އެމްޕީއެލްގެ ސީއީއޯ ޝާހިދު ވާހަކަދައްކަވަނީ. އެކުންފުނިން ހުޅުވާލި ބޮންޑަށް އިންވެސްޓަރުންގެ ބޮޑު ތަރުހީބެއް ވަނީ ލިބިފައި-- ފޮޓޯ: މިހާރު
21 ޖޫން 2023 - 11:54
11 comments
އެމްޕީއެލްއިން ފުރަތަމަ ފަހަރަށް ޕްރައިވެޓް މާކެޓްގައި ވިއްކަން ހުޅުވާލި 200 މިލިއަން ރުފިޔާގެ ބޮންޑުގެ ފުރަތަމަ "ޓްރާންޗް" ނުވަތަ ފުރަތަމަ ހުޅުވާލި ބޮންޑުގެ ބައި ކުރު މުއްދަތެއްގެ ތެރޭގައި ވިއްޖެ އެވެ.
ގާތްގަނޑަކަށް މަހެއްހާ ދުވަހުގެ ތެރޭގައި އޯވަ ސަބްސްކްރައިބްވި ނުވަތަ ވިއްކަން ކަނޑައެޅި މިންވަރުގެ އިތުރަށް އިންވެސްޓަރުން ލިބުނު މި ބޮންޑަކީ ހަތް އަހަރުގެ ތެރޭގައި އަނބުރާ ދައްކަން ޖެހޭ ބޮންޑެކެވެ.
މި ބޮންޑު ވިއްކި އެމްޕީއެލްގެ ލީޑް އޭޖެންޓް ފަސްޓް ނޭޝަނަލް އިން ބުނީ، ފުރަތަމަ ޓްރާންޗްގެ ގޮތުގައި 50 މިލިއަން ރުފިޔާ ހޯދުމަށް ހުޅުވާލުމާ އެކު ރާއްޖޭގެ ބޮޑެތި އިންސްޓިޓިއުޝަނަލް އިންވެސްޓަރުންނާއި އާންމު ރީޓެއިލް އިންވެސްޓަރުންގެ ބޮޑު ތަރުހީބެއް ލިބުނު ކަމަށެވެ.
އެ ކުންފުނީގެ އަމާޒަކީ ޖުލައި ފަހު ކޮޅު އަނެއްކާ ވެސް ބޮންޑުގެ އިތުރު 50 މިލިއަން ރުފިޔާ ވިއްކަން ހުޅުވާލުމެވެ.
އެމްޕީއެލްއިން ބޮންޑުގެ ފުރަތަމަ ޓްރާންޗް ހުޅުވާލީ މިދިޔަ މަހުގެ 11 ގަ އެވެ. އަދި ފުރަތަމަ ޓްރާންޗު އޯވަސަބްސްކްރައިބު ވުމާ އެކު މިމަހުގެ 19 ގައި ވަނީ އެ ބޮންޑަށް އިންވެސްޓް ކުރުމުގެ ފުރުސަތު ބަންދުކޮށްފަ އެވެ.
މި ބޮންޑު ގަތް ފަރާތްތަކަށް އަހަރަކު ފައިދާގެ ގޮތުގައި ހަތް ޕަސެންޓު ލިބޭނެ އެވެ.
އެމްޕީއެލްގެ ސީއީއޯ ޝާހިދު އަލީ ވިދާޅުވީ، މި ބޮންޑު އޯވަ ސަބްސްކުރައިބްވުމަކީ ރާއްޖޭގެ މާލީ ދާއިރާއައް ލިބުނު ވަރަށް ބޮޑު ކުރިއެރުމެއް ކަމަށެވެ. އޭނާ ވިދާޅުވީ އެ ބޮންޑަށް އިންވެސްޓް ކުރި ހުރިހާ ފަރާތްތަކަށް، ކަނޑައަޅާފައިވާ ގޮތަށް ފައިދާ ލިބޭނެ ކަމަށެވެ.
އެމްޕީއެލްއިން ބޮންޑު ވިއްކަން ހުޅުވާލީ، އެ ކުންފުނިން ކުރިއަށް ގެންދާ ޕޯޓްގެ މަސައްކަތްތަށް އިތުރަށް ފުޅާކުރުމަށް ފައިސާ ހޯދުމަށެވެ. އެ ކުންފުންޏަށް މިދިޔަ އަހަރު އާމްދަނީގެ ގޮތުގައި 800 މިލިއަނެއްހާ ރުފިޔާ ލިބުނު އިރު ފައިދާގެ ގޮތުގައި 100 މިލިއަން ރުފިޔާ ލިބިފައިވެ އެވެ.
ރާއްޖޭގެ ފައިނޭންޝަލް މާކެޓު ފުޅާވަމުން އަންނަ އިރު ވޭތުވެދިޔަ ނުވަ މަހު، ރާއްޖޭގެ ތިން ކުންފުންޏަކުން ވަނީ ބޮންޑާއި ސުކޫކު ވިއްކައިގެން 96 މިލިއަން ރުފިޔާ ހޯދައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
21 June 2023
މި ބޮންޑު ގަތް ފަރާތްތަކަށް އަހަރަކު ފައިދާގެ ގޮތުގައި ހަތް ޕަސެންޓު ލިބޭނެ އެވެ. ސަރުކާރު 100 ބިލިއަނުން ދަރުވާލާފަ ދެން މިހާ ރު ފައިދާ ވާ ސަރުކާރު ހިއްސާ ވާ ކުންފުނި ތައް ދަރު ވާލަނީ އެވެ. ހުރިހާ ފައިސާ އެއް ދައްކަން ޖެހެނީ ރައްޔިތުންނެވެ. ޓެކްސް ފައިސާ އިންނެވެ.
ފޮކްސް
21 June 2023
(މި ބޮންޑު ގަތް ފަރާތްތަކަށް އަހަރަކު ފައިދާގެ ގޮތުގައި ހަތް ޕަސެންޓު ލިބޭނެ އެވެ.) ނަން ބަދަލުވީމާ ރީތިވާނޭ. އަލްހާނު ވިއްކީ ކުންފުނީގެ ނަން. "ކިންގފޮރެކްސްޓް" ވިއްކައިގެން ފުރަތަމަ 3 ހަފްތާ ފަހުން 3 ގުނަ ފައިދާ ދެމުން އަންނަނީ (.) މަށަށް ލިބެމުން އައި ފައިދާ މިސަރުކާރުން ހުއްޓުވީ ނަން ތަފާތުވީމާ ކަމަށް މިހާރު މަޤަބޫލުކޮށްފިން؛
މުރަނގަމާލިމީ
21 June 2023
ވަރަށް ތަފާތު 2 ކަމެއްގެ ވާހަކަ ތިޔަ އަޅާކިޔަނީ. ކަންކަން ކުރަން އޮންނަ ގަވާއިދުތަކާއި އުސޫލްތަކުގެ ދަށުން ރަޖިސްޓްރީ ކޮށްގެން ވިއްކާ ސުކޫކް އާއި ޕޮންޒީ ސްކީމްއަކީ ތަފާތު 2 ކަމެއް. ވޭތުވެ ދިޔަ 9 މަސް ތެރޭގައި ރާއްޖޭގެ 3 ކުންފުންޏަކުން ސްކޫކް ވިއްކައިފި. އެ ކަމެއް ނުހުއްޓުވައެއްނު؟
ޙަމަދު
21 June 2023
ޢާ ޕޯޓެއް އަޅާ ވާހަކަވީ ކިހިނެއްބާ؟ތިލަފުށީގަ ބޮޑު ޕޯޓެއް އަޅާ ނިންމަން ސަރުކާރުން ވީ ވައުދުތަކަށް ވީ ކިހިނެއްބާ؟ ބޮންޑުވިއްކައިގެން ފައިސާ ހޯދައިގެންވެސް ރަގަޅު ޕޯޓެއް އެޅިގެން ނޫނީ މުދާ އިމްޕޯޓް ކުރާ ވިޔަފާރިވެރިންނަށް ލުޔެއް ނުލިބޭނެ.
ކޮވެލި
21 June 2023
ސުއާލަކީ ދަރަންޏަށް ތިކުންފުނިން ފައިސާ ނަގަން ޖެހެނީ ކީއްވެ. ކޮން ކަމަކަށް ޚަރަދު ކުރަން.
ހަސަންފުތާ
21 June 2023
ހަބަރުގަ ލިޔެފައިން އެއްޗެއް ކިޔާބަލަ
ހަސަންޑީ
21 June 2023
އާޓިކަލް އެއްކޮށް ކިޔާލިނަމަ...
ހަސީބ
21 June 2023
އާޓިކަލް ކިޔާކަށް ނުޖެހޭ. މެނޭޖު ނުވަނީ ކާތީވެ
ކޮވެލިއަށް
21 June 2023
ވިޔަފާރިފުޅަ ކުރެވޭނީ ފައިސާހޯދައިގެން. އެހެންގޮތަކަށް ބުނާނަމަ ލޯނު. އަދިކިރިޔާ ރަގަޅުވަނީ.
ސައުތު
21 June 2023
ލިޔުމުގަ ހުރި ވާހަކަތައް ކިޔާލި ނަމަ ދޯ! ކަލޯ އެމްއޭސީއެލްއިން ލޯނު ނަގާގެން ޓާމިނަލް އެ އަޅަނީ. ހަމަ އެގޮތަށް އެކަހަލަ ކަންކަން ކުރަން އެމްޕީއެލްއިންވެސް އެ އުޅެނީ! ސާފުތޯ؟
އަހްމަދުު
21 June 2023
ހަސަންފުތާ! ޚަބަރުގައި އެބުނާ ފުޅާކުރުމެއް ދުވަހަކުވެސް ނުފެނޭ. އަހަރަކު 100 މިލިއަން ރުފިޔާ ފައިދާވާ އިރު ދަރަނި ނުނަނަގާ ފުޅާކުރެވެންވާނެ.