އެމްއޭސީއެލްގެ މުވައްޒަފުންތަކެއް --
15 އޯގަސްޓް 2022 - 19:21
22 comments
މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް)ގެ 2021 ވަނަ އަހަރުގެ ބޯނަހުގެ ގޮތުގައި އެ ކުންފުނީގެ ކޮންމެ މުވައްޒަފަކަށް 25،000ރ. ދޭން ނިންމައިފި އެވެ.
އެމްއޭސީއެލް އިން މުވައްޒަފުންނަށް ބޯނަސް މި ދެނީ ދެ އަހަރު ފަހުންނެވެ. އެންމެ ފަހުން އެ ކުންފުނިން މުވައްޒަފުންނަށް ބޯނަސް ދީފައި ވަނީ ކޮވިޑުގެ ކުރިން 2019 ވަނަ އަހަރު އެވެ.
އެ ފަހަރު އެމްއޭސީއެލްގެ މުވައްޒަފުންނަށް ބޯނަހުގެ ގޮތުގައި ދިނީ 7،870.79ރ. އެވެ. މި އަހަރު އެ ކުންފުނީގެ މުވައްޒަފުންނަށް ދޭ ބޯނަހަކީ އެ އަހަރާ އަޅާބަލާއިރު ތިން ގުނަ ބޮޑު އަދަދެކެވެ.
ބޯނަހުގެ ގޮތުގައި 25،000ރ. ލިބޭނީ 2021 ވަނަ އަހަރު އެއްކޮށް އެ ކުންފުނީގައި މަސައްކަތް ކުރި މުވައްޒަފުންނަށެވެ. އަދި މިދިޔަ އަހަރުގެ ހަ މަސް ދުވަހު ނުވަތަ އެއަށްވުރެ ގިނަ ދުވަހު މަސައްކަތް ކޮށްފައިވާ މުވައްޒަފުންނާއި މިދިޔަ އަހަރު ވަޒީފާއިން ވަކިވެފައިވާ މުވައްޒަފުންނަށް ބޯނަސް ދޭން ނިންމައިފައި ވަނީ ވަޒީފާގައި އުޅުނު ދުވަހުގެ ނިސްބަތުންނެވެ. އެކަމަކު، ޑިސިޕްލިނަރީ ޕޮލިސީގެ ދަށުން މިދިޔަ އަހަރު ވަޒީފާއިން ވަކިކުރި މުވައްޒަފުންނަކަށް ބޯނަހެއް ނުލިބޭނެ އެވެ.
އެމްއޭސީއެލުން އެ ތަނުގެ މުވައްޒަފުންނަށް ފޮނުވި ސާކިއުލާއެއްގައި ބުނެފައިވަނީ މި މަހުގެ 18 ވަނަ ދުވަހުގެ ކުރިން ބޯނަސް ފައިސާ ޖަމާ ކުރެވޭނެ ކަމަށެވެ.
އެމްއޭސީއެލްގެ ޖެނެރަލް މެނޭޖަރު ކޯޕަރޭޓް އެފެއާޒް، ހަސަން އަރީފް ވިދާޅުވީ މިއީ އެމްއޭސީއެލުގައި ބޯނަސް ދޭ މިންވަރާ ބަލާއިރު ބޮޑުތަނުން ބޮޑު އަދަދެއް ކަމަށެވެ. އަދި މި ބޯނަހާއެކު މުވައްޒަފުން ވަރަށް ހިތްހަމަޖެހޭނެ ކަމަށް އުންމީދުކުރައްވާ ކަމަށް އޭނާ ވިދާޅުވި އެވެ.
އެ ކުންފުނިން މުވައްޒަފުންނަށް ދެމުން ގެންދިޔަ ބޯނަސް މެދުކެނޑުނީ ކޮވިޑުގެ ބަލިމަޑުކަމާ ހެދި އެވެ. ނަމަވެސް ރާއްޖޭގެ ބޯޑަރު ބަންދުކޮށްފައި އޮތް ދުވަސްތަކުގައި ވެސް އެއްވެސް މުވައްޒަފަކަށް މުސާރަ ކުޑަނުކޮށް މުސާރަ ދީފައިވާނެ ކަމަށް އެ ކުންފުނިން ކުރިން ވަނީ ބުނެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލީލް
17 August 2022
އެމް.ޑަބްލިޔު.އެސް.ސީ ނޫން ހުރިހާ ތާކު ބޯނަސް ދެނީ ހުރިހާ ސްޓާފުންނަށް ހަމަ ހަމަޔަށް ކަންނޭނގެ. އެމް.ޑަބްލިޔު.އެސް.ސީގަ ބޯންސް ދެނީ ބޮޑު މުސާރަ ލިބޭ މީހުންނަށް ބޮޑު ބޯނަސް، ދަށް ލެވެލް މީހުންނަށް މަދުން! މިކަމާ ބެހޭ އާޓިކަލްއެއް ލިޔެދީބަލަ. މިއޮއްފަދަ ޒަމާނުގަ މިހާ ތަފާތުކުރުންގެންގުޅޭތީ ލަދުގަންނަން ޖެހޭ!
ބަޑިތަކުރު
17 August 2022
ދައުލަތުގެ ކުންފުނިތަކުގެ ކަންކަން މިފެންނަނީ އެތަންތަން ހިންގަން ތިބޭ ބައެއްގެ މަންފާއަށް ހިންގާތަންތަނަށް ވެގެންދާތަނެވެ. ބްރިޖްއެޅީމާވެސް އެތައް ބައިވަރު ދޯންޏެއް ކުއްޔަށް ހިފައިގެން އަދިވެސް ފެރީގެ ގޮތުގައި ދުއްވަނީ ކޮންބަޔެއްގެ މަންފާއަށްތޯވެސް ބަލާނެ ފަރާތެއް ނެތީބާވައެވެ. އަމިއްލަ ބަސް ގަނެގެން ދަތުރު ކުރުންވެސް މާ ރަނގަޅުވާނެއެވެ. ފައިދާއެއް ނުވާ އެމްޓީޑީސީ ފަދަ ކުންފުނިތައްވެސް އުވާނުލެވި މިހިންގަނީ ކޮންބަޔެއްގެ މަންފާއަށް ބާވައެވެ.
ރީލް
16 August 2022
މިތަނައްތާ ވަންނަންވީ
މާހިރު
16 August 2022
މުވައްޒަފުންގެ އަގު ވަޒަންކުރާ ކޮންމެ ކުންފުންޏަކުންވެސް އެކުންފުންޏަކަށް ލިބޭ ފައިދާގެ ކޮންމެވެސް މިންވަރެއް މުވައްޒަފުންނަށް ދޭނެއެވެ. އެހެންނަމަވެސް އަދިވެސް ގިނަކުންފުނިތަކުން މުވައްޒަފުން ދެކެނީ އަޅުންގެ ގޮތުގައެވެ. ޤާނޫނާއި ޤަވާޢިދުތައް ހުއްޓަސް އެބައިމީހުން މުވައްޒަފުންނާމެދު ކަންތައްކުރަނީ ހިތުހުރި ގޮތަކަށެވެ.
ޟިއުނީ
16 August 2022
ޜަގަޅު ނިންމުމެއް. މަދު ވަސީލަތް ހުރި ދިވެހިންގެ ބަނދަރުގައި ހީވާގި ކޮޮށް މަސައްކަތް ކޮށް ދުވާލަކު 4000 މީހުންނަށް ހިދުމަތް ދިނުމަކީ ފަސޭހަ ކަމެއް ނޫން.
ކަން އޮތްކޮ
16 August 2022
އެތާ އޮޕަރޭޝަނުގަ ތިބޭ މުވަސްޒަފުން ވަރަށް މަސައްކަތް ކުރޭ. އެޑްމިން އިމާރާތުގަ ވަރަށް އަރާމުގަ ތިބޭ ބަޔަކު ތިއްބަސް
މުންޖިޗޭ
16 August 2022
ކުންފުންޏެއް ބަނގުރޫޓުވާ ވާހަކަ އަބަދު އިވެނީ، އެކަމަކު 3ގުނަ ބޮޑުކޮށް ބޯނަސް ބަހާވާހަކަ މިއިވެނީ، 2023 އަށް ކުންފުނީގެ މުވައްޒަފުންގެ ޢާއިލާ ރުއްސަން ޖަހާ ސަކަރާތެއްނޫންބާ، ހަމަގައިމުވެސް ކިތަންމެ ބޯނަހެއްދިނަސް ދިވެހިންގެ ދީނާއި ޤައުމިއްޔަތަށް ދެމުންދާ ދެރަ ހަނދާން ނައްތާލައިގެން ނުވާނެ، ލިބޭ މަދު ލާރިކޮޅެއްގެ އަވައިގަޖެހި ދިވެހި ޤައުމީ ބަހާތަކަށް ޣައްދާރުވުމަކީ ބަލައިގަނެވޭނެ ކަމެއްނޫން، ޓެކްސް ބޮޑުކޮށް ދިވެހިން ބިކަވުމުގެ ކޮޅުމަތި ފެނޭއެބަ.
ޢިޝާމާ
16 August 2022
ޢެމް. ޕީ. ޢެލް ގެ ވެރިން ކައިފަ ވެރިކަމުގަ އޭރެއްގަ ހުންނަމީހާގެ ދެވަނަ ދައުރުގެ ކެމްޕެއިނަަށް ބައި އަޅާފަ އޮންނަ އެތިކޮޅު ބައިލައްކަ ބަޔަށް ބެހީމަ ބޮލަކަށް ޖެހޭ ވަރު އެއީ އެމް. ޕީ. ޢެލް އިން ބޯނަސް ދޭގޮތަކީ. 1000 ރުފިޔާ ބޯނަހޭ ކިޔާފަ ދޭން ލަދެއްވެސް ނުގަނޭ އާދައިގެ މުވައްޒަފުންލައްވާ ހުރިހާ ބުރަ މަސައްކަތެއް ކުރުވާފަ
ޑީފެކުސަނު
16 August 2022
ކަލޯ އެމް.ޕީ.އެލްއާ އެމް.އޭ.ސީ.އެލް ވަކި ކުރަން ނޭނގުނަސް ފިތުނައެއް ހެދޭތޯ އެއްޗެކޭ ވީދޭތި.. ޑީފެކުސަނު ޑީގުރޭޑުންގެ ފެންވަރޭ ތިޔައީ
ތިނަދޫ ބަނދަރު
16 August 2022
ކަސްޓަމްސް މުވައްޒަފުންނަށް ބޯނަސް ނުދޭތާ 10 އަހަރު. މިކަމާ ހެދި ކަރަޕްސަން އިންތިހާއަށް
ކަލޯބެއް
16 August 2022
ވިޔަފާރި ކުންފުންޏެއްތަ ނޫނީ ސަރުކާރު އިދާރާއެއްތަ؟؟؟ ވަކި އެހެންވެސް ބުނެވޭކަށް ނެތްދޯ ސަރުކާރުގެ ސަބްސިޑައިޒް ކުންފުނިތަކުގަ ވެސް ބޯނަސް ދޭވިއްޔާ ބަނގުރޫޓުވާއިރުވެސް. ރަނގަޅު.. ކޮބާ ބޯނަސް
އުދުހޭ
16 August 2022
ޖީއެމްއާރު އޮތްނަމަ ލިބުނީހީ ހައްޕުނޑު. ނުވިތާކަން ބައިވަރު ދިވެހިން ވަޒީފާއިން ވަކިކޮށް އިންޑިޔާ މީހުން ދިޔައީ އިތުރުކުރަމުން. އެހެންކަމުން ޑރ.ވަހީދަށް މިކަމުގައި ޝުކުރު ހައްގު.
ރާއްޖެ
15 August 2022
ސިވިލް ސާވިސް ކޮމިޝަން ވަރު މުވައްޒަފުންނަށް ބޭކާރު އިދާރާއެއް ނުހުންނާނެ.
ާއަލިމޯޑު
16 August 2022
ސިވިލް ސާވިސްގެ މެޖޯރިޓީ މުވައްޒަފުން ތިއްބެވީ ކޮވިޑް ޕެންޑެމިކްގަ ގޭގަ ވަޒީފާއަށް ދިޔައިމަ ބަލިޖެހިދާނެތީ.އެކަމަކު ބަރާބަރަށް މުސާރަ ލިބޭ އެއްޗެއް އުނިނުވެ.އެއާޕޯޓް މުވައްޒަފުން ބަރާބަރަށް ޑިއުޓީ ނުކުތް.ކޮވިޑްގަ ސީދާ ކޮވިޑް ބަލިމީހުންނަށް އެޓެންޑް ވި.ކޮވިޑް އެލަވަންސް އެއް ނުލިބޭ
ހަގީހގަ
16 August 2022
ހަގީގަތުގަވެސް ބޭކާރު ބައެއް. ބޯނަސް ކީއްކުރަން މިހާރު ދޭ މުސާރަވެސް ކުރާ މަސައްކަތާ ބަލާ ބޮޑު. އިދާރާ އަކުން ފޯނެއް ނަގާނީއެއްނޫން ބުނާ ދުވަހަކަށް ހިދުމަތެއް ދެވެނީއެއްނޫން. މީޓިންތަށް ބާއްވާފަ ނިންމަނީ ސްޓާފުންނަށް ފަސޭހަގޮތް ހިދުމަތް ހޯދާ ފަރާތަށް އުދަގުލާ ދަތި