އެމްޓީސީސީގެ ބޯޑުން ނިންމި ގޮތަށް ހިއްސާއަކަށް 4ރ. ބަހަން ފާހެއް ނުވި

އެމްޓީސީސީގެ އަހަރީ އާންމު ޖަލްސާގައި ބޯޑު މެންބަރުން-- ފޮޓޯ: މިހާރު

ފާތިމަތު ޝަނާ މުހައްމަދު، މިހާރު

15 ޖޫން 2023 - 21:36

އެމްޓީސީސީ އަށް މިދިޔަ އަަހަރު ލިބުނު ފައިދާއިން ހިއްސާއަކަށް 4ރ. ބަހަން ބޯޑުން ނިންމި ގޮތާ ދެކޮޅަށް ހިއްސާދާރުން ވޯޓު ދީފި އެވެ.

ކުންފުނީގެ ސީއީއޯ އާދަމް އާޒިމް ވިދާޅުވި ގޮތުގައި ފާސްނުވި ޑިވިޑެންޓަކީ ފޭސްވެލިއު އަށް ބަލާއިރު ކުންފުންޏަކުން މި އަހަރު ހުށަހެޅި އެންމެ ރަނގަޅު ޑިވިޑެންޓެވެ. އެއީ ފޭސްވެލިއު 5ރ. އަދި ޑިވިޑެންޓަށް 4ރ. އެވެ.

ކުރުނބާ މޯލްޑިވްސްގައި މިރޭ ބޭއްވި އަހަރީ އާއްމު ޖަލްސާގައި މިގޮތަށް ޑިވިޑެންޓް ބެހުމާ ދެކޮޅަށް، އެ ޖަލްސާގައި ބައިވެރިވި ހިއްސާދާރުންގެ ތެރެއިން 61 މީހުން ވޯޓު ދިނެވެ. އެއީ ވޯޓުގައި ބައިވެރިވި މީހުންގެ 53 ޕަސެންޓެެވެ. ހިއްސާގެ ފައިދާ ބެހުމަށް ވޯޓު ދިނީ 54 ހިއްސާދާރުންނެވެ.

މިއީ ފަހުގެ ތާރީހެއްގައި އަހަރީ އާންމު ޖަލްސާއެއްގައި ބޯޑުން ކަނޑައެޅި ހިއްސާގެ ފައިދާ، ބަލައިނުގަންނަން އާއްމު ހިއްސާދަަރުން ނިންމި ފުރަތަމަ ފަހަރެވެ.

ހިއްސާގެ ފައިދާ ގޮތުގައި ބޯޑުން ބަހަން ކަނޑައެޅީ މިދިޔަ އަހަރު ހިއްސާގެ ފައިދާގެ ގޮތުގައި ބެހި އަދަދަށް ވުރެ 10 ލާރި އިތުރު އަދަދެކެެވެ. އަދި ޖުމްލަ 32 މިލިއަން ރުފިޔާ އާންމު ހިއްސާދާރުންނަށް ބަހަން ބޯޑުން ކަނޑައެޅި އެވެ.

އެމްޓީސީސީއަށް މިދިޔަ އަހަރު ސާފު ފައިދާގެ ގޮތުގަައި ޓެކްސް ކެނޑުމަށްފަހު 196 މިލިއަން ރުފިޔާ ލިބިފައިވެ އެވެ. މިއީ އޭގެ ކުރީ އަހަރަށް ވުރެ 36 މިލިއަން ރުފިޔާ ދަށް އަދަދެކެވެ. ސާފު ފައިދާ ދަށްވެފައިވަނީ ދަރަނި އަނބުރާ ދެއްކުމަށާއި ތެލުގެ ހަރަދަށް ކުރި ހޭދަ ބޮޑުވުމުންނެވެ.

ސާފު ފައިދާ ދަށްވި ނަމަވެސް އެކުންފުނީގެ އާމްދަނީ ވަނީ ކުރީ އަހަރަށް ވުރެ 600 މިލިއަން ރުފިޔާ އިތުރުވެފަ އެވެ. އަދި މިއީ ވޭތުވެދިޔަ ތިން އަހަރަށްވުރެ ގާތްގަނޑަކަށް ދެ ގުނަ އިތުރު އަދަދެކެެވެ. މިދިޔަ އަހަރު އެމްޓީސީސީއަށް ޖުމްލަ އާމްދަނީގެ ގޮތުގައި 2.5 ބިލިއަން ރުފިޔާ ލިބުނެވެ.

މިދިޔަ އަހަރު އެންމެ ބޮޑު އާމްދަނީއެއް ލިބުނީ ކޮންސްޓްރަކްޝަނާއި ޑްރެޖިން މަސައްކަތްތަކުންނެވެ. އެ މަސައްކަތްތަކުން 2 ބިލިއަން ރުފިޔާގެ އާމްދަނީއެއް ލިބިފައިވެ އެވެ. އެއީ ކުންފުނީގެ ޖުމްލަ އާމްދަނީގެ 80 ޕަސެންޓެވެ.

މިދިޔަ އަހަރު އެކުންފުނިން ވަނީ 65 ޕްރޮޖެކްޓެއް ފަށާ، 42 ޕްރޮޖެކްޓް ނިންމާފައިވެ އެވެ. މިއަހަރު ވެސް ރާއްޖޭގެ އެކި ހިސާބުތަކުގައި ގިނަ ޕްރޮޖެކްޓްތަކެއް އަންނަނީ ހިންގަމުންނެވެ.

އެމްޓީސީސީ އެމްޓީސީސީގެ އަހަރީ އާންމު ޖަލްސާ

8 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިމްޕަލް

16 June 2023

މާމަ މީގެ 42 އަހަރު ކުރިން އެމް.ޓީ.ސީ.ސީގެ ހިއްސާ ގަނެގެން އުޅެނީ. މިހާތަނަށް މާމަގެ ހިއްސާތަކަށް ލިބުނު ފައިދާއިން އެހިއްސާތައް ގަންނަން ހޭދަކުރި ފައިސާ ކޮޅުވެސް ލިބޭވަރުނުވޭ. ހިއްސާއެއް ގަތީ -/50 އަށް. އެދުވަސްވަރު ސަރުކާރުގެ އޮފީހެއްގެ ޑިރެކްޓަރަކަށް ލިބޭނީ މަހަކު ގާތްގަޑަކަށް -/800. ޑިގްރީ ހަދައިގެން ވަޒީފާގައި 10 ވަރަކަށް އަހަރު އުޅުނީމަ ލިބޭ މުސާރަ. ހޮޓަލުން ކަޅުސައިތައްޓެއް 25 ލާރިއަށް ލިބުނު ޒަމާން. 10 ލާރިއަށް ލޮލީއެއް ލިބުނު ޒަމާން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖޮބޭ

16 June 2023

ބޭކާރު ޚަރަދު ކުރަނީ ޕްރޮޖެކްޓް ތަކުން މަކަރު ހަދހަނީ. 50،000.00ރުފިޔާގެ ކުލީގައި ޕީކަޕް ނަގާފަ ޕިކަޕްގެ ވެރިފަރާތަށް ލިބެނީ 15،000.00ރުފިޔާ . ކުރާނީ ރަސްކަން ވައްކަމެއްނޫން. ޥީމާ 4ރުފިޔާވެސް ކިހިނެތް ދހެވޭނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަންދަލޫސިޔާ

16 June 2023

5 ރުފިޔާގެ ހިއްސާއަކަށް 4 ރުފިޔާ އެއް އަަހރުން ލިބުނީމާ އެއީ މޫނުމަތީ އަގުގެ %80 އެވެ. މިދިޔަ އަހަރު ފައިދާގެ ގޮތުގައި ބެހީ 3.50 އެވެ. މިއީ މިދިޔަ އަހަރާ އަޅާބަލާއިރު %14 ގެ ކުރިއެރުމެއް. ދެރަކަމަކީ އާންމް ހިއްސާދާރުންނަށް މިކަން ނޭނގި ލިބެން އޮތް ރަނގަޅު ޑިވިޑެންޑް އަށް ނޫނެކޭ ބުނުން. އަޑުގަދަ މީހުން ވާނުވާގަ ތިބެގެން ބުނާ ބަހަށް ބަޔަކު ހެއްލުމުން ހިއްސާދާރުންނަށް ދެން އެ ފައިސާ ދެވޭނީ އިތުރު ޖަލްސާއެއް ބާއްވައި ފާސްކޮށްގެން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތަރޯ

16 June 2023

ރަނގަޅު ވާހަކައެއް. މޫނުމަތީ އަގުގެ %80 އަހަރުތެރޭ ޑިވިޑެންޓަށް ކަމުދާ މީހުން ހިއްސާކޮޅު ވިއްކާލާފަ އެއަށްވުރެ ފައިދާކުރާނެ ކަމެއް ކުރުން ރަނގަޅުވާނެ. އަމިއްލަ މޫނަށް އިގްތިޞާދަށްވުރެ 80 % ސިޔާސީ ކުލަ ޖެހުނީމާ ވަނީ ތިހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނާދިރު

16 June 2023

މާލީ އަހަރެއް ނިމި ކުންފުނީގެ ޖުމްލަ ފައިދާގެ ތެރެއިން ކުންފުނީގެ ހިއްސާދާރުންނަށް ބަހާ މިންވަރަށް ކިޔައި އުޅެނީ ޑިވިޑެންޑް Dividend މިހެން. މުޅި ލިޔުން ކިޔައި ނިމުނު އިރު ދޭހަވި އެއްވެސް އެއްޗެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑިރާސ

16 June 2023

މިހާރު އެބަ ރަނގަޅުވޭ ،، ހިއްސާދާރުންގެ ބާރު ފެންނަންޖެހޭ އޭ.ޖީ.އެމް ތަކުން. ރާއްޖޭގެ އެހެން ކުންފުނިތަކުގެ އޭ.ޖީ.އެމް ތަމުގައިވެސް ހިއްސާދާރުންގެ ބާރު ދައްކައި ،ބޯޑުން ބަހަން ބޭނުންވާ ވަރު ރަނގަޅު ނޫނިއްޔާ ނޫނެކޭ ބުނަން ކެރެންޖެހޭ. ގިނަ މީހުން އެ.ޖީ.އެމް ތަކަށް ދާން އެންކަރޭޖު ކުރުވައި ބޯޑުތައް ޒިންމާދާރު ކުރުވަން ހިއްސާދާރުންނަށް ލިބޭ އެންމެ ބޮޑު ޕްލެޓްފޯމް އެ.ޖީ.އެމް ތަކަކީ..