"ލަސްވިޔަސް"ގެ ކާސްޓުންނާއި ކްރޫއިން ބ. ކަމަދޫގައި ޝޫޓިން ނިންމާލުމަށްފަހު --- ފޮޓޯ : ޓެޑްރީ
27 މާޗް 2022 - 06:14
9 comments
ޑައިރެކްޓަރު މުހައްމަދު ނިޔާޒު (ޓެޑްރީ)ގެ އެންމެ އުއްމީދީ އެއް ފިލްމު ކަމަށްވާ "ލަސްވިޔަސް"ގެ މަންޒަރުތަކެއް ބ. ކަމަދޫގައި ނަގާ ނިންމާލައިފި އެވެ.
ކުރީގެ މަޝްހޫރު އެކްޓްރެސް ނިއުމާ މުހައްމަދުގެ ދަރިފުޅު ޒޯޔާ ހަސަން އިބްރާހީމް ފިލްމީ ދާއިރާ އަށް ނެރޭ "ލަސްވިޔަސް" އެންމެ ފުރަތަމަ އިއުލާންކުރީ 2017 ގަ އެވެ. އެއަށް ފަހު އެ އަހަރު ފިލްމުގެ ޓީޒާއެއް ދައްކާލުމަށް ފަހު ފިލްމުގެ މާ ގިނަ ވާހަކަތަކެއް ނުދެކެވެ އެވެ.
އެކަމަކު ދާދިފަހުން ޓެޑްރީ ސޯޝަލް މީޑިއާގައި އިއުލާންކުރި ގޮތުގައި އޭނާގެ ފިލްމުގެ ޝޫޓިން މި މަހު 11 ގައި ވަނީ ފަށައިފަ އެވެ. އެއަށް ފަހު ފިލްމުގެ ޝޫޓިން ވަރަށް ހަލުވި ސްޕީޑުގައި ކުރިއަށް އެބަދެ އެވެ. އެ ފިލްމުގެ ބައެއް މަންޒަރުތައް ނަގަން ހަމަޖެހިފައިވާ އެއް ލޮކޭޝަން ކަމަށްވާ ކަމަދޫގައި ނަގާ މަންޒަރުތައް މިހާރު އެއްކޮށް ނިމިފައިވާ ކަމަށް ޓެޑްރީ އިއްޔެ ބުންޏެވެ.
ކަމަދޫގައި ޝޫޓިން ނިމުނުކަން ހާމަކޮށް، ޓެޑްރީ ވަނީ ސޯޝަލް މީޑިއާ އަށް ފޮޓޮތަކެއް ވެސް ދޫކޮށްލައިފަ އެވެ. އެއް ފޮޓޯގައި ފެންނަނީ ޒޯޔާއާ އެކު ޓެޑްރީ އެވެ. ޒޯޔާ ހުރީ އެ ފިލްމުގައި އޭނާ ފެންނާނެ ލުކްގަ އެވެ. ހީވާގޮތުން، އެ ފިލްމުގައި ޒޯޔާ ކުޅޭނީ ވަރަށް ބަލި ކުއްޖެއްގެ ރޯލެވެ. އޭނާގެ ބޯ ތަލަކޮށް ހުރި އިރު، އޮކްސިޖަން ފުޅި ގުޅައިގެން ނޭވާލުމަށް ބޭނުންކުރާ ނޭސަލް ކެނުލާއެއް އޭނާގެ ނޭފަތަށް ގުޅާފައިވެ އެވެ.
އިތުރު ފޮޓޯއެއްގައި އެ ފިލްމުގެ ކާސްޓާއި ކްރޫ ފެނެ އެވެ. އެ ފޮޓޯގައި ނިއުމާ ވެސް ފެނެ އެވެ. އެހެން އެކްޓަރުންގެ ތެރޭގައި އަލީ އާސިމް އާއި ފިލްމުތަކުން މިހާރު ވަރަށް މަދުން ފެންނަ ހަދީޖާ އިބްރާހީމް (ކުޑަ ހައްޖަ) ހިމެނެ އެވެ. ޓިކްޓޮކް އަދި ޓީވީ ޕްރެޒެންޓިން އިން މަޝްހޫރުކަން ހޯދާފައިވާ މަރްޔަމް ޝިފާ (މަރްޔަމް ޝިފް) އާއި ވިދަމުން އަންނަ އެކްޓަރު އަހްމަދު އީސާ (އާނަންދު) އަދި ވާޝިޔާ މުހައްމަދު ވެސް ފެނެ އެވެ.
ޑެޓްރީގެ އިޓާނަލް ޕިކްޗާސްގެ މި ފިލްމަކީ އޭނާގެ އަމިއްލަ ވާހަކައަކަށް ލިޔެ، ޑައިރެކްޓްކުރާ ފިލްމެކެވެ. ގިނަ ދުވަސްތަކަކަށް ފަހު ޓެޑްރީ އެނބުރި ޑައިރެކްޝަނަށް އަންނަ މި ފިލްމު ސިނަމާގައި ދައްކަން ފަށާނެ ދުވަހެއް އަދި އިއުލާންނުކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައިޓް އޮން ޓައިމް
27 March 2022
ފިލްމެއް ހަދާލަން ތިހާ ގިނަ އަހަރުނަގަނީ ނަހުލާގެ ފިލްމަކާ ވާދަކުރަން ޖެހިދާނެތީވެ ނަހުލާ މުސްކުޅިވަންދެން މަޑުކުރަނީތަ
ގްޑްގްޑާ
27 March 2022
ނަހުލާއާއި ފައްތާހުގެ އަޑެއްބަޑެއް ނީވޭ، ދެމީހުންވެސް ހޮލީވުޑަށް ދިއައީތަ؟ ޓެޑްރީވެސް އެކަހަލަ ވުޑް ތަކަށް ދެތެރެ ދޭތެރެއިންދޭ؟ނަހުލާދެކެ އަންނަ ރުޅީގެ ބޮޑުކަމުން "އެންގްރީވްޑް".، ނުނީ މޮޓިމޭޓްނުވާތީ "ބެރޭކްވްޑް" ނައު ބެކް ޓް "މޮލީވްޑް".
ކުޑަމުރޭ
27 March 2022
އެހެން މީހުންނަށް ފާޑުކިޔަން ހަދައިގެން ކުރިއަށް ނުކަނޑާ ތި ހުންނަނީ، މޯލްޑިވިއަން އައިޑޮލުން ނިކުތް ކުޑަކުދިންނާ ވެސް ޖައްސާލި މީހެއް މީ
ޕެރިސްކޯޕް
27 March 2022
ނަހުލާ ފިލްމަކާމެދު ނުވިސްނަނީސް ޓެޑްރީ ފިލްމް ހަދަން ފެށީ، އެކަމަނާ ފިލްމު ހަދާހަދާ އެކަމުން މުއްސަދިވެ އެންމެފަހުން ހުއްޓާލީ އާބާދީގެ ބޮޑުބައެއް ކޮންމެފަހަރަކު ރޮއްވާލާ ރާއްޖޭގެ ޓިޝޫ އަގުބޮޑުކޮށްފައި. ޓެޑްރީ އަދި ކިރިއާ އެމަނިކުފާނުގެ 3 ވަނަ ފިލްމާއެކު.
ފައްތާހު
27 March 2022
ހާދަދެރައޭ ޓެޑްރީ އެތައް ޒަމާނެއްކޮށްފައި ފިލްމަކާއިގެން ބޮޑު ފަރުދާއަށް އަންނައިރު ފިލްމު އަޅުވާނެ ތަނެއް ނެއް، އޮލިންޕަސް ވީރާނެވެ، ފިލްމެއް އަޅުވައިގެން އުޅެނިކޮށް މީހަކު އަޑުގަދަކޮށް ހީލިއަސް ތަންހުރީ ވެއްޓޭ ހާލަތުގައި. އެހާދުވަސްކޮށްފައި އެބުރި އިންނައިރު ބައިސްކޯފް ކަހަލަ އެޕަކަށް ދޫކޮށްލައިގެން ކަމަކުނުދާނެ، ނެޓްފިލްކްސްއަށްކަންނޭގޭ ރަގަޅުވާނީ. ތަނެއް ތައްޔާރު ކުރެވެންދެން މަޑުކޮށްފިއްޔާ ފިލްމުގެ ފްރެޝްކަން ގެއްލިދާނެ.
މިސްއިޒް ނަހުލާ ސްޕިލްބާރގް
27 March 2022
2014 ގައި ނިކުށް ހޮލީވުޑް ފިލްމް "ދަ ފޯލްޓް އިން އަވާރ ސްޓާސް" ކޮޕީއެއްނޫން ދޯ؟ އޭގެ ލީޑް އަންހެން ކެރެކްޓާރ އަށް ހުންނަނީ ކެންސަރުޖެހިފައި، އޮކްސިޖަސް ސްލިންޑަރަކާއެކު މޫވުކުރާނީ.
ޖޫސްޕެކެޓު
27 March 2022
ފޯލްޓް އިން އަވަރ ސްޓާރ ގަ އުޅެނީ އަންހެނެއް ދޯ؟ މީގަ މި ފެންނަނީ ކުޑަ ކުއްޖެއް. ބަލަ އަބަދު ދިވެހިން ހަދަނީ ކޮޕީ ފިލްމެއް ނޫނޭ. ދިވެއްސަކަށްވެ ހުރެ ކުޑަކޮށް ދިވެހިން ކުރާ މަސައްކަތްތަކަށް ސަޕޯޓު ކޮށްބަލަ.
2022
27 March 2022
ތިފިލްމު އަންނާނެބާ؟
ސްފްނީ
27 March 2022
ޓެޑްރީވެސް ބައެއް ޑައިރެކްޓަރުންނަށް ބަހުންޖެހި ލޯފަންމީހުން ނޫނީ ވާހަކަ ނުދެއްކޭ މީހުންގެ ކެރެކްޓަރއަށް ފިލްމްތައް ހެދައި ކާމިޔާބް ހޯދި މީހުނަށް..ދުވަސްތަކެއްކޮށްފަ ފިލްމް މިހަދަނީ ހަމަ އެއުކުޅު ބޭނުންކޮށްގެން.