ކިތަންމެ ކުޑަ އާމްދަނީއެއް ލިބޭ ވަޒީފާއަކުން ވިޔަސް، އަމިއްލަ ފުދުންތެރިކަމުގެ ހިތްހަމަޖެހުން ހޯދުމަށް މަސައްކަތް ކުރުމަކީ ޒުވާނުންގެ އިތުރުން މުޅި މުޖުތަމައު އަށް ވެސް ލިބޭނެ ވަރަށް ބޮޑު ފައިދާއެއް ކަމަށް ރައީސް ވިދާޅުވި.
ޔޫތު އެވޯޑް 2022: އެވޯޑް ހަފުލާގައި ރައީސް އިބްރާހިމް މުހައްމަދު ސޯލިހު ވާހަކަދައްކަވަނީ -- ފޮޓޯ: ރައީސް އޮފީސް
23 އޮކްޓޯބަރ 2022 - 23:48
14 comments
މި ސަރުކާރުން ތަރައްގީ ގެނައުމުގައި ރަށްރަށް ބާކީނުކުރުމުގެ ސަބަބުން ޒުވާނުންނަށް ލިބޭ ވަޒީފާގެ ފުރުސަތުތައް ގިނަވަމުން އަންނަ ކަމަށް ރައީސް އިބްރާހިމް މުހައްމަދު ސޯލިހު މިރޭ ވިދާޅުވެއްޖެ އެވެ.
ސޯޝަލް ސެންޓަރުގައި ބޭއްވި މި އަހަރުގެ ޒުވާނުންގެ އެވޯޑް ހަފުލާގައި ވާހަކަދައްކަވަމުން ރައީސް ވިދާޅުވީ ރަށްރަށުގައި ވަޒީފާގެ ފުރުސަތު މަދުވުމުގެ ސަބަބަކީ އެ ރަށްރަށަށް ބޭނުންވާ ހަގީގީ ތަރައްގީ ގެނެވިފައި ނެތުން ކަމަށެވެ. އަދި އެކަހެރިކޮށްފައި ހުރި ރަށްރަށަށް ފަސޭހައިން ދަތުރުކުރެވޭނެ އިތުބާރު ހުރި ނިޒާމެއް ނެތުމަކީ ވެސް އޭގެ ސަބަބެއް ކަމަށް އެމަނިކުފާނު ވިދާޅުވި އެވެ.
ރައީސް އެފަދައިން ވިދާޅުވީ މިރޭގެ ހަފުލާގައި ގައުމީ ޔުނިވާސިޓީ (އެމްއެންޔޫ) އިން އާންމުކުރި، ރާއްޖޭގެ ޒުވާނުންގެ ހާލަތާ ގުޅޭގޮތުން ތައްޔާރުކޮށްފައިވާ ދިރާސާއަކާ ވެސް ހަވާލާދެއްވަ އެވެ. އެއީ އެމްއެންޔޫ އާއި ޔޫތު މިނިސްޓްރީ ގުޅިގެން ކުރި ދިރާސާއެކެވެ.
ޔޫތު އެވޯޑް 2022: އެވޯޑް ހަފުލާގައި ރައީސް އިބްރާހިމް މުހައްމަދު ސޯލިހުގެ ދަކަނބަލުންނާއި ނައިބް ރައީސް ފައިސަލް ނަސީމް އަދި ޔޫތު މިނިސްޓަރު އަހްމަދު މަހްލޫފް ބައިވެރިވެވަޑައިގަންނަވަނީ -- ފޮޓޯ: ރައީސް އޮފީސް
"ވަޒީފާތައް އުފެދިގެން އަންނަނީ ވިޔަފާރިތަކާއި ސިނާއަތްތަކުން. އެކަމަށްޓަކައި މުހިންމު އަސާސީ ތިން ހިދުމަތެއް ކޮންމެހެން އެބަ ބޭނުންވޭ،" ރައީސް ވިދާޅުވި އެވެ.
"އެއް ކަމަކީ ސާފު ބޯފެނާއި ނަރުދަމާގެ ހިދުމަތް. އަނެއް ކަމަކީ، ދަތުރުފަތުރުގެ އިތުބާރު ހުރި ނިޒާމެއް. ތިން ވަނަ ކަމެއްގެ ގޮތުގައި ގުނަން ޖެހެނީ، މުވާސަލާތީ ނިޒާމެއް. މި ޒަމާނަށް ބަލާއިރު އެއީ އިންޓަނެޓްގެ ލުއިފަސޭހަކަން."
އާރްޓީއެލް ފެރީ އާއި ބަހުގެ ހިދުމަތުން ވެސް 300 އަށް ވުރެ ގިނަ ވަޒީފާ އުފެދިއްޖެ. -- ރައީސް
ރައީސް ވިދާޅުވީ މި ސަރުކާރުން އެ ކަންކަން ހައްލުކުރުމަށް ވަރަށް ގިނަ މަސައްކަތްތަކެއް ކުރަމުން އަންނަ ކަމަށެވެ. ރާއްޖޭގެ ހުރިހާ ރަށެއްގައި ފެނާއި ނަރުދަމާގެ މަސައްކަތް ފަށާފައިވާ ކަން ފާހަގަކުރެއްވި އެވެ. އަދި މި ސަރުކާރުން ފެށި އާރްޓީއެލް ފެރީގެ ހިދުމަތާ އެކު ވަޒީފާ ނެތުމަށް މެދުވެރިވާ ސަބަބުތައް ނެތެމުންދާ ކަމަށް ވެސް އެމަނިކުފާނު ވިދާޅުވި އެވެ.
"އާރްޓީއެލް ފެރީ އާއި ބަހުގެ ހިދުމަތުން ވެސް 300 އަށް ވުރެ ގިނަ ވަޒީފާ އުފެދިއްޖެ،" ރައީސް ވިދާޅުވި އެވެ.
ޔޫތު އެވޯޑް 2022: މި އަހަރު 10 މީހަކަށް ޒުވާނުންގެ އެވޯޑު ދީފައިވޭ -- ފޮޓޯ: ރައީސް އޮފީސް
ރައީސް ވިދާޅުވި ގޮތުގައި އާރްޓީއެލް ފެރީގެ ހިދުމަތް ހުރިހާ އަތޮޅަކަށް ފުޅާވުމުން އިދާރީ އަދި ފަންނީ ވަޒީފާތައް ހިމެނޭހެން 1،000 އަށް ވުރެ ގިނަ ވަޒީފާ އުފެދޭނެ އެވެ. އަދި މި ސަރުކާރުން ވަޒީފާގެ ފުރުސަތު ހޯދައިދިނުމަށް ހިންގާ ނެޝަނަލް އެޕްރެންޓިންޝިޕް ޕްރޮގްރާމްގެ ދަށުން އެލަވަންސް ލިބޭ ގޮތަށް މިހާރު ވެސް ތަފާތު 14 ކުންފުންޏެއްގައި 321 ޒުވާނަކު ތަމްރީނުވަމުން އަންނަ ކަމަށް ވެސް ރައީސް ވިދާޅުވި އެވެ.
"ކިތަންމެ ކުޑަ އާމްދަނީއެއް ލިބޭ ވަޒީފާއަކުން ވިޔަސް، އަމިއްލަ ފުދުންތެރިކަމުގެ ހިތްހަމަޖެހުން ހޯދުމަށް މަސައްކަތް ކުރުމަކީ ޒުވާނުންގެ އިތުރުން މުޅި މުޖުތަމައަށް ވެސް ލިބޭނެ ވަރަށް ބޮޑު ފައިދާއެއް،" ރައީސް ވިދާޅުވި އެވެ.
ރައީސް ވިދާޅުވީ ވަޒީފާ އަދާކުރާ ޒުވާނުން އިތުރުވުމުން މުޖުތަމައު އަށް ގިނަ ފައިދާތަކެއް ވެސް ކުރާނެ ކަމަށެވެ. ވަޒީފާތައް އިތުރުވުމުން ވަރަށް ގިނަ އިޖުތިމާއީ މައްސަލަތަކަށް ވެސް ހައްލެއް ލިބޭނެ ކަމަށް ވިދާޅުވި އެވެ. އަދި އެމަނިކުފާނު ވިދާޅުވީ ވަޒީފާތައް އިތުރުވުމުން މުޖުތަމައު އިން ޒުވާނުން ހަވާސާވުން ހުއްޓުވި، ކުށުގެ ވެއްޓާ ދުރުކޮށްދީ އަދި މާލީ ގޮތުން އެހެން ފަރާތްތަކަށް ބަރޯސާވާން ޖެހޭ މިންވަރު ވެސް ކުޑަކުރެވޭނެ ކަމަށެވެ.
މިދިޔަ ސެޕްޓެމްބަރު މަހުގެ ނިޔަލަށް ޒުވާން ވިޔަފާރިވެރިންނަށާއި ޒުވާން ވިޔަފާރިތަކަށް 414 ލޯން އެޕްރޫވްކޮށް 374 ވިޔަފާރީއަކަށް މިހާރު ވާނީ ލޯނު ދޫކޮށްފައި -- ރައީސް
ޔޫތު އެވޯޑް 2022: ނައިބް ރައީސް ފައިސަލް ނަސީމް ޔޫތު މިނިސްޓްރީގެ ވެބްސައިޓް ލޯންޗުކޮށްދެއްވަނީ -- ފޮޓޯ: ރައީސް އޮފީސް
ހިލޭ ޑިގްރީގެ ވާހަކަ ފާހަގަކުރައްވައި، މި ސަރުކާރުން ވެރިކަމާ ހަވާލުވެ އެންމެ ފުރަތަމަ ވެސް އިސްކަމެއްދިން ކަންކަމުގެ ތެރޭގައި ތައުލީމު އުނގެނުމަށް ގިނަ ފުރުސަތުތަކެއް ހުޅުވާލުން ހިމެނޭ ކަމަށް ރައީސް ވިދާޅުވި އެވެ. އަދި ޒުވާނުންނަށް ތައުލީމާއި ތަމްރީނުދިނުމުގެ އިތުރުން ޒުވާން ވިޔަފާރިވެރިން އުފެއްދުމަށްޓަކައި ލޯނުތައް ދޫކުރަމުން އަންނަ ކަމަށް ވެސް ވިދާޅުވި އެވެ.
"މިދިޔަ ސެޕްޓެމްބަރު މަހުގެ ނިޔަލަށް ޒުވާން ވިޔަފާރިވެރިންނަށާއި ޒުވާން ވިޔަފާރިތަކަށް 414 ލޯން އެޕްރޫވްކޮށް 374 ވިޔަފާރީއަކަށް މިހާރު ވާނީ ލޯން ދޫކޮށްފައި،" ރައީސް ވިދާޅުވި އެވެ.
މި އަހަރުގެ ޒުވާނުންގެ އެވޯޑް 10 މީހަކަށް ސަރުކާރުން ދިނެވެ. ޒުވާނުންގެ އެވޯޑަކީ އެކި ދާއިރާތަކުން ޒުވާނުން ކުރާ މަސައްކަތުގެ އަގު ވަޒަންކޮށް، ހިތްވަރުދިނުމުގެ ކޮންމެ އަހަރަކު ވެސް ސަރުކާރުން ދެމުން އަންނަ އެވޯޑެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހިންނަ އިބުރާހީމް ފުުޅު
24 October 2022
އޮތީ އެންމެ ޗޮއިސްއެއް މުއްދަތު ހަމަވީމަ އޮޑިއަޅާފަ ފޭބުން ފުދިއްޖެ
އައްޔަަ
24 October 2022
ބާކީ ކުރާނެކަމެއްނެތް. އަނެއްހެން ކަމެއްކޮށްނުދިނަކަސް ރަނގަޅުވާނެ
ވަހުތާން
24 October 2022
ކިހާވަރަކަށްތަ ބާކީ ނުކުރާވާހަކަ؟ ފޮނިކެންޑުމަންކުން ނަތީޖާ ބަދަލެއް ނުވާނެ! އެތަަށް ކޯހެއްހަދާ އެތައް ޓްރޭނިންގ އެއްހަދާ ދަރިން މޮޅުކޮށް ރަނގަޅު ވަޒީފާގެ އުއްމީދުގައި ތިއްބާ ސްތޭލްކޯ ފެންކަ ދައުލަތުގެ ކުންފުނިން ވަޒީފާއަށް އިޢްުލާނު ކުރުމުން ސެޓްފިކެޓްތަކާއެކު ހުށަހެޅުމުން އެއްވެސް ސެޓްފިކެޓެއް ޓްރޭނިންގ އެއްނެތް މީހާއަށް ވަޒީފާ ލިބެނީ!
@ވަހުތާން
24 October 2022
އަމަލެއް ނެތި ފޮނިކެނޑުން ނޫން ކަމެއް ނެތް
ކަންކް
24 October 2022
ކަލޯ އަބަދު ކޮންމެ ތަނަކަށް ޖަލްސާއަކަށް ގޮސް އެއް ސްކްރިޕްޓެއް ނޫނީ ޑައިލޮގެއް ކިޔަކަސް 23 އެއް ނުލިބޭނެ. ޝުކުރިއްޔާ
ެއ×ފރފރ
24 October 2022
ލައްބަ އެހެންވެގެންތާ ޑުރަގު ޑީލަރުން މި ސަލާމަތްވަނީ
ކޮރަލް
24 October 2022
ދިވެހީން ނަށް ވަޒީފާ ގިނަ ވެއްޖެ އެވެ. އެއީ ޑްރައިވަރުންނާ ލޭބަރުންގެ ވަޒީފާ އެވެ. އެވަޒީފާ ތަކަށް މިހާރު ބިދޭސީން ނުދެ އެވެ. އެމީހުން މިހާރު ގަވާއިދާ ހިލާފައް ވިޔަފާރި ކުރަނީ އެވެ. ދެން މާލޭ ގަ ލިޔެކިއުން ނެތް މީހުން ދިޔައީ ރިސޯޓް ތަކަށެވެ. ލަންކާ އިން ހެސްކިޔާފަ މީހުން ވިޔަފާރި ކުރުމަށް އަދި ވަޒީފާ އަށް އެބަ އާދެއެވެ. ރައީސް ކަމެއް ކުރާނަމަ ކުދި ވިޔަފާރި ތަކަށް ޒުވާނުން ތަމްރީން ކޮށް ވިޔަފާރި ތަކަށް އިންވެސްޓް ކޮށްދޭން ވީ އެވެ.
އުދުހޭ
24 October 2022
ފުރުސަތުތަށް ގިނައީ އަތުންފައިން ކަމެއްނުކޮށް ދެއިރު ޓްވީޓްކޮށް އަޅާތަޅާ ސިޔާސީ މީހުންނަށް. އެފަދަ މީހުންގެ އަދަދު އެތަށް ހާހަކަށް އަރާނެކަމަށް ލަފާކުރެވޭ. ބޭރުގައުމުތުގެ އެމްބަސީތަކުގައި އެބައިވަރު އެއުޅެނީ މިނިސްޓަރުންގެ މުސާރައަށްވުރެ ބޮޑު އާމްދަނީއެއްގަ.
ނުވާނެއޭނުވާނެއޭ
24 October 2022
ތަރައްގީގައި ރަށްރަށް ބާކީނުކުރުމުން ޒުވާނުންނަށް ވަޒީފާގެ ފުރުސަތުތައް ގިނަވެއްޖެ ކަމަށް ރައީސް އިބޫ ބުނާއިރު ޓީވީއެމް އިން ބާ ފެހެންދޫގައި ބަނދަރެއް ހަދާ އެރަށުގައި އިންވެސްޓް ކުރަން ރަނގަޅުވާނެއޭ ކިޔާ އެރަށުގެ މީހަކު ލައްވާ އިންޓަރވިއު ނަގައިގެން ޓީވީއެމް އިން އެ އިޝްތިހާރު ދައްކާތާ މިހާރު 4 އަހަރުވަނީއޭ އެންމެ އިންވެސްޓަރެއް ވެސް އަދި ވެސް ނުދެއޭ ދެން ކޮން ވަޒީފާ އެއްތޭ އުފެދެނީ ނުއުފެދޭނެއޭ ރާއްޖެތެރޭގައި ވަޒީފާ އެއީ ވާނެ ކަމެއް ނޫނޭ އެކަން
އެމެރިކާ
24 October 2022
އިންޑީޔާ މީހުން ދިވެހިންގެ ވަޒީފާތަކުގަ.
އެމްސް
24 October 2022
ތިޔަކަމުގަ އެންމެ ގިނައިން ތިބީ ބޮންދުން! އަދި އެއީ އެންމެ އަންސްކިލްޑް މީހުން!
އެމްސް
24 October 2022
މާލެއެކޭ އެއްގޮތަަށް ރަށްރަށުގަވެސް ދިވެހިންނަށްވުރެ ގިނަ ވަޒީފާގަ ތިބީ ބިދޭސީން! މުސާރައާއި ޢިނާޔަތްތައްވެސް ބޮޑީ އެމީހުނަށް! ޤައުމީ ބޭންކަށް، މުވާސަލާތީ ކުންފުންޏަށް ބެެއްޔަސް، އެއްމަޤާމެއްގަ ހުންނަ ދިވެހި މީހާއަށްވުރެ ހަމަ އެމަޤާމުގަ އުޅޭ ބިދޭސިމީހާއަށް އޮންނަ ޢިނާޔަތްތައް ގިނަ! މާގިނަ!