ޔޫރޯ މާކެޓިން. އެއީ އަމިއްލަ ކުންފުންޏަކުން ބޮންޑެއް އިޝޫ ކުރި ފުރަތަމަ ފަހަރު-- ފައިލް ފޮޓޯ: މިހާރު
08 މާޗް 2023 - 09:38
5 comments
ރާއްޖޭގައި ފުރަތަމަ ފަހަރަށް އަމިއްލަ ކުންފުންޏަކުން ހުޅުވާލި ބޮންޑު، ދެ މަސް ދުވަހުގެ ތެރޭގައި ވިކިއްޖެ އެވެ.
މި ބޮންޑު ވިއްކަން ހުޅުވާލި، ޔޫރޯ މާކެޓިންގެ ލީޑް އޭޖެންޑަކީ ފަސްޓް ނޭޝަނަލް އެވެ. ފަސްޓް ނޭޝަނަލް އިން ވަނީ މި ބޮންޑް ސްޓްރަކްޗާ ކުރުމަށާއި ޑިއުޑިލިޖަންސް ހެދުމާއި ޕްރޮސްޕެކްޓަސް ތައްޔާރުކޮށް، ބޮންޑު ލިސްޓްކުރުމަށް ކުރުމުގެ މަސައްކަތްތައް ކޮށްފަ އެވެ. އަދި ބޮންޑު މާކެޓްކޮށް އިންވެސްޓަރުން ހޯދުމުގެ މަސައްކަތް ކޮށްފައި ވަނީ އެ ކުންފުނިންނެވެ.
ބޮންޑަކީ އިންވެސްޓްމަންޓަށް ފައިސާ ހޯދުމަށް ގެންގުޅޭ އިންސްޓުރޫމަންޓެކެވެ. އެއީ ދިގު މުއްދަތުގައި އިންޓަރެސްޓާ އެކު އަނބުރާ ދައްކާ ގޮތަށް ހޯދާ ފައިސާ އެވެ. ބޭންކް ލޯނުތަކާ ހިލާފަށް، ބޮންޑަށް އެއް އިންވެސްޓަރަށް ވުރެ ގިނަ އިންވެސްޓަރުންގެ އަތުން ވެސް ފައިސާ ހޯދޭނެ އެވެ.
ޔޫރޯ މާކެޓިން އިން ވިއްކަން ހުޅުވާލީ ހަތަރު އަހަރުގެ ތެރޭގައި އަނބުރާ ދައްކާގޮތަށް، 25 މިލިއަން ރުފިޔާގެ ބޮންޑެކެވެ. މި ބޮންޑުގެ އިންޓްރެސްޓް ރޭޓަކީ 7.5 ޕަސެންޓެވެ. މިއީ ރާއްޖޭގެ ގިނަ ބޭންކްތަކުން ލޯނެއް ނެގުމަށްވުރެ ކުޑަ އިންޓްރެސްޓް ރޭޓެކެވެ. ރާއްޖޭގައި ބޭންކްތަކުގެ އިންޓްރެސްޓް ރޭޓުތައް އެވްރެޖުކޮށް އުޅެނީ 10 ޕަސެންޓާއި 15 ޕަސެންޓާ ދެމެދުގަ އެވެ.
ޔޫރޯ މާކެޓިން އިން ބޮންޑު ވިއްކުމަށް ހުޅުވާލީ މިދިޔަ އަހަރުގެ ޑިސެމްބަރު 29 ގައި ވިޔަނަ ޕޯޓަލްގަ އެވެ. އޭގެ ދެ މަސް ފަހުން ބޮންޑު ވިކުމުން އެނގެނީ ރާއްޖޭގެ ކެޕިޓަލް މާކެޓުން ފައިސާ ހޯދުމަށް އަމިއްލަ ކުންފުނިތަކަށް ފަހި ފުރުސަތުތަކެއް އޮތް މިންވަރު ކަމަށް ފަސްޓް ނޭޝަނަލް އިން ބުންޏެވެ.
ފަސްޓް ނޭޝަނަލް އިން ބުނީ، ޔޫރޯ މާކެޓިންގެ ބޮންޑަށް ރާއްޖޭގެ ބޮޑެތި އިންސްޓިޓިއުޝަނަލް އިންވެސްޓަރުންނަށް އަމިއްލަ ކުންފުނިތަކުގައި އިންވެސްޓް ކުރުމުގެ މަގު ފަހިވެ، ރީޓެއިލް އިންވެސްޓަރުންގެ ބޮޑު ތަރުހީބެއް ލިބުނު ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖްވާ
09 March 2023
މި ބުނީ އަދިވެސް ބޮންޑު ގަނެވޭނެހޭ؟
ރެސްޓް
09 March 2023
އުސޫލެއްގެ ގޮތުން ތިއީ ވަރަށް ރަނގަޅު ކަމެއް. އިންޓަރެސްޓް ދެނީ ހަތަރު އަހަރު ފަހުންތޯ އަހަރަކު އެއްފަހަރުތޯ ދެފަހަރުތޯ. އަހަރެއްވަރު ފަހުން ހިނގާ ބަލަމާ ވާގޮތެއް. އިންޓަރެސްޓް ދެންޏާ ވަރަށް ރަނގަޅުވާނެ. ނުދެވިއްޖެއްޔާ ކުންފުންޏަށްވެސް އިންވެސްޓަރުންނަށްވެސް ގެއްލުން.
ޔޫރޯ11
09 March 2023
ބަރާބަރު. ރަނގަޅު ކުންފުނިތަކަށް މިގޮތަށް ޚަރަދު ކުޑަކޮށް ފައިސާ ހޯދޭނެ ގޮތް އެބަހުރި.
ބޮޑުސޭޓު
08 March 2023
ރައްޔިތުން ގެ ބޭންކު ނަމުގައި ހިންގާ ދަންތުރަ ބެންކަށް އެކައުންޓުގައި ހުންނަ ފައިސާކޮޅު ގެއްލޭ ބެންކަށް ދެން ސަލާން.
ލެވެލް 2
08 March 2023
މިކަމުން ބޭންކުތަށް މިހާރު ހިންގާގޮތް، ބޮޑެތި އިންޓްރަސްޓްނަގައިގެން ފައިދާ ޖައްސައިގެން ކަންނެތްކަންމަތީ ތިބޭތިބުން ނިމުމަކަށް އައުންކައިރި. ރީޓެއިލް އިންވެސްޓަރުންނަށް މިހުޅުވުނު ފުރުޞަތަކީ، ބުރަ މަސައްކަތްކޮށް ރައްކާކުރާ ކުޑަފައިސާކޮޅު ބޭންކުތަކުގައި އަގެއް ނުލިބޭގޮތަށް ބަހައްޓައިގެން އޭގެން ބޭންކުތަކުން ބޮޑެތިފައިދާތަށް ނަގަމުންދާތަން ބަލަންތިބުންނިމި އިންކަމް އިކުއަލިޓީއަށް ހެޔޮ ބަދަލެއްއައިސް އާންމު ދިރިއުޅުމަށް ރަނގަޅު އަސަރުކުރާނެ ކަމެއް.