ތާރު އެޅުމުގެ މަސައްކަތް ފަށަން ބިލަންބޮންގް ސްކޫލްގެ ކުރިމަތިން އަމީނީ މަގު ބަންދުކޮށް، މަސައްކަތް ކުރަނީ.
10 ޖޫން 2023 - 20:30
18 comments
ތާރު އެޅުމުގެ މަސައްކަތް ފެށުމަށް އަމީނީ މަގުގެ އެންމެ ބާރުބޮޑު ސަރަހައްދު މިއަދު ބަންދުކޮށްފި އެވެ.
އަމީނީ މަގު ހެދުމުގެ މަސައްކަތް ކުރާ އާރުޑީސީން ބުނީ ބިލަބޮންގް ސްކޫލުން ފެށިގެން ފިނޭންސް މިނިސްޓްރީ ހުންނަ ހިސާބަށް އެ މަގު މިހާރު ބަންދުކޮށްފައިވާ ކަމަށެވެ. އަދި އެ ހިސާބުގައި އަމީނީ މަގަށް ނުކުމެވޭ ގޮތަށް ހުންނަ ގޯޅިތައް ވެސް ބަންދުކޮށްފައިވާ ކަމަށް އެ ކުންފުނިން ބުންޏެވެ.
އެއީ އަމީނީ މަގުގައި އެންމެ ކާރުބާރު ބޮޑު ސަރަހައްދެވެ. ސްކޫލުތަކާއި ގިނަ އަދަދެއްގެ ސަރުކާރު އަދި އަމިއްލަ އޮފީސްތައް ވެސް އެ ސަރަހައްދުގައި ހިންގަ އެވެ. އެއީ ފިހާރަތަކާއި ކެފޭތައް ވެސް އެންމެ ގިނައިން އެ މަގުގައި ހިންގާ އެެއް ސަރަހައްދެވެ.
ތާރު އެޅުމުގެ މަސައްކަތް ފަށަން ބިލަންބޮންގް ސްކޫލްގެ ކުރިމަތިން އަމީނީ މަގު ބަންދުކޮށް، މަސައްކަތް ކުރަނީ.
ސްޓެލްކޯގެ އިމާރާތާ ހިސާބުން ފެށިގެން އޮޑެގެއްލާ ކެފޭއާ ހަމައަށް އަމީނީ މަގުގައި ތާރު އަޅައި، މިދިޔަ ހަފުތާގައި ވަނީ އާންމުންނަށް ހުޅުވާލައިފަ އެވެ.
ދައުލަތުގެ ބަޖެޓުން 84 މިލިއަން ރުފިޔާ ހަރަދުކޮށްގެން ހަދަމުން އަންނަ އަމީނީ މަގުގެ މަސައްކަތް އެއްކޮށް ނިންމާލެވޭނީ އަންނަ ސެޕްޓެމްބަރުގެ ނިޔަލަށް ކަމަށް ޕްލޭނިން މިނިސްޓްރީން ކުރިން ބުނެފައިވެ އެވެ. އެ މަސައްކަތް ފެށީ މިދިޔަ އަހަރު އޮކްޓޯބަރުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަތަންގެ ދުލުން
11 June 2023
އިބްރާހިމް މުހައްމަދު ގެ ސަރުކާރުން މާލޭގައި ހިންގާ އެންމެ ބޮޑު ބިޔަ ޕްރޮޖެކްޓް! ފޭސްތަކަކަށް ބަހާލައިގެން މަހަކު ދުއިސައްތަ މީޓަރުން ތާރު އަޅަމުން ގެންދަނީ ނުހަނު ބާރު ސްޕީޑެއްގައި! ޝުކުރިއްޔާ ރައީސް، ޝުކުރިއްޔާ އެމްޑީޕީ!
ހުވޭ
11 June 2023
ބިލަބޮންގ ހަތަރުއަނގޮޅި އޮންނަންވާނީ ކުރީގެ ސެގްމެންޜާއެކު ނިމިފަ. ބޭރުމަގަށް ނުކުމެވެންއޮންނަ މަގެއްއެއީ.
ރަދީފްއޮފިޝަލް
11 June 2023
ވަރަށް ރަނގަޅު ވާހަކައެއް.އަމީނީ މަގުގެ މަސައްކަތަކީ އުނދަގޫ ބުރަ މުސައްކަތެއް.އެންމެ ފަހުން ނިމުނު ސެގްމެންޓްގަ ބިލަބޮންގ ޖަންގްޝަން ހިމެނިނަމަ މިއަދު ޓްރެފިކަށް ލުއި ލިބޭނެ.އެ ޖަންގްޝަން ބަންދުވުމުގެ ސަބަބުން ރައްޔަތުން ގިނަ ތަކްލލީފްތަކެއް އުފުލަން ޖެހޭކަން ފާހަގަކުރަން.
މުރާދު ބިން އަލް ޚަލީފާ
11 June 2023
ކުރީ ސެގްމެންޓާއިއެކު ކުރިނަމަ އެ ހަތަރުއަނގޮޅި ބަންދު ނުވާނެތޯ. ހަމައެކަނި ޚިޔާލަށް ވާހަކަނުދައްކާ ތަންކޮޅެއް ރިއަލިސްޓިކް ވާށެވެ.
ބޮޑުމީހާ
10 June 2023
2023 ގެ މެނިފެސްޓޯގަވެސް އަމީނީ މަގުގަ ތާރު އެޅުން އެބައޮތް
ކަޑަ
10 June 2023
ހަދާނިމޭއިރް ވަޅުކޮންނަކުދިން ކޮންނަންފަށާނެ
ޥާސަރީ
10 June 2023
ކޮންމެ ހަތަރު އަނގޮޅި އަކަށް ފަސް ޖަންސަން މަތި ގަނޑުގެ މަގުން ތަރައްގީ ކުރާ މަގެއް ! ބޯހަލާކު.
ވާންޗޯ ބުރާންޗޯ
10 June 2023
ބޭފުޅާ އަށް އޭގެ ބޭނުން ނޭގުން އެއީ އާރުޑީސީގެ މައްސަލައެއްތޯ!!!؟؟
މާގެ ވާންޗޯ ބުރިއާޗޯ
11 June 2023
84 މިލިއަން ރުފިޔާ ހަރަދުކުރާއިރު ޑިޒައިން މިޔަަަށް ވުރެން ތާހިރު ވާ ޖެހޭނެ.
ދޮހޮއްތު
10 June 2023
ތިވެސް ތަންކޮޅެއް އަވަސް ކޮއްބަލަ
ކޮށްބަލަ
10 June 2023
ނިކަން 24 ގަޑިއިރު ނުހުއްޓި، މަގުގެ ދެކޮޅުން ކޮންނަމުން ތިކަން އެއްފަހަރާ ފޯރީގަ، ދައުލަތުގަ ހުރިއްޔާ ހުރި އެއްޗެއް ބޭނުންކޮށްގެން ކޮށްބަލަ.. މިގޮތަށް ކޮށްފިނަމަ ތިއީ 2 ހަފުތާއިން ނިމޭނެ ކަމެއް. 2 ލައްކަ އެއްހާ މީހުންނަށް ތީގެން އުނދަގޫވޭ.
ތޯޑޭ
10 June 2023
އަވަސް އަރުވާނުލާ ރަނގަޅަށް މަގު ހެދީމަ ތިދެލައްކަ މީހުނާ އަދި އިތުރު އެތައް ލައްކަބަޔަކަށް ފައިދާވެސް ވާނެ!
ޝާއްކޮޮ
10 June 2023
ބާރުބޮޑުވިޔަސް ކުރާންޖެހޭކަމެއް ޖެހޭނީ ކުރާން.
ހަސަންޑީ
10 June 2023
ތިވެސް މަސްސަލައެއްނޫން، މަގުތައް ހަދާފައިހުރީ ވަރަށް ރަގަޅަށް އެކަމަކު ސްކޫލްތައް ބަންދު ކުރުމަށްފަހުޅުވެންވާއިރަށް ވާނެ ނިންމަން ...
އެދުރުބޭބެ
10 June 2023
މަގު ބަންދުނުކޮށް ތާރުއެޅުމުގެ މަސައްކަތް ކުރާނެ ގޮތެއް އޮތިއްޔާ ކޮންމެ ވެސް ކުއްޖަކު ބުނެދީބަލަ.
ދަރިވަރާ
10 June 2023
އެއްފަރާތުގައި ތާރު އަޅާފައި އެފަރާތް ނިމުނީމަ އަނެއް ފަރާތުގައި ތާރު އަޅާނީ. އޭރުން މަގު އެއްކޮށް ބަންދު ކުރާކަށް ނުޖެހޭނެ.
އަހަންމާދީ
11 June 2023
މީއެހާ ފުޅާ މަގުތަކެއްނޫން .ހޮޅިތައް އެބަހުރެ ހުރަހަށް އަޅާފަވެސް.އެއްވެސް ޕުލޭނެއްނެތި ހަދާފަހުރި މަގުތަކެއް.