ކުޅިވަރު / މޯލްޑިވްސް ސްޕޯޓްސް އެވޯޑްސް

ސްޕޯޓްސް އެވޯޑަށް ހަރަދުކުރީ 6.1 މިލިއަން ރުފިޔާ: މިނިސްޓްރީ

މިނިސްޓްރީގެ މުވައްޒަފުންގެ ޑްރެސް ކޯޑެއް ތައްޔާރު ކުރުމަށް، ޑްރެސް ކޯޑް އެލަވަންސަށް އެކަނިވެސް ސަރުކާރުގެ ބަޖެޓުން 159،000ރ. ހަރަދުކުރި.

ސްޕޯޓްސް އެވޯޑު ހަފްލާގައި ޔޫތު އެންޑް ސްޕޯޓްސް މިނިސްޓަރު އަހުމަދު މަހްލޫފް ވާހަކަ ދައްކަވަނީ: ސްޕޯޓްސް އެވޯޑަށް 6.1 މިލިއަން ރުފިޔާ ވަނީ ހޭދަކޮށްފައި. -- ފޮޓޯ: ފަޔާޒު މޫސާ / މިހާރު

29 މާޗް 2022 - 00:55

14 comments

މި މަހުގެ 17 ވަނަ ދުވަހު ސަރުކާރުން ބޭއްވި މޯލްޑިވްސް ސްޕޯޓްސް އެވޯޑް ހަފުލާ އަށް 6.1 މިލިއަން ރުފިޔާ ހަރަދުކުރިކަން ސްޕޯޓްސް މިނިސްޓްރީން ބުނެފި އެވެ.

އެންމެ ބޮޑު ހަރަދެއް ހިނގާފައި ވަނީ، އެވޯޑް ހަފުލާ އަށް ރާއްޖެ އިން ބޭރުން ގެނައި ކުޅިވަރުގެ ލެޖެންޑުންނަށާއި އެ ހަފުލާ ބޭއްވި ތަން ތައްޔާރު ކުރުމަށާއި ކޭޓަރިން އަށެވެ. ލެޖެންޑުންގެ ދަތުރަށް 2.2 މިލިއަން ރުފިޔާ ހަރަދުކުރި ކަމަށް މިނިސްޓްރީން ބުންޏެވެ.

މައުލޫމާތު ހޯދައި ލިބިގަތުމުގެ ހައްގުގެ ދަށުން، އޮންލައިން ނޫސް "ދިޔަރެސް" އިން އެދިގެން ކުޅިވަރާ ބެހޭ މިނިސްޓްރީން ދިން މައުލޫމާތުތަކުން އެނގޭ ގޮތުން ހަފުލާ ތައްޔާރު ކުރުމަށާއި ކޭޓަރިން އަށް 2.8 މިލިއަން ރުފިޔާ ހޭދަކުރި އެވެ.

އެކި ދާއިރާތަކުން 100 އަށް ވުރެ ގިނަ އެވޯޑް ދީފައިވާއިރު، އެވޯޑް ހޯދި މީހުންނަށް ދިން ޓްރޮފީ އާއި މެޑަލް ތައްޔާރު ކުރުމަށް 585،690ރ. ހަރަދުކުރި އެވެ. މީޑިއާ ޕާޓްނަރުންގެ ގޮތުގައި ހަމަޖެއްސި މީޑީއާތަކަށް 309،000ރ. ދިނެވެ. އަދި ސްޕޯޓްސް މިނިސްޓްރީގެ މުވައްޒަފުން އެވޯޑް ހަފުލާ އަށް ދިިއުމަށް ވަކި ޑްރެސް ކޯޑެއް ތައްޔާރު ކުރުމަށް ޑްރެސް ކޯޑް އެލަވަންސަށް އެކަނިވެސް ސަރުކާރުގެ ބަޖެޓުން 159،000ރ. ވަނީ ހަރަދުކޮށްފަ އެެވެ.

ބޭރުގެ ލެޖެންޑުންނާއި އެކި ގައުމުތަކުގެ ކުޅިވަރާ ބެހޭ ވަޒީރުންނަށް ވެލާނާ އިންޓަނޭޝަނަލް އެއާޕޯޓުން މަރުހަބާ ކިއުމަށް ހިންގި ހަރަކާތްތަކަށް 50،000ރ. ހޭދަކޮށްފައިވެ އެވެ. އަދި ސްޕޯޓްސް އެވޯޑްގެ ކުރިން ބޭއްވި އެކި ޕްރޮމޯޝަނަލް އިވެންޓްތަކުގައި ލާނެ ޓީޝާޓްތަކެއް ތައްޔާރު ކުރުމަށް 35،000ރ. ވަނީ ހޭދަކޮށްފަ އެވެ.

މި ހުރިހާ ހަރަދުތަކާ އެކު އެވޯޑް ހަފުުލާ އަށް ހޭދަކޮށްފައި ވަނީ 6,195,735.8ރ. އެވެ. ސްޕޮންސަރުންގެ ގޮތުގައި އެވޯޑަށް ސަރުކާރުގެ ބައެއް ކުންފުނިތަކުން ވަނީ އެހީތެރިކަން ފޯރުކޮށްދީފަ އެވެ.

ސްޕޯޓްސް އެވޯޑަށް ކުންފުނިތަކުން ސްޕޮންސާ ކުރި އަދަދުތައް:

- އެމްޓީސީސީ: 100،000ރ.

- ދިރާގު: 100،000ރ.

- ސްޓެލްކޯ: 100،000ރ.

- ފެނަކަ: 100،000ރ.

- އެމްޑަބްލިއުއެސްސީ: 50،000ރ.

- އެޗްޑީސީ: 50،000ރ.

ސްޕޯޓްސް، ފިޓްނަސް އެންޑް ރެކްރިއޭޝަން މިނިސްޓްރީ އަހުމަދު މަހުލޫފް، ޔޫތު އެންޑް ސްޕޯޓްސް މިނިސްޓަރު މޯލްޑިވްސް ސްޕޯޓްސް އެވޯޑްސް

14 ކޮމެންޓް, 26 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިއަދު

29 March 2022

ކުރިންބުނީ 5 މިލިއަންކަމަށް މިހާރު 6.1 މިލިއަން އަދިވެސް ތެދަކަށް ނުވާނެ މީނަގެ މައްސަވެސް މަޖިލިހަށް ވައްދާ ބޭރުކުރަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޫހި

29 March 2022

ކުންފުނިތަކަކީ ވެސް ހަމަ ޕަބްލިކް ކުންފުނި. އެއީވެސް ރައްޔިތުންގެ ފައިސާ. ބޭރުން ތިޔަގެނައި ލެޖެންޓުންނަކީ މުއްސަދިން. އެކަމަކު އެމީހުންނަށްވެސް ވަނީ ފަސްޓްކްލާހުން ޓިކެޓް ދީފަ. މިއީ އާޅެ މުއްސަދި ގައުމެއްނޫންތަ؟ މިކަހަލަ މިނިސްޓަރުން އުޅޭހާ ދުވަހަކު ދައުލަތުގެ ދަރަނި ކުޑައެއްނުވާނެ. މިފަދަ ދަނޑިވަޅެއްގައި ތިޔަވަރުގެ އިވެންޓެއް ބާއްވާލީ ކާކަށްދައްކަންތަ؟ ދިވެހިރައްޔިތުންނަށް މަލާމާތްކުރަންތަ؟ ރާއްޖެއަކީ ދުނިޔޭގެ ފެންވަރުގެ ކާމިޔާބުބައެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުބެ.

29 March 2022

މިރާއްޖޭގެ އެންމެ ތެދުވެރި މީހާ ޢަލީ ރަމީޒު 30 މިލިއަން ކަމަށްބުނެ ޚަބަރު ފެތުރި! ހުސް ސިޔާސީ އެދުރުން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަހީހީދޯ

29 March 2022

ތިޔަތަނުން 1 މިލިއަން ރުފިޔާ އެވޯޑް ލިބުން ކުދިންނަށް ދިން ނަމަވެސް އެކުދިން އިތުރަށް މޯޓިވޭޓްވެ މުސްތަޤްބަލަށް މާ ފައިދާ ކުރާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

29 March 2022

މީހުން ސްޕޮންސަރކޮށްއުޅެނީ ކުންފުނި އިސްތިހާރުކުރުމުގެ ބޭނުމުގަ. ސްޓެލްކޯއިން އިސްތިހާރު ކުރަނީ ކަރަންޓް؟ ފެންކުންފުނިން ފެން؟ އެޗްޑީސީން ނުލިބޭ ފްލެޓް؟ ދުނިޔޭގެ ބޮޑެތި ސްޕޯޓްސް އިވެންޓްތަށް ޓީވީން ފެންނައިރު ދުވަހަކުވެސް ޔުޓިލިޓީ ކުންފުންޏެއްގެ ނަމެއް ދުށިންތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އެދުރުބެ.

29 March 2022

ބެލިޔަސް ލޯ ހުންނަ މީހުންނަށް ފެންނާނީ. ސްޕޯޓްސް އިވެންޓް ތަކުގަ ގިނަވާނީ މިހާރު ޔުޓިލިޓީ އާއި ހަކަތަ ކުންފުނިތައް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

29 March 2022

ޕެޓްރޮނާސް އަދި ޝެވްރޮން ކޯޕަރޭޝަން !!! @އުދުހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަކަސަކަ

29 March 2022

ޒޫމް ހަފުލާ އަކުންް ތިކަހަލަަ އިވެނޓްތައް ބާއްވާނަމަ ކިހާ ޚަރަދު ކުޑަވީސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުޗީ

29 March 2022

މިދައުރު ނިމޭއިރު ދަރަނި 100 ބިލިޔަން އާ ގާތަށް ދާނެ ކަމަށް ލަފާކުރެވޭއިރު ، އަދި 71 ބިލިޔަން ކޯވިޑް އާއި ހެދު ގެއްލުންވިކަމަށް ސޯލިހު ބުނާއިރު މިދަނޑިވަޅުގައި މިހާބޮޑު ހަރަދުކޮއްގެން މީހަމަ ކުރަންޖެހޭ ކަމެއްތޯ. ބޮޑު ހަރަދު ދީފަ ލެޖަންޑުން ނުގެނެސް އެވޯޑު ނުދެވެނީތަ. އެވޯޑު އެވޯޑަކަށް ވަނީ ލެޖަންޑުން އަތުން ލިބުނީމަތަ. ކޮންމެ ބަޔަކުވެސް ސަރުކާރު ލިބުނީމަ ތަޅާއަޅަނީ ...

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަންދީ

29 March 2022

އެވަރުގެ ބޮޑު އިވެންޓެއް ބާއްވަން އެއީ ބޮޑު ޚަރަދެއްނޫން، އޭގެ ސަބަބުން މުސްތަޤުބަލުގައި ވާނެ ފައިދާ އެތައްތަނަކުން ބޮޑުވާނެ އެއްވެސް ބައެއްމީހުންގެ ނަޒަރުގައި އިސްރާފެއް އެއީ ޖީއަޅާގުރޫޕައް ....

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަވީ

29 March 2022

މަ ހީކުރީ މި މީހަކު މަގާމުން ދުރު ކުރި ކަމައް.އަނެއްކަ އައިސް ސަވާރު ވެއްޖެ.ރައްޔިތުންގެ ފައިސާ އެބަ ތަޅާ ބުރުވައޭ މީނާ ބޭނުން މީހުނާ ބައްދަލު ކުރަން ވެގެން.ތިޔަ ހަތް މިލިއަން ރުފިޔާ އައް ކޮންމެ ރަށެއްގަ ޖިމަކާ ރާޅާ އަޅަން ބޭނުން ކުދިން ނައް އިކުއިޕްމަންޓް ގަނެދިން ނަމަ މާރަންގަޅު ވީހެންނު.ރައްޔިތުން ނުކުމެ ވެއްޖެ އެއްނު މި މީހުން ހުއްޓުވަން ގަދަ ބާރުން.ކިހައި ވަރުގަދަ ކަމެއް މިއޮތު ޖެހިފައި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިރު

29 March 2022

ތި އެވޯޑް ލިބުނު ކުޅުންތެރިންނަށް ކޮންމެވެސް ވަރެއްގެ ފައިސާ ކޮޅެއް ދިންނަމަ އަދި އިތުރަށް ފުރިހަމަ ވާނެ އެކުދިން ވެސް ތި ހަފްލާ އަށް ދާނީ ފުދޭ ވަރެއްގެ ޚަރަދެއްކޮށްގެން