26 ޖޫން 2023 - 12:56
48 comments
ގައުމީ ފުޓްބޯޅަ ޓީމުގެ ކޯޗު ފްރެންޗެސްކޯ މޮރިއޭރޯ އަށް ވެސް އެފްއޭއެމުން ގަވާއިދުން މުސާރަ ނުދޭކަން، "މިހާރު" އަށް އެނގިއްޖެ އެވެ.
މާލީ ގޮތުން އަނދަވަޅަކަށް ވެއްޓިފައިވާ އެފްއޭއެމުން، މުސާރަ ނުދޭ ޓެކްނިކަލް ސްޓާފުންގެ ތެރެއިން ލިސްޓްގައި ހިމެނެނީ މޮރިއޭރޯ އެކަންޏެއް ނޫނެވެ.
ސާފް ޗެމްޕިއަންޝިޕަށް ތައްޔާރުވާން ޖަޕާނުގައި ކުރިއަށް ގެންދިޔަ ޓްރޭނިން ކޭމްޕްގައި އަދި ސާފް ޗެމްޕިއަންޝިޕްގައި ވެސް ޓީމާ އެކު ނުގޮސް މާލޭގައި މަޑު ކުރި ގޯލްކީޕިން ކޯޗު އަސްލަމް އަބްދުރަހީމް ވެސް ޓީމާ އެކު ނުދިޔައީ އޭނާ އަށް މުސާރަ ނުދޭތީކަން "މިހާރު" އަށް ވަނީ އެނގިފަ އެވެ.
އެކަމަކު ގައުމީ ޓީމުގައި ނުދިޔަ ސަބަބާ ބެހޭގޮތުން މީޑިއާގައި އެއްވެސް ވާހަކައެއް ދައްކާކަށް އަސްލަމް ބޭނުމެއް ނުވެ އެވެ. އޭނާގެ އިތުރުން ގައުމީ ޓީމުގެ އެެހެން ބައެއް ޓެކްނިކަލް ސްޓާފުންނަށް، މުސާރަ ނިުދޭތާ އަށެއްކަ މަސް ވެފައިވާ ކަމަށް، އެފްއޭއެމްގެ މައުލޫމާތު އެނގޭ މީހަކު "މިހާރު" އަށް ބުންޏެވެ.
ޓެކްނިކަލް ސްޓާފުން އެކަންޏެއް ވެސް ނޫނެވެ. އޮކްޓޯބަރު 2021 ގައި ޅ. ކުރެއްދޫ ރިސޯޓްގައި ގައުމީ ޓީމުން ކުޅުނު މެޗުގައި، އޭރު ސްކޮޑްގައި ހިމެނުނު ކުޅުންތެރިންނަށް ވެސް ބަރާބަރަށް އެ ފައިސާ ދިފައެއް ނުވެ އެވެ.
ސާފް ޗެމްޕިއަންޝިޕްގެ ސްކޮޑުގައި ހިމެނުނު ކުޅުންތެރިންގެ ތެރެއިން، މާޗް މަހު ޕާކިސްތާނާ ދެކޮޅަށް ކުޅުނު ކުޅުންތެރިންނަށް އެ ފައިސާ ދީފައި ވެއެވެ. ނަމަވެސް ސާފް ޗެމްޕިއަންޝިޕްގެ ސްކޮޑްގައި ހިމެނުނު ހުރިހާ ކުޅުންތެރިންނަކަށް އެ ފައިސާއެއް ނުދެ އެވެ.
މުބާރާތުގައި އިއްޔެ ބަންގްލަދޭޝް އަތުން ބަލިވުމުން، މޮރިއޭރޯ އާއި އެފްއޭއެމް އަށް ވަރަށް ބޮޑަށް ފާޑުކިޔުން އަމާޒުވި އެވެ.
އިއްޔެ މެޗަށް ފަހު މީޑިއާ އާ ވާހަކަ ދައްކަން ވެސް މޮރިއޭރޯ ބޭނުމެއް ނުވި އެވެ. ޕޯސްޓް މެޗު ޕރެސް ކޮންފަރެންސަށް ހާޒިރުވި ނަމަވެސް އޭނާ ވަކި ހިސާބަކުން ޕްރެސް ދޫކޮށް ދިޔަ އެވެ. ޕްރެސް ފަށަމުން ކޯޗު ބުނީ މި މެޗުން މޮޅުވުމަކީ ވާވަރުގެ ކަމެއް ނޫން ކަމަށާއި، ހުރިހާ ދިވެހިންގެ ކިބައިން މާފަށް އެދޭ ކަމަށެވެ. އިނގިރޭސި ބަހަށް ކޮށި ކޯޗު ބުނެލި ދެތިން ބަހެއްގައި ބުނީ ފަންސަވީހަކަށް މިނެޓް ރަނގަޅަށް ކުޅުނު ކަމަށާއި އެކަމަކު މިއީ ރަނގަޅު މެޗެއް ނޫން ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސަމާ
27 June 2023
އެކަޑަމީތައް ކަޑަ ކަންމަތި ކަޑައަށް ވުރެންވެސް ހަމަ ޕޭރަންޓުން އަތުން ލާރި ކަނީ
އިއްޕަޓޭ
27 June 2023
އެފަކީރުގެ ކޮންޓްރެކްޓްގަ އޮތްގޮތުން އާއިލާއާ ބައްދަލުކޮށްލަން ރަށަކަށްވެސް ނުދެވޭ. މިހުރިހާ ދުވަހު ރާއްޖޭގަ ތާށިވެހަ އެހެރީ މުސާރަ ނުލިބި، އަނބިދަރިން ފެނިލާނެ ފުރުސަތެއްވެސް ނެތިފަ. ދެން ޕްރެސް ކޮންފަރެންސް ބޯއިކޮޓް ނުކުރިއްޔާ ދެރައެއްނު.
ސެމިނަލް
27 June 2023
އެފްއޭމް ހަވާލު ކުރަންވީ މަރޭ އާއި އޭރުން ދެންވެސް މިވެއްޓިފައިވާ ވަޅުގަޑުން އަރައިގަނެވޭނީ
އިޓަލީގެ ކަންވާރޯ
27 June 2023
ތަސައްރަފު ނުފުދޭ ކުޑަކުއްޖަކާ އެފްއޭ ހަވާލު ކުރީމާ ވާނެ ހުރިހާ ކަމެއް މިވަނީ
ކުޅު ހައްވަ
27 June 2023
ތީ އަހަރެމެން އަޑު އަހަންބޭނުންވާހަކަ އެއްނޫން. މުސާރަ ނުލިބެންޔާ ކީއްކުރަން އެކަމުގައި ދެމިތިބެނީ. ކުރިއަށް މުބާރާތެއް އޮތްކަން އެނގިތިބެ ތައިޔާރުނުވެގޮސް ޓީމަކީ ބޮޑު ޖޯކަކަށްވީމާ ދެން ތިހެންކިޔާނެކަމެއްނެތް. ޓީމުގައިވެސް ހުނަވެރި ކުޅުންތެރިންނެތީ. މާލޭގައި ތިބޭ އެކަޑަމީސްތައްމީކީއްކުރާބައެއްތަ. ފާއިތުވި15 އަހަރު އެކަޑަމީއަކުން ނިކުން ކުޅުންތެރިއަކު ނިކަންދައްކަބަލ. ދައުލަތު ވަސީލަތްތައް ހިލޭ ބޭނުންކުރާއިރު އެކަޑަމީސްތަކުގެޒިންމާވެސްއޮންނާނެ.
ފުދޭވަރު
27 June 2023
ބައްސާމްމެން މިކަމާ އުޅެނީ ރާއްޖޭގެ ފުޓްބޯޅަ ކުރިއަރުވާކަށްނޫން، ފީފާގެ އިލެކްސަނއތަކުގައި ވޯޓްލާއިރު ނެގޭފައިދާގެ ބޭނުމުަގައި، ނޫސްވެރިނަ ރަގަޅު އިންވެސްޓިގޭޓިވް ޖާނަލިޒަމް އެން ކުރިއަށް ގެންދެބަލަ
ފައިސާ
27 June 2023
މެޗަކުން ބަލި ވީމަތަ މުސާރަ ނުދޭ ވާހަކަ ދައްކަން އިނގެނީ ، ކުރިން އެވާހަކަ ދައްކާފަ ޓީމާ އެކު ނުދިޔަނަމަ ދޯ
މޮރިއޭރޯ
27 June 2023
ޢަހަންނެއް ނުދައްކަން މުސާރަ ނުދޭވާހަކަ. ޜާއްޖެއިން ކޯޗުންނަށާއި ކުޅުންތެރީންނަށް އަދި މުވައްޒަފުންނަށްމުސާރަ ނުދީ އެލާރިން ވައްކަނަްކުރާކަމީ ބައިނަލް އަގުވާމީ ފުޓްބޯޅައިގައި އުޅޭ އެންމެން ދަންނަ ކަމެއް. ވަރަށް ނުތާހިރު ބައެއް ދިވެހީންނަކީ!
ބޮޑުމީހާ
26 June 2023
މިވަރުވާއިރުވެސް ކްލަބްތަކާއި ކުޅުންތެރިން މިތިބެނީ އެއްޗެކޭ ނުބުނެ، ތިތަނުން ތީގެ މީހެއް ބޭރުކުރެވޭނެ ގޮތެއްވެސް ނޯންނަނީބާ
ކެޔޮޅު.
26 June 2023
އެކަކަށްވެސް މުސާރަދޭނެ ކަމެއްނެތް.. ފުުޓްބޯޅަ ކުޅެން ނޫޅުނިއްޔާ ރަގަޅުވާނީ.. ރަށުތެރެއިން ޓީމް ގޮވާގެން އެނޫންކަމެއް ކުރަން އުޅެންވީ.. ބައިވަރު ކަންނެލި އޮޑިތައްވެސް ހުހަށްއެބަހުރި..
ނިކަމެތިރައްޔިތުމީހާ
26 June 2023
އަށް މަހު މުސާރަ ނުދޭ؟ ދިވެއްސަކަށްވީތަި ލަދުން ދެފައި ކައިރި ކުރާކަށް ނުކެރޭ! ބައްސާމުގެ ކުޑަ މިންވަރެއްގެ ނަމަވެސް ލަދެއް ހަޔާތެއް ހުރި ނަމަ އިސްތިއުފާ ދިނީސް! ނަމަވެސް މިއިން އެއްވެސް އެއްޗެއް ބައްސާމުގެ ނެތްކަން ބައްސާމުގެ ގާތް މީހުންނށް އިނގޭނެ! ބައްސާމުގެ ކަމަކީ މައު ގޮވައިގެން މުޅި ދުނިޔެ ވަށާ ދަތުރުކުރުން!