ކުޑަ ގިރި ފަޅު ސަރަހައްދު--
31 އޯގަސްޓް 2021 - 14:05
16 comments
މާލޭ ކައިރީގައި އޮންނަ ކުޑަގިރި ފަޅުގައި ޕިކްނިކް އައިލެންޑެއް ތަރައްގީކުރުމަށް ބިން ހިއްކުމުގެ މަޝްރޫއު ކުރިއަށް ގެންދިއުމަށް އާންމުންގެ ހިޔާލު ހޯދަން މިއަދު ހުޅުވާލައިފި އެވެ.
ޕްލޭނިން އެންޑް ހައުސިން މިނިސްޓްރީން ކުރި އިއުލާނުގައި ބުނީ މި މަޝްރޫއުގެ ދަށުން މާލެއާ ގާތްގަނޑަކަށް 10.5 ކިލޯމީޓަރު ދުރުގައިވާ ކުޑަގިރި ފަޅުގައި ދެ ރަށް ހިއްކާނެ ކަމަށެވެ. އޭގެ ތެރޭގައި ހިމެނެނީ 8 ހެކްޓަރުގެ ޕިކްނިކް އައިލެންޑްއަކާއި ސޭންޑްބޭންކް ގޮތަށް ހަދާ 1.5 ހެކްޓަރުގެ ރަށެކެވެ.
މިނިސްޓްރީން ބުނީ އެ ދެރަށުގެ ބިން ހިމާޔަތް ކުރުމަށް ގްރޮއިން އާއި ރިވެޓްމަންޓް ޖަހާނެ އެވެ. މި ޕްރޮޖެކްޓަށް ބޭނުންވާ ވެލި ނަގަން ހަމަޖެހިފައިވަނީ މާލެ އަތޮޅު އެތެރެވަރިންނެވެ. އެއީ މިހާރު ވެސް ބިންހިއްކުމުގެ ގިނަ މަޝްރޫއުތަކަށް ވެލި ނަގަމުންދާ ސަަރަހައްދު ކަމަށާއި މި ޕްރޮޖެކްޓަށް 250،000 ކޮޑިމީޓަރުގެ ވެލި ބޭނުންވާނެ ކަމަށް މިނިސްޓްރީން ބުންޏެވެ.
މާލޭ ސަރަހައްދުގައި ދިރިއުޅޭ މީހުން ޕިކްނިކް ދާން ރަށެއް ތަރައްގީކުރަން ސަރުކާރުން ރާވާފައިވާތީ ޕިކްނިކް އައިލެންޑްގެ މަސައްކަތަށް ބިން ހިއްކުމުގެ މަސައްކަތަށް އާންމުންގެ ހިޔާލު ހޯދުމަށް ހުޅުވާލިއިރު އެ މަޝްރޫއުގެ ދަށުން ކުރިއަށް ގެންދިއުމަށް ހަމަޖެހިފައިވާ ބިން ހިއްމުކުމުގެ މަޝްރޫއު އަށް ތައްޔާރުކުރެވޭ ތިމާވެއްޓަށް އަސަރުފޯރާ މިންވަރު ބަޔާންކުރާ ރިޕޯޓު ހެދުމަށް ބޭނުންވާ މައުލޫމާތު މި ސާވޭ މެދުވެރިކޮށް އެއްކުރާނެ އެވެ. އެ މަޝްރޫއުގެ އީއައިއޭ ކޮންސަލްޓަންޓަކީ އެމްޓީސީސީ އެވެ.
އެ ސާވޭގެ ބޭނުމަކީ ޕްރޮޖެކްޓާ ބެހޭ ގޮތުން އާންމު ރައްޔިތުންގެ ހިޔާލާއި، މަޝްވަރާއާއި، ޕްރޮޖެކްޓާއި ބެހޭ ގޮތުން ފާހަގަކުރެވޭ ކަންބޮޑުވުންތަކާއި ޕްރޮޖެކްޓްގެ ސަބަބުން ލިބޭނެ ފައިދާތައް ދެނެގަތުން ކަމަށް މިނިސްޓްރީން ބުނެ އެވެ.
ކުޑަގިރި ފަޅުގައި ތަރައްޤީކުރުމަށް ހަމަޖެހިފައިވާ ޕިކްނިކް އައިލޭންޑްގެ ބިންހިއްކުމުގެ މަޝްރޫޢަށް އާއްމުންގެ ހިޔާލު ހޯދުމަށް ކުރާ ސަރވޭގައި ބައިވެރިވެވަޑައިގަންނަވާhttps://t.co/b0OgZU6nLg
— Min.of National Planning, Housing & Infrastructure (@MoNPHImv) August 31, 2021
މާލޭގައި އުޅޭ މީހުން ދަތުރު ދިއުމަށް ރަށެއް ހަމަޖެއްސުމަކީ މި ސަރުކާރުގެ ވައުދެކެވެ. މީގެ ކުރިން ޕިކްނިކް އައިލެންޑެއްގެ ގޮތުގައި، އެނބޫދޫފަޅުގައި ހިއްކާފައިވާ ރަށްތަކުގެ ތެރެއިން ރަށެއް ހަމަޖައްސައި އެ ރަށް ތަރައްގީ ކުރާނެ ގޮތާ ބެހޭ ގޮތުން އާންމުންގެ ހިޔާލު ހޯދުމަށް ވެސް ހުޅުވާލި އެވެ.
އެނބޫދޫ ފަޅުން ހިއްކާފައިވާ ސަރަހައްދެއް ދަތުރު ދިއުމަށް ހާއްސަކުރާ ރަށެއްގެ ގޮތުގައި ބޭނުންކުރަން ކަނޑައަޅައި 2019 ވަނަ އަހަރުގެ ތެރޭގައި ރައީސް އިބްރާހީމް މުހައްމަދު ސޯލިހު ވިދާޅުވީ އެންބޫދޫ ފަޅުން ހިއްކާފައިވާ 3.3 ހެކްޓަރުގެ ސަރަހައްދެއް ދިވެހިން ދަތުރު ދިޔުމަށް ކަނޑައެޅީ ޕިކްނިކް ދިއުމަށް އިތުރު ފަޅެއް ހިއްކުމުގެ ބަދަލުގައި ހިއްކާފައި އޮތް ތަނެއް ބޭނުން ކުރުމުގެ ގޮތުން ކަމަށެވެ. އެކަމަކު މިހާތަނަށް އެރަށް ބޭނުމެއް ނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަކުނިބޯ
01 September 2021
ތިކަން ކުަރަންވާނީ އިންޑިޔާއިން ލޯނުނަގާގެން އަދި އިންޑިޔާ މިޝަން އަށް ތިޔަތަނުގެ ކޮންޓްރޯޅްދޭންވާނީ އަދި ތިޔަތަން ބެލެހެއްޓުމަށް އެކަށީގެންވަމިންވަޜަށް އިންޑިޔާމީހުންނަށް ތިބެވެންވަނެ މަރާމާތުކުރަންވާނީ ފީސިބިލިޓީހެދުމަށްފަހު މާލެ މުނިސިޕަލްޓީ އާއިި އިންޑިޔާގުޅިގެން. ޙަރަދުކުރަންވާނީީ މާލޭމުނިސިޕަލްޓީއިން. ދަތުރުދާން ހުއްދަދިނުމާ ނުދިނުން އޮންނަންވާނީ އިންޑިޔާމިޝަންއަށް
ޢިޔެ1
01 September 2021
ދިވެހި ބިންމީ އުފަން މަގޭބިން، އެކަމަކު ފަޅެއް ހިއްކައިގެން ނޫނީ ދަތުރުދާނެ ރަށެއް އަޅުގަނޑުމެންނަކަށް ނެތް.
ޙިނި
31 August 2021
ޜައީސް ބުނާގޮތައް ކަންކަން ނުވަނީ ކޯލިޝަނުގެ ބާރުގަދަކަމުންތަ، އަލައް އުފަންވާ ކުދިންނައް ހަދިޔާއެއް ދޭންބުނީމަ އެކަމެއްވެސް މިސަރުކާރަކައް ނުވި. ޜައީސްގެ މައްޗައް ތިބެނީ ކޮންބައެއްތަ.
ކުޗީ
31 August 2021
ދައުރު ނިމެން ކައިރިވީމަ ތެޅިފޮޅެނީ ....
ހުއްބުލް ގަލަން
31 August 2021
ބިންހިއްކައިފިނަމަ ތިމާވެއްޓަށް ގެއްލުން ނުވަނީތޯ؟
ރަސްފަރި
31 August 2021
ރަސްދޫ މީހުންގެ ހިޔާލު ހޯދާ. އޭރުން ހުންނާނީ ރަނގަޅަށް
ރަސްްރަނި
31 August 2021
ހެ ހެ ހެ... އެބުނާހެން އެމީހުންގެ ހެމާރހެޑް ޕޮއިންޓަށް ގެއްލުމެއްވޭތޯ އަހާލަންވާނެ. އެހެން ނޫނީ އަނެއްކާ ކައިރި ރިސޯޓްތަކަށް އަރާ ހަޅުތާލުކޮށްފާނެ.
މޮހިތު
31 August 2021
ކޮބާހޭ ކުޑަބަނޑޮސް! އެރަށް ކަޓުވާލި ބަޔަކުގެ މައްސަަލަ ބަލަން ކޮމިޓީ އެއް ހަދަންފެނޭ!
ނުވޭދޯ
31 August 2021
ތިހުންނަނީ ވަރަށް ދަށުދަރަޖައިގެ ކަންކަން!! ކުޑަދުވަސް ކޮޅެއްގެ ތެރޭގާ ކުރަންބުނި ކަމެއް އަނެއްކާ އަނެއް ވާހަކަ ދައްކާ ރައްޔިތުންގެ ހިޔާލޭ ކިޔާނެކަމެއްނެތް!! ކަލޭމެނަށް ނުވަންޏާ، އިސްތަިއުފާ ދެއްވާ، ކަންކަން ވާވަރުމީހުން އެބަތިބި. ކަލޭމެންތީކީ ރައްޔިތުންގެ ހިޔާލު ހޯދައިގެން މަސައްކަތްކުރާ ބަޔެއްނޫން، ކޮންމެސް އެހެންކަމަކާ އުޅެންފެނޭ.
ހުސެންް
31 August 2021
ހިލޭދެވޭނެ ޕިކުނިކު އައިލެންޑެއް ހަދާނެކަމެއްނެތް. ތިނެހެދިޔަސް ފޯރާމީހުން ދާނެ. ކޮންމެހެން ނުފޯރާފަށުން ފޫގަޅަން އުޅެނެކަމެއްނެތް. ތިމީހުން ތިތަނަށް ގޮއްސަވެސް ބޭނުންވާނީ ފައިވް ސުޓަރ ފެންވަރު. އެވެސް އަދި ހިލޭ. އެމީހުނަށް ރަނގަޅުވާނެ ހުޅުމާލެ ބީޗް. ނުވަތަ މާލޭގަ ހަދާފަހުރި ދެ އާޓިފިޝަލް ބީޗްވެސް. އެމީހެއްގެ ފެންވަރުން އެމީހަކަށް ލިބޭ އެއްޗަކުން އުޅުނީމަ ރަނގާޅުވާނެ. މިގައުމު ހަލާކުވަމުން މިދަނީ ތި ސަބުސިޑީ ތަކާއިހެދި. ކޮންމެކަމެއްވެސް ހިލޭ!!!!
ޕިކްނިކް
31 August 2021
އެހެންވީމާ ރައީސަށް ހެއްދެވުނީ އިތުރުފުޅެއް ދެއްތޯ؟ ރައީސް ވިދާޅުވާ ބަސްފުޅުތަކުގައި މިއަށްވުރެ އިތުބާރު ހުންނަން އެބަޖެހޭ. މިގޮތަށްދާ ކަމަށް ވެއްޖެއްޖާ މާލެއަތޮރުގައި ފަޅެއް، ގިރިއެއް ވިލެއްނެތި ހިގައިދާނެ. އެއްގޮތަކަށްވެސް ފެންނަކަމެއްނޫން މިއީ. ކުރޮސްރޯޑުން ވިއްކަން ހުޅުވާލާފައިވާ 5 ރަށުގެ ތެރެއިން ރަށެއް ސަރުކާރުން ގަނެފަ ރައްޔިތުން ޕިކްނިކް ދިޔުމަށް ބާއްވަންވީ، މިކަމަކީ އިތުރަށް ހަރަދުނުކޮށް އަދި ތިމާވެށި ހަލާކުނުކޮށް ކުރެވިދާނެ ކަމެއް.