އެމްޓީޑީސީގެ މެނޭޖިން ޑިރެކްޓަރު ތަޒްމީލު އަބްދުއްސަމަދު ރޭގެ އޭޖީއެމްގައި ވާހަކަދައްކަވަނީ. އޭނާ ވަނީ އެކުންފުނިން މިވަގުތު ހިންގާ ޕްރޮޖެކްޓްތަކުގެ ތަފްސީލުތައް ދެއްވާފައި-- ފޮޓޯ: ފަޔާޒް މޫސާ/ މިހާރު
31 މެއި 2023 - 13:20
10 comments
މިދިޔަ ހަތަރު އަހަރުގެ ތެރޭގައި ހިއްސާދާރުންނަށް ހިއްސާގެ ފައިދާގެ ގޮތުގައި 75 މިލިއަން ރުފިޔާ ދީފައިވާ ކަމަށާއި އެ ކުންފުނީގެ އާމްދަނީ މިހާރަށް ވުރެ އިތުރު ކުރުމަށް ބޮޑެތި ޕްރޮޖެކްޓްތަކެއްގެ މަސައްކަތް ކުރިއަށް އެބަހުރި ކަމަށް މެނޭޖިން ޑިރެކްޓަރު ތަޒްމީލު އަބްދުއްސަމަދު ރޭ ވިދާޅުވެއްޖެ އެވެ.
މެންހަޓަން ބިޒްނަސް ސްކޫލްގައި ބޭއްވި އެމްޓީޑީސީގެ މިދިޔަ އަހަރުގެ އަހަރީ އާންމު ޖަލްސާގައި ތަޒްމީލް ވިދާޅުވީ، ކުންފުނީގެ އާމްދަނީ އެތައް ގުނައެއް އިތުރުކޮށް، ހިއްސާދާރުންނަށް ލިބޭ ފަައިދާ ބޮޑު ކުރަން ވަރަށް ބޮޑު އިސްކަމެއް ދެއްވާ ކަމަށެވެ.
ހިއްސާދާރުންނަށް ހިއްސާގެ ފައިދާ ބަހަން އަލުން ފެށީ އެމްޓީޑީސީ އުފެއްދިތާ 11 އަހަރު ފަހުން މި ވެރިކަމުގަ އެވެ. އެ ކުންފުންޏަށް ފައިދާ ވާން ފެށީ 2021 ވަނަ އަހަރުން ފެށިގެންނެވެ.
އާބަންކޯ އިން ވަނީ އަމިން އެވެނި ކައިރިން ހުޅުމާލޭގެ ސެންޓްރަލް ޕާކް ކުރިމައްޗަށް ވާ ގޮތަށް އޮތް ހުސް ޖާގައިން އެމްޓީޑީސީ އަށް 7،000 އަކަ މީޓަރުގެ ބިމެއް ދީފަ އެވެ. އެ ބިން ގަންނަން ބޭނުންވާ ފައިސާ އެއްފަހަރާ އެ ކުންފުނިން އާބަންކޯ އަށް ދައްކާފައިވާއިރު، އެ ބިމުގައި 10 ބުރީގެ އޮފީސް ކޮމްޕްލެކްސްއެއް އިމާރާތް ކުރުމަށް އަންނަނީ މަސައްކަތް ކުރަމުންނެވެ.
އެމްޓީޑީސީގެ އޭޖީއެމްގައި ބައިވެރިވި ބައެއް ހިއްސާދާރުން. އެކުންފުނީގެ ހިއްސާދާރުންނަށް ހިއްސާގެ ފައިދާ ބަހަން ފެށީ 11 އަހަރު ފަހުން-- ފޮޓޯ: ފަޔާޒް މޫސާ/ މިހާރު
"މިހާރު އިދާރީ ގޮތުން ވާން ޖެހޭ ހުރިހާ ތައްޔާރީތަކާއި އެޗްޑީސީން ހޯދަން ޖެހޭ ހުރިހާ ހުއްދަތަކާ އެކު 10 ބުރީގެ އޮފީސް ކޮމްޕްލެކްސް އަންނަ ޖުލައި މަސް ތެރޭގައި ރަސްމީކޮށް ފަށާނަން. އުންމީދަކީ 2024 ވަނަ އަހަރުގެ ޖުލައި މަހުގެ ނިޔަލަށް ނިންމާ އެ އިމާރާތް ހުޅުވައި، ވިޔަފާރި ބޭނުމަށް އޮފީސް އިމާރާތް ކުއްޔަށް ދެވޭނެ ގޮތް ވުން،" ތަޒްމީލް ވިދާޅުވި އެވެ.
އެމްޓީޑީސީ އަށް މިހާރު އެންމެ ބޮޑު އާމްދަނީއެއް ވަންނަނީ ދެ ރިސޯޓެއްގެ ކުލިންނެވެ. އެއީ އަޔާޑާ މޯލްޑިވްސް އާއި އަނަންތާރާ ވިލާ އެވެ. އެ ދެ ރަށުގެ ކުލިން މިދިޔަ އަހަރު އެ ކުންފުންޏަށް 113 މިލިއަން ރުފިޔާ ލިބުނެވެ.
އެމްޓީޑީސީގެ އަހަރީ އާންމު ޖަލްސާގައި ހިއްސާދާރަކު ސުވާލެއް ކުރަނީ. އެކުންފުނިން ވަނީ ހިއްސާއަކަށް 60 ދާރި ބަހަން ރޭގެ ޖަލްސާގައި ނިންމާފައި-- ފޮޓޯ: ފަޔާޒް މޫސާ/ މިހާރު
ތަޒްމީލް ވިދާޅުވިގޮތުގައި، އާމްދަނީ އިތުރު ކުރުމަށް އެމްޓީޑީސީ އިން އަމިއްލަ އަށް ތަރައްގީކޮށް، ރިސޯޓެއް ހިންގުމަށްޓަކާއި ވެސް އަންނަނީ މަސައްކަތް ކުރަމުންނެވެ.
ގާތްގަނޑަކަށް 35 މިލިއަން ޑޮލަރު (540 މިލިއަން ރުފިޔާ) ހޭދަކޮށްގެން މާލެއާ ކައިރި ސަރަހައްދަކުން 240 އެނދުގެ ރިސޯޓެއް އެމްޓީޑީސީން އަމިއްލަ އަށް ހަދާނެ ކަން ވަނީ ވަނީ މިދިޔަ ފެބްރުއަރީ މަހު އިއުލާނުކޮށްފަ އެވެ. ތަޒްމީލް ރޭ ވިދާޅުވީ، އެ ޕްރޮޖެކްޓްގެ އިދާރީ މަސައްކަތްތައް ނިންމާއި، ޕްރޮޖެކްޓަށް ބޭނުންވާ ފައިސާ ހޯދަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފޮނިޓައްޕު ހަސަނު
01 June 2023
ރައީސް މައުމޫނުގެ ވެރިކަމުގައި ހިއްސާގެ ފައިދާ ލިބުނު އޭގެ ފަހުން ފަނަރަ އަހަރުވީ އިރު މިއަދާއި ހަމައަށް އެއްމެ ރުފިޔާއެއް ވެސް ނުލިބޭ. މަވެސް އިންނާނެ ތިތަނުން 100 ހިއްސާ ގަނެފަ.
އަލި
31 May 2023
ހިއްސާ އަކަށް 60 ލާރި ދީގެން 75 މިލިއަން ރުފިޔާ ހަރަދުކުރީ ކާކަށް؟.
ގުދުގުދާބެއްޔާ
31 May 2023
ތިކަން ކުރީ އެމްޓީޑީސީއިންދޯ؟
ބަހުން މެޓާއެއް.
31 May 2023
މަނިކުފާނު 75 މިލިޔަން ރުފިޔާ ހިއްސާ ދާރުންނަށް 4 އަހަރުން ބެއްސެވީމު. އަޅުގަނޑުގެ ހިއްސާއަށް ދެއްވި ބައިވަރު ނަގަން ދާންވީތޯ؟ އެކައުންޓަށް ޖަމާކޮށް ދެއްވަނީތޯ. 2008 ވަނަ އަހަރު ހިއްސާ ފައިދާ ނުނަގާ މިއަހަރާ ހަމައަށް ހުރެފައި މިއަހަރު ނަގައިފިން. އެއީ މައުމޫނު ވެރިކަމުގަ ބެހި ފައިސާކޮޅެއް. އިތުރު އެއްޗެއް ޖަމާއެއް ނުކޮށްދެމު. މިތަނުންވެސް ވަގު ކިޔާފަ 75 މިލިޔަން ފަށަންވީތޯ.
ސުން
31 May 2023
45 ހާސް ރުފިޔާގެ ހިއްސާ އާއިލާގެ 3 މެންބަރެއްގެ ނަމުގައި ގަތިން. ބައިލާރިއެއްވެސް އަދި ނުލިބޭ. ކިހިނެއް މިވަނީ؟ ކުއްޖަކު އޮޅުންފިލުވައިދީބަލަ ކުރަންވީ ކަމެއް.
ޅިޔަނުބެ
31 May 2023
ތި ބެހި ހިއްސާ އަހަންނަށް ޖަމާނުވެ ގައިމުވެސް. 2008 ވަނަހަރު ހިއްސާ ގަތީ އަދި މިހާތަނަށް ލޯލާރިއެއްވެސް ނުލިބޭ. ދެން ކާކަށް ހިއްސާ ބެހިވާހަކަ ތިބުނީ؟ ތިމައްސަލަ ތަޙްޤީޤް ކުރަންވީނު ފުރަތަމަ!
ފައިޓޭ
31 May 2023
މަޤާމު ދަހިވެތިކަމު އުޅޭ މީހެއް މި ތަންޒީލްއަކީ.ދެން މޮޅުވާހަކަ ދައްކާނި.
ޖޮބޭ
31 May 2023
ލަދުގެ ކަންފުޅެއްނެތީދޯ. އާނ ފަހެ ތިޔަބެހީ ހާދާހާވާ ގިނަ ފައިސާއެކޭދޯ؟ ކަލޭގެމުސާރަ ލިބުނުތަ؟
ހސދގ
31 May 2023
ކާކު ދެނަހުރީ... ހުސްދޮގު ތިޔަ ތަޒުމީލު ހަދަނީ
އޮނަރަބްލް އަފީފު ދީދީ
31 May 2023
ތިދައްކަނީ "އިޓްލޮސް ޝަރީއަތުން ނިންމި ގޮތުގެސަބަބުން ރާއްޖޭގެ ކަނޑުގެސަރަޙައްދު ވަރަށްބޮޑަށް އިތުރުވެގެންހިގައްޖެ ކަމަށް" ބުނެ ސަރުކާރުން ފަތުރާފަދަ ވާހަކައެއް. # ދުނިޔޭގެ އެންމެއަގުބޮޑު ޓްއަރިސްޓް ޑެސްޓިނޭޝަން ކަމުގައިވާ ދިވެހިރާއްޖޭގައި އުފައްދާފައިވާ ދައުލަތާއި ރައްޔަތް ޙިއްސާވާ ޕަބްލިކް ކުންފުންޏަކުން 5 ޑޮލަރަށް ގަނެފައިވާ ޙިއްސާއަކަށް 365 ދުވަސް ފަހުން އެންމެ 4 ސެންޓް ލިބުމަކީ ހަޤީގަތުގައިވެސް އިޤްތިސޯދީ މާހިރުން ކޮސްވާވަރު ކަމެއް.