ވިޔަފާރި / މޯލްޑިވްސް ސްޓޭޓް ޝިޕިން (އެމްއެސްއެސް)

އެމްއެސްއެސް އިން މެލޭޝިއާ އާއި ސިންގަޕޫރާ ދެމެދު ދަތުރު ފަށަނީ

އެމްއެސްއެސްގެ ބޯޓެއް. އެކުންފުނީގެ ފްލީޓު ބޮޑުކުރުމުގެ މަސައްކަތް އަންނަނީ ކުރަމުން--ފޮޓޯ:މިހާރު

ފާތިމަތު ޝަނާ މުހައްމަދު، މިހާރު

27 މެއި 2022 - 17:10

އެސްޓީއޯގެ ސަބްސިޑަރީ ކުންފުނި މޯލްޑިވްސް ސްޓޭޓް ޝިޕިން (އެމްއެސްއެސް) އިން މެލޭޝިއާ އާއި ސިންގަޕޫރާ ދެމެދު ސީދާ ދަތުރުތައް ފަށަން ނިންމައިފި އެވެ.

އެމްއެސްއެސްގެ މެނޭޖިން ޑިރެކްޓަރު އަބްދުﷲ ސައީދު ވިދާޅުވީ، އަންނަ ޖުލައި މަހު އެ ކުންފުނިން ގެންނަ އާ ބޯޓު "ގްރެޕީން" މެދުވެރިކޮށް ސިންގަޕޫރާއި މެލޭޝިއާ އިން މުދާ ގެންނާނެ ކަމަށެވެ. އޭނާ ވިދާޅުވީ، މިއާ އެކު ޗައިނާ، ތައިލެންޑް، އިންޑޮނޭޝިއާ އިން މުދާ ގެންނަ ފަރާތްތަކަށް ލަންކާއަށް ގެންދިއުމުގެ ބަދަލުގައި ސިންގަޕޫރާއި މެލޭޝިއާގެ ޕޯޓުން މުދާ ގެނެވޭނެ ކަމަށެވެ.

"އޭރުން އެ ސަރަހައްދުން ގެންނަ މުދާ އަވަހަށް ގެނެވޭނެ. އަދި މިހާރަށް ވުރެ ވިޔަފާރިވެރިންނަށް މުދާ ގެންނަން ފަސޭހަވާނެ،" އޭނާ ވިދާޅުވި އެވެ.

އެމްއެސްއެސް އިން މި ވަގުތު ދަތުރު ކުރަނީ ރާއްޖެ އާއި ކޮލަމްބޯއާ ދެމެދު އެވެ. މި ވަގުތު އެ ކުންފުނީގެ އަމިއްލަ އެއް ބޯޓު ގެންގުޅޭ އިރު އަންނަ މަހު އިތުރު ބޯޓެއް ގެންނާނެ އެވެ. އަދި ޖުލައި މަހު އާ ބޯޓެއް ގެންނާނެ އެވެ.

އެމްއެސްއެސް އުފެއްދީ 2020 ވަނަ އަހަރު އެވެ. އެ ކުންފުނި އުފެއްދީ ރާއްޖޭގައި ކުރިން އޮތް ޝިޕިން ލައިން އަލުން ދިރުވައި ރާއްޖޭގެ އިގްތިސާދު ކުރިއެރުވުމަށެވެ. އެ ކުންފުނި ހިންގަމުން އަންނަތާ ދެ އަހަރުވީ އިރު ކުންފުނީގެ އާމްދަނީ އަންނަނީ ވަރަށް ބޮޑަށް ފުޅާ ކުރަމުންނެވެ. މިދިޔަ އަހަރު އެ ކުންފުންޏަށް 141 މިލިއަން ރުފިޔާގެ އާމްދަނީއެއް ލިބުނެވެ.

ޝިޕިން މޯލްޑިވްސް ސްޓޭޓް ޝިޕިން (އެމްއެސްއެސް) އަބްދުﷲ ސައީދު (އެމްޑީ، އެސްޓީއޯ)

11 ކޮމެންޓް, 19 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަހުމަދީ

28 May 2022

މިއީ ޗައިނާފަދަ ތަންތަނުން ގެންނަ ކޮންޓެއިނާތައް ގެނައުމަށް އަވަސް އަދި އަގުހެޔޮގޮތެއް، މިހާރު ޗައިނާގެ ކޮންޓެއިނާއެއް ގެންނަން 5 މަސް އެބަހެދަވޭ. އަނެއްކާ އެސްޓީއޯގެ ވިޔަފާރި އިތުރު މިސްރާބަކަށް ގޮސް އާމްދަނީ އިތުރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހާމަ333

28 May 2022

ކޮބާ އައްޑޫ ކޮޗިންފެރީ? ވޯޓު އެބަދެވޭ މަތިމައްޗަށް...ކަންކަން ސްނެއިލް ސްޕީޑުގަ?

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަންޑޭލާ

28 May 2022

އައްޑޫގައި ޓޫރިޒަމް، އައްޑޫގައި އެއަރޕޯރޓް، އައްޑޫގައި ފެރީ މިފަދަ ކަންކަން ކުރެވޭނީ އެކަންކަން ކުރަން ޖެހޭނެ ސަބަބެއް އޮވެގެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހ‫ަސަނާސަނާ

27 May 2022

ރ‫ާއްޖެއިން ހުސް ކޮންޓެއިނާތައް ގެންދިއުމުގެ ބަދަލުގައި އުފެއްދުންތައް އެކްޕޯޓް ކުރަންވީ ވަގުތު މިއޮތީ ޖެހިފައި. ދފައިދާ އޭރުން ޑަބަލް ވާނެ. ދެކޮޅަށް ބޯޓުތައް ފުލްކުރަން ޖެހޭ. މަހުގެ އުފެއްދުން ތަކާ, ދަނޑު ވެރިކަމުގެ އުފެއްދުންތައް އެކްސްޕޯޓު ކުރެވޭ ގޮތައް ތައްޔާރުކޮށް މާކެޓު ކުރޭ.