އުރީދޫގެ "މަސްރޭސް"ގެ ޕާޓްނަރަކަށް ޑީޓެކް

އުރީދޫ އާއި އެކު ޑީޓެކް އިން މަސްރޭހުގެ ޕާޓްނަރަށް ވުމަށް ބޭއްވި ރަސްމިއްޔާތުގައި. މަސް ރޭހުގެ އެއް ވަނަ ޓީމަކަށް ޑީޓެކް އިން އިންޖީނެއް ދެނީ--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

29 މާޗް 2022 - 21:54

އުރީދޫން ރޯދަ މަހު ބާއްވާ "މަސްރޭސް"ގެ ޕާޓްނާއަކަށް އިޖީނާއި ޖެކްސްކީފަދަ ތަކެތި ވިއްކަމުން އަންނަ ޑީޓެކް ކުންފުނި ހަމަޖައްސައިފި އެވެ.

އުރީދޫގެ މަސްރޭސް ބޭއްވުމުގައި ޑީޓެކް އިން ޕާޓްނަރަކަށްވެފައިވާ އިރު އެކުންފުނިން ވަނީ މަސްރޭސް ކާމިޔާބު ކުރާ ޓީމަކަށް އެވުންރޫޑް ބްރޭންޑްގެ 8.9 ހޯސްޕަވާގެ އިންޖީނެއް ހުށަހަޅައިފަ އެވެ.

މި އަހަރުގެ ރޯދަ މަހު ބާއްވާ އުރީދޫ މަސްރޭހުގައި 23 ޓީމަކުން ބައިވެރިވާނެ އެވެ.

The winning team for #OoredooMasrace 2022 will get an Evinrude 9.8 HP Engine!! 😱

Thanks to our generous partner dTech! So happy to have you onboard for #OoredooMasrace pic.twitter.com/uxGv8b3MBW
— Ooredoo Maldives (@OoredooMaldives) March 29, 2022

އުރީދޫގެ ޓްވީޓް

އުރީދޫ މަސްރޭހަކީ ކޮންމެ އަހަރެއްގެ ރޯދަ މަހު ބާއްވާ މުބާރާތެކެވެ. ފާއިތުވި އަހަރުތަކުގައި އެ މުބާރާތަށް ބޮޑު ތަރުހީބެއް ލިބިފައިވާއިރު މިއީ ރައްޓެހިންނާއި އާއިލާ މެންބަރުން އަދި އޮފީސްތަކުގައި އެއްކޮށް މަސައްކަތްކުރާ ރައްޓެހިންނާ އެކު ޓީމު ހަދައިގެން އުފާވެރި ވަގުތުކޮޅެއް ހޭދަކޮށްލަން ލިބޭ ފުރުސަތެއް ކަމަށް އުރީދޫން ބުނެފައިވެ އެވެ.

އެ މުބާރާތުން އެއް ވަނައަށް ހޮވޭ ޓީމަކަށް 50،000ރ. ލިބޭނެ އެވެ. އެންމެ ގިނަ މަސް ބާނާ މީހަކަށް 5،000ރ. ލިބޭ އިރު އެންމެ ބަރު މަސް ބާނާ މީހަކަށް 5،000ރ. ގެ އިނާމެއް ލިބޭނެ އެވެ.