިންނަމަ ތިޔައީ ދަވްލަތާ ރައްޔިތުންނަށް އިހްލާސްތެރިއެކޭ ބުނެވިދާނެ. އެ އިމާރާތް ނިމުމުން 50 މިލިއަނުން ވާނެޔޭ ބުނާއިރު ބިމުގެ އަޑިޔަށް 60 މީޓަރު އަޑިޔަށް ކުރާމަސައްކަތް ވެސް 50 މިލިއަނަށް ދުނިޔޭގަ ނުކޮށްދޭނެ ހަގީގަތް އޮޅުވާލަން ވާހަކަދެއްކުމަކީ ގޯހެއް
ޙާލިދު ބިން ވަލީދު
31 July 2018
ޢޮޅުވާލަން އުޅޭ މީހުން އެބަ އެނގެ
ައާއިޝާ
12 August 2018
ޑުނިޔޭގެ އެހެން ތަންތާގަކުރާއަގަކަށް މިރާއްޖޭގެ ޢިމާރާތެއްވެސް ނުކުރެވޭނެކަން ނޭނގޭނީ ބުއްދި ގޯސްވެފަހުރީމަ އެހެންނާފަހެ މިރާއްޖެއަށް މިޖެހެނީ ހުރިހާ އެއްޗެއް އިމްޕޯރޓް ކުރަން ހިލަ ހިލަވެލި ސިމެންތި ގައު ތަށިމުށި އެހެން ގައުމު ތަކުން މިތަކެތި ނުޖެހޭނެ އިމްޕޯރޓް ކުރާކަށް