ަރައްޔިތުންގެ މަޖިލީހުގެ މިއަދުގެ ޖަލްސާގައި ޔޫތު މިނިސްޓަރު މަހުލޫފު ވާހަކަދައްކަވަނީ.-- ފޮޓޯ: މަޖިލިސް
12 އެޕްރީލް 2023 - 12:54
17 comments
ޔޫތު އެންޑް ސްޕޯޓްމސް މިނިސްޓްރީން ރަށްރަށުގައި ފަށާފައިވާ ޕްރޮޖެކްޓުތައް ނުނިމި ލަސްވަނީ މަސައްކަތް ހަވާލުކޮށްފައިވާ ކުންފުނިތަކުގެ ކެޕޭސިޓީ ނެތުމުން ކަމަށް ޔޫތު މިނިސްޓަރު އަހުމަދު މަހުލޫފު މިއަދު ވިދާޅުވެއްޖެ އެވެ.
ރައްޔިތުންގެ މަޖިލީހަށް މަހުލޫފު ހާޒިރުކުރުމުން ގިނަ މެމްބަރުން ސުވާލުކުރެއްވީ ރަށްރަށުގައި ހިންގަން ނިންމާފައިވާ މަޝްރޫއުތައް ކުރިއަށް ނުދާ ސަބަބާ ގުޅޭގޮތުންނެވެ.
ކުރެންދޫ ދާއިރާގެ މެމްބަރު އަބްދުލްޣަނީ އަބްދުލްހަކީމްގެ ސުވާލާ ގުޅިގެން މިނިސްޓަރު ވިދާޅުވީ ކުންފުނިތަކަށް މަސައްކަތް ނުކުރެވޭ ސަބަބެއްގެ ގޮތުގައި ދެނެގަނެވިފައިވަނީ ބައެއް ކުންފުނިތަކުގައި އެ ގާބިލްކަން ނެތުމެވެ.
"ކޮންމެ ބަޔަކު ވެސް އެބަ ބޭނުންވޭ، ހުރިހާ އެންމެންގެ ވާހަކައެއް ނޫން. ބައެއް ކޮންޓްރެކްޓަރުން ކުޑަކޮށް ވަދެގެން މަސައްކަތްކުރަމުން ގޮސް ބޮޑުވާން. އެއީތާ ކޮންމެ މީހަކު ވެސް މަސައްކަތްކުރާނެ ގޮތަކީ. އެކަމަކު، އަޅުގަނޑަށް ހީވަނީ ބައެއް ފަހަރު ނެގޭ ޕްރޮޖެކްޓުތަކުގެ އަދަދު ގިނަ. މިސާލަކަށް ވޮލީ ކޯޓް، އެއް ކޯޓުގެ ބަދަލުގައި ފަސް ކޯޓާ ހަވާލުވީމާ ތާށި ވަނީ. އެ ކަހަލަ ބައެއް އުނދަގޫ މި އަންނަނީ،" މަހުލޫފު ވިދާޅުވި އެވެ.
އޭނާ ވިދާޅުވީ މީގެ ދެ ހަފުތާއެއް ކުރިން ވެސް، ކުރިއަށް ނުދާ ޕްރޮޖެކްޓުތައް ބަލައި، ކޮންޓްރެކްޓަރުންނަށް އިންޒާރުގެ ސިޓީ ފޮނުވާފައިވާ ކަމަށެވެ. ނަމަވެސް، އެގޮތަށް ސިޓީ ފޮނުވުމުން މަޝްރޫއު ދޫކޮށްލާ ކަމަށާއި އެކަމަކު އޭރު އޮންނަނީ ކުންފުންޏަށް ބައިވަރު ފައިސާ ދީފައި ކަމަށާއި އެ ފައިސާ ހޯދޭނެ ގޮތެއް ނޯންނަ ކަމަށް ވިދާޅުވި އެވެ.
"މި ފަހުން އެއް ރަށުގައި، ބެޑްމިންޓަން ކޯޓެއް އަޅަން މަސައްކަތް ހަވާލުވި ފަރާތަށް ދެ ބުރު. ފުރަތަމަ އެޑްވާންސް ފައިސާ ދިން ފަރާތުން ވެސް އެ ފައިސާ ނުނެގޭ، ދެ ވަނައަށް ހަވާލުވި މީހާ އަތުން ވެސް ނުލިބޭ. މިހާ ދަތި ޕޮޒިޝަނަކަށް ނުދެވޭ. ސަރުކާރު ތެރެއިން ބަޔަކަށް މަސައްކަތް ހަވާލުކޮށްފައި ފައިސާ ހޯދަން އުޅުން މިއީ، ނިމޭއިރު އަޅުގަނޑަށް ހީވަނީ ކޯޓަށް ދާންޖެހޭ ކަންކަމަށް މި ބަދަލުވަނީ،" އޭނާ ވިދާޅުވި އެވެ.
މަހުލޫފު ވިދާޅުވީ މަޝްރޫއުތައް ހަވާލުކުރާ ފަރާތާ އެކު އެކަން ނިންމާލަން ބާރުއެޅުން މާ ރަނގަޅު ކަމަށެވެ.
ފުޓްސަލް އާއި ވޮލީ ކޯޓުތައް އެޅުމަށް ރަށްރަށުގައި ގިނަ މަޝްރޫއުތައް ކުރިއަށްދާ ކަމަށާއި މިހާރު ވެސް ބިލިއަނަށް ވުރެ ގިނަ ރުފިޔާގެ މަޝްރޫއު ކުރިއަށްދާ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުތުފީ
13 April 2023
މަޝްރޫޢުތައް ނުހިގަނީ ކޮންމެވެސް ގުޅުމެއް އޮންނަ ބަޔަކަށް، އެމީހުންގެ ޤާބިލްކަން ނެތަސް މަސައްކަތް ހަވާކުރާތީ.
އީވާ
13 April 2023
ނުސީދާކޮށް މަހޭ އެބުނަނީ ފިނޭންސް މިނިސްޓްރީގެ ބިޑް އިވެލުއޭޝަން ކޮމިޓީގެ ކުދިން އިސްތިއުފާ ދީފަ ގެއަށް ދާށޭ..
ނަޒޫ ނަސީމް
13 April 2023
ކެޕޭސިޓީ ނެތް ކުންފުނިތަކާ މަޝްރޫއު ހަވާލުކުރީ ރައްޔިތުން އަމިއްލައަށްތޯ؟ 2019ވަނަ އަހަރުން ފެށިގެން، ސްޕޯރޓްސް ކޮމްޕްލެކްސްއެއް އެޅުމުގެ ނަމުގައި ފޭރިގެން އުޅޭ މާލޭ ބިމެއްގައި 3 އަހަރުން ޓިނު ގުދަނެއް އެޅުނީ މާލޭ ރައްޔިތުންގެ ކެޕޭސިޓީ ނެތިގެންތޯ؟
ލިޅާ
13 April 2023
އެމުޓީ ސީސީ އާ ހަވާލުކޮއްބަލަ ދުވާލަކު 1555 ޕުރޮޖެކުޓު ނިންމާބައެއްއެއީ
އެލޮކޮސް
13 April 2023
ކަލޯ ތިދައްކާ ވާޙަކަ ދިމާނުވޭ އިވަލުއޭޝަނެއްނަހަދާ ލާރިޖީބަށް ލީމަ ވާގޮތް
އޮނަރަބްލް އަފީފު ދީދީ
13 April 2023
ތާކުންތާކު ނުޖެހޭ ވާހަކަ ދައްކަން ހަދައިގެން "މަހޭ ނެތިދާނެ" ކަން އިގޭތީ އަހަރެން ތިވާހަކަ ދައްކާކަށްނެތިން. އެކަމަކު މަހޭ ތިބުނީ ރަނގަޅު ވާހަކައެއްކަން މަށަށް ޤަބޫލު ކުރެވުނީ ތިބޭޅާގެ ވެރި މަނިއްޕުޅު 800މ ޑޮލަރު ދީފައި ބުރިޖެއް އަޅާދޭށޭ ބުނި ކުންފުންޏަކީވެސް ހަކަތެއްނެތް "މޯޅިވެ ވަޅޯވެފައިއޮތް" ކުންފުންޏެއްކަން މިއަދު އެގުމުން. # ސަރުކާރުގެ ސިޔަސަތާއިދެކޮޅު "ތެދުބަހުން ވާހަކަ ދައްކާ ސިޔާސަތެއް ގެންގުޅޭނަމަ" މަހޭއަށް އަމުރުއަށް ވީހެން ވެދާނެ.
ބޮޑުމީހާ
12 April 2023
ކުންފުނިތަކުގެ ކެޕޭސިޓީ ނުދަންނަ މިނިސްޓަރަކަށް ކުރެވޭނެހާވެސް ކަމަކީ ބޮޑާހޭކުން. މިގައުމުގަ މިނޫނަސް މީހުން ވެރިކަންކޮށްފި، މިހާ ހާސަރު ބޮޑުކޮށްގެން ނޫޅޭ، އާރުޑީސީން އަމީނީ މަގު ނުނިންމިގެން އެމްޓީސީސީއާއި ހަވާލުކުރުމަަކީވެސް ޕްރައިވެޓް ކުންފުނިތަކުގެ މައްސަލައެއްތަ. ހަގީގަތަކީ މިސަރުކާރުގަ ތިބީ ހުސް އަގައިން، މީޑިއާއިން ރައްޔިތުން ގުބޯ ހައްދާ ބައިގަޑެއް
ކަނބިލި
12 April 2023
ކައްޕިތަނަކަށް ހުރީ ވާނުވާނޭގޭ މީހެއް. އޮޑިދާ މިސްރާބެއްނޭގޭ. މިހެންވެ ގޮސް ފަރަށް އެރީމާވެސް ކައްޕިތާނަށް ހޭވެރިކަމެއް ނާދޭ
މަހުލޫފް
12 April 2023
ކަލޭމެންނަށް ކިޔޭ ނުކިޔޭއެއް ނޭނގޭދޯ؟ ހަގީގަތް ގަބޫލުކޮށްބަލަ! ތިވާގޮތަކީ އިގުތިސާދުގަ ކަމެއް ނެތުނީމަވާގޮތޭ! އިގުތިސާދު މިއޮއްގޮސް އަނދަވަޅަކަށް ވެއްޓެނީ! ކުންފުނިތައް ބޮޑެތި އަދަދުތަކުން ދަރާވިކި ބަނގުރޫޓުވަނީ! ބޭކާރު މަޝްރޫތައް ދަރަނިނަގައިގެން ހެއްކިޔައިފަ ކުރިއަށް! ވެރިމީހާއާ އެޅިހާބަތަކަށް ރިހަކިޔައިގެން ތިއްބަ ދެންފެންނާނި ގައުމު ބަނގުރޫޓުވާތަން.
ޖޮބޭ
12 April 2023
ސަޅި މޮނިސްޓަރ ފެއިލް ސަރުކާރު ފެއިލް ވެއްޖެކަން އަމިއްލަ އިޢުތިރާފުން ޔަޤީންކޮށްދެއްވީތީ މިނިސްޓަރ އަށް ޝުކުރު. ކުންފުނިތަކުގެ ބިލްތަކަށް ފައިސާނުދެވޭނަމަ ގޯސްވާނީ ކުންފުނިތަށް. ޤާބިލްކަން ނެތް ކުންފުނިތަށް ދިވެހި ސަހަރޯ