ޓީއެމްއޭގެ މަތިންދާބޯޓެއް.ޓީއެމްއޭ ވިއްކާލުމަށް އަންނަނީ މަސައްކަތް ކުރަމުން
23 ޖުލައި 2022 - 22:34
26 comments
ދުނިޔޭގެ އެންމެ ބޮޑު ސީޕްލޭން އޮޕަރޭޓަަރު ޓީއެމްއޭ ވިއްކާލަން، އެ ކުންފުނީގެ އަޣުލަބިއްޔަތު ހިއްސާދާރު ކާލައިލް ގްރޫޕުން މަސައްކަތް ފަށައިފި އެވެ.
ދުނިޔޭގެ މަޝްހޫރު އެއް ނިއުސް އެޖެންސީން، ބްލޫމްބާގްގައި ވާ ގޮތުން، ޓީއެމްއޭ 700 މިލިއަން ޑޮލަރަށް ވިއްކާލަން އެމެރިކާގެ ކުންފުނި، ކާލައިލް އިން އަންނަނީ އިންވެސްޓަރުން ހޯދުމުގެ މަސައްކަތްތައް ކުރަމުންނެވެ.
ކާލައިލްގެ އިތުރުން ޓީއެމްއޭގެ މެޖޯރިޓީ ހިއްސާދާރުންގެ ތެރޭގައި ކިންގް ސްޓްރީޓް ކެޕިޓަލް މެނޭޖްމަންޓާއި ޑޭވިޑްސަން ކެމްޕްނާ ކެޕިޓަލް މެނޭޖްމަންޓް ކުންފުނިން ވެސް ހިމެނެ އެވެ. އެ ކުންފުނިތަކާ އެކު ޓީއެމްއޭ ވިއްކާލުމުގެ ފުރަތަމަ މަރުހަލާގެ މަޝްވަރާތައް އަންނަނީ ކުރަމުންނެވެ.
ޓީއެމްއޭ ގަތުމަށް އިންވެސްޓަރުންނާއެކު މަޝްވަރާތައް ފެށިއިރު، އެ ފަރާތްތަކުގެ މައުލޫމާތުތައް ކާލައިލް އިން މިހާތަނަށް ހާމައެއް ނުކުރެ އެވެ. ބެލެވޭ ގޮތުގައި މި މުއާމަލާތުތައް ހިންގާނީ "ޕްރައިވެޓް" ސޭލް އެއްގެ ގޮތުގަ އެވެ.
މުޅި ދުނިޔެ އަށް ކުރިމަތިވި ކޮވިޑްގެ ބަލިމަޑުކަމާ ގުޅިގެން ޓީއެމްއޭގެ ދަތުރުތައް ހުއްޓާލުމާއެކު، ދަރަނި ދެއްކުމުގައި އެ ކުންފުންޏަށް ބޮޑެތި އުނދަގޫތައް ކުރިމަތިވި އެވެ. ޓީއެމްއޭގެ 305 މިލިއަން ޑޮލަރު (4.7 ބިލިއަން ރުފިޔާ)ގެ ލޯނު ދެއްކުމުގައި އުނދަގޫތައް ކުރިމަތިވިއިރު ދަރަނި ރީސްޓްރަކްޗާކޮށް، ޓީއެމްއޭގެ މެޖޯރިޓީ ހިއްސާ ކާލައިލް އިން ގަނެފައިވަނީ މިދިޔަ އަހަރު އެވެ.
ޓީއެމްއޭ އަށް ނުދެއްކުނު ލޯނަކީ އެ ކުންފުނީގެ އޭރުގެ މެޖޯރިޓީ ހިއްސާދާރު ބެއިން ކެޕިޓަލް އިން 2017 ވަނަ އަހަރު ގަތުމަށް ނެގި ލޯނެކެވެ.
ބްލެކްސްޓޯން އަތުން 2017 ގައި ގާތްގަނޑަކަށް 500 މިލިއަން ޑޮލަރު (ހަތް ބިލިއަން ރުފިޔާ) އަށް ޓީއެމްއޭ ގަތް، އެމެރިކާގެ ބެއިން ކެޕިޓަލް އާއި ޗައިނާގެ ޓެންޕަސް ގްރޫޕް ކޯ އަށް 305 މިލިއަން ޑޮލަރު ހަމަޖައްސައިދިނީ، އިންވެސްޓްމެންޓްތަކަށް ހޭދަކުރާ އަމިއްލަ އެތައް ބަޔަކު ގުޅިގެންނެވެ.
ޓީއެމްއޭގެ ސީޕްލޭން ފްލީޓުގައި މި ވަގުތު 56 ބޯޓު ހިމެނެ އެވެ. އެ ކުންފުނިން އަންނަނީ ރާއްޖޭގެ އެންމެ ލަގްޒަރީ ރިސޯޓުތަކަށް ވެސް އެ ހިދުމަތްދެމުންނެވެ. ރާއްޖޭގެ 80 ރިސޯޓަކަށް ޓީއެމްއޭ އިން މިހާރު ދަތުރުކުރެ އެވެ.
ޓީއެމްއޭ އަކީ މުޅި ދުނިޔޭގައި ވެސް އެންމެ ބޮޑު ސީޕްލޭން އޮޕަރޭޝަން ހިންގަމުން އަންނަ ކުންފުނި ކަމަށް ވާއިރު، މިދިޔަ 30 އަހަރުގެ ތެރޭ އެ ކުންފުނި ވަނީ ވަރަށް ބޮޑަށް ފުޅާވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓީއެމްއެ
26 July 2022
ބަނގުރޫޓު ވެފައި އޮތް ތަނެއް ކާކު ގަންނާނީ
ނިމެނީނިމެނީ
25 July 2022
ވިއްކާ މަތިންދާ ބޯޓެއް ގަންނާނެބާ
އޮނަރަބްލް އަފީފު ދީދީ
24 July 2022
މިމުއާމަލާތަކީ ރާއްޖޭގައި މިވަގުތު ސީޕްލޭން އޮޕަރޭޓްކުރާ އެއްވެސް ފަރާތަކާއި އަދި މިކަމަށް އަލަށް ނިކުންނަ ކުންފުނިތަކަށްވެސް ދަތިވާގޮތަށް އަދި އެއްވެސް ހުރަހެއް އެޅި އެއިން އެއްވެސް ފަރާތެއްގެ އެއްވެސް ޙައްގަކަށް ހުރަސް އެޅޭނެ މުއާމަލާތެއް ނޫންކަން ސަރުކާރުން ކަށވަރުކޮށް އެކަމުގެ ޔަޤީންކަން އޮޕަރޭޓަރުންނަށް ދިނުން ވަރަށް މުހިންމު. # އަމިއްލަ ކުންފުންޏެއް ކަމުގައިވިޔަސް ތަހުޒީބު ޤައުމުތަކުގައި މިފަދަކުންފުނިތައް ހިތުހުރިގޮތަކަށް ވިއްކާ ނުލެވޭނެ.
މަޖާކުޅި
24 July 2022
ބޭރުގެ ކުންފުނިތަކަށްވެސް މިހާރު ވިސްނެންފެށީ. މަސަރުކާރުގެ އިންޑިޔާ ޕްލޭނެއްގައި ތާށިކުރަމުން އަންނަކަން. އެހެންނޫންނަމަ އެއްއަހަރުން އަނެއްއަހަރަށް އުދުހުން އިތުރުވަމުންދަނިކޮށް މިތަން ވިއްކާލުމުގެ ކަންތައްގަނޑެއް ނުހިގާނެ. އަނެއްކޮޅުން އެންމެ ގިނަ ފްލައިޓްތައް ނަގާ ޗަންޕާވެސް އަމިއްލަ ފްލައިޓްތައް ގެންނަންފެށީމާ ޗަންޕާގެ ބައިން ލިބުނު އުދުހުންތައް މަދުވެގެންދިއުންވެސް މިކަމާ ގުޅޭނެ.
މީދާކޭ އުނބު
26 July 2022
ތަނެއް ދޮރެއް ނޭނގުނަސް ކޮމެންޓްއެއް ކޮށްލެވޭތޯ ބަލާތި.
އޮނަރަބްލް އަފީފު ދީދީ
24 July 2022
މިހާރު ސީޕްލޭން އޮޕަރޭޓް ކުރަމުންދާ ރާއްޖޭގެ އެއްވެސްކުންފުންޏަކުން މިއަގުގައި ޓީއެމްއޭގަތުމަށް ޝައުޤުވެރިވާނެކަމަކަށް ޤަބޫލެއްނުކުރަން. # އަދި ސީޕްލޭން އޮޕަރޭޓަރުންގެގޮތުގައި މޯލްޑިވިއަންގެއިތުރަށް މާކެޓަށްނިކުތް Villa Air އާއި Manta Air ފަދަ މާލީތަނަވަސްކަމާއި ޤާބިލް މެނޭޖްމަންޓްއޮތް ކުންފުނިތަކުން ނިކުތުމުގެސަބަބުން ކުރިން TMA އަށް ބާރާއި ނުފޫޒު ބޭނުންކޮށް "ހިތަކަށް" ހޯދާފައި ހުރި ކިތަންމެ ކަމަކަށް މަގު ބަންދުވެ ނަގަމުންދިޔަ ފައިދާ ހުއްޓުނު.
އޮނަރަބްލް އަފީފު ދީދީ
24 July 2022
ކާލަލް ޤްރޫޕް އެމީހުންގެ ޙިއްސާއޮތް ރާއްޖޭގައި ސީޕްލޭން އޮޕަރޭޓްކުރާ ކުންފުނިވިއްކާލާއިރު އެމީހުން އެކަންކުރާގޮތް ރާއްޖޭގެ އިކޮނޮމިކް މިނިސްޓްރީ އާއި ސިވިލްއެވިއޭޝަން އޮތޯރިޓީފަދަ ގުޅުންހުރި އެންމެހާ އިދާރާތަކުން ވަރަށް ރަނގަޅަށް ބަލަންޖެހޭ. # އަދި މިމުއާމަލާތުގައި މިކުންފުންޏާއި MACL ދެމެދު ވެފައިވާ އެއްބަސް ވުން ތަކުގެ ބޭރުން އިތުރު ވާހަކަތަކެއް ނުވަތަ އެހެން ހޮޅި ގޮތެއް ޓީއެމްއޭގެ ފަރާތުން ގެންގުޅޭތޯ ވެސް އެއަރޕޯޓް ކަމްޕަނީން ޔަޤީންކުރަންޖެހޭ.
ހިންގާލަން.
24 July 2022
ރާއްޖޭގެ ކުންފުނިތަކަށާއި ރާއްޖޭގެ ފިހާރަތަކާއި އަމިއްލަ މީސްމީހުންނަށް ދޭންޖެހޭ ދަރަނި ޙަލާސްކޮށްފައި މެނުވީ ކުންފުނި ވިއްކާލަން ހުއްދަ ދީގެން ނުވާނެ. ތިތަނުން އެތައް ބަޔަކަށް ދޭންޖެހޭ ފައިސާ އެބަހުރި.
ސަލީމް
24 July 2022
ބޯމަތިވަމުން މިއަންނަ ޓީ ޖީ އެސް ޓީ. ޢަދި 2023 ގައުމުގެ ހާލަތަށް ބަޔަކަށް ވިސްނޭ.
ސަލީމްބޭ
24 July 2022
މޯލްޑިވިއަނުންތީތިގަނެލަންވީ ބެންކުންމޯލްޑިއަނަށްއެހީތެރިކަންދޭންވީ ތިކަމުގެތެރެއަށްއިތުރުބަޔަކަށްވަނުމުގެފުރުސަތުދިނުމަކީ އެހާބުއްދިވެރިކަމެއްނޫން
ނުވާނެ.
24 July 2022
ކޮން ބޭންކްއަކުން މޯލްޑިވިއަންއަށް 700 މިލިއަން ޑޮލަރު ދޫކުރާނީ؟
ހިތަދޫ 2
24 July 2022
މޮނޮޕޮލީ ގެއްލި ބަނގުރޫޓްވެ ނުވަތަ މާޖް ކުރަން މަޖުބޫރުވީމާ ހެޔޮއަގުގަ އެސެޓްތަށް ނެގިއްޔާ މާ ބުއްދިވެރި!
މިއީ
24 July 2022
މިވަގުތު ވަރަށް ތާށިކޮށް މިއުޅެނީ.
ކުޗީ
24 July 2022
އަލަށް ހެދި ޓާމިނަލް އެއީ ޓީއެމްއޭ ގެ ތަނެއް ގޮތުގައި ބަލާ ކުންފުނީގެ އާމްދަނީގެ ގޮތުގައި ހިމަނާ އަގު ބްލޯޓް ކޮށް 2017 ބްލެކްސޯޓޯން އަދި ދެން ތިބި ކުދި ހިއްސާދާރުން އޭރު 500 އަށްވިއްކާލީ. ފަހުންވެސް ޓާމިނަލް ލިބޭތޯ އެކިގޮތްގޮތުން ވަރަށް މަސަތްކަތް ކުރި. ދެން އޮތް ތިން އެއާލައިންނުންވެސް ދަނީ ސީޕްލޭންތަށް އިތުރު ކުރަމުން. އަނެއްކާވެސް އޮޅުވާލައިގެން ނޫން ގޮތަކަށް 700 މިލިޔަން މިވަގުތު ހޯދަން ވަރަށް އުނދަގޫވާނެ.