04 ޖުލައި 2022 - 16:05
41 comments
ފިއުލް ސަޕްލައި މޯލްޑިވްސް (އެފްއެސްއެމް) އިން އަގު ހެޔޮކޮށް ތެޔޮ ގަތުމަށް ފަހު ކަޅު ބާޒާރުގައި އަގު ބޮޑުކޮށް ތެޔޮ ވިއްކަމުންދާތީ އެކަން ހުއްޓުވަން އެސްޓީއޯއިން ފިޔަވަޅުތަކެއް އަޅަން ނިންމައިފި އެވެ.
އެސްޓީއޯގެ ދަށުން ހިންގާ އެފްއެސްއެމް އިން ވިއްކާ ތެޔޮ ގަތުމަށް ފަހު ބޮޑު އަގުގައި ތެޔޮ ވިއްކަމުންދާ މައްސަލައާ ގުޅޭ ގޮތުން އެސްޓީއޯގެ މެނޭޖިން ޑިރެކްޓަރު ހުސެއިން އަމްރު "މިހާރު"އަށް ވިދާޅުވީ މިފަދަ ގިނަ މައްސަލަތަކެއް އެކުންފުނީގެ ސަމާލުކަމަށް އައިސްފައިވާ ކަމަށެވެ. އެކަން ހުއްޓުވުމަށް ތެޔޮ ވިއްކާ އިރު މިހާރަށް ވުރެ ބޮޑަށް ސަމާލުކަންދީގެން، ރަށްރަށުގައި ތެޔޮ ވިއްކަމުން އަންނަ ކަމަށް އޭނާ ވިދާޅުވި އެވެ.
އެނގިފައިވާ ގޮތުގައި އެފްއެސްއެމް މެދުވެރިކޮށް ރަށްރަށުގައި ތެޔޮ ފޯރުކޮށްދޭ ބައެއް ފަރާތްތަކުން އިތުރަށް ތެޔޮ ގަނެ، ތެޔޮ ވިއްކަމުން ދަނީ ރިސޯޓްތަކަށެވެ.
އަމްރު ވިދާޅުވި ގޮތުގައި އެވްރެޖްކޮށް ގަންނަ ވަރަށް ވުރެން އިތުރަށް ތެޔޮ ގަންނަ ނަމަ، އެކަން ބަލާނެ އެވެ.
"ރައްޔިތުންނަށް ދެމެހެއްޓެނިވި ގޮތެއްގައި އަގު ހެޔޮކޮށް ތެޔޮ ފޯރުކޮށްދިނުމުގެ ގޮތުން ރަށްރަށުގައި ތެޔޮ ވިއްކާ ފަރާތްތަކުން އެވްރެޖްކޮށް ނަގަމުން އަންނަ އަދަދުގެ އިތުރަށް ނަހަމަ ގޮތުގައި މަސައްކަތްކުރުން ހުއްޓުވުމަށް، ބޭނުންވާ ވަރަށް ވުރެ އިތުރަށް އެ ފަރާތްތަކަށް ތެޔޮ ދޫ ނުކުރެވޭނެ ގޮތަކަށް ކަންކަން އެބަ ހަމަޖައްސަން،" އޭނާ ވިދާޅުވި އެވެ.
ދުނިޔޭގެ ބާޒާރުގައި ތެލުގެ އަގު ވަނީ ވަރަށް ބޮޑަށް އުފުލިފަ އެވެ. އެހެންވެ ރައްޔިތުންނަށް ވެދާނެ ގެއްލުން ކުޑަކުރުމުގެ ގޮތުން މަސްވެރިންނަށާއި ރަށްރަށުގެ ތެޔޮ ވިއްކާ ފަރާތްތަކަށް އެފްއެސްއެމް އިން ތެޔޮ ވިއްކަނީ ލިބޭ އަގަށް ވުރެ ދަށް އަގެއްގަ އެވެ. ނަމަވެސް ރިސޯޓްތަކަށް ތެޔޮ ވިއްކަމުން އަންނަނީ ހަމަ އަގުގަ އެވެ.
ދުނިޔޭގެ ބާޒާރުގައި ތެޔޮ ފީފާއެއްގެ އަގު އުޅެނީ 107 ޑޮލަރަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުރާނަން
05 July 2022
ހުރިހާވެސް މައްސަލަޔަކީ މި ސުލޯސަރުކާރަށްވުރެއް މޭޔަރ މުއިއްޒު ފާސްޓްވުން ، މީ ކޮރަޕްޓް ސަރުކާރެއް އަކުރަމަކީ އޭގެވެސް އަރާހުރި މީހެއް މިކަން ރައްޔިތުނެ ނުކުމެ ބަދަލުކުރާ ދުވަސް ވަރަށް ގައިވެއްޖެ..އިސްޝާﷲ
މަހެބޫބު ގައުމު
05 July 2022
ތެޔޮ މަދުވާތީ ކަޅު ބާޒާރުގައި ވިއްކެނީ ހަމަ އެކަނި ކުޑަ ފޮނަދޫގައި ތެޔޮ ގުދަން ކޮށްގެން އުޅުނު ޒަމާން ފާއިތު ވެއްޖެ ކަމަށް ބަލާ ހެ ކެލާގައި ތެލުގެ ބޮޑެތި ތާނގީތައް ބަނދެ ޔެޔޮ ރައްކާކުރަން ވެއްޖެ ބިން އެބައޮތް ފަޅު އެބައޮތް ނެތީ ގައުމު ހިންގަން ރަނގަޅު ސިކުނޑި
ޖަޕްލާ
05 July 2022
ނުހުއްޓުވޭނެ! ކީއްވެ؟ ރާއްޖޭގެ ގިނަ މިކަހަލަ ކަންކަން ގޮސް ހުއްޓެނީ ސިޔާސީ ޕާޓީތަކުގެ ބޮޑުން ނޫނީ ސީދާ ލީޑަރުންގެ ހިސާބުގަ! މިސާލަކަށް ބަނގުރާ! ގިނަ ބަޔަކު ދަންނަ ހަގީގަތެއް ބަނގުރާ ބޯ ސިޔާސީ ބޮޑުން ފުލުހުން އަދި އެމްއެންޑީއެފްގެ ހިމާޔަތުގައި މުޅި ދުވަހު ދިދަ ޖެހި ކާރުގައި ގާނޫންއަށް ވުރެ މަތީގައި އުޅޭކަން! ހުއްޓުވޭތަ؟ ފުލުންހުން އަދި އެމްއެންޑީއެފް ރިފޯމް ކުރުމަށް އޮތް ބޮޑު ހުރަހެއް މިއީ!
ށަވިޔަނި
05 July 2022
ހުރިހާ ކަމެއްގެ އަޑީގައި ތިބެނީ ބޮޑެތި މީހުން. ޑިރެކްޓަރުން ފެށިގެން މައްޗަށް ތިބޭ ހަމައެކަކަށް އެއްވެސް ސިފައެއްގައި ވިޔާފާރިކުރުން ވިޔަފާރިއެއްގައި ބައިވެރިވުން މަނާކުރަންވީ. ޑިރެކްޓަރަކަށް އައްޔަންކުރެވޭއިރަށް ހުރިހާ ވިޔަފާރިއެއް ދޫކޮށްލަން މަޖްބޫރުކުރަންވީ. މިހެން ހަދަންކެރޭނެތަ؟ އޭރުން މަގާމުތަކަށް އަންނާނީ ގައުމަށް ޚިދުމަތްކުރާހިތްވާ ތެދުވެރިން. ބޮޑެތިވަގުންނެއް ނޫން.
ގަމާރު
05 July 2022
13ރ އާއި 14ރ އަށް ޕެޓްރޯލްވިއްކަނީ ކޮންޝެޑަކުންތޯ! ޝެޑުތަކުން މާލޭގައި ވިއްކަނީ 15:55 އަށް ދުނިޔޭގެ ބާޒާރުގައި 140ޑޮލަރަށް ވިއްކިއިރުކުރިން މިގައުމުގައި ވިއްކި16ރ އަށް މިހާރު މިވަރަށް ބޮޑުވެއްޖެއްޔާ 20ރ މަތީގައި އުޅޭނެކަމަށް ބެލެވެނީ ދެން ދުނިޔޭގެ ބާޒާރަށް ވުރެހެޔޮކޮށް ވިއްކައިގެން 6ބިލިޔަންގެ ސާފުފައިދާއެއް އެސްޓީއޯއިން ތެލުން ނެރެނީ ކިހިނެހޭ.
މުޅިންދޮގު
05 July 2022
އެސްޓީއޯ އިން ކޮންރަށަކަށްތޯ 13-14 އަށް ތެއޮވިއްކަނީ؟ 18.07 ރުފިޔާއަށް މި ވީކުވެސް މިރަށަށް ތެއޮވިއްކީ!
އަގު ކޮންޓުރޯލުކުރޭ!!!
05 July 2022
މާލެއާ ހުޅުމާލޭ ފަޅުތެރޭގައި ހުރި އުޅަނދުތަކަށް ތެޔޮ ވިއްކާ މީހުން ކޮންޓުރޯލް ކޮއްބަލަ. ދުވާލަކު ރުފިޔާއެއް 2 ރުފިޔާއެއް އެބަ ބޮޑުކުރޭ އެބައިގަނޑު. ބޮޑުވަރޭ ދެން. އެސްޓީއޯއަށް ބެލޭނެ އެއީ ކޮން ބައެއްތޯ. ބޭނުން ވަންޏާ އަމުރުމެންނަށް މެސެޖްވެސް ކޮއްފާނަން އެ ވިޔަފާރިތަކުގެ ނަންތައް. އަސްލު އެމީހުން އެކަން އެހެން ކުރަނީ އެސްޓީއޯ އިން މިސަރަހައްދުގެ އުޅަނދުތަކަށް ފަސޭހައިން ތެޔޮ ވިއްކާނެ ނިޒާމެއް އުސޫލެއް ގާއިމުކޮއްފައި ނެތީމަ. ހަމަ ގަސްދުގައި.
ކަކުނިބޯ
04 July 2022
ޙއ ބަންކަރިންގ ހިދުމަތުން އެހެރީ ބޭނުންވަރަކަށް 13ރ އަށް ލީޓަރެއްލިބެން ދެން.ކޮން ކަޅުބާޒާރެއް ހުސްނުވާވަރަށް ބޯޓުތަކަށް އަޅަން އެތާ ތެޔޮހުންނާނެ . ތެޔޮތަށް އެތަނަށްގެންދިޔާމަ މިހާރު ތެޔޮޝޯޓުވެގެންމިއުޅެނީ ހަހަހަ ހަހަހަ ހަހަހަ
ޜޯދަ
04 July 2022
ޙއ. ދިއްދޫ ގައި ތޮޔޮވިއްކާ އީޒީފިލިންގ އިން އެސްޓީ އޯއިން އަޅައިދޭ ޕެޓްރޯލް ވިއްކަަނީ ލީޓަރެއް އެކާވީސް ރުފިޔާ ވިހިލާރިއަށް ލީޓަރެއް. .
ދީދީދީ
04 July 2022
ރާއްޖޭގެ ރިސޯޓްތަކަށް ތެޔޮސަޕްލައި ކުރާ ބައެއް ކުންފުނިތަކަކީ ސަރުކާރުގެ ބޮޑު މީހެއް ނުވަތަ މަޖިލިސް މެމްބަރެއްޖެ ވިޔަފާރި، އެމީހުންނަށް އެސްޓީއޯ އިން ކްރެޑިޓަށް އަގުހެޔޮކޮށް ތެޔޮދޫކުރަނީ. މިއީ ޒަމާނުއްސުރެން މިކަން އޮންނަގޮތް. އަމުރުއަށް ވެސް މިކަން ހަމަ ރަނގަޅަށް އެނގޭނެ.