މާފުށީ ޖަލުގެ ސެކިއުރިޓީ ޕޯސްޓެއްގައި ސެކިއުރިޓީން ހަރަކާތްތެރިވަނީ. މޫދު ކުޅިވަރުތަކަށް އެ ސަރަހައްދު ބޭނުން ނުކުރަން ވަނީ އަންގާފައި-- ފޮޓޯ: މިހާރު
05 ޖޫން 2022 - 14:55
5 comments
މޫދު ކުޅިވަރުތަކަށް މާފުށީ ޖަލު ސަރަހައްދު ބޭނުންކުރުން މާފުށީ ކައުންސިލުން މިއަދު މަނާކޮށްފި އެވެ.
އެ ރަށު ކައުންސިލުން ކުރި އިއުލާނުގައި ބުނީ ޖަލު ހިމެނޭ ސަރަހައްދު މަތިން ޕެރެސައިލިންނާއި ޑްރޯން އަދި ޖަލުގެ މޫދުގެ އައްސޭރިފަށް ކައިރިން ޖެޓްސްކީ ފަދަ ވޯޓަސްޕޯޓްސްގެ އުޅަނދުތައް ދުއްވާ ކަމުގެ ޝަކުވާ ލިބެމުންދާ ކަމަށެވެ.
ނަމަވެސް އެ ސަރަހައްދަކީ ހާއްސަ ހުއްދައާއެކު ވަދެވޭ ތަނަކަށްވާއިރު ގައިދީންނާއި ބަންދު މީހުންގެ އިތުރުން ޖަލުގައި ހިންގާ ހަރަކާތްތައް އާއްމުންނަށް ފެނުމުގެ ފުރުސަތު އޮތުމުން ޖަލުގެ ސަލާމަތާއި ރައްކާތެރިކަމަށް އަސަރުކުރާނެ ކަމަށް ބުންޏެވެ.
އޭގެ އިތުރުން ހުއްދަ ނެތި ޖަލު ހިމެނޭ ސަރަހައްދުގެ ފޮޓޯ ނަގައި ވީޑިއޯކޮށް ސޯޝަލް މީޑިއާގައި އާއްމުކުރުމުގެ ފުރުސަތު އޮތުމާއި ޖަލަށް ވަގަށް ތަކެތި ވެއްދުމާއި އުކުން ނުވަތަ ޕޮޓްކުރުމުގެ ފުރުސަތު އޮވެދާނެ ކަމަށް ވެސް އިއުލާނުގައި ބުނެ އެވެ.
"ވީމާ، މިއަދުން ފެށިގެން މާފުށީ ޖަލު ހިމެނޭ ސަރަހައްދުގެ މަތިން ޕެރަސެއިލިން އާއި ޑްރޯން އަދި މާފުށީ އައްސޭރިފަށާ ކައިރިން ވޯޓަސްޕޯޓްސްއަށް ބޭނުންކުރާ އެއްވެސް އުޅަނދެއް ދުއްވުމާއި ގާތްކުރުމަކީ މަނާކަމެއްކަމުގައި އަންގަމެވެ،" ކައުންސިލްގެ އިއުލާނުގައި ބުންޏެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މަހޭ
06 June 2022
ތި ޖަލު މާފުށީން އަވަހަށް ބޭރުކުރަން ވީ
ޖުލައި2021
05 June 2022
މާފުށީޖަލު ބަންދުކޮށް އެބިން ޓޫރިޒަމަށް ބޭނުންކުރަންއެބަޖެހޭ. އަދި މާލެކައިރި ތިލަފުށީފަޅުގަ ޒަމާނީފެންވަރުގެ ހުރިހާ ރިހެބިލިޓޭސަން ފެސިލިޓީއަކާއެކު، 5000 މީހުންގެ ޖަލެއް އަޅަންވީ މިގޮތް ދައުލަތަށް މާހަރަދު ކުޑަވެފަ ފައިދާވާނެ. 1 ޖަލުން ހުރިހާކަމެއްކުރެވޭނެ. 4 ފަސް ޖަލު މިކުޑަގައުމުގަ ހިންގުމުގެ ބޭނުމަކީ ކޮބާ.
އިބްރ
05 June 2022
ހުއްޓުވަން ބޭނުންނުވާކަމެއް ނުހުއްޓޭނެ. މަސްތުވާތަކެތީގެ 90 ޕަސެންޓް އެތެރެވަނީ އިންޑިއާއިން. ކިހިނެތްތޯ ހުއްޓުވާނީ.
އިޙްސާސް
05 June 2022
ތިފަދަ ރަށްރަށުގައި ޖަލު ނާޅަމާ. ޖަލު ހަދަންވީ ބިން ބޮޑު ފަޅަށް އޮތް ރަށެއްގައި. އޭރުން އެމީހުނަށް ތަޢުލީމާ ތަޖުރިބާ ހޯދޭނެ މާފަސޭހައިން. އަދި އާމްދަނީ ހޯދޭނެ ރަގަޅުގޮތްތައްވެސް ފަހި ކުރެވޭނެ.
ރަދީފްއޮފިޝަލް
05 June 2022
ކޮން ގާނޫނަކުން ބާރުލިބިގެން ތޯ؟؟ 45 ކިލޯ މަސްތުވާތަކެތި ހުވަނދުމަލަށް ބަދަލުވި ގައުމެއްގަ ކަންކަން ހިނގާނީ އިދިކީލިކޮށް.އެހެންވެ މި ސުވާލު އުފެދުނީ. ވ.ވެދުން.