އެމްޑަބްލިއުއެސްސީން އުފައްދާ ތާޒާ ފެން ފުޅިތަކެއް--
07 މާޗް 2022 - 21:19
8 comments
މިދިޔަ ހަފުތާގައި އެމްޑަބްލިއުއެސްސީން އުފެއްދި ފެނުގެ ބެޗެއްގައި ޖަރާސީމު ހުރިކަން ފާހަގަ ކުރެވުނަސް އެ ފެނެއް މާކެޓަށް ނެރެފައި ނުވާނެ ކަމަށް އެ ކުންފުނީގެ މެނޭޖިން ޑިރެކްޓަރު ހަސަން ޝާހު މިރޭ ވިދާޅުވެއްޖެ އެވެ.
މަރުވެފައި އޮތް ކާޅެއް އެމްޑަބްލިއުއެސްސީގެ ތާނގިއަކުން ފެނިފައިވާ ކަމަށް ބުނެ ސޯޝަލް މީޑިއާގައި ފެތުރެމުންދާ ވާހަކަތަކާ ގުޅިގެން "މިހާރު" އިން ސުވާލު ކުރުމުން އޭނާ ވިދާޅުވީ، "ތާޒާ" ގެ ކޮންމެ ބެޗެއް އުފެއްދުމަށް ފަހު 24 ގަޑިއިރު ވަންދެން މާކެޓަށް ނުނެރެ ބަހައްޓާ ކަމަށެވެ. އެއީ ޓެސްޓު ހަދައި ފެނުގެ ރައްކާތެރިކަން ކަށަވަރު ކުރުމަށް ކުރާ ކަމެއް ކަމަށް ޝާހު ވިދާޅުވި އެވެ.
"މިދިޔަ ހަފުތާގައި އެފަދަ ޝައްކު ކުރެވޭ ކަމެއް ފެނިގެން އަޅުގަނޑުމެން އެ ބެޗް މާކެޓަށް ނުނެރެން. ކޮންމެ ބެޗެއްވެސް މާކެޓަށް ނެރުމުގެ ކުރިން ޓެސްޓް ހަދާއިރު، އަޅުގަނޑު ޔަގީންކަން އަރުވަން ނަޖިސް ހުރި ފެނެއް ކަސްޓަމަރުންނާ ހަމައަށް ނުފޯރާނެ ކަން،" ޝާހު ވިދާޅުވި އެވެ.
އޭނާ ވިދާޅުވިގޮތުގައި، ފެނުން ނަޖިސް ފެނުމުން ކުރަންޖެހޭ ތަހުގީގުތައް މިހާރު އަންނަނީ ކުރަމުންނެވެ. ނަމަވެސް މަރުވެފައި އޮތް ކާޅެއް އެމްޑަބްލިއުއެސްސީގެ ތާނގިއަކުން ފެނުނު ކަމުގެ ޔަގީންކަމެއް ޝާހު ނުދެއްވަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެޑްމުންޑޯ
08 March 2022
ކާލެއްވެއްޓުން ، ތާނގިތަށް މަތިނުޖަހާ ހުންނަކަން މިއެގެނީ. ، ކުދި ސޫފިތަކާއި މީދާވެސް ހީސްލާ ހަދާނެ ، މިނަރަލް ވޯޓަރ އޭކިޔާފައި މިބޮނީ ރައްކާތެރިކަމުގެ ގެރެންޓީ ނެތް އަދި ކޮލިޓީ ދަށް ފެނެއް
ސަސަ
08 March 2022
މިވަރުން ކޮންކަމެއް ޔަޤީން ކުރެވޭނީ؟ ތިވަރުގެ ކަމެއްވާނީ ގަސްތުގައި މީހަކު ކޮށްގެން. އެހެންނޫނީ ތިވަރުގެ ކަމެއް ވާނެކަމަށް ޤަބޫލެއް ނުކުރެވޭ.
ފެއިލް1
08 March 2022
ކާޅު ވެއްޓުންހޭ. ޖަވާބެއް ނުލިބެ. މުޅން ދައްކަނީ އެެބެޗެއް ނުނެރޭ. ނެރޭނެ. ނެރުނަސް ނުވެސްބުނާނެ. ބޮޑު އިހުމާލެއް. ރައްޔިތުންނައް ތި ބޯންދެނީ ނަޖިސްފެންތޯ. ވަކިކުރަން ޕެޓިޝަން ލާންވީ. ޒިންމާއެއް ނުނެގޭ ތި ދެއްކި ވާހަކައިން
އާން
08 March 2022
ފެން ކުންފުނި ހިންގުން އޮތީ ބޮއްސު ްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްްން ލާފަ
ބުނެފަ
07 March 2022
އެއޮތީ ބުނެފަ ޝައްކުކިރެވޭކަމެއް ފާހަގަ ކުރެވުންކަމަށް, ކަނޑައެޅިގެން ނުބުނާނެ ކާޅުވެއްޓުނުފެނެކޭ, އެވެރިވަން ވަންނާސޭވް ދެއަރ .. ސް
އަނެއްހެން
07 March 2022
އެހެނ. ޔައުނީ ސޯޝަލް މީޑިޔާގައި އެ ދައުރުވަނީ ހެޔޮ ވާހަކަޔެކޭދޯ. އެ ފެން ނުނެރުނަސް ވީކަމެކޭދޯ
ކައިޒީ
07 March 2022
ބަލަ ކާޅު ވެއްޓުނުހޭ ޓޭންކަށް؟ އެ ސުވާލަށް ޖަވާބެއް ނުލިބޭ! ވެއްޓުނިއްޔާ ތިއީ ބޮޑުވެގެންވާ އިހުމާލެއް! ސިއްހީ ކާރިސާއެއް
ކޮރަލް
07 March 2022
ސުވާލަށް ސީދާ ޖަވާބެއް ނުދީ ދެއްކީ ކަމާ ގުޅޭ އެހެން ވާހަކަ އެކެވެ.