އިންޑިއާގެ މުމްބާއީގައި ހުންނަ، އެފްކޮންސް އިންފްރާސްޓްރަކްޗާ ލިމިޑެޓްގެ މައި އޮފީސް އިމާރާތް. އެކުންފުނި ވިއްކާލަން އަންނަނީ މަސައްކަތް ކުރަމުން -- ފޮޓޯ: މިހާރު
12 އެޕްރީލް 2023 - 13:20
99 comments
އިންޑިއާގެ ބިލިއަނަރު، ޝާޕޫރު މިސްޓްރީގެ ޝާޕޫރުޖީ ޕަލޯންޖީ (އެސްޕީ) ގްރޫޕަށް މާލީ ތާށިކަން ކުރިމަތިވެ އެ ކުންފުނީގެ ދަށުން ހިންގާ އެފްކޮންސް އިންސްފްރާސްޓްރަކްޗާ ވިއްކާލަން ނިންމައިފި އެވެ. އެފްކޮންސް އަކީ، ވިލިމާލެ- ތިލަފުށި- ގުޅިފަޅު- މާލެ ގުޅައިލާ ބްރިޖާއި އައްޑޫގެ މަގުތައް ހަދަން ހަވާލުކޮށްފައިވާ ކުންފުންޏެވެ.
އިންޑިއާގެ މީޑިއާ ރިޕޯޓުތަކުގައިވާ ގޮތުން އެސްޕީ ގްރޫޕުން އަންނަނީ އެ ކުންފުނީގެ ދެ ބިލިއަން ޑޮލަރުގެ އެސެޓް ވިއްކާލަން މަސައްކަތް ކުރަމުންނެވެ. އޭގެ ތެރޭގައި އެފްކޯންސް އިންފްރާސްޓްރަކްޗާ ލިމިޓެޑާއި އެ ކުންފުނީގެ ދަށުން އިންޑިއާގެ އިރުމަތީ ސަރަހައްދުގައި ހިންގާ އެންމެ ބޮޑު އެއް ޕޯޓު ކަމަށްވާ ގޯޕާލްޕޫރު ޕޯޓު ހިމެނެ އެވެ.
އިންޑިއާގެ އެސްޕީ ގްރޫޕަކީ 1865 ވަނަ އަހަރުން ފެށިގެން އޭޝިއާގެ އެކި ގައުމުތަކުގައި ލަގްޒަރީ ހޮޓާތަކާއި ސްޓޭޑިއަމްތަކާއި ފެކްޓްރީތައް އަޅަމުން އައި ކުންފުންޏެކެވެ. އެ ކުންފުނީގެ ދަށުން އަޅާފައިވާ އެންމެ ފާހަގަކޮށްލެވޭ އެއް ހޮޓަލަކީ މުމްބާއީގައި ހުރި ތާޖް މަހަލް ޕެލަސް އެވެ. އެސްޕީގެ ދަށުން ހިންގާ އެފްކޯންސް އަކީ ޓަނަލް އާއި ބްރިޖާއި މަގުތައް ހެދުމަށް ހާއްސަ ކުންފުންޏެވެ.
އެފްކޮންސްގެ މުވައްޒަފުން އައްޑޫ ސިޓީގެ މަގު ހެދުމުގެ މަސައްކަތުގައި: އެ ޕްރޮޖެކްޓަށް 1.1 ބިލިއަން ރުފިޔާ ހޭދަވޭ-- ފޮޓޯ: މިހާރު
އެފްކޮންސް ރާއްޖޭގައި ހިންގާ މަޝްރޫއުތަކުގެ އަގު ގާތްގަނޑަކަށް 10 ބިލިއަން ރުފިޔާ އަށް އަރަ އެވެ. އެއީ، ބްރިޖަށް 8.2 އަދި އައްޑޫ މަގުތައް ހެދުމަށް 1.1 ބިލިއަން ރުފިޔާ އެވެ.
ގާތްގަނޑަކަށް 30 ބިލިއަން ޑޮލަރުގެ އެސްޕީ ގްރޫޕުގެ އެންމެ ބޮޑު އާމްދަނީއެއް ލިބެނީ ޓާޓާ ކުންފުނިންނެވެ. އެހެން ނަމަވެސް ޓާޓާ ކުންފުނީގެ އެތެރޭގެ މައްސަލަތަކާ ގުޅިގެން، އެ ކުންފުނީގެ 90 ޕަސެންޓް އެސެޓު ހުރީ ހޯލްޑްކޮށްފަ އެވެ.
މާލީ ގޮތުން އެސްޕީ އަށް ދިމާވެފައިވާ ދަތިތަކަށް ހައްލު ހޯދުމަށް މިދިޔަ އަހަރު އެ ކުންފުނިން ވަނީ 536 މިލިއަން ޑޮލަރުގެ، ޕިއުރިފަޔާ އުފައްދާ ކުންފުނި، ޔުރެކާ ފޯބްސް ލިމިޑެޓް ވެސް ވިއްކާލައިފަ އެވެ. އެ ކުންފުނި ވިއްކާލުމަށް ފަހު އެސްޕީއިން ވަނީ 1.5 ބިލިއަން ޑޮލަރުގެ ދަރަނި ދައްކައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަބްޑޫޅް
14 April 2023
ޗައިނާ އާ ހަވާލުކުރޭ! އެރުން ހަމަ ގައިމުވެސް ހަދާނީ ކުރޮޅި ދުއްވާ ފެންވަރަކަށް ނޫން.
ދިލްބަހާރު
13 April 2023
އެމް.ޓީ.ސީ.ސީ އިން ކުންފުނި އަވަހަށް ގަންނަންފެނޭ ބުރިޖުގެ މަސްއްކަތް ހުއްޓާނުލާ ކުރިޔަށް ގެންދިޔުމަށްޓަކާ.
ވަގުންނޭވަގުންނޭ
13 April 2023
މިސަރުކާރު ވެސް އޮޔާދަނީ އަދި މިސަރުކާރަށް ގުރައިދޫ ދާއިރާގެ ގޮނޑި ވެސް އަންނި އާއި ނުލައި ކުޅަދާނަ އެއް ނޫން ކާމިޔާބު ކުރަން އެކަން ޖެހޭނީ ހަނދާން ނައްތާލަން އެމްޑީޕީގެ މެމްބަރުން ވެސް ވޯޓް ދޭނީ ޕީޕީއެމް ކެންޑިޑޭޓަށް ބަލަން ތިބެއްޗޭ ދެން އަނެއް ކޮޅުން ފެނަކަ ބަނގުރޫޓް ވެއްޖެ ބަލަގަ އާންމު މީސް މީހުން ލައްވާ ތަކެތި ސަޕްލައި ކޮށްގެން ފައިސާ ނުދީ އެތަނުގެ ބޮޑޭ ދުއްވަން މާރސިޑީސް ބެންޒް ކާރެއް 25 މިލިއަން ރުފިޔާ ދީފައި ގަނެފިއޭ މީ ސީދާ ވައްކަމޭ
ސަރ ޟޭން
13 April 2023
އެޔަކީ އައުޑީއެއް... ބަލާފަ ރަނގަޅަށް ކިޔާ
އައްޓަމަސް
13 April 2023
ތަނެއް ބަނގުރޫޓުވެގެން ވިއްކާލުމާއި މިކަން ތަފާތުވާނެ
ޑިމޮކްރަސީ
13 April 2023
ތިކަހަލަ ތާކުން ތާކު ނުޖެހޭ ކުންފުނިތަކަށް ކަންތައް ތައް ބޮޑު އަގުގަ ޙަވާލުކޮށް ދިވެހިންގެ ތިޖޫރި ދޮވެލީ ވެންޓިލޭޓަރަށްވީ ގޮތައް ތި ބްރިޖަށްވެސް ވާނީ
މިދާދު
13 April 2023
ތަރައްގީގެ ބާނީ ގެނެސްގެން މިކަންވެސް ވާނީ
އެލޮކޮސް ރެސްޕޮންސް ޓް ޚިޔާލީ ޢަލީ (ޚީޔާލީ ފޮލާ)
13 April 2023
ކަލޯ ޚިޔާލީ ޢަލީ ޓީއެމްޢޭ އަކީ %100 ޕޮރިފިޓްގައި ހިންގާ ދުނިޔޭގެ އެންމެބޮޑު ކަނޑުޖައްސާ ބޯޓު އެންމެ ގިނަ އަދި އޮޕަރޭޝަންސް އެންމެ ބިޔަ ކުންފުންޏެއް. ވިއްކާލަނީ 500 މިލިން ޑޮލަރުގެ ޕޮރޮފިޓްގައި އެންމެ ބޯޓަކުން ފެށި މިކުންފުނި. ބުނަންތަ ޚިޔާލީ ފޮލަ ނުކައްކާ ހިސާބު ދަސްކުރަމާ. ހިނދޫ އެފޮކޮންއަކީ 2.8 ބިލިއަންޑޮލަރުގެ ބޮޑު ދަރަންޏެއް އޮތް ޕޮލިޓިކަލް ބަޔަކު ހިންގާ ޖަރީމާ ކުންފުންޏެއް. ތިކުންފުނިވަނީ ބަނގުރޫޓުވުމުގެ މަގުމަތީގައި.
އެލޮކޮސް
13 April 2023
އެލޮކޮސްމެން ހީކުރީ ޓާޓާ ކުރޮޅިކާރު ހަދާހެން ބުރިޖު މިބައިމީހުންލައްވާ ލާރިކޮޅެއް ކާލައިގެން ވާނެކަމެއް. ކަނަޑުގެ އަޅާބުރިޖަކީ ވަންޑޮލާ ކަމަށް ވާނަމަ އެލޮކޮސްމެން މަޖިލިހާއި ސަރުކާރުދޫކޮށް ކެރެލާއަށް ބަދަލުވާންވީނުން. ވާނެޔޭކިޔާފަ ތިމާމެން ސިކުނޑިއަށްވުރެ ބޮޑެތިކަންތައްތައްކުރާތި. އެއްރިސޯޓުން ރާއްޖެ ހިންގިގޮތަކަށް ބުރިޖުވެސް މިއެޅީ. މަބުނެފީމޭ ކާސިމާކައިރީ މިމީހުން އަހަންމާ ދޯނި ހިފައިގެން ޗައިނާ އެޅިބުރޖުގެތަނބުތައް ބެލުމަށް ފީނުމުން. ނުވާނެޔޭ!
އިތުބާރު
13 April 2023
އަވަހަށް ހެވީލޯޑުން ތިތަން ގަނެލާ
އަލި
13 April 2023
ރާއްޖެއަށް މިވަގުތު ދިމާވެގެން އުޅޭ މައިގަނޑު މައްސަލައަކީ ހުރިހާ ކަމެއްގައި އިންޑިއާ އަށް ބަރޯސާވުން. ސަރުކާރުގެ ވެރިންނަށް ހީވޭ އިންޑިއާ ބުނާ ހުރިހާ ގޮތެއް ނުހަދައިފިއްޔާ ކުކުޅު ބިހެއްވެސް ނުލިބޭނޭ. އެހާ ވެސް ދަށުވެގެން ވެރިކަން ކުރަނީ. ކައިރި އަވައްޓެރި އަކަށް ވުމަކީ ނިދާ ކޮޓަރި އަށް ވައްދަންޖެހޭ ސަބަބެއްނޫނޭ. މިގޮތަށް ކުރާ ވެރިކަމަކުން ދިވެހިންނަކަށް ކުރިއެރުމެއްނެތް. ނަމަވެސް ވެރިންގެ ޖީބުތައް ފުރުމަކީ ވެދާނެކަމެއް.