25 ނޮވެމްބަރ 2022 - 20:05
19 comments
ލުސައިލް (ނޮވެމްބަރު 25) - ސެނެގާލް އަތުން ވެސް 3-1 އިން މިއަދު ބަލިވެ، ވޯލްޑް ކަޕަށް ހާއްސަކޮށް ގަތަރުން 12 އަހަރު ވަންދެން ކުރި މަސައްކަތް ނާކާމިޔާބުވެ، މުބާރާތާ އަލްވަދާއު ކިޔުމާ ގާތަށް ހިނގައްޖެ އެވެ.
ގުރޫޕް ސްޓޭޖުގައި ކުޅެން ޖެހޭ ތިން މެޗުގެ ތެރެއިން ދެ މެޗުން ވެސް ބަލިވެ، އެ ޓީމަށް އޮތް އަމިއްލަ ބާރު ވަނީ ކެނޑިފަ އެވެ. ގަތަރަށް ދެން އޮތް މެޗަކީ ވަރުގަދަ ނެދަލެންޑްސްއާ ދެކޮޅަށް ކުޅެން އޮތް މެޗެވެ.
މިއަދުގެ ތިންވަނަ މެޗުގައި ނެދަލެންޑްސް އާއި އިކުއެޑޯ ކުޅޭ މެޗުން ކޮންމެ ޓީމެއް މޮޅުވިޔަސް އެ ޓީމަކަށް ގުރޫޕުގެ އެއްވަނަ އަށް ދެވޭނެ އެވެ. އެ ދެ ޓީމު ކުޅުނު ފުރަތަމަ މެޗުތަކުގައި ދެ ޓީމު ވެސް މޮޅުވީ 2-0 އިންނެވެ.
މި އަހަރުގެ ވޯލްޑް ކަޕް ގަތަރުގައި ބާއްވަން، އެ ގައުމަށް ފީފާގެ ބީލަން ކަށަވަރުވީ ޑިސެމްބަރު 2010 ގަ އެވެ. އޭގެ ފަހުން ގަތަރުން ވަނީ އެ ގައުމުގެ ފުޓްބޯޅަ ބިނާކުރަން ބޮޑެތި ޕްރޮޖެކްޓްތަކެއް ހިންގައިފަ އެވެ. ބައިނަލްއަގްވާމީ ފެންވަރުގެ އެކަޑަމީތައް ބިނާ ކުރި އެވެ. ގައުމުގެ ލީގަށް ދުނިޔޭގެ ފެންވަރުގެ ތަރިން ގެނެސް ލީގު ވަރުގަދަ ވެސް ކުރި އެވެ. އެ މަސައްކަތްތަކުގެ ނަތީޖާ ދުނިޔޭގެ ފުޓްބޯޅަ މުބާރާތުގައި ނުފެނުނަސް އޭޝިއާގެ ފުޓްބޯޅައިގެ ބާރަކަށް ގަތަރު ވި އެވެ. ޔުނައިޓެޑް އަރަބް އެމިރޭޓްސްގައި 2019 ގައި ބޭއްވި އޭޝިއަން ކަޕުގެ ޗެމްޕިއަންކަން ގަތަރުން ހޯދި އެވެ.
މިއަދުގެ މެޗުގެ ފުރަތަމަ ހާފުގައި ސެނެގާލުން ލީޑް ނަގައި، އެ ހާފު ނިމުގެ ކުރިން ލަނޑު ޖެހީ ބޮލާޔޭ ޑިއާ އެވެ. ދެވަނަ ހާފު ފެށި ގޮތަށް ފަމާރާ ޑިއެޑިއޫ ވަނީ އެ ޓީމަށް ލީޑް ފުޅާކޮށް ދީފަ އެވެ. ގަތަރަށް ވޯލްޑް ކަޕްގެ ފުރަތަމަ ލަނޑު ޖަހައި ދިނީ މުހައްމަދު މުންތާރީ އެވެ. އޭނާ ލަނޑު ޖެހީ އިސްމާއީލް މުހައްމަދު ނަގައިދިން ހުރަސް ބޮލުން ގޯލްގެ ތެރެއަށް ވައްދާލައިގެންނެވެ.
ނަތީޖާގެ ފަރަގު ކުޑަކޮށް، މެޗު ފެށުން އަވަސް ކުރަން ގަތަރުން މަސައްކަތް ކުރިޔަސް އޭގެ ފައިދާ ނެގީ ސެނެގާލް އެވެ. ސެނެގާލްގެ ތިންވަނަ ލަނޑު މެޗުގެ 84 ވަނަ މިނިޓްގައި ކާމިޔާބު ކޮށްދިނީ ބަމްބާ ޑިއެންގް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
27 November 2022
އަސްލު އަރަބި ފުޓުބޯޅަޔައް ޖަޔަންޓް ލީޕް އެކޭ ބުނެވޭނީ، މިހާރު ނޫުން ކީއްވެބާ 12 އަހަރުގެ މަސައްކަތް ފެނަށޭ ތިބުނީ؟
ވަގުތުސް
26 November 2022
މިހާރު ނޫސް ހަޖަމް ކޮށްލާ އަރަބިން އަތުން މެސީ ބަލި ނުވާ ކަމަކަށް ނުވާނެ ލޮލް
ސައްޕޭ
26 November 2022
ރޮނާލްޑޯވީމައި ، އަމިއްލަޔަށް ފައިގައި އެޅިގަނެގެން ވެއްޓުނަސް ރެފްރީ ބަލަންޖެހޭ އެއްވެސް ކަމެއްނޯވޭއެވެ. ޔޫރަޕްވީމައެވެ. ވަގުތުން ޕެނަލްޓީއެވެ. ގަތަރުގެ ކުޅުންތެރިޔާގެ ގައިމައްޗަށް ތިންޓަނުގެ މީހަކު ވެއްޓިގަތީމައި އެއްކަލަ އަދުލުއިންސާފުގެ ޔޫރަޕްން ޕެނަލްޓީދޭން ބަލާލަންވެސް ބޭނުމެއްނުވެއެވެ. ގަތަރުވީމައެވެ.
ވިސްނުން1
26 November 2022
ތިމާ ހިތް ނުއެދޭ ގޮތެއް ދިމާވެއްޖެ ނަމަ، ކޮންމެ ކަމެއްވެސް އަދި ވާހަކަ އެއްވެސް ގޮސް މިހުއްޓެނީ މުސްލިމުންނާ ކަފަރުން ގެ ދެމެދަށް، އެހެން އެންގަލް އަކުން ވިސްނާ ތިމާމެންނަށް ކުރިހޯދޭނެ ސަބަބު ދަނެގެނެ އަމިއްލަ އަށް ކަންކަން ރަގަޅުކުރުމުގެ ވިސްނުން ގެންގުޅެގެން ނޫނީ ދިވެހިންގެ ވިސްނުންތެރި ޖީލެއް ބިނާ ނުކުރެވޭނެ.
ހާސަރު
26 November 2022
ގަތަރުން މި މުބާރާތް ހޯދިއިރުވެސް ވޯލްޑް ކަޕުން މާބޮޑު ނަތީޖާއެއް ނެރެވޭނެކަމަކަށް ދެކޭނެހެނެއް ހިޔެއްނުވޭ ، އެއީ އޭރުވެސް ގަތަރުގެ ވޯލްޑްކަޕްގެ ރޭކިންއޮތް ހިސާބު އެގޭނެ. 10 އަހަރުން ވާނެކަމެއްނޫން އެއީ. އެކަމަކު މި ވޯލްޑްކަޕުން ގަތަރަށް އެއަށް ވުރެ މާބޮޑު ކާމިޔާބެއް ލިބިއްޖެ އެއީ ދުނިޔެއަށް އިސްލާމުންނަކީ ކަޑަބައެއް ނޫންކަމާ ތަހުޒީބު ބައެއްކަން ދެއްކިއްޖެ.
ތުލންސް
26 November 2022
މުބާރާތް ފެށުމުގެ ކުރިންވެސް އިނގޭ ދަނޑުމަތީގައި ގަތަރަށް މާބޮޑު ކާމިޔާބެއް ނުލިބޭނެކަން ނަމަވެސް ގަތަރުގެ ކާމިޔާބަކީ މިބޮޑުއިވެންޓް މިހާފުރިހަމަކޮށް ތައްޔާރުކޮށް އިންތިޒާމުތަކުގެ ފުރިހަމަކަން
ކޮބާހޭ މައްސަލައަކީ!
26 November 2022
މުސްލިމުންނައް ނަސްރު ނުލިބޭ ކުޅިވަރެއްގަވެސް! ދުވާލުދާ ހަތަރުދަމު މިކިޔަނީ ނަސްރު ލިބޭނެޔޭ، އަދި އެހެންމީހުންނައް ދުވަހަކުވެސް ނަސްރު ނުލިބޭނެޔޭ! ބޯހަލާކުވެއްޖެ! ކަމެއް ނުވާތީ!
600 އަހަރު
26 November 2022
ބްރޯ ނަސްރު ލިބޭނެޔޭ އަންގަވާފަ އޮތްގޮތަށް އުޅެންޏާ. މަގު ކައްސާލީމަ ދެން ނަމެއްގަ މުސްލިމުވިޔަސް ނަސްރު ހޯދަން އުނދަގޫވާނެ. ނިކަން ބަލާބަލަ ތާރީހު 13 ވަނަ ގަރުނުން 19 ވަނަ ގަރުނާ ހަމަޔަށް ދުނިޔޭގެ އެންމެ ވަރުގަދަ އެމްޕަޔަރަށް (އޮޓޮމަން އެމްޕަރަޔ) އޮތީ މުސްލިމުން އަތުގަ.. 600 އަހަރު.
ބުލްގަ
26 November 2022
ކުރިންދުވަހު ސައޫދީ އަދި އީރާން އެއޮތީ މޮޅުވެފަ
ކަރު ކުރު ކަޅު ކިރުޅި ކުކުޅު
26 November 2022
ބަލަ ބޭފުޅާ ތިޔަ އުޅެނީ މިދުނިޔޭގަތަ؟؟ޔޫރަޕްގެ ގައުމުތަކުގެ ނަން މަޝްހޫރު ކުލަބުތަކުގަޔާއި ޓީމުތަކުގަ މޮޅު ކުޅުމެއް ދައްކާ ޗެމްޕިއަންކަން ހޯދައިދީފަވާ މުސްލިމު ކުޅުންތެރިން ހަމަ ނުފެނޭތަ؟؟ތަނެއް ދޮރެއް ދޮރާއްޓެއް ބަލާނުލާ އެބަކިޔައޭ މުސްލިމުންނަށް ކުޅިވަރެއްގަ ނަސްރެއް ނުލިބެޔޯ..ފައިވާނުގެ ވަދޭ ކިޔާބަލަ.
މިހާރުގެހަނިވިސްނުން
26 November 2022
މެސީ ލަނޑު ޖެހިއަސް ސައުދީ އިން އާޖެންޓީނާ ބަލިކޮށްފި. މިއީ އާޖެންޓީނާ ބަލިވީމަ ޖަހާފަ އޮތް ލުއި ސުރުޚީ. ގަތަރު މިއީ ވޯލްޑް ކަޕުގައި ކުޅުނު ފުރަތަމަ ފަހަރު. ގަތަރުގެ ކާމިޔާބީ ގުޅިފަ އޮތީ ފުޓުބޯޅަޓީމަކާ ނޫން. އެމީހުން ވީލްޑްކަޕް އިންތިޒާމް ކުރުމުގަ ބޮޑު ކާމިޔާބެއް ހޯދައިފި.
ފެނަށޭ
26 November 2022
ގަތަރުން ކުރި މަސައްކަތް ފެނަކައްނުދޭދޯ. އެމީހުން އަތުގަ ފައިސާ ހުރީތީ ވަރައް ގިނަކަންކަން ހާސިލުވެއްޖެ. ކުޑަކުޑަ އާބާދީއެއޮތް ފުޓްބޯޅައިގެ ބާރެއްނެތް ގައުމެއްގަ ވޯލްޑްކަޕް ބޭއްވިއްޖެ އެމުބާރާތުގަ ވާދަކުރުމުގެ ފުރުސަތު ލިބިއްޖެ. އެމީހުންނައް މަބާރާތުގަ މާބޮޑު ކާމިޔާބެއްނުލިބޭނެކަން އެމީހުންނައްވެސް އެނގޭނެ އެކަމަކު އެމީހުންގެ ފުޓްބޯޅައައް ކުރިއެރުންތަކެއްލިބޭނެ އެގައުމުގަ ފުޓްބޯޅައިގެ ވަސީލަތްތައް ގާއިމުވާނެ.
ދެ123
26 November 2022
ސުކުން ދަސްކޮށްބަލަ..ހެޔޮ ނުވާނެ
ދގދސެފ×
25 November 2022
އޭބަލަ އިބޫ. ހަމަމިހާރު ގަތަރާ ގުޅުންބަދަހިކުރާންއުޅޭށޭ!