އެމްޓީސީސީގެ ސީއީއޯ/އެމްޑީ އާދަމް އާޒިމް "މިހާރު" އަށް ދެއްވި އިންޓަވިއުގެ ތެރެއިން. އެކުންފުނީގެ ވިސްނުމަކީ ރިއަލް އެސްޓޭޓް ވިޔަފާރިއަށް ވަނުން--ފޮޓޯ:މިހާރު
20 މެއި 2022 - 11:51
5 comments
އެމްޓީސީސީގެ އަމާޒަކީ ރިއަލް އެސްޓޭޓް ބޮޑެތި ޕްރޮޖެކްޓްތަކަށް ވަދެ، ވިޔަފާރި އިތުރަށް ފުޅާކުރުން ކަމަށް އެ ކުންފުނީގެ ސީއީއޯ އަދި މެނޭޖިން ޑިރެކްޓަރު އާދަމް އާޒިމް ވިދާޅުވެއްޖެ އެވެ.
ރޭ ކުރުނބާ މޯލްޑިވްސްގައި ބޭއްވި އެ ކުންފުނީގެ އަހަރީ އާންމު ޖަލްސާގައި ހިއްސާދާރަކު ކުރި ސުވާލަކަށް ޖަވާބު ދެއްވަމުން އާޒިމް ވިދާޅުވީ، ބޮޑެތި ހައުސިން ޕްރޮޖެކްޓްތަކަށް ވަނުމުގެ ވިސްނުން ގެންގުޅޭ ކަމަށެވެ. އެހެން ނަމަވެސް މާލޭގައި ހިންގާ ކަހަލަ ކުދިކުދި ގެތައް ހެދުމުގެ މަސައްކަތަށް އެ ކުންފުނިން ނުވަންނާނެ ކަމަށް އޭނާ ވިދާޅުވި އެވެ.
"އަޅުގަނޑުމެން ދާނީ ބޮޑެތި ހައުސިން ޔުނިޓްތައް ހަދާ، އެ ވިއްކުމުގެ ވިޔަފާރިއާ ދިމާލަށް،" އޭނާ ވިދާޅުވި އެވެ.
އާޒިމް ވިދާޅުވި ގޮތުގައި، ވިޔަފާރި ފުޅާ ކުރުމުގެ ވިސްނުން މިގޮތަށް ބަދަލުކުރަނީ ކުރިއަށް އޮތް ދެ އަހަރުގެ ތެރޭގައި ރާއްޖޭގެ ބަނދަރުތަކާއި ބިން ހިއްކުމާއި އެއާޕޯޓުތަކުގެ މަޝްރޫއުތައް ނިމުމަކަށް އަންނާނެތީ އެވެ. އެހެންވެ އެމްޓީސީސީ އަށް އެފަދަ ޕްރޮޖެކްޓްތައް ލިބޭ މިންވަރު ވެސް މަދުވާނެ ކަމަށް އޭނާ ވިދާޅުވި އެވެ.
"ހިއްސާދާރުންނަށް މިވަރުގެ އާމްދަނީއެއް ދީ ކަންތައް ކުރުމަށްޓަކައި އިތުރު ވިޔަފާރިތަކަށް ވަންނަން އެބަ ޖެހޭ،" އޭނާ ވިދާޅުވި އެވެ.
އޭނާ ވިދާޅުވީ، އަމާޒަކީ މި އަހަރުގެ ފައިދާ 300 މިލިއަން ރުފިޔާ އަށް އެރުވުން ކަމަށެވެ. އެމްޓީސީސީ އަށް 2021 ވަނަ އަހަރު ފައިދާގެ ގޮތުގައި 272 މިލިއަން ރުފިޔާ ލިބިފައިވެ އެވެ.
އެމްޓީސީސީން ރާއްޖޭގެ އެކި ސަރަހައްދުތަކުގައި 100 އަށް ވުރެ ގިނަ ޕްރޮޖެކްޓް ހިންގަމުން އަންނަ އިރު އޭގެ ތެރެއިން 80 ޕަސެންޓް މަސައްކަަތްތަކަކީ ސަރުކާރުން ހަވާލުކޮށްފައިވާ މަޝްރޫއުތަކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
2000
21 May 2022
ހޯރަފުށި އެއާޕޯޓް ވެސް ހެދި ސްއިޕްލޭން ހެން
ޖަލީލު ފިއްލަދޫ
21 May 2022
ފައްޓާމަސައްކަތް ވަގުތައްނިންމޭނަމަ ރަނގަލުދެއްތޯ މިހެން އަރާ ބައިސާކަނޑަން. ވެރިކަމަށް 4 އަހަރު ނިމެމުންދާއިރު ކުންފުނިން ކުރެވުނުވަރަކީ 5 ދަނޑަށް ވެލިއަޅާ އެއްވަރު ކުރެވުނީ. މީނޫންތޯ މެގަޕްރޮޖެކްޓް އަކީ
ފިޔާ
20 May 2022
ޢެއްވެސް އާކަމެއް ކުރުމުގެ ގާބިލް ކަމެއްނެއް ބަޔެއްމީ. ޙުރިހާ ސްޓޭޓް އޯން އެންޓަޕްރައިސް ރިއަލް އެސްޓޭޓަށް ވަދޭ ދެން. ލޮލް.
އަހްމަަދު
20 May 2022
މޓސސ އަށް ލިބޭ ވިޔަފާރިއަކީ އޮޓޮމެޓިކުން ލިބޭ ވިޔަފާރިތަކެއް... މޑ ވަކި މޮޅުވެގެން ވާކަމެއްނޫން އެއީ... ސަރުކާރުގެ މެނިފެސްޓޯގައި ވާކަންތައް ސަރުކާރުން ހަވާލުކުރަނީ މޓސސ އާއި.. އެމީހުންގެ މައިގަނޑު ވިޔަފާރިައަކީ މީ.
އޮނަރަބްލް އަފީފު ދީދީ
20 May 2022
ވަރަށް މުހިންމުކަމެއް. ރިއަލްއެސްޓޭޓް ވިޔަފާރިއަށް ކުންފުނި ފައްކާކުރުމަށްޓާ ކުންފުނީގައި މިވަގުތު ޙިއްސާނެތް ކޮންމެ މީހެއްގެނަމުގައި 100 ޙިއްސާގަތުމަށް އަދި މިވަގުތު ޙިއްސާއޮތް މީހުންގެތެރެއިންވެސް ސަތޭކަ ޙިއްސާ ހަމަނުވާމީހުނަށް އެއަދަދުހަމަކުރުމަށް ފުރުސަތު ހުޅުވާލާ ކުންފުނީގެ މާލަތުވެސް ރަނގަޅުކޮށް ބޯޑްގައި އާންމު ޙިއްސާދާރުން ތަމްސީލު ކުރާ ޖާގަ ތިނެއް ނުވަތަ 4 ބަދަލު ކޮށްލުން ވަރަށް މުހިންމު. ފުރަތަމަ މިފަދަ އިދާރީ ކަންކަން ފުރިހަމަ ކުރައްވާ.