އިމްރާން އާއި ސީޕީ އަހުމަދު ގައިދީންނާ އެކު ރޯދަވީއްލައިފި

ހޯމް މިނިސްޓަރު އިމްރާން އަބްދުﷲ އާއި ކޮމިޝަނާ އޮފް ޕްރިޒަންސް (ސީޕީ) އަހްމަދު މުހައްމަދުފުޅު ކ. މާފުށީ ޖަލުގައި ތިބި ގައިދީންނާ އެކު ރޯދަވީއްލަނީ -- ފޮޓޯ: ކަރެކްޝަންސް

އިފްރާޒް އަލީ، މިހާރު

02 އެޕްރީލް 2022 - 23:14

17 comments

ހޯމް މިނިސްޓަރު އިމްރާން އަބްދުﷲ އާއި ކޮމިޝަނާ އޮފް ޕްރިޒަންސް (ސީޕީ) އަހްމަދު މުހައްމަދުފުޅު މިއަދު ކ. މާފުށީ ޖަލުގެ ގައިދީންނާ އެކު ރޯދަވީއްލުމެއްގައި ބައިވެރިވެވަޑައިގެންފި އެވެ.

އެ ރޯދަވީއްލުމުގެ ފޮޓޯތަކެއް ކަރެކްޝަންސް އިން މިރޭ ޓުވީޓްކޮށްފައިވެ އެވެ.

ކަރެކްޝަންސްގެ ތަރުޖަމާން އައިމިނަތު ޔުސްރީން "މިހާރު" އަށް ވިދާޅުވީ، މިއީ ގައިދީންނާ އެކު ހޯމް މިނިސްޓަރަކާއި ޖަލުގެ އިސްވެރިޔަކު ރޯދަވީއްލުމެއް ބޭއްވެވި ފުރަތަމަ ފަހަރު ކަމަށެވެ. ރޯދަވީއްލުމަށް ފަހު އިމްރާން އާއި ސީޕީ އަހްމަދު ގައިދީންނާ އެކު ނަމާދުކުރެއްވި ކަމަށް ވެސް އޭނާ ވިދާޅުވި އެވެ.

ހޯމް މިނިސްޓަރު އިމްރާން އަބްދުﷲ އާއި ކޮމިޝަނާ އޮފް ޕްރިޒަންސް (ސީޕީ) އަހްމަދު މުހައްމަދުފުޅު ރޯދަވީއްލުމަކަށް ކ. މާފުށީ ޖަލަށް ވަޑައިގެން ގައިދީންނާ ބައްދަލުކުރައްވަނީ -- ފޮޓޯ: ކަރެކްޝަންސް

އެ ރޯދަވިއްލުމާ ގުޅޭ ގޮތުން ހޯމް މިނިސްޓްރީގެ ވެބްސައިޓްގައި ޝާއިއުކުރި ޚަބަރެއްގައި ބުނީ، ގައިދީންނާ އެކު ރޯދަމަހުގެ ފުރަތަމަ ދުވަހު ރޯދަވީއްލަވައި ގައިދީން ހާލަތު ވެސް މިނިސްޓަރު އޮޅުންފިލުއްވެވި ކަމަށެވެ. އަދި މި ރޯދަ މަހުގެ ގައިދީންގެ ހާލަތު އިތުރަށް ރަނގަޅު ކުރުމަށް ކުރެވޭނީ ކޮން ކަންތައްތަކެއްތޯ ވެސް މިނިސްޓަރު އެއްސެވި ކަމަށެވެ.

މިނިސްޓަރ އޮފް ހޯމް އެފެއަރޒް އޮނަރަބަލް އިމްރާން ޢަބްދުﷲ އާއި ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު މާފުށީ ޖަލުގެ ޤައިދީންނާއެކު މިއަދު ރޯދަ ވީއްލުމުގައި ބައިވެރިވެލެއްވުން pic.twitter.com/G7PFNplvm2
— Maldives Correctional Service (@CorrectionsMv) April 2, 2022

"ގައިދީން ރަނގަޅު ބައެއްގެ ގޮތުގައި އަނބުރާ މުޖުތަމައު އަށް ނެރުމަށް ސަރުކާރުން ބޮޑު އިސްކަމެއް ދެއްވާ. އެ މަސައްކަތް ހުއްޓާނުލާ ކުރަމުން ގެންދާނެ. ގައިދީންނާ އެކު ރޯދަވީއްލުމުގެ ތެރެއިން ހޭދަކުރި ވަގުތުތަކީ އެކަމަށް ވެސް ވިސްނައިގެން ކަންކަން ދެނެގަތުމަށް ބޭއްވި ބައްދަލުވުމެއް،" އެ ރޯދަވީއްލުމަށް ފަހު އިމްރާން ވިދާޅުވި ކަމަށް ހޯމް މިނިސްޓްރީން ބުންޏެވެ.

މިނިސްޓްރީން ބުނީ މި ރޯދަ މަހު ޖަލުގެ އެކި ޔުނިޓްތަކުގައި ތިބި ގައިދީންނާ އެކު، އިމްރާން ބައްދަލުވުންތައް ވެސް ބާއްވާނެ ކަމަށެވެ.

ގައިދީން ހޯމްލޭންޑް ސެކިއުރިޓީ މިނިސްޓްރީ މާފުށީ ޖަލު އިމްރާން އަބްދުﷲ، ހޯމް މިނިސްޓަރު ކަރެކްޝަނަލް ސާވިސް އަހުމަދު މުހައްމަދުފުޅު (ކޮމިޝަނާ އޮފް ޕްރިޒްންސް)

17 ކޮމެންޓް, 24 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަޖައިބެއް މިވެސް

03 April 2022

ގައިދީންގެ ދަރަޖަ ބަދަލު ވާނަމަ ދެން ދާންވީ ތިތާކަށްނު ހިލޭ ކަލާ ނިދާ ރެސްޓުކޮށްލަން. ގައިދީންގެ މާނަ އޮޅިއްޖެ! ނަހައްގުން ޖަލުގައި ތިބޭ މީހުން އެކަމުން ނިކުމެވޭނެ ހަރުދަނާ މެކޭނިޒަމެއް ނުންތަ ބޭނުން ވަނީ! ޕޖ އަށް މުހިންމު ވަނީ ހެޑްލައިން އަޅާލެވޭ ފަދަ ކޭސްއެއް. އެނޫނީ ތަށަށް ކިޔަނީ މަރިޔަނބު ހޭވެސް އަހާނުލާނެ. ތުހުމަތަށް ވާނުވާ ޖަހާފަ ކިތައް އަހަރު މީހުން އެބަތިބި ވަކީލުންގެ އަގުބޮޑުކަމުން ގޮތް ހުސްވެފަ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފްއޮފިޝަލް

03 April 2022

ވަރަށް ސަޅިކަމެއް.ގައިދީންނާ އެކީ މިނިސްޓަރު އެއް ސުފުރާއެއްގެ ތިބެން ވަގުތު ލިބުން އެއީ މީގެ ސަޅިކަން.ގައިދީންގެ ޝަކުވާތައް ލޮގް ކުރި ބާ؟؟!! ވ.ވ.ވެދުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކުސް

03 April 2022

މިހާރު ކޮންމެ ގައިދީއަކަށްވެސް ބޭނުންވަރަކަށް ޝަކުވާހުށަހެޅުމަށް ކޮންމެ ހަފްތާއަކު "ޝަކުވާ ފޯމު" ކިޔާ ފޯމެެއް ލިބެއެވެ. އޭފޯ ސައިޒުގެ މިޝަކުވާ ފޯމު ފުރުމުން ޖެހިގެން އަންނަދުވަހު ޝަކުވާތައް މިނިސްޓަރު އިމްރާނާ ހަމަޔަށް ފޮނުވައެވެ. ޝަކުވާތަކަށް އިމްރާނު އަބަދުވެސް ގާތުން ބައްލަވައެވެ. އިހަށްދުވަހު ގައިދީއަކު ތަށި މަދޭ ބުނެގެން، ޖެހިގެން އައިދުވަހު ގައިދީންނަށް އިތުރު ބާލީހާއި ބެޑްޝީޓާ ކުނާ އަދި ފެންވަރާ ސާމާނާއި ތަށި ޖޯޑުތައްވެސް ހަވާލުކުރިއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކުސް

03 April 2022

ޝޭހު އިމްރާނަކީ މިހާތަނަށް ރާއްޖެ ދުށް އެންމެ އިޚުލާޞްތެރި އަދި ޤައުމަށް ހެޔޮ ގޮތްތަކަށް އެދި މަސައްކަތްކުރާ ކޮރަޕްޝަނުގެ ލައްގަނޑު ނެތް ހޯމްމިނިސްޓަރުކަން ފާހަގަކުރަން. ޢިމްރާނު މަޤާމާ ޙަވާލުވިފަހުން ރާއްޖޭގެ ހަމަޖެހުން ގާއިމްކުރެވިއްޖެ. ގައިދީން އަނބުރާ މުޖުތަމަޢަށް ގެނެސް ބޭނުންތެރި ބަޔަކަށް ހެދުމަށް ތިޔަކުރައްވާ މަސައްކަތަކީ ޙައްގުތައުރީފް މަސައްކަތެއް. އިންޝާﷲ ޢިމްރާނަށް ހެޔޮގޮތް މިންވަރުކުރައްވައި ޤައުމުގެ އަމާންކަން ދަމަހައްޓަވާށި. އާމީން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަންގްރިއްލާ

03 April 2022

ބްރޭކިންގ ނިއުސްގެ ގޮތުގަ މި ހަބަރު ޖަހާލިނަމަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިކިލީކުސް

03 April 2022

މިއީ މާފުށީ ޖަލުގެ ޔުނިޓް 8 މިތަނުގައި ތިބޭނީ ރިހިބިލިޓޭޝަން ޕްރޮގްރާމް ފުރިހަމަކުރާ ގައިދީން އެކަނި. ޓެރަރިޒަމް އާ މާޑަރުން ކަހަލަ ބޮޑެތި މައްސަލަތަކުގެ ގައިދީން މިޔުނިޓުގައި ނުތިބޭނެ. މިޔުނިޓަކީ ޖަލުގެ އެންމެ ފެންވަރު ރަނގަޅު ޔުނިޓް. މިޔުނިޓުގަ ހުންނަނީ 18×20 ފޫޓުގެ 3 ގޮޅިއާ ކުލާސްރޫމަކާއި ޔާޑެއް ކަމަށްވޭ. ކޮންމެ ގޮޅިއެއްގަ 12 ގައިދީން. ކޮންމެ 2 ދުވަހުން 1 ދުވަހު ހިނގާލަން ނުވަތަ ފުޓުބޯޅަ ކުޅެން ގައިދީން ޔާޑަށް ނެރޭނެ. ނެރޭނީ 15 ގައިދީން.