ބީއެމްއެލްގެ ސީއީއޯ ޓިމް އޭޖީއެމްގައި ވާހަކަދައްކަވަނީ--ފޮޓޯ:ނިޝާން އަލީ/މިހާރު
29 މެއި 2022 - 21:20
12 comments
މިދިޔަ އަހަރު ބީއެމްއެލް އިން ސަރުކާރަށް ޑިވިޑެންޑާއި ޓެކްސްގެ ގޮތުގައި ގާތްގަނޑަކަށް 700 މިލިއަން ރުފިޔާ ދީފައިވާ ކަމަށް އެ ބޭންކްގެ ސީއީއޯ ޓިމޮތީ ސޯޔާ (ޓިމް) ވިދާޅުވެއްޖެ އެވެ.
މިރޭ ބޭއްވި އަހަރީ އާންމު ޖަލްސާގައި އޭނާ ވިދާޅުވީ، މިދިޔަ އަހަރު ބޭންކުގެ އާމްދަނީ 470 ޕަސެންޓަށް އިތުރު ކަމަށެވެ. މިދިޔަ އަހަރު ޓެކްސް ކެނޑުމަށްފަހު އެކުންފުންޏަށް 1.9 ބިލިއަން ރުފިޔާގެ ފައިދާ ވަނީ ލިބިފަ އެވެެ.
ޓިމް ވިދާޅުވީ މި ފައިދާ އިން ސަރުކާރަށް ބޮޑު އަދަދެއް ދީފައިވާ ކަމަށެވެ. ބޭންކުން ވަނީ ޕްރޮފިޓް ޓެކްސްގެ ގޮތުގައި 543 މިލިއަން ރުފިޔާ ސަރުކާރަށް ދީފަ އެވެ. އަދި ޑިވިޑެންޑގެ ގޮތުގައި 131 މިލިއަން ރުފިޔާ ސަރުކާރަށް ދީފައިވެ އެވެ.
ބޭންކް ޕްރޮފިޓް ޓެކްސްގެ ގޮތުގައި ފައިދާގެ 25 ޕަސެންޓް ދޭން ޖެހެ އެވެ.
ބޭންކުން 2019 ވަނަ އަހަރު ސަރުކާރަށް ޑިވިޑެންޑާއި ޓެކްސްގެ ގޮތުގައި ދިނީ 423 މިލިއަން ރުފިޔާ އެވެ. މިދިޔަ އަހަރު ބޭންކުން ސަރުކާރަށް ލިބިފައި ވަނީ 2019 ވަނަ އަހަރަަށް ވުރެ 251 މިލިއަން ރުފިޔާ އިތުރުގެ އަދަދެކެވެ.
"މިދިޔަ އަހަރަކީ ބޭންކުގެ ތާރީހުގައި ވެސް އެންމެ ރަނގަޅު ފައިދާއެއް ލިބުނު އަހަރު،" އޭނާ ވިދާޅުވި އެވެ.
މި އަހަރުގެ ފުރަތަމަ ކުއާޓާގައި ބޭންކަށް ފައިދާގެ ގޮތުގައި 554 މިލިއަން ރުފިޔާ ލިިބިފައިވެ އެވެ. މިއީ މިދިޔަ އަހަރަށް ވުރެ 55 ޕަސެންޓުގެ އިތުރުވުމެކެވެ.
ޓިމް ވިދާޅުވީ، މިދިޔަ އަހަރު ކަސްޓަމަރުންނަށް ފޯރުކޮށްދޭ ހިދުމަތްތައް ފުޅާކޮށްފައިވާ ކަމަށެވެ. އެގޮތުން އަށް ލައްކައަށް ވުރެ ގިނަ ކަސްޓަމަރުންގެ ކޯލްތަކަށް ޖަވާބުދީފައިވާ ކަމަށް އޭނާ ވިދާޅުވި އެވެ. މިއީ 2019 ވަނަ އަހަރަށް ވުރެ ގާތްގަނޑަކަށް ދެ ލައްކަ އިތުރު އަދަދެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަދީފްއޮފިޝަލް
30 May 2022
700 މިލިއަން އެއީ ނިކަމެތި ރައްޔަތުންގެ ދިޔަ ދެއްތޯ؟؟!!
އެނީ
30 May 2022
ކޮބައި ރައްޔަތަކަށްވީ ފައިދާއެއް. 1.9 ބިލިއަން ރުފިޔާގެ ފައިދާ ލިބޭއިރު އިންޓަރެސްޓް 13 ، 14 15 ޕަސެންޓް ނަގައިގެން ތިޔަ ދިޔަ ފެލާލަނީ ރައްޔަތުން. ކީއްވާނީ މި ރޭޓް ދައްކުރިއްޔާ ،
ދިވެލި
30 May 2022
ގެދޮރުއެޅުމަށް އިސްލާމިކް ފައިނޭންސް އުސޫލުންނޭ ލޯނުދޫކުރަނީ ބުނެފައި ދައްކަންޖެހޭ ފައިސާގެ ތެރެއަށް ރިބާ ވަދެ މުޅިން ގަޑުބަޑުވެ ދައްކަންޖެހޭ ފައިސާގެ އަދަދު ދުވަހަކުވެސް ދަށެއްނުވޭ. ހީވަނީ ގަދަ އޮއިވަރެއް ޖެހިގެން ފަހަތަށް ދަމާގަންނަހެން. ދިވެހިންގެ ބޭންކް ދިވެހިންނަށް
އަންކަލޯ
30 May 2022
ދިވެހިންގެ ވިޔަފާރިތައް ވީ ބަނގުރޫޓް، ލޯނަށް ދައްކަންގެހޭ ފައިސާވީ އިތުރު، %50 ދިވެހިން ވަނީ ބީއެމް އެލް އަށް ދަރާފަ.
ކަޕްލީން
30 May 2022
ނިކަމެތިންގެ ފައިސާ ތިޔަ ބޭންކުގެ އެޕްއަދި ވެބްސައިޓުގެ ހުރި ސެކުރިޓީ ލޫޕްހޯލްސް ތަކުން އެކައުންޓުގެ ވެރި ފަރާތް އަދި މައުލޫމާތުތަށް ބޭނުންކޮށްގެ ނިކަމެތިންގެ އެކައުންޓުގަ ހުރި ފައިސާތަށް ވައްކަން ކޮށް ހުސްކުރާއިރު ބޭންކުގެ ވެރިން އަދި ނާގާބިލް އެމްއެމްއޭގެ ވެރިން ނިދާފަ! އަލީ ހާސިމް އަކީ ވަރަށް ނާގާބިލް މީހެއް! ނާގާބިލް މީހަކަށް އެމްއެމްއޭގެ ނާގާބިލް ވެރިންގެ ވެރިއަކަށް ލީ!
މަނީމަނީ
30 May 2022
ބޭންކް އިން ހިއްސާވިއްކިއިރު 50 ހާސް ހިއްސާ ގަނެވުމުނަމަ ހާދަ ރަގަޅުވީހޭ ހިތައް އަރާ މިހާރު. އޭރުގަނެވުނީ އެއްމެ 50 ހިއްސާ. ވަރަށް ކަޑަ.
ރަތްބެ
30 May 2022
މާނަޔަކީ، ބޭންކުގެ ކަންތައްތައް ހުރިގޮތުން މީހުންގެ ޝަކުވާ އިތުރުވެފައިވެޔޭ."
ރިބާ ބޭންކު
29 May 2022
ބީއެމްއެލް ބޮޑު ޗުއްޓީއެއް ނެތިއްޔާ މުސާރަ ވެސް ޖަމާކޮށް ނުދެވޭދޯ؟
އެމްސް
29 May 2022
ބީއެމްއެލް އުޅެނީ ރަޢިއްޔަތުން ފެލުމުގަވެސް ރިކޯރޑެއް ހަދައިގެން!
ދެން އޯކޭއެއްނު
29 May 2022
ބީއެމްއެލް ލޯނު ދެނީ މާލޭ ގެދޮރު އޮތް މީހުންނަށް ހިސާބެއް އަދަދެއް ނެތި. ވަޒީފާގަ ނޫޅޭ އަމިއްލަ މަސައްކަތެއް ކުރިއަސް 12 މަސް ސެލަރީ ނުވަންނަ ނަމަ 25000 ރ ލޯނު ވެސް ނުދޭން އެތަށް ބަހަނާއެއް އުނދަގުލެއް ޖައްސާނެ. 12 މަހު މުސާރަ ޖަމާ ނުވެއޭ، ކްރެޑިޓް ބިއުރޯ ރިޕޯޓް ގޯހޭ، އެމްއައިބީ ލޯނު ބަރާބަރަށް ދުވަހަށް ނުދައްކައޭ ސިޓީ ގެންނާށޭ. ލިބޭ އާމްދަނީ ގުނަކުރަން 10 ކޯ ކެރެޑިޓަކީ އެކަމަކު މިމީހުން ހަދާ ހިސާބަކުން ކުޑަ ލޯނުގަނޑެއްވެސް ނުލިބޭ.
ރަންނަ
29 May 2022
އެމީހުން ކުރަނީ ވިޔަފާރި އެއް. ޒަކާތެއްނޫން އެއީ
ިުެeuުueހ
30 May 2022
އެތަށް ބަހަނާއެއް އުނދަގުލެއް ޖައްސާނެ..." އެލެފަންޓަކާ ކޮން ގުޅުމެއްތޯ؟؟