އައްޑޫގައި އިސްލާމީ މަރުކަޒެއް އެޅުމަށް ބަޔަކާ ހަވާލުކުރުމަށް ބޭއްވި ރަސްމިއްޔާތުގައި ނައިބް ރައީސް ފައިސަލް ނަސީމް ބައިވެރިވެވަޑައިގަންނަވަނީ-- ފޮޓޯ: ރައީސް އޮފީސް
24 މާޗް 2023 - 19:48
11 comments
އައްޑޫގައި އިސްލާމީ މަރުކަޒެއް ތަރައްގީކުރުމަށް ފީޑޯ ޕްރައިވެޓް ލިމިޓެޑާ މިއަދު ހަވާލުކޮށްފި އެވެ.
ދެ ފަންގިފިލާ ހިމެނޭ ގޮތަށް އިމާރާތްކުރާ އެ އިމާރާތުގައި 1500 މީހުންގެ ޖާގައިގެ ނަމާދުކުރާ ބަޔަކާއި 450 މީހުންގެ ޖާގައިގެ މަލްޓި ޕާޕަސް ހޯލަކާއި ހަތަރު ކްލާސްރޫމާއި ދެ ސެމިނާ ރޫމްގެ އިތުރުން އިދާރީ އޮފީހަކާއި އިސްލާމީިކް ލައިބްރަރީ އަދި ޕޭންޓްރީއެއް ހިމެނޭނެ އެވެ.
އެ މަޝްރޫއު، ފީޑޯ ޕްރައިވެޓް ލިމިޓެޑާ ހަވާލުކޮށްފައި ވަނީ 450 ދުވަހުގެ ތެރޭގައި ނިންމާ ގޮތަށެވެ.
އެ ކުންފުންޏާ އެ މަަޝްރޫއު ހަވާލުކުރުމަށް ބޭއްވި ރަސްމިއްޔާތު ޝަރަފުވެރިކޮށްދެއްވީ ނައިބް ރައީސް ފައިސަލް ނަސީމެވެ. އެމަނިކުފާނު ވަނީ އެ ރަސްމިއްޔާތުގެ ކުރިން އިސްލާމީ މަރުކަޒު ތަރައްގީކުރުމަށް ކަނޑައަޅާފައިވާ ސަރަހައްދަށް ވަޑައިގެން އެެ ސަރަހައްދު ބައްލަވާލައްވާފަ އެވެ.
އައްޑޫއަށް މިހާރު ކުރައްވަމުން ގެންދަވާ ދަތުރުފުޅުގެ ތެރެއިން ނައިބް ރައީސް ވަނީ އައްޑޫ އިކުއިޓޯރިއަލް ހޮސްޕިޓަލަށް ވަޑައިގެން އެތަނުގެ ސީނިއާ މެނޭޖްމަންޓާ ވެސް ބައްދަލުކުރައްވައި މަޝްވަރާކުރައްވައިފަ އެވެ. އެ ބައްދަލުކުރެއްވުމުގައި ވަނީ ހޮސްޕިޓަލުގެ ހިދުމަތްތައް އިތުރަށް ތަރައްގީކުރުމަށް ބޭނުންވާ ވަސީލަތްތައް އިތުރަށް ބޭނުންވާކަން ފާހަގަކުރައްވައިފަ އެވެ. އެހެންވެ، އެކަންކަމަށް ހައްލު ހޯދައިދެއްވުމަށް މަސައްކަތްކުރައްވާނެ ކަމަށް ނައިބް ރައީސް ވިދާޅުވެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަނބިލި
25 March 2023
އައްޑޫ އަށް ބޭނުމީ އިމާރާތްތަކެއް ހެދުމެއް ނޫން. ބޭނުންވަނީ ވަޒީފާއާއި އާމްދަނީ ލިބޭނެ ގޮތްތައް. ދީނީ ގޮތުންހައްދުފަހަނަ އަޅަފައި ތިބި މީހުންގެ ހާއްޔަކަށް އައްޑުއަތޮޅު ވެއްޖެ މިހާރު.
ރަދީފްއޮފިޝަލް
25 March 2023
އައްޑޫގެ ކޮން ރަށެއްގަ ތޯ ތިޔާ އިސްލާމީ މަރުކަޒު އަޅަނީ؟؟ ''އައްޑޫ'' ކިޔާ ރަށެއް މިހާރަކު އައްޑު އަތޮޅަކު ނޯވޭ.އެހެންވެ މި ސުވާލު ކުރެވުނީ.ވ.ވ.ވެދުން
އޮފިޝަލް ލޫދިގެ.
25 March 2023
މިހާރު އައްޑުއަށް ކިޔަނީ އައްޑު އަތޮޅެއްވެސްނޫން. އައްޑޫ ރަްޔިތުންގެ ވޯޓަކުން ވަނީ އައްޑުއަށް އިދާރީ ގޮތުން ކިޔާނެ ނަމަކީ އައްޑޫ ސިޓީ ކަމަށް ކަޑައަޅާފަ.
ބޯހުދު އިބްރާހީމް
25 March 2023
އިސްލާމީ މަރުކަޒު ނޭޅޭ އަތޮޅުގެ ވެރިކަން ހިންގާ ކޮންމެ ރަށެއްގަ ވާރުނަގާ މަރުކަޒެއް އެބަހުރި
އޮނަރަބްލް އަފީފު ދީދީ
24 March 2023
ވެރިކަމުން ފޭބުމުގެ ކުރިން އަނެއްކާވެސް އައްޑޫގައި މަދިރި ފެންގަނޑެއް ހެދޭފަދަ ބޮޑު ވަޅުގަނޑެއް ކޮނުނަށް މާލޭސަރުކާރުން ބަޔަކާއި ޙަވާލުކޮށްފި. # އައްޑޫސިޓީގެ މަގުތަކުގައި ތާރު އަޅަންށޭ ކިޔާފައި އިންޑިޔާގެ ކުންފުންޏަކާއި ޙަވާލުކޮށްގެން އުޅޭތާ 4 އަހަރު ވީއިރު އައްޑޫގެ މަގުތަށް ކޮނުނުގޮތަށް އެއްވެސް ކަމެއް ނުކޮށް މަސައްކަތް އޮތީ ހުއްޓިފަ. # ގޭންއެއަރޕޯޓް އަޕްގުރޭޑް ކުރީ 3 އިންޗި ހޮޅިން ފްރޭމް ގަނޑެއް ހަދާފައި މަތީގައި ދަމައި ހެދި ހަރުގެ އަކުން.
އޮނަރަބްލް އަފީފު ދީދީ
24 March 2023
އިންތިޙާބު ބޯމަތިވުމުން އިސްލާމީ މަރުކަޒު ހަދާނަމޭބުނީމަ އަހަރުމެން އައްޑޫމީހުން ތިކަން ޤަބޫލެއްނުކުރާނެ. # ސޯލިޙް ވެރިކަމަށް އައުމުގެކުރިން ވަޒީފާގައިތިބި އައްޑޫގެ 1000 އެއްހާ އައްޑޫމީހުންގެ ވަޒީފާގެއްލި (ޝަންގްރިލާ، ހެރެތެރޭގައި ވަޒީފާ އަދާކުރި) އައްޑުއަށްލިބެމުންދިޔަ އާމްދަނީ ބޮޑުތަނުންދަށަށްދިޔަ. # ވެރިކަންހޯދަން ދެއްކިވާހަކަތަކާއި ޙިލާފަށް އައްޑޫމީހުންގެ "ހިތް" ކަމުގައި އެމީހުންދެކޭ ގޭންއެއަރޕޯޓްގެ ޑިވޮލޯޕްމަންޓަށް އެއްވެސްކަމެއްކޮށްނުދިން.
ހިތަދޫކޮއްޔާ
24 March 2023
މަނިކުފާނު ނިކަން ވަޑައިގެން އައްޑޫގެ މަގުތައް ބައްލަވާލައްވާފަ ތިޔަކަހަލަ ބުހުތާން ދޮގު ލިއުއްވާ. ހިތަދޫގެ ގިނަމަގުތައް އެދަނީ ނިމެމުން. ގާއަތުރާ ތާރުއަޅާ. ތިޔަ ވިދާޅުވާ ކޮނުމަކީ ރަށުތެރޭގައި ހެދޭ ފެންހިންދުމަށްޓަކައި މަގުގެ ދެފަރާތުން، 5 ފޫޓަށްވުރެ ފުންކޮށްކޮނެ ކޮންކްރީޓޮ ކަންޒުހަދަނީ. ކިތަންމެ ވަރަކަށް މަނިކުފާނު ތިގޮތަށް ލިއުއްވިއަސް "ދޮގެއް" ހަމަ ވާނީ ދޮގަކަށް. ހަމަ ކަނޑައެޅިގެން ބުހުތާން ދޮގު. ރޯދަމަހު އަޅެ ތެދެއް ހަދާބަލަ.
އޮނަރަބްލް އަފީފު ދީދީ
25 March 2023
ސޯލިޙްގެވެރިކަމުގައި ގާ ނުވަތަ ތާރުއަޅައިގެން ނިންމާފައިވާ އައްޑޫސިޓީގެ އެންމެމަގެއްގެ ނަން "ހިތަދޫކޮއްޔާ" ބުނެލިނަމަ ޙަބަރުކިޔާ ކޮމެންޓްބަލާ ބޭފުޅުންނަށްވެސް ތެދުދޮގު ދަނެގަންނަން ތަންކޮޅެއް ފަސޭހަވާނެ. # ތިޔަބުނާގޮތަށް މާލޭ އަމީނީމަގުވެސް ސޯލިޙްގެސަރުކާރުންއޮތީ ނިންމާފަ. އެކަމަކު އެރަށު މީހުނަށް އިގޭނެ ސޯލިޙް އަމީނީމަގު ނިންމާފައި އޮތްގޮތް. އެގޮގަށް އެބޭޅާ އައްޑޫގައި 6 ހާސް އެނދު ތަރައްޤީކޮށް 5 މަންޒިލުން ފަސް ފްލައިޓްވެސް ގެނެސްފި ނޫންތޯ؟
އެމްސް
25 March 2023
މަގެއްގަ ގާއަތުރައިގެން/ތާރު އަޅައިގެން އުފެދޭ ވަޒީފާއެއް ނެތް!
ހަން ކެޑަ
24 March 2023
އައްޑޫ ކޮންދޫ އެއްގައި؟ މިދޫ، ހުޅުދޫ، ފޭދޫ، މަރަދޫ ފޭދޫ، މަރަދޫ، ހިތަދޫ؟؟؟
ތޔކހ
24 March 2023
ދެން މިވަގުތު އަޅާ ތަންތަނަކީ ދެން އަންނަ ވެރިއެއްގެ ތަންތަން. އެހެންދޯ އަސްލު އެމްޑީޕީން ދެކެނީ