އެމްއެސްއެސްގެ ބޯޓު. ޓުޓިކޮރިން އާއި އައްޑޫ ދެމެދު ކުރި ދަތުރުތައް ހުއްޓާލީ ޑިމާންޑް ނެތުމުން ކަމަށް އެކުންފުނިން ބުނެފައިވޭ--ފޮޓޯ:މިހާރު
23 މެއި 2022 - 13:10
29 comments
އެސްޓީއޯގެ ސަބްސިޑަރީ ކުންފުނި މޯލްޑިވްސް ސްޓޭޓް ޝިޕިން (އެމްއެސްއެސް) އިން އިންޑިއާގެ ޓުޓިކޮރިން އާއި އައްޑުއާ ދެމެދު ކުރާ ދަތުރުތައް ހުއްޓާލައިފި އެވެ.
އެމްއެސްއެސްގެ މެނޭޖިން ޑިރެކްޓަރު އަބްދުﷲ ސައީދު ވިދާޅުވީ، ޓުޓިކޮރިން އާއި އައްޑޫއާ ދެމެދު ކުރި ދަތުރުތައް ހުއްޓާލީ ޑިމާންޑް ނެތުމުން ކަމަށެވެ. އޭނާ ވިދާޅުވީ މިދިޔަ މަހުން ފެށިގެން އެ ދަތުރުތައް ހުއްޓިފައިވާ ކަމަށެވެ.
އައްޑޫއަށް ދަތުރުކުރާ އާގު ބޯޓަކީ 3،800 ޓަނުގެ ބޯޓަކަށްވާ އިރު އެ ބޯޓުން ގެންނަ މުދަތުގެ ބޮޑު ބައެއް ގެންނަނީ އެސްޓީއޯއިންނެވެ. ނަމަވެސް އެސްޓީއޯ އިން ވަނީ ޓުޓިކޮރިން އިން ތަކެތި ގެނައުމުން މެދުކަނޑާލައިފަ އެވެ. ސައީދު ވިދާޅުވީ، މާލެ ކޮޅުން މުދާ ގެނައުން އެސްޓީއޯއަށް މާ ރަނގަޅު ކަމަށް އެސްޓީއޯއިން އަންގާފައިވާ ކަމަށާއި އެސްޓީއޯއިން ގެންނަ މުދާ ވަރަށް ބޮޑަށް މަދުކޮށްފައިވާ ކަމަށެވެ.
އޭނާ ވިދާޅުވީ، އައްޑޫގައި ހިންގި ޕޮލިސް އެކެޑަމީގެ މަސައްކަތްތަށް ނިމުމާ އެކު ކޮންސްޓްރަކްޝަން މުދާ ގެނައުން ވަރަށް ބޮޑަށް މަދުވެފައިވާ ކަމަށެވެ. އޭނާ ވިދާޅުވި ގޮތުގައި އައްޑޫގެ ވިޔަފާރިވެރިން ވެސް ޓުޓިކޮރިން އިން މުދާ ގެންނަނީ ވަރަށް މަދުންނެވެ.
"ބޮޑުބައި މިގެންނަނީ އެސްޓީއޯއަށް. އައްޑޫގެ ދެ ޕާޓީއަކުން މަދުން މުދާ ގެނޭ. ޑިމާންޑު ނެތް އިރު ދަތުރު ކުރުމުން ކުންފުންޏަށް ގެންލުންވާނީ،" އޭނާ ވިދާޅުވި އެވެ.
އެމްއެސްއެސްގެ ހިދުމަތް ފެށި ފަހުން އެ ކުންފުނިން އަންނަނީ އާމްދަނީ ވަރަށް ބޮޑަށް ފުޅާކުރަމުންނެވެ. އައްޑޫ އާއި ޓުޓިކޮރިންގެ ދަތުރު ހުއްޓާލި ނަމަވެސް މާލީ ގޮތުން މާ ބޮޑު ގެއްލުމެއް ނުލިބޭނެ ކަމަށް ސައީދު ވިދާޅުވި އެވެ.
ޓުޓިކޮރިން އާއި އައްޑޫއާ ދެމެދު ކުރާ ދަތުރުތައް ހުއްޓާލުމުން، އެމްއެސްއެސްއިން މިހާރު ހަމައެކަނި ދަތުރުކުރާނީ ކޮލަމްބޯ އާއި މާލެއާ ދެމެދުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފައާ
24 May 2022
އިންޑިއާ މީހުންގެ ފައިދާއަށް ފެއްޓި ކަމެއް އެމީހުން ބޭނުންނުވީމަ ދެން ޖެހޭނީ ހުއްޓާލަން. އައްޑޫގައި އިންޑިއާގެ ހަރަކާތްތަކާ މީހުންތައް ގިނަވާން ފެށިއިރަކުން އަނެއްކާވެސް ތިޔަ ބޯޓު އެހެން ގޮތަކަށް އުފަންވެދާނެ.
ކޮރަލް
23 May 2022
ތިޔަ ގެއްލުމުގެ ޒިންމާ ބަޔަކު ނަގަން ޖެހެ އެވެ. ހިންގުން ތެރިކަން ނެތީ އެވެ. އޮޓޯ އަށް ލިޔަސް ކަމަކު ނުދާނެ އެވެ.
ސަޢީދު
23 May 2022
މާ ފައިދާ ވާނެ ތިޔަ ބޯޓު އައްޑޫ އާއި ފުވައްމުލަކާ ދޭތެރޭ މުދާ އުފުލަން ބޭނުން ކުރިއްޔާ، އެމްއެސްއެސް އިން އަޅެ ސްޓަޑީއެއް މިކަމަށް ހަދަންވީނު؟
ވޭސްޓް
23 May 2022
ޚިދުމަތް ހޯދާނެ ބޮޑުއާބާދީނެތަސް ހުރިހާރަށެއްގެ މީހުންވެސް ބޭނުންވަނީ ބޮޑުބަނދަރަކާއި ބޮޑުއެއަރޕޯޓަކާއި ބޮޑުހޮސްޕިޓަލަކި ބޮޑެތި އިމާރާތްތަށް. މެޝިން އިންޓެންސިވް ފެކްޓްރީ ހުންނަ އިންޑަސްޓްރިއަލް ޒޯނެއް ނަމަވެސްއޯކޭ. އަަަަަައްޑުއަށް ހިޖުރަކުރާމީހުނަށް އިންޓެންސިވްދީގެން އާބާދީ ބޮޑުކުރަންވީ. ރައްތަށް އެއްފަސްކުރަންވީ
ކޮވެލި
23 May 2022
ތީ ކުރިންވެސް އެނގޭ ކަމެއް. 4000 ޓަނުގެ ބޯޓެއް ރެގިއުލަރ ކޮށް ފުލްވާ ވަރަށް ކާގޯ ނުލިބޭނެކަން އެނގޭ. ބޭކާރު ވާހަކަ ނުދައްކާ
ރަދީފް ހުސެން
23 May 2022
ޕޮލިސް އެކަޑަމީއައް ގެންނަ އެއްޗެހީގެ ފްރްއިޓް ކުޑަކޮއްލަން ޖެހި މަޅީގަވެސް މިބެއްދީ ރައްޔިތުން
ހިމާރުލްގައުމު
23 May 2022
ނޫނީ އިންޑިއާ މިލިޓަރީ ބޭހަށް ގެންނަން ޖެހޭ ހުރިހާ އެއްޗިއްސެއް ގެނެސް ނިމުނީތަ؟
ސަލާމަތެއް ނެތް
23 May 2022
ތިއީ ވަރަށް އަޑި ނުބައިކޮށް ދިޔަ ކަމެއް. އައްޑޫ ޕޮލިސް އެކެޑެމީއަށް އެމީހުން ބޭނުންވާ ހުރިހާ އެއްޗެއް ގެނެސް ނިމުނީމަ އެކަން އެނިމުނީ. ތިއީ އެބޭނުމުގައި ކުރި ކަމެއް. އައްޑޫ އެކަޑަމީއަށް އެއްޗެހި ގެންނަން އެނޫން ގޮތަކަށް އުޅެފިނަމަ ދިވެހިންނަށް ފައިސާ ދޭން ޖެހޭތީއާއި އެމީހުން ގެންނަނީ ކޯއްޗެއްކަން އެގޭތީ އަމިއްލަ ޝިޕިންގ ލައިނެއް ބޭނުންކުރީ.
ޑިމާންޑް
23 May 2022
އަސްތާ ކޮން އިރަކު ތި ޑިމާންޑް އޮތީ؟
ގުނަ
23 May 2022
އަޑި ނޭގޭ އެތައް ކަމެއް ތިކަމުގެ އެބަވޭ.. ތި ބޯޓް ވިއްކާލި ފަހުން މި އަތޮޅު މިހާރު މިއޮތީ ސިމެންތިއަށް ޖެހިފަ. ކޮންސްޓްރަކްޝަން ދާއިރާ އެއްކޮށް ހުއްޓިފަ. އައްޑުގަ މަގުހަދާ އެފްކޮން މީހުން ބޭނުންވާ ވަރަށް އެސްޓީއޯއަށް ސިމެންތި މިހާރު ސަޕްލައިނުވޭ ތިފެރީ ހުއްޓާލިފަހުން. ރައްޔިތުން ރަތަށް އެރީމަ އެންމެ ނުވަ ހާސް ކޮތަޅު މާލެއިން ގެނައީ. ފެރީގަ ގެނައީމަ ލިބޭ އަގަށް ވުރެ މާލެއިން ސިމެންތި ގެނައީމަ އަގު ބޮޑޮ. ދެން ކީކޭ މި މީހުން މިކިޔަނީ..