"ލިޓްލް ލަޔަން"ގެ ރަހަތަކަށް ހާއްސަ ކުޑަކުދިންގެ ހަވީރެއް ބާއްވައިފި

އިއްޔެ އޭޑީކޭ ޖީޓީއިން ބޭއްވި "ލިޓްލް ލަޔަން" އިވެންޓުގެ ތެރެއިން. އެ އިވެންޓަކީ އެ ބްރޭންޑުގެ އުފެއްދުންތަކުގެ ރަހަތައް ދައްކާލުމަށް ބޭއްވި އިވެންޓެއް. -- ފޮޓޯ: ފަޔާޒް މޫސާ | މިހާރު

އައިޝަތު ޖަޒްލީ، މިހާރު

13 ނޮވެމްބަރ 2022 - 10:24

އޭޑީކޭ ޖެނެރަލް ޓްރޭޑިން އިން ދާދި ފަހުން މާކެޓަށް ތައާރަފު ކުރި "ލިޓްލް ލަޔަން"ގެ އުފެއްދުންތަކުގެ ރަހަތައް އާއްމުންނަށް ދައްކާލުމަށް ކުޑަކުދިންގެ ހަވީރެއް އިއްޔެ ބާއްވައިފި އެވެ.

އާޓިފިޝަލް ބީޗުގައި ބޭއްވި އެ ހަރަކާތުގައި "ލިޓްލް ލަޔަން"ގެ އެކި ވައްތަރުގެ ކޭކާއި ވޭފާ އަދި ބިސްކޯދުގެ ރަހަތައް ދައްކާލައި، ބޮނޯޗީގެ ޗޮކްލެޓުގެ ސާމްޕަލް ވެސް ބެހި އެވެ. އަދި ރޮބޯމޭން އާއި ބެލޫން އާޓްސްގެ މުނިފޫހިފިލުވުމުގެ ހަރަކާތްތަކެއް ވެސް ދައްކައިލި އެވެ.

އިވެންޓުގައި ރޮބޯމޭންގެ ހަރަކާތްތަކެއް ވެސް ދައްކައިލި.--- ފޮޓޯ" ފަޔާޒް މޫސާ | މިހާރު

އޭޑީކޭ ޖެނެރަލް ޓްރޭޑިން އިން ބުނިގޮތުގައި އެ އުފެއްދުންތަކުގެ ރަހަ ބެލި ގިނަ ބަޔަކަށް އެ ރަހަތައް ވަރަށް ކަމުދިޔަކަން ފާހަގަކުރެވެ އެވެ. އަދި ބޮޑު ތަރުހީބެއް އިވެންޓަށް ލިބުނު ކަމަށް ވެސް ބުންޏެވެ.

"ލިޓްލް ލަޔަން" އަކީ ސްރީ ލަންކާގެ ބްރޭންޑެކެވެ. އެ ބްރޭންޑުގެ އެކި ފްލޭވާތަކުގެ ކޭކާއި ބިސްކޯދު އަދި ވޭފާ ވެސް މިހާރު އޭޑީކޭ ޖެނެރަލް ޓްރޭޑިން އާއި ގަންނަ މާޓުން ލިބޭނެ އެވެ.