މަސްވެރިންތަކެއް މަސް ކިރުވަން ފެލިވަރަށް ގޮސް--ފޮޓޯ:މިހާރު
24 ޑިސެމްބަރ 2021 - 17:37
14 comments
މިދުވަސްވަރު މަސްވެރިކަން ވަރަށް ރަނގަޅު ކަމަށާއި އެއް ސަރަހައްދަކަށް އެކި އަތޮޅުތަކުން ދޯނިތައް އައިސް މަސްބާނައި، މަސް ކިރުވަން ޖެހިފައި ވާތީ އެކަމުގައި ބޮޑެތި ދަތިތައް ކުރިމަތިވަމުން އަންނަ ކަމަށް މިފްކޯއިން ބުނެފި އެވެ.
މިފްކޯއިން ބުނީ މި ދުވަސްވަރު ދޯނިތައް ކިއުގައި ތިބެން ޖެހޭ ވަގުތު ކުޑަކުރުމުގެ ގޮތުން ހުކުރު ދުވަހު ވެސް މަސް ކިރަމުން އަންނަ ކަމަށެވެ. ހުކުރު ދުވަހަކީ އާންމުކޮށް މަސް ކިރާ ދުވަހެއް ނޫނެވެ.
މިފްކޯއިން މިދިޔަ ހަތަރު ހަފްތާގައި ވެސް ހުކުދު ދުވަހު މަސް ކިރުވި އެވެ.
މިފްކޯ އިން ބުނީ ކޯލްޑް ސްޓޯރޭޖު ފުރިގެން، ކެރިއާ ބޯޓުތައް ގެނެސް ލޯޑުކޮށް އެކްސްޕޯޓު ކުރަމުން އަންނަ ކަމަށެވެ. އެހެންވެ މިފްކޯއިން ވަނީ ދޯނިތަކުން މަސް ކިރުވާ ވަރު މިވަގުތަށް ލިމިޓް ވެސް ކޮށްފަ އެވެ. މިހާރު ދޯންޏަކުން ކިރާނީ ފަސް ޓަނު މަހެވެ.
މަސްވެރިކަން ރަނގަޅުވާ ކޮންމެ ފަހަރު މަސް ކިރުވުމުގައި ބޮޑެތި އުނދަގޫތައް ކުރިމަތިވެ އެވެ. މިގޮތަށް މަސް ކިރުވާ ވަރު ކޮންޓްރޯލް ކުރާތީ މަސްވެރިން އަންނަނީ ވަރަށް ބޮޑަށް ނުރުހުން ފާޅުކުރަމުންނެވެ. މިފްކޯއިން މީގެ ކުރިން ބުނީ މަސްވެރިކަން ރަނގަޅުވާ ދުވަސްވަރު މި ދިމާވާ މައްސަލަަތަކަށް ހައްލެއް ލިބޭނީ މިފްކޯގެ ކެޕޭސިޓީ ރަނގަޅު ކުރެވިގެން ކަމަށެވެ.
މިދިޔަ އަހަރު މިފްކޯއިން 49،000 ޓަނުގެ މަސް ގަނެފައިވެ އެވެ. މިއަހަރުގެ މިހާތަނަށް 56،000 ޓަނުގެ މަސް ވަނީ ގަނެފަ އެވެ. މިމަހުގެ މިހާތަނަށް 8،000 ޓަނުގެ މަސް ވަނީ ގަނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
25 December 2021
މާރުކޭޓަށް ހެޔޮ އަގުގަ މަސް ނެރެންވީ ނޫން ތޯ، އޭރުން ރާއްޖެއިން ބޭރުން މަސް އެތެރެވާ ވަރު/ޑޮލަރ ބޭރުވާ ވަރު މަދުކޮށްލެވުނީ!
އަލިފުތު
25 December 2021
ދޮންހުސެންބެ ބުނި މިއަހަރު ކީކިމިނި މަސައްކަތަށް ނެރޭނެކަމަށްވެސް. ޙުސެންބެވެސް ޕާޓީ ބޮޑުމީހާގެ ތަންތަންވީމާ ބޮޑުމީހާ ރައްޔިތުން ބޮލާލާ ޖަހާލާފަ އެހުންނަނީ. މަސްވެރިންގެ ލުއިފަސޭހައަށް މަސްގަތުމަށް ދައުލަތުން ދޫކޮށްފައިވާ ރަށަކުން ޚިދުމަތް ނުދެވި 20 _ 30 އަހަރު ދެވިފައި އޮތުމަކީ ރައްޔިތުންގެ ޙައްޤުތަކެއް ނިގުޅައިގަތުން. ފިޔަވަޅު ނޭޅޭނަމަ ސަރުކާރު އިސްތިއުފާ ދީފައި ގޭގައި މަޑުކުރައްވާ. މިވަރުވީމާ ރަށް އަތުލެވޭނެ. ބަދަލުވެސް ދެވިގެންނުވާނެ.
ޕީޓޫ މަސްއައިން
25 December 2021
ޖަޒީރާ ރީފަރ ބޯޓު 3000 ކޫއްޑޫ 2000 އައްޑޫ މީދޫ 3000 ކަލަމިންޖާ ބޯޓު 1400 ޖުމުލަ 11400 ޓަނުގެ ސްޓޯރޭޖު ކެޕޭސިޓީ މިފްކޯ ގަ އެބަހުރި ދެކުނު ޒޯނުގަ އެކަނި ވެސް. މިއީ ފުލް ސީޒަން ގެ 1 މަސް ދުވަހުގެ ކެޕޭސިޓީ. ތައިލޭންޑުން މަސްބަލައި އަންނަ ބޯޓަށް އާދެވޭނެ. 11 ދުވަހުން. ދެން ކީއްވެތަ މެނޭޖު ނުކުރެވެންވީ އަޅެފަހެ,
ދޮންބެއަލީ
24 December 2021
އަދި އިރުވައި ނުފެށިގެން މިއުޅެނީ ފުރުނީ .ކިހާބޮޑު ޕުރޮޖެޓް ތަކެއްބާ 3 އަހަރުން މި ހިންގުނީ .އިސްތިއުފާދެއްވާ..
ޢަލީ އަހުމަދު
24 December 2021
މަސްވެރިކަމަކީ ސީޒަނަލް ކަމެށް، މަސްބާނާ ދުވަސްވަރު މަސްގަތުން ކޮންޓްރޯލް ކުރީމާ މަސްވެރިންނަށް ވާނެގޮތް ވިސްނާލަބަލަ، ޢަދިހަދާ ގޮތަކީ އައިސް ނުދީ މަސް ގަންނަނީ ވަރަށް އަގުދަށްކޮށް މީތޯ މިއަންނަ އިގްތިސާދީ ކުރިއެރުމަކީ؟ އިކޮނޮމިކް މިނިސްޓާ ބުނި 2021 ނިމުމުގެ ކުރިން މަސްވެރިންގެ ކަންތަށް ހަމަ ނުޖެހިއްޖެ މިނިސްޓަރ ފެއިލްވީކަމަށް ގަބޫލް ކުރާނެ ވާހަކަ. ޢަޅެ މިނިސްޓަރ ފެއިލްވީތޯ؟
ޕީޓޫ
24 December 2021
ކޮބާތަ ސްޓޯރޭޖް މައްސަލަ ހައްލު ކުރަން ގެނައި 5000 ޓަނުގެ ސްޓީރޭޖް ބޯޓު? މިހާރު އެތަކެއް ދުވަސް ވީއިރުވެސް އޮޕަރޭޝަނަށް ނުނެރެވުނު.
ރަދީފްއޮފިޝިއަލް
24 December 2021
ކަނޑުރޯދި އެބަލިބޭ.ނަމަވެސް އިންފްރާސްޓަރަކްޗާ އިމްޕްރޫވް ކުރުން 0 ގަ.
ޝަފީރު
24 December 2021
ދެލޯ ކޮޅެކޭ ނޫހުގައި މިއަދު މިވާހަަކަ މިދެއްކުނީ. މިހާރު މިފެށެނީ 3 ވަނަ ހަފްތާ. ނަމްބަރެއް ދީފައި ގުޅާލީމާ އަންނާށެ ބުނެފަ ފޮނުވާލަނީ. ތިންދުވަސް ފަހުން މަސްކިރެނީ. މިދިޔައަހަރު މަސްވެރިން ރަތަށް އެރީމާ އެމްޕީއެލްގެޖާގަ ފުރިގެން ބޭރުކޮށް ނުލެވިފައިހުރި ބޭނުންނުރެވޭ ހަލާކުވެފައިހުރި ކޮންޓޭނާތަކެއް އެތަނަށް އަޅާލާފަހުރީ. ދެން މިބުނަނީ ބޭނުންކުރަން ނޭނގިފަޔޯ އެހުރީ. މަސްވެރިކަމަށް ސައޫދީން ހަދިޔާކުރި 800 މިޑޮލަރ އެއަށްއެޅީމާ މިހާރުހުރީ ފުލްވެފައި
މުންޑުބޭ
24 December 2021
މަސްވެރިކަން ހަމަ ރަގަޅުވެލާއިރަށް އެކޮންޓްރޯލް ކުރީ ،،، ދުވަހުން ދުވަހަށް މަސްކިރާފަރާތްތަކަށް މިހާރު ފައިސާ ދޫކުރަމޭކިޔާފައި ސަޅިބައިސާ ކެނޑި ފައުޒީ ، މަސްވެރިންނަށް މަސްދުވަސްވާއިރުވެސް މިހާރު ފައިސާ ނުދެވޭ ،،، މަސްނުބާނާ ދިޔަ ދުވަސްތަކުގައި މަސްނުކިރި މިހާރު ތިބޭކަށް ނުޖެހޭނެޔޭ ކިޔާފައި ، ޓީވީތަކަށް އަރާ ކެނޑިފޮނިސަޅިބައިސާ ، މިއަދު މިއޮތީ އެކޮޅުކޮޅުންޖެހިފައި ،،،،
ކޮރަލް
24 December 2021
މައްސަލަ އަށް ހައްލެއް ލިބޭނީ މަސްވެރި އަކު މަޖްލީހަށް އައިސް ގެންނެވެ.