އެމްއެންޕީގެ ވަގުތީ ރައީސް އަދި ދަނގެތި ދާއިރާގެ މެމްބަރު ނާޒިމް: އިންތިހާބުތަކުން މޮޅުވެވޭނީ އެމްއެންޕީއާއެކީ ކަމަށް ވިދާޅުވި -- ފޮޓޯ: ފަޔާޒް މޫސާ | މިހާރު
22 މެއި 2022 - 17:13
48 comments
މޯލްޑިވްސް ނޭޝަނަލް ޕާޓީ (އެމްއެންޕީ) އާ ނުލައި އެހެން އެއްވެސް ޕާޓީއަކަށް އިންތިހާބެއް ކާމިޔާބު ނުކުރެވޭނެ ކަމަށް އެ ޕާޓީގެ ރައީސް އަދި ދަނގެތި ދާއިރާގެ މެމްބަރު މުހައްމަދު ނާޒިމް މިއަދު ވިދާޅުވެއްޖެ އެވެ.
އެމްއެންޕީން ބޭއްވި ނޫސްވެރިންގެ ބައްދަލުވުމުގައި ނާޒިމް ވިދާޅުވީ އެ ޕާޓީން ބައިވެރިވަމުން އަންނަ ހުރިހާ އިންތިހާބެއްގެ ނަތީޖާއާ މެދު ހިތްހަމަޖެހިވަޑައިގަންނަވާ ކަަމަށެވެ.
އެންމެ ފަހުން ބޭއްވި މާލެ ސިޓީގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ ވިލިމާލެ ދާއިރާގެ އިންތިހާބުގައި، ރާއްޖޭގެ ވެރިކަން ކޮށްފައިވާ ބޮޑު ޕާޓީއެއް ކަމަށްވާ ޕީޕީއެމް އާ ވާދަކޮށްގެން ވެސް ބަލިވީ އެންމެ ވޯޓެއްގެ ތަފާތަކުން ކަމަށް ނާޒިމް ވިދާޅުވި އެވެ.
"އަޅުގަނޑުމެންނަކީ މިހާރު ރާއްޖޭގައި އަޅުގަނޑު ގަބޫލު ކުރާ ގޮތުގައި، އަޅުގަނޑުމެނާ ނުލައި އެއްވެސް ބަޔަކަށް ރާއްޖޭގެ އިންތިހާބެއް ކާމިޔާބު ނުކުރެވޭ ވަރަކަށް އަޅުގަނޑުމެންނަށް ކާމިޔާބު ލިބިއްޖެ،" ނާޒިމް ވިދާޅުވި އެވެ.
އެމްއެންޕީން މިއަދު ބޭއްވި މީޑިއާ ބްރީފިންގައި ނާޒިމް ވާހަކަ ދައްކަވާއިރު، އެ ޕާޓީގެ އެހެން ބައެއް ވެރިން އަޑުއައްސަވަނީ.---ފޮޓޯ: ފަޔާޒު މޫސާ| މިހާރު
އެންއެންޕީން ދެން ކުރަން އޮތް މަސައްކަތަކީ އަންނަ ޖުލައި މަހު ތެރޭ ބާއްވާ ބައެއް ރަށްރަށުގެ އަންހެނުންގެ ތަރައްގީ އަށް މަސައްކަތް ކުރާ ކޮމިޓީގެ އިންތިހާބުގައި ވާދަ ކުރުން ކަމަށް ނާޒިމް ވިދާޅުވި އެވެ.
އެއަށް ފަހު ޕާޓީގެ އިންތިހާބު ބާއްވައި ދާއިމީ މަގާމްތަކަށް މީހުން އައްޔަން ކުރައްވާނެ ކަމަށާއި ކޮންގްރެސް ބޭއްވުމަށް ފަހު ރިޔާސީ ޓިކެޓު ވެސް ހަވާލު ކުރައްވާނެ ކަމަށް ނާޒިމް ވިދާޅުވި އެވެ.
"ކުރިން ވެސް ދެންނެވި ގޮތަށް ރިޔާސީ އިންތިހާބަށް ވާދަ ކުރުމުގެ ހެޔޮ ނިޔަތް އެބައޮތް،" ނާޒިމް ވިދާޅުވި އެވެ.
އެމްއެންޕީން ފުރަތަމަ ބައިވެރިވި ރައްޔިތުންގެ މަޖިލީހުގެ ށ. ކޮމަންޑޫ ދާއިރާގެ ބައި-އިލެކްޝަންގައި އެ ޕާޓީގެ ކެންޑިޑޭޓް އަބްދުލްހަންނާނަށް ލިބިވަޑައިގަތީ 323 ވޯޓެވެ. އެ ޕާޓީ ކާމިޔާބު ކުރި އެމްޑީޕީ އަށް ލިބުނީ 1,401 ވޯޓެވެ. އަދި ޕީޕީއެމް އަށް ލިބުނީ 1,161 ވޯޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
23 May 2022
ދިވެހި ހަރުބަހެއް އޮވާ _ކާޅަށް ކާށި ނުކެވޭނޭ.
ވޯޓާ
23 May 2022
މިގައުމުގެ އިންތިހާބުތަކުގަ ވޯޓް ލާ އުޅޭ ގޮތް ނޭނގޭ މީހުން މިހާރު އެބަތިބިތަ؟ ޕީޕީއެމާ އެމްއެންޕީ އެކަނި ކުރިމަތިލި ގޮނޑިއަކަށް ޕީޕީއެމާ އިދިކޮޅު ކެނޑިޑޭޓަށް ވޯޓް ލީ އެންމެން ލާނީކީ ތިޔަ ޕާޓީއަށް ތާއީދުކުރާތީކީ ނޫން. އެއީ ޕީޕީއާ ދެކޮޅަށް ދެން ތިބި ހުރިހާ ޕާޓީއަށް ސަޕޯޓްކުރާ ޕާޓީތަކުގެ މީހުން ލީ ވޯޓެއް. އެމްޑީޕީ އެ މަންޒަރުގަ އޮތްނަމަ އެންމެންޕީއަކަށް އެހާ ވޯޓެއް ނުލިބުނީސް.
ޞިިން
23 May 2022
ދެން ހުވާ ކޮއްލަން ފެންނަނީ
ޒިންދަގީ
23 May 2022
ޕާޓީހެދިއިރު ބުނީ ވެރިކަމަށޭ އަންނާނީ.. މިހާރު ތިޔަހޯދަނީ ކޯލިޝަނަކުން ޖާގައެއް.. ދެން ދުނިޔޭގެ ހުރިހާ އެމްބަސީތަކަކާއި މިނިސްޓްރީތަކުގެ ސްޓޭޓް މިނިސްޓަރުކަމުން ޕާޓީއަށް ޖާގަހޯދަން ނިކުންނަންވީ..
ޑޮކްޓާރ. ބަނާނާ
23 May 2022
ޢެއްވެސް ސިޔާސީ އުރައްޕެއް ހުރިބައެއްނޫން.. އަބަދުވެސް ކަލޭމެން ކަމަކީ ވިޔަފާރި ފުޅާކުރަން ހިހޫތަނުން ކައިގެން އުޅުން..
ނިކަމެތިއަޅާ
23 May 2022
މާނައަކީ ދެންއޮންނަވެރިކަމެއްގައި ދެބައިކުޅަ އެއްބައި ސިޔާސީމަގާމުތަައް ކަލޭގެ ޕާޓީއައް ދޭންވާނޭ ދޭއްތޯ.
ޢެޑްމުންޑޯ
23 May 2022
ނާޒިމްގެ ވާހަކަ ގޯހެއްނޫން ، ކޮންމެ ގޮތެއްވިއަސް އަގައިން ނަމަވެސް ހިފަހައްޓާލަން ޖެހޭނެތާ !!! ކުރިން 3 ހާސްމީހުން ހަމަނުވާ އަދާލަތު ޕާރޓީންވެސް އިމްރާނުމެން ކުޅުނީ މިކަހަލަ ކުޅިތަކެއް ، ނަތީޖާ އެއޮތީ ފެންނަން !! މިހާރު މިންބަރުންވެސް ގިނަވެ ޕާރޓީތަކަށް ބަހާފައިސާ ވެސް ލިބެންފަށާފި !!!
ޖުހާނާ
23 May 2022
ކޮއްކޯ. "މިންބަރު" ކިޔަނީ ހުކުރުނަމާދު ކުރާ އިމާމުމީހާ ޚުޠުބާ ކިޔަން އަރާ ހުންނަ ތަނަށް. ޕާޓީތަކުގައި ތިބޭނީ މެމްބަރުން.
ޢެޑްމުންޑޯ
23 May 2022
ޝުކުރިއްޔާ ޖުހާނާ ! އެއީ ލިއުމުގެ ކުށެއް ، ފާހަގަކޮއްލީތީ ވަރަށް ރަގަޅު
ގުއިއްޒު
23 May 2022
ބީއެންޕީ؟ ހަމަ ހީވާގޮތް.
ޕްރައިވެޓު އަށްމަޑޭ
23 May 2022
ތި ޕާޓީއަކީ އެހެން ޕާޓީތަކަށް ބިރު ދައްކަން އުފެއްދި ޕާޓީ އެއްތަ؟؟؟
ާއަލީ ބުނީ
23 May 2022
ދެންއެހެންވިއްޔާ ބިޑައްލާންވީނުއް 2023ގެ އިންތިހާބައް. ޢެންމެ ބޮޑު އަގެއްހުށައަޅާ ބަޔަކައް ކޯލިސަން ހަދާނީ. ކަލޭމެން ޕާޓީހެދީ ފައިސާގެ ދަހިވެތި ކަމުގައެއްނުން. ޜައްޔިތުންނައްޓަކާ އަމިއްލަ އަންބޮނޑި ބޮޑު ކުޜީމަވީނުން. ޥަރައްސަލާން.