ތިމަރަފުށީ އެއާޕޯޓު: އެތަން ހިންގަމުން އަންނަ އައިލެންޑް އޭވިއޭޝަނުން ވަނީ އެއާޕޯޓްގެ މަރާމާތު މަސައްކަތްކޮށްދޭނެ ބަޔަކު ހޯދަން އިއުލާންކޮށްފައި.
30 އެޕްރީލް 2022 - 19:39
6 comments
އައިލެންޑް އޭވިއޭޝަނުން ހިންގާ، ތ. ތިމަރަފުށީ އެއާޕޯޓް މަރާމާތުކޮށްދޭނެ ބަޔަކު ހޯދަން އިއުލާންކޮށްފި އެވެ.
މަރާމާތުގެ މަސައްކަތްތައް ކުރަން ޖެހެނީ އެއާޕޯޓްގެ ފަޔާ އެންޑް ރެސްކިއު އިމާރާތާއި އެކޮމޮޑޭޝަން ބްލޮކާއި ޕަސެންޖާ ޓާމިނަލްގެ އޮފީސް އޭރިއާ އާއި ބޯޑިން ގޭޓް ޗެކިން އޭރިއާގެ އިތުރުން ޕަވާހައުސާއި ސެކިއުރިޓީ ގޭޓާއި ސެކިއުރީޓީ ފެންސް އެވެ.
ތ. އަތޮޅުގައި މިވަގުތު އޮޕަރޭޓް ކުރަމުން އަންނަ ހަމައެކަނި އެއާޕޯޓުގެ މަރާމާތުގެ މަސައްކަތަށް ޝައުގުވެެރިވާ ނަމަ، މެއި މަހުގެ އަށް ވަނަ ދުވަހުގެ ހެނދުނު 11 ގެ ކުރިން މައުލޫމާތު ފޯމު ފުރައި [email protected] އަށް ފޮނުވަން ޖެހެ އެވެ.
އައިލެންޑް އޭވިއޭޝަނުން ބުނީ އެ ވަގުތުގެ ކުރިން މައުލޫމާތު ފޯމު ހުށަނާޅާ ފަރާތްތަކާއި މައުލޫމާތު ދިނުމުގެ ބައްދަލުވުމަށް ނުދާ ފަރާތްތަކަށް ބިޑް ހުށަހެޅުމުގެ ފުރުސަތު ނުލިބޭނެ ކަމަށެވެ.
ތިމަރަފުށީގެ އެއާޕޯޓަކީ ކުރީގެ ރައީސް މުހައްމަދު ވަހީދުގެ ސަރުކާރުގައި 2013 ވަނަ އަހަރު ހުޅުވި އެއާޕޯޓެކެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ތަރައްގީ ކުރި ތިމަރަފުށީ އެއާޕޯޓަކީ 1200 މީޓަރު ދިގު އަދި 30 މީޓަރު ފުޅާ އެއާޕޯޓެކެވެ. އެ މަސައްކަތަށް 32 މިލިއަން ރުފިޔާ ހޭދަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢެޑްމުންޑޯ
01 May 2022
ދަތުރު ނުކުރާ އެއަރޕޯޓެއް ، އިތުރުޚަރަދުކޮށް ހިންގަން އުޅޭނީ ކީއްވެބާ ، ތިފަދަ އެއަރޕޯޓް ތަކުގެ ސަބަބުން ކުންފުނިދަރާމުންދަނީ ، ދެން ޓިކެޓް އެއްޗެހި އަގުބޮޑުކޮއްގެން ޕަސެންޖަރުން ފެލާގެން މިހާރުވެސް ތިއުޅެނީ !!! ފަރެސްމާތޮޑާވެސް އެހަދާ އެއަރޕޯޓަށް ވެސް ވާނީ ހަމަތިވަރު ،
ސައުތް
01 May 2022
ކަލޯ ދަރަވަންދޫ އެއަރޕޯޓް ބޮލަށް ވެއްޓޭ އިރުވެސް ފައިދާ ނުވާ ތަންތަން ހެދުމުގަ އޭދޯ
ޏޯތް
30 April 2022
ކިއްކުރަން ތަ އިއުލާން ކުރަނި. ޢެސްޓިއޯއާ ހަވާލު ކިރީމަ ނިމުނީނު.
ބޮޑުމީހާ
30 April 2022
ކޮންމެ ރަށެއްގަ އެއާޕޯޓެއް ހޮސްޕިޓަލެއް އިންޖީނުގެ ސްކޫލް ކައުންސިލް ހިންގަނީ ކިހިނެއް! ބޮޑެތި ލޯނުތަކެއް ނަގައިގެން ފީސަބަލް ނޫން ޕްރޮޖެކްޓްތައް ހިންގާއިރު ސަސްޓައިނަބިލިޓީއަށް ނުވިސްނާ. ލަންކާއަށް ވީގޮތާއިމެދު ވިސްނާފިކުރުކުރަންޖެހޭ
ޣައރޯ
30 April 2022
32 މިލިޔަން ހަރަދުވީ އިރު، މި 9 އަހަރުތެރޭ ކިތައްބޯޓު ޖެއްސިއްޖެ.
ނާފީ
30 April 2022
ތިޔަ އެޔާޕޯޓް ހެދުމަށްވުރެ މާރަނގަޅުވާނެ ތިޔަ އެޔާޕޯޓް ނެގިޔަސް 7 ދުވަހުން ފުލައިޓެއް އެޔާ ޕޯޓް ހިންގާ ފަރާތަށް 100 ޕަސެންޓް ގެއްލުން