ހޯމްސްޓޭ ފަށަން ދިއްގަރަށް ދިޔަ ފުރަތަމަ ޓޫރިސްޓުން: އެ ރަށަށް މިހާރު ޓޫރިސްޓުން ނުދާ ކަމަށް ބުނޭ-- ފޮޓޯ: މިހާރު
06 ފެބުރުއަރީ 2022 - 10:50
45 comments
މ. ދިއްގަރުގައި ހޯމްސްޓޭ ޓޫރިޒަމް ފެށިތާ މަހެއް ވީއިރު، އެކަން ފަށަން ދިޔަ ޓޫރިސްޓުން ފިޔަވައި އިތުރު މީހަކު ނުދާ ކަމަށް ރަށު ކައުންސިލުން މިއަދު ބުނެފި އެވެ.
ދިއްގަރުގައި ހޯމް ސްޓޭ ފަށަން މިދިޔަ މަހުގެ އެއްވަނަ ދުވަހު އެ ރަށަށް ދިޔައީ ސޫދާންގެ ދެމަފިރިއަކާއި އެމެރިކާގެ ދެމަފިރިއެއްގެ އިތުރުން އދ. އިން ރާއްޖެ ކަނޑައަޅާފައި ހުންނަވާ މަންދޫބު ކެތުރިން ހެސްވެލް އެވެ. އެ މީހުން އެ ރަށުގައި މަޑުކުރީ ދެ ރޭ ވަންދެންނެވެ. އޭގެ ފަހުން އެ ރަށަށް ޓޫރިސްޓަކު ނުދެ އެވެ.
ދިއްގަރު ކައުންސިލް ރައީސް އަހުމަދު ނިޝާން "މިހާރު" އަށް ވިދާޅުވީ ޓޫރިސްޓުން ނުދަނީ ރަނގަޅަށް މާކެޓްނުކުރެވޭތީ ކަމަށެވެ. އެންމެ ފުރަތަމަ ދުވަހު ދިޔަ ފަސް ޓޫރިސްޓުންނަކީ ޓޫރިޒަމް މިނިސްޓްރީން ގެންދިޔަ ޓޫރިސްޓުން ކަމަށާއި އަމިއްލަ އަށް ޓޫރިސްޓުން ގެނައުމަށް ހޯމްސްޓޭގެ ވިޔަފާރި ކުރާ ފަރާތްތަކަށް އެހީތެރިކަން ފޯރުކޮށްދެމުން އަންނަ ކަމަށް އޭނާ ވިދާޅުވި އެވެ.
"އަސްލު ފުރަތަމަ މިކަން ފެށި އިރު ޕްރޮމޯޓް ކުރަން ވަކި ގޮތެއް ހެދިފައެއް ނެތް. ފުރަތަމަ ޓޫރިސްޓުން މިނިސްޓްރީން ގެނަޔަސް، ފަހުން އަމިއްލައަށްތާ ގެންނަން ޖެހޭނީ. އެހެންވެ، ކައުންސިލުން މިހާރު މިދަނީ އެ އެހީތެރިކަން ދެމުން،" ނިޝާން ވިދާޅުވި އެވެ.
ރާއްޖޭގައި އެންމެ ފުރަތަމަ ހޯމްސްޓޭ ފެށީ ދިއްގަރުގެ "މޫރިތިގެ"އިންނެވެ. ހޯމް ސްޓޭ ފެށިއިރު އެ ގެ އެއްކޮށް ތައްޔާރު ނުވާ ކަމަށާއި އޭގެ ސަބަބުން ބުކިންތަކެއް ކެންސަލް ކުރަން ޖެހުނު ކަމަށް ވެސް ނިޝާން ވިދާޅުވި އެވެ. އޭނާ ލަފާ ކުރާ ގޮތުގައި އެ ރަށަށް ޓޫރިސްޓުން ދެން ދާން ފަށާނީ މި މަސް ނިމޭ ހިސާބުގަ އެވެ.
"ބައެއް ކަންކަން ހުރި އެ ގޭގައި ނުނިމި. އެހެންވެ އެކަންކަން ވެސް ނިންމަން މިދިޔަ ދުވަސްތަކުގައި މަސައްކަތްތައް ކުރީ. މި މަހު ފަހުކޮޅު ނޫނީ އަންނަ މަހު ކުރީ ކޮޅު އަނެއްކާ ވެސް ޓޫރިސްޓުން އަންނަ ފަށާނެ،" ނިޝާން ވިދާޅުވި އެވެ.
މޫރިތިގޭގެ ވެރިޔާ، މުހައްމަދު އަހުމަދު ވެސް ބުނީ އޭނާ އަށް ޓޫރިސްޓުން ނުގެނެވެނީ އެކަމަށް ރަނގަޅަށް މަސައްކަތް ނުކުރެވޭތީ ކަމަށެވެ. އޭނާ ލަފާ ކުރާ ގޮތުގައި ޓޫރިސްޓުން ދާން ފަށާނީ އަަހަރުގެ މެދުތެރެއިން ފެށިގެންނެވެ.
"ޓޫރިސްޓުން ގެންނަން އަސްލު ކުރަން ޖެހޭ ވަރަކަށް މަސައްކަތް ނުކުރެވޭ. އެކަމަކު މިހާރު އެ ކަންކަން ކުރަމުން މިގެންދަނީ. އަހަރުގެ މެދުތެރެއިން (ޓޫރިސްޓުން) އަންނަން ފަށާނެ،" މުހައްމަދު އަހުމަދު ވިދާޅުވި އެވެ.
ދިއްގަރުގައި މި ވަގުތު ހޯމްސްޓޭގެ ވިޔަފާރި ކުރަނީ މޫރިތިގެއިން އެކަންޏެވެ. އެ ގެއިން ކޮޓަރިތައް ކުއްޔަށް ދޫކުރީ ރެއަކަށް 40 ޑޮލަރު (616ރ.) ގެ ރޭޓުންނެވެ. އެ ރަށުގެ އިތުރު ދެ ގެއަކުން ހޯމްސްޓޭ ފަށަން ތައްޔާރުވަމުން އަންނަ ކަމަށް ވެސް ރަށު ކައުންސިލުން ބުނެ އެވެ.
ޓޫރިޒަމް މިނިސްޓްރީން ކުރިން ބުނެފައިވާ ގޮތުގައި ދިއްގަރު ކައުންސިލްގެ މި ދައުރު ނިމުމުގެ ކުރިން އެ ރަށުން 200 އެނދު ނެރެވޭނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޯމް އެން އަވޭ
08 February 2022
ހޯމް ސްޓޭ(ހސ) ވިޔަފާރިއަކީ ގެސްޓްހަުސް ވިޔަފާރިއާއި ތަޢާރަޒުވާ ވިޔަފާރިއެއް. މިހާރުގެ ގެސްޓުންނެއް ބޭނުމެއް ނުވާނެ އެމީހުންގެ ޕްރައިވެސީއަށް ހުރަސް އެޅޭކަށް. ހސ އަކީ އެކަހަލަ ކަމެއް. ރާއްޖޭގައި ގެސްޓްހަައުސް ތަކުން ވަރަށް ފުރިހަމަ އަދި ފެންވަރު ރަގަޅު ޚިދުމަތް ފޯރުކޮށްދޭ. ހޯމްސްޓޭ ވިޔަފާރި މިފެންވަރަށް ކޮށްގެން ނޫނީ ކޮންޕީޓެއް ނުކުރެވޭނެ. އަނެއްކޮޅުން ހސ ޤަވާއިދަށް ކޮޓަރި ފައްތަން އެހާމެ އުދިގޫވެފަ ވަރަށް ޚަރަދު ހިގާ.
ކައްޓިހިތްވަރު
07 February 2022
އޯކޭ އެއްނު. ރަނގަޅަށް ޕުރޮމޯޓު ކުރީމާ ކަމެއް ވާނީވެސް. ފަށާއިރު ވަރަށް ހިތްވަރުކޮށްގެން ހިފަހައްޓާލެވުނީމާ އިނގޭ ވައިގަ ހިފާނީ. ގެއްލުންވެސް ވާނެ. އެކަމު ހަމަ ހިޔްވަރުކޮށްފަ ތެދުވެރިކަމާއެކީ މަސައްކަތްކުރީމާ ކާމިޔާބީއާ ހަމަޔަށް ވާސިލުވެވޭނީ
5 އަހަރުން ރިޓަރން އޮން އިންވެސްޓްމަންޓް
07 February 2022
މިތަންވެސް 2000 ޑޮލަރު ރެއަކައް ޖަހާލާފަ، ރޫމް ވިއްކަމާ ބަހީ! ގއ އަތޮޅައް ވަންޏާ ދިއްގަރައްވެސް ވާނެ!
ނަނަނަ
07 February 2022
މަށްށް ދެރައީ އަނެއް ދިވެހިރާޖޭގެ ޖަޒީރާ ޓުއަރިޒަމް އޭ ނުކީތީ…
ނޭނގޭތީއަހާލީ
06 February 2022
މިވިއްކާ ހޯމްސްޓޭއާ ގެސްޓްހައުސްއާ ހުރިތަފާތު ބުނެލަދީބަލަ! ހަމައެކަނި އަގުން އެކަން ނޭގޭތީ ހަމަ އަހާލީ!
އެޑްމުންޑޯ
06 February 2022
ހޯމްސްޓޭ ކިޔާފައި ގެއެއް ދައްކާލިއަސް އަދި އެކަމެއްނުވާނެ ، ހޯމްސްޓޭ ފެށުމުގެ ކުރިން ރަށްވެސް ޖެހޭ ތައްޔާރުވާން ، ރަށުގެ ގިނަކަންތައްތަކެއް ޖެހޭ ކުރަން ، އެގޮތުން ރަގަޅުފެންވަރުގެ ރެސްޓޯރެންޓެއް ހުންނަން ޖެހޭނެ ، ޑައިވިން އަދި ސްނޯކްލިން އަށް ދެވޭނެ ފަދަ އިންތިޒާމް ހުންނަންޖެހޭނެ ، ޓޫރިސްޓުންނަށް ޚައްސަ ވިޔަފާރިތަށް ކުރަން ފިހާރައެއް ހުންނަންޖެހޭނެ ، މިކަހަލ ގިނަކަންތަކެއް އެކްލެވިގެން ތިޔަ ހޯމްސްޓޭވެސް ކާމިޔާބް ވާނީ
2022
06 February 2022
ތީ ހަމަ ސަރުކަރުން ދައްކާލި ދަޅައެއް ތިރަށްރަށަށް ކާކުދާނީ. ބޮައިހަލާކު
ބޮއި އާދަނު
07 February 2022
މަބުނީ ކޮން ރަށެއްގަތަ ބޮއިހަލާކޭ ކިޔަނީ؟ އުތުރުގަ ކިޔަނީ އެހެނެއް ނޫން. މާލެއަކު ނުކިޔާ.
ސާސް
06 February 2022
ތިޔައީ ޖެންޑަރ މިނިސްޓްރީގެ ސްޓޭޓް މިނިސްޓަރުން އިވިންޓްތައް ބާއްވާފަ ހަބަރު ހަދާލާގޮތަށް ޓުވަރިޒަމް މިނިސްޓަރު ކޮށްފަ ހުރިކަމެއް!ތިޔާގަ އެއްވެސް އުހްލާސްތެރިކަމެއް ނޯންނާނެ! އޮންނާނީ ހަބަރު ހަދާލުން، އޭރުން ސަރުކާރު އެ އޮތީ ހެސްކިޔާފަ ހިންގިފަ!
ސާހިދު
06 February 2022
ދެން ސަރުކާރުން މޫރިތިގެއައް ލިބުނު ގެއްލުމުގެ ބަދަލު ދޭންވީނޫން؟
ގޮހޮރު
06 February 2022
މީތި ކާމިޔާބުވާނީ މިކަން ކުރާނެ ގޮތް މީހުންނަށް ކިޔައިދީ ތަމްރީނުދީ ވަރަށް ވަރުގަދަޔަށް ހޯމްސްޓޭ ޕުރޮމޯޓުކޮއްގެން ނުވާނެޔޭ މި ބުނާ މީހުންނަށް ނޭނގޭނެ އެއާބީއެންބީ ކިޔާ އެއްޗެއް އޮންނަ ކަމެއް ރަށުގައި ކަންމަތީ ފިހާރަ ހިންގާފައި ބަންދުކޮއްލާފައި ދާނީ ރިސޯޓަށް ދުވަސްކޮޅަކަށް އަނެއްކަވެސް ލިބުން ރުފިޔާކޮޅު ހުސް ކޮއްލާނެ ފިހާރަޔަށް
ރަދީފްއޮފިޝިއަލް
06 February 2022
ނޫނޭ.ތިގޭ ވަލުފަރާތުގަ ފިޔަފާޅިގަނޑެއް ޖަހާފަ ހޯމްސްޓޭ ބޯޑް އެޅުވީމަ ދޮންމީހުން އަންނާނެ.