މޯލްޑިވިއަން އިން އެންމެ ފަހުން ގެންނަ އޭޓީއާރް ބޯޓު. އަންނަ މަހުން ފެށިގެން ނަގާ ޓިކެޓުތަކުން ބޮޑު ޑިސްކައުންޓެއް ދެނީ-- ފޮޓޯ: ނިޝާން އަލީ/ މިހާރު
16 އެޕްރީލް 2023 - 12:31
25 comments
މޯލްޑިވިއަން އިން ކުރިއަލާ ޓިކެޓް ނެގުމުން 15-5 ޕަސެންޓާ ދެމެދުގެ ޑިސްކައުންޓެއް ދޭން ނިންމައިފި އެވެ.
މޯލްޑިވިއަން އިން ބުނީ، ޑިސްކައުންޓް ޓިކެޓް ނެގޭނީ ވެބްސައިޓް އަދި އެޕްލިކޭޝަން މެދުވެރިކޮށް ޓިކެޓް ނަގާ ފަރާތްތަކަށް ކަމަށެވެ. މޯލްޑިވިއަން އިން ކޮންމެ ފްލައިޓަކުން 5-10 ޕަސެންޓާ ދެމެދުގެ ސީޓުން ޑިސްކައުންޓް ދޭނެ އެވެ. މޯލްޑިވިއަން އިން ބުނީ މި ހަފްތާ ތެރޭގައި މިގޮތަށް ޓިކެޓް ނެގޭނެ ކަމަށެވެ. މި އަގުތަކުގައި ދަތުރު ކުރަން ފަށާނީ މެއި 1 ވަނަ ދުވަހުން ފެށިގެން ދަތުރު ކުރަން ނަގާ ޓިކެޓުތަކުންނެވެ.
މޯލްޑިވިއަން އިން ވަނީ ކުރިއަށް އޮތް ހަ މަސް ދުވަހަށް ޓިކެޓް ނެގޭނެ ގޮތް ކަސްޓަމަރުންނަށް ހުޅުވާލައިފަ އެވެ. މީގެ ކުރިން މޯލްޑިވިއަން އިން އެންމެ އަވަހަށް ޓިކެޓް ނެގޭނީ ތިން މަސް ކުރިއާލަ އެވެ.
"އާލީ ބާޑް އޮފާ" ތައް ނުވަތަ ކުރިއާލާ ޓިކެޓް ނަގާފަރާތްތަކަށް އާންމުކޮށް ވެސް އެއާލައިންތަކުން ޑިސްކައުންޓް ދެމުން އާދެ އެވެ. މޯލްޑިވިއަން އިން ބުނީ، އެއާލައިންގެ ޑޮމެސްޓިކް ދަތުރުތަކުން ޑިސްކައުންޓް ދޭން ފެށީ، ކުރިއާލައި ޓިކެޓް ނެގުމަށް ކަސްޓަމަރުންނަށް ހިތްވަރު ދިނުމުގެ ގޮތުން ކަމަށެވެ.
ޑިސްކައުންޓް ދިނުމުގައި އޮފް ޕީކް ގަޑިތަކުގަ އާއި ޑިމާންޑް ދަށް މަންޒިލްތަކަށް ޑިސްކައުންޓް ބޮޑުވުމުގެ ފުރުސަތު އޮންނާނެ ކަމަށް އެ އެއާލައިނުން ބުންޏެވެ.
އަވަހަށް ޓިކެޓް ނަގާ ފަރާތްތަކަށް ހާއްސަ ޑިސްކައުންޓް އަގުތަކެއް ހަމަޖެއްސި އިރު މިދިޔަ މަހު އެ އެއާލައިން އިން ވަނީ ޓިކެޓް ތަކުގެ އަގު ކާޑެއްދޫ ޓިކެޓުން 180ރ. އަދި އެހެން ހުރިހާ މަންޒިލަކަށް ޓިކެޓަކުން 70ރ. އަގު ބޮޑު ކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދައުލަތުގެލީކު
18 April 2023
އަބަދުގެއްލުމުގަ. ކެންޕޭނު ދަތުރުތައް ހިލޭ. ޓިކެޓް ހެސްކިޔާފަ ބޮޑު. ލޯކަލް ޓޫރިޒަމާ ދެކޮޅު. ޓިކެޓްވިއްކަނީ އަޔާޓާގެ އުސޫލުތަކާވެސް ޙިލާފަށް.
ކަޑަބޮއް ސައީދު
18 April 2023
މޯލްޑިވިއަން އަކީ ނައްތާލަން ވެފަ އޮތް ކުންފުންޏެއް. ދިވެހި އެއާލައިނޭ ކިޔާފަ ރަނގަޅު އެއްވެސް ސެކްޓަރ އަކަށް ނުދެވޭ. އެހާ އަގު ބޮޑު. އަނެއްކޮޅުން އަަބަދު ގެއްލުމުގައި.
އަކުރާ
18 April 2023
1 ރުފިޔާގެ ޑިސްކައުންޓެއް ދީފަ މިބުނަނީ އެއީ ވަރަށް ބޮޑު ޑިސްކައުންޓެކޭ. އެހެން އެއަރލައިން ތަކުން މިގޮތަށް ކުރިން ޓިކެޓް ނެގީމާ ހާދަ އަގުހެޔޮކޮށް ޓިކެޓް ލިބެއޭ
ބައޯކަލޯ
17 April 2023
ފެން ނެއްތަ ރައްޔިތުން މަޅީގަ ޖަހަން ހަދާނެ އިތުރު ދޮގެއް
ސަމަރޭ
17 April 2023
އަސާސީ ޚިދުމަތްތަކުން ސަބްސިޑީދީފައި، ހުސްނުވާ އަސަންދަދީފައި، އަހަރަކު ގަނެލާ 2 ޓިކެޓަކަށް 150 ރުފިޔާ ދޭންވީމާ ބޮޑުނުވެބަލަ... ދިވެހިން ތެރޭ ހަމައެކަނި ދުވާލަކަށް ކޮފީއަށް 350 ހަރަދުކުރާ މީހުން ގިނަވާނެ.. ކޮފީ ނިންމާލަނީ ސިގިރޭޓް ފޮއްޓެއް ބޯލައިގެން... ހެނުދުނު ކޮފީ ބޮއެފިއްޔާ މެންދުރު ފަހު ޝީޝާއެއް ނުބޮއެ ނުހުރެވޭނެ.... ރޭގަނޑު ބިޓްގޮވައިގެން ރެސްޓޯރަންޓުގައި..ދިވެހިންނަކީﷲ އިރާދަފުޅުން ފައިސާ ލިބޭ ބައެއް، ލިބޭވަރަށް ޚަރަދުވެސް ކުރާބައެއް!!
ސަމަރ
17 April 2023
ކެމްޕެއިނަށް ޓިކެޓް އަގުޔެޮކަން ދައްކަން ޖަހާމަޅިއެއް. ކޮއްމެ ފްލައިޓެއްގައި 200ރ ގެ އެއްމެ ސީޓެއް ބައިންދާފައި މިބުނަނީ ޓިކެޓް 200ރ ތިރިވެއްޖެއޭ. ރައްޔިތުން / ޚާއްސަކޮށް ދެކުނު މީހުންނަށް ތިޖަހާ ސަކަރާތް އިނގޭނެ. ވޯޓް ދޭންވީމީހުންވެސް ނުދޭންޖެހޭ މީހުންވެސް އެމީހުންނަށް އިނގޭނެ.
ރަދީފްއޮފިޝަލް
17 April 2023
އެމެޖެންސީގަ ފުރާ މީހުން (މީހަކު ބަލިވެގެން / އާއިލާ މީހަކު ނިޔާވެގެން) ބޮޑަށް އަގުހެޔޮ ޓިކެޓް ބޭނުންވާނީ ދީ.އެކަމަކު މި ފައިދާ ލިބެނީ ދުރާލާ ޓިކެޓް ނަގައިގެން ދަތުރުކުރަން ތިބި މީހުންނަށް.6 މަސް ކުރިއަށް ހުޅުވާލީމަ ލައްކަ ގިނަ މީހުން ޓިކެޓް ނަގާނެ.ސްކޫލް ޗުއްޓީ ކުރިއަށް އޮތީމަ ޖަހާލި މަޅިއެއްކަމަށް ބެލެވޭ.ވ.ވެދުން
ކެކެކެކެ
17 April 2023
ބުރޯ މިކިޔާބަލަ! 1600 ރުފިޔާއިން ކެނޑެނީ 160 ރުފިޔާ! އެއީ ބޮޑު ވެއްޖެޔާ ބުރޯ ތީ މިގައުމުގެ ރައީސް! ލމފއއ
ރައްދުވޭ ރަދީފު
18 April 2023
ވާނުވާ އެބަ އިނގޭތަ ރަދީފު ދީދީ އަށް
ޖެނިފަރ ލައިޓް
17 April 2023
ކަލޭމެން ފާޑު ފާޑު ވާހަކަ ތި ދައްކަނީ، އަހަރެމެން އަބަދުވެސް ކުރިން ޓިކެޓް ނަގައިގެން ދަތުރު ކުރަނީ. ދުވަހަކު ވެސް ނޯންނާނެ ދަރައްޔައް ދަތުރު ކޮށްފައެއް
އެކަލޯ
16 April 2023
ޑިސްކައުންޓް ބޮޑުވަރު ވިސްނާލާ 156 ރުފިޔާ އަގުބޮޑުކޮށްފަ 169 ރުފިޔާގެ ޑިސްކައުންޓެއް ދެނީ އެވެސް 3 މަސް ކުރިން ޓިކެޓް ނެގީމަ. އަހަރެމެންކަހަލަ ކުޅަދު ހަމަނުވާމީހުން އުފަލުން ފޮޅޭނެ ޑިސްކަުންޓޭ ބުނީމަ.
ހަސާނިކުބޭ
16 April 2023
ކޮންމެވެސް ބަޔަކަކު ނިކުމެ ހައިސްޕީޑު ފެރީތަކެއްގެނެސް ރައްޔިތުންނަށް ކެތްކުރެވޭހިސާބަކުން އަގުހަދާ ރާއްޖޭގެ އެއްކޮޅުން އަނެއްކޮޅަށް ދަތުރުކުރެވޭނެ ނިޒާމެއް ގާއިމުކުރުމަކީ ވަރަށް ބޭނުންތެރިކަމެއް.