ކުޑަގިރިއަށް ދަތުރުދިޔަ ބަޔަކު މެއިން ޖެޓީއިން ރަށަށް އަރަނީ. -- ފޮޓޯ: ފަޔާޒު މޫސާ | މިހާރު
27 ފެބުރުއަރީ 2023 - 12:07
10 comments
ޕިކްނިކް އައިލެންޑް، ކުޑަގިރިއަށް ދާން ކުރިއާލައި ބުކިން ހަދަންޖެހޭ ގޮތަށް އޮތް އޮތުން އުވާލައި ފެރީ ފުރާ ގަޑީގައި ކޮންމެ މީހަކަށް ވެސް ދެވޭ ގޮތަށް ހަމަޖައްސައިފި އެވެ.
މިގޮތަށް ހަމަޖެއްސިޔަސް އެ ރަށުން އަށި ފަދަ ތަންތަން ނަގަން، ކުޑަގިރި އެޕްލިކޭޝަނުން ބުކިން ހަދަން ޖެހޭނެ އެވެ.
ފެންވަރު ރަނގަޅު ރޫމްތަކެއް ވެސް ހަދާފައިވާ އެ ރަށުން މިހާރު ވަނީ ރޫމްތައް ވެސް ދޫކުރަން ފަށައިފަ އެވެ. ރޫމް ވެސް ޖެހޭނީ އެޕްލިކޭޝަން މެދުވެރިކޮށް ބުކް ކުރާށެވެ.
މި މަހު ރަށް ހުޅުވާލި އިރު ޖެހެނީ ރަށަށް ދާ އެންމެންގެ މައުލޫމާތު އެޕްލިކޭޝަން މެދުވެރިކޮށް ދޭށެވެ.
މާލެއާ ކައިރި ފަޅެއް ހިއްކައިގެން ހެދި ރަށް ހުޅުވީ މި މަހުގެ 11ގައި އެވެ. އެ ރަށަަށް ދިއުމަށް ފުރަތަމަ 300 މީހުންގެ ބުކިންއަށް ހުޅުވާލި 10 ވަނަ ދުވަހުގެ ހަވީރު އެވެ. ދެ ގަޑިއިރުގެ ތެރޭގައި ހުރިހާ ޖާގައެއް ފުރުނެވެ. ދުވާލަކު 500-600 މީހުންނަށް އެ ރަށުން ހިދުމަތް ދެވެ އެވެ.
The Kudagiri ferry schedule has been updated! First come first serve basis - so hurry up and don’t miss out! pic.twitter.com/AhZKILiRLl
— Kudagiri Picnic Island (@KudagiriMv) February 27, 2023
ކުޑަގިރީގައި 13 ހަޓު ހުންނައިރު، އެ ތަންތަން ވެސް އެޕާއި ވެބްސައިޓް މެދުވެރިކޮށް ބުކް ކުރެވޭނެ އެވެ. ކުޑަ ހަޓެއް މުޅި ދުވަހަށް ބުކް ކުރެވޭނީ 500ރ. އަށެވެ. އަދި ބޮޑު ހަޓެއް 1،200ރ. އަށެވެ. ހަޓުން ކަރަންޓު ލިބޭނެ އެވެ. އަދި ކައްކަން ބޭނުންވާ ގޭހާއި އުނދުން ވެސް ލިބޭނެ އެވެ.
ދިވެހިންނަށް ކަނޑައަޅާފައިވާ އަގުތައް
● ބަންދު ދުވަސްތަކުގައި ކުޑަގިރި އަށް އެރުމާއި ފެރީ ހިލޭ.
● ބަންދު ނޫން ދުވަސްތަކުގައި ކުޑަގިރިއަށް އެރުމަށް 50ރ. އަދި ފެރީއަށް 50ރ.
● ދެ އަހަރުން ދަށުގެ ކުދިންނާއި 65 އަހަރުން މަތީގެ މީހުންނަށް ކޮންމެ ދުވަހަކު ވެސް ހިލޭ.
● ބަންދު ނޫން ދުވަސްތަކުގައި 2-11 އަހަރުގެ ކުދިންނަށް 25ރ. ގެ ފީއެއް.
މާލެއިން އެ ރަށަށް ލޯންޗުގައި 15 މިނެޓުން ދެވޭނެ އެވެ. މާލެ އާއި ހުޅުމާލެއިން ވެސް އެ ރަށަށް ދެވޭނެ އިންތިޒާމު ވަނީ ހަމަޖައްސައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޯރާޑި
01 March 2023
ކުޑަބަނޑޮސް ކިޔާ ރަށަކަށް ވެސް ދިވެހިން ދަތުރު ގޮސް އުޅުނު. އެރަށަށް އާއިލާ މީހުންނާއިއެކު ދަތުރު ދާންވެސް ލަދުގަނޭ. އަޚްލާޤީ ގޮތުން ދަށު ދަރަޖައިގެ އެތަށް ޢަމަލެއް ލޮލަށް ފެންނަނީ. މަސްތުވތަކެތި ބޭނުންކުރުމާ ބަދުއަޚްލާޤީ ޢަމަލުތައް ހައްދުން ނެއްޓީ. ގޭންގްތަކުގެ މީހުން ހުކުރު ކުރާން ގޮސް ތިބޭ ތަނަކަށް ކުޑަބަނޑޮސް ހެދި. ތިޔަ ގިރި އަށްވެސް އެވަރު ނުވިއްޔާ ރަނގަޅު..
ހަސަނާބެ
27 February 2023
މިތާކު އެއްވެސް ކަމަކަށް ގަވާއިދެއް ނޮއޮންނާ. ކޮންދިމާލަކުންވެސް ފޫގޮސްފަ ތިބޭނީ
އެޔޯ
27 February 2023
ބުކިންގ ހައްދައިގެން ދިއުމުގަ ކޮބާ އޮތް މައްސަލައަކީ؟ ތިހެން ހެދީމަ ދެން އެއްފަހަރާ 2000 މީހުންވެސް އެއްދުވަހު މަތިން އަރާފާނެ.
ހިތަދޫ ހުސެން
27 February 2023
ކައިވެނި ނުކޮށް ތިބޭ މީހުނަށްވެސް 1 ކޮޓަރި ބުކް ކުރެވޭ ތޯ ނޫނީ އެކަން ބަލާތޯ؟ ވިޔަފާރި ހޯދަން އެކަންވެސް އޯޕަން ކޮއްލީ ތަ؟
ބޮންދ
27 February 2023
ބިދޭސީ ބޭފުޅުންނަށް ލުއިފަސޭހަކޮށް ދެއްވީ ދެއްތޯ
ބޮންދުން
27 February 2023
ހުކުރު ހޮނިހިރުގަ އަހަރުމެން ކުޑަގިރިއަށް ދިއުން މަނަލޭ ކަލޯ މީ ނަސްލީ އިމްތިޔާޒު ނޫން ކޮންކަމެއް
ޢަލަިސް
27 February 2023
ބޮޑު އަގުދީފައި ކޮޑަރިއާއި އެހެނިހެން ތަންތަން ނަގާފައި ފުރަންދާއިރު ފެރީ ފުރިފަ އޮތީމަ އަބުރާލާފައި ގެޔަށް އަންނަން ވީތޯ. ނޫނީ ފަތިސް ނަމާދުން ފައިބައިގެން އައިސް ކިއުގަ ޖެހިގެން އިންނަންވިތޯ
ސަކަރާތް
27 February 2023
ކޮބާ ކޮންތާކު މި ޖެހުނީ؟؟؟ ތީވާ ވަރުގަދަ ރަށެއް. ދަތުރު ގޮސް މަޖާކޮށްލަން ރަށުގެ ތޮށިގަނޑުމަތީ މީހުންނަށް އުނދަގުނުވާ ގޮތަށް މަސް ބޭނުން މަނާ! ބޯވަ ނެގުން މަނާ! ޑްރޯން އެރުވުން މަނާ! މީ މީހުން ދަތުރު ގޮއްސަ ކޮށްލަން ބޭނުންވާނެ ކަންތައްތައް. އެކަމު ހުސް މަނާ ކަންތައް. މިކަން އެބަޖެހޭ ރަނގަޅުވާން
ާއުނިމާ
27 February 2023
ވިލިނގިއްޔަށް މޫދަށް އެރެން ފެރީއަށް 3.20 ރ، ކާއެއްޗެތި ހިފަިގެން ދިޔައީމާ ނިމުނީ....މާރަނގަޅު
ކިލަމިން
27 February 2023
ދާނެ ބަޔަކު ނުވީތަ؟