މަޝްހޫރު ވިޔަފާރިވެރިޔާ އަދި ދ. މީދޫ ދާއިރާގެ މެންބަރު އަހުމަދު ސިޔާމް-- ފޮޓޯ: މިހާރު
20 ޖުލައި 2023 - 09:57
106 comments
މަޝްހޫރު ވިޔަފާރިވެރިޔާ އަދި ރައްޔިތުންގެ މަޖިލީހުގެ މީދޫ ދާއިރާގެ މެމްބަރު އަހްމަދު ސިޔާމް (ސަން ސިޔާމް)ގެ ޕާސްޕޯޓު ސިންގަޕޫރުން ހިފަހައްޓައިފި އެވެ.
"މިހާރު" އަށް ކަށަވަރުވެފައިވާ ގޮތުގައި، ސިންގަޕޫރަށް ވަޑައިގަތުމުން މިދިޔަ ހޯމަ ދުވަހު އޭނާގެ ޕާސްޕޯޓް ހިފަހައްޓައި ފުރުން މަނާކުރީ ހިލްޓަން މައްސަލައާ ގުޅިގެންނެވެ.
ނ. އިރުފުށި ރިސޯޓް ހިންގަން ހިލްޓަނާ އެކު ހެދި އެއްބަސްވުން ސަން ކުންފުނިން ބާތިލްކުރީ 2013 ގަ އެވެ. ދުނިޔޭގެ މަޝްހޫރު ހޮޓެލް ޗެއިނެއް ކަމަށްވާ ހިލްޓަނަށް 24 މިލިއަން ޑޮލަރުގެ ބަދަލެއް ދޭން ސިންގަޕޫރު އާބިޓްރޭޝަނުން އޮތީ ސިޔާމްގެ ސަން ޓްރެވަލްސް އަށް އަންގައިފަ އެވެ. ނަމަވެސް އެ ފައިސާ އެ ކުންފުނިން ނުދައްކާތީ ހިިލްޓަން އިން ވަނީ އާބިޓްރޭޝަންގެ ނިންމުން ތަންފީޒު ކުރަން ހުށަހަޅައިފަ އެވެ.
ސިޔާމް ސިންގަޕޫރަށް މި ވަޑައިގަތީ އެ މައްސަލަ ސިންގަޕޫރުގެ ހައި ކޯޓުގައި ކުރިއަށް ގެންގޮސް ތިން މަސް ތެރޭގައި ފައިސާ ދައްކަން އަންގާފައި އޮއްވާ ކަން އެނގިފައިވެ އެވެ.
އޭނާ އެ ގައުމަށް ވަޑައިގަތީ ސެޕްޓެމްބަރު މަހު އޮންނަ ރިޔާސީ އިންތިހާބުގެ ކެމްޕޭނަށް ރައީސް އިބްރާހިމް މުހައްމަދު ސޯލިހްއާ އެކު ރަށްރަށުގެ ކެމްޕޭންގައި އުޅުއްވުމަށް ފަހު އެވެ. އިންތިހާބަށް ކޯލިޝަން ހަދައި އެކުގައި މަސައްކަތް ކުރަމުން އަންނަ ސިޔާމް ސިންގަޕޫރުގައި ފުރުމުން މަނާކުރުމުން، އެނބުރި ވަޑައިގަތުމަށް ގެންދަވަނީ ގާނޫނީ މަރުހަލާތައް ފުރިހަމަކުރެއްވުމުގެ މަސައްކަތް ކުރައްވަމުންނެވެ.
ސިންގަޕޫރު އާބިޓްރޭޝަނުން ހިލްޓަނާ އެއްކޮޅަށް މައްސަލަ ނިންމާފައި ވަނިކޮށް ސިވިލް ކޯޓުން 2017 ވަނަ އަހަރު ވަނީ ސަން ޓްރެވަލްސްއަށް 16 މިލިއަން ޑޮލަރުގެ ބަދަލެއް ދޭން ހިލްޓަންގެ މައްޗަށް ހުކުމްކޮށްފަ އެވެ. އެކަމަކު އެ ހުކުމް ހައި ކޯޓުން ބާތިލުކުރުމުން އަލުން ސިވިލް ކޯޓަށް މައްސަލަ ހުށަހެޅުމުން ނިމުނީ ހިލްޓަން ކޮޅަށެވެ.
ސިޔާމްގެ ޕާސްޕޯޓް ސިންގަޕޫރުން ހިފެހެއްޓިއިރު، ސަން ޓްރެވަލްސް ކުންފުނިން ހިލްޓަން އިންޓަނޭޝަނަލަށް 24 މިލިއަން ޑޮލަރު (370 މިލިއަން ރުފިޔާ) ދައްކަން ސިންގަޕޫރު އާބިޓްރޭޝަނުން އެންގި އެންގުން ތަންފީޒު ކުރުމުގެ މައްސަލާގައި ރާއްޖޭގެ ސިވިލް ކޯޓުން ވެސް ސިޔާމްގެ ޕާސްޕޯޓް ހިފަހައްޓަން އަމުރެއް ނެރުނެވެ.
ސިޔާމްގެ ޕާސްޕޯޓް ހިފަހައްޓަން މިދިޔަ އަހަރުގެ ފެބްރުއަރީ މަހު ސިވިލް ކޯޓުން އަމުރުކުރީ އެ މައްސަލާގައި ސަން ޓްރެވަލްސްގެ އެކައުންޓްތައް ފްރީޒްކޮށްގެން ވެސް ފައިސާ ނުލިބުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީދާސާދާ
22 July 2023
މިއީ ކަނޑައެޅިގެން ދޮގު ޚަބަރެކޯ ސަންސިޔާމް އެބުނަނީ. ދެން މި ނޫހާމެދު އަބުރުގެ ދަޢުވާކޮށް މިލިޔަން ޑޮލަރުގެ ބަދަލަކަށް އެދިއްޖިއްޔާ ތިޔަކުދިން ވަންނާނީ ކޮންތާކަށް؟؟ ދޮގު ޚަބަރު ނުފެތުރުމަށް ނަސޭޙަތްތެރިވަން. ނުލާހިކު ސީދާ ސާދާ ނާޒުކު ހިތެއްގެ ވެރިއެއް އެއީ. ދުވަހަކުވެސް މަކަރެއް، ޙީލަތެއް އޮޅުވާލުމެއް ނެތް ބޭފުޅެއް އެއީ. އެންމެ ޙަލާލުގޮތުގައި ފައިސާ ހޯއްދަވާ އަދި ޚަރަދު ކުރައްވާ ބޭފުޅެއް އެއީ
އެޑަމް
21 July 2023
ތިޔަލިސްޓުގައި ހިމެނޭ އެކަކުއަތުގަވެސް ވިއްކާނެ ރިސޯޓެއްނޯންނާނެ!ހަމައެކަނިމައިފޮތުގެ ރަޖިސްޓުރީގައޮންނަަނީ އޯނަރުގެނަން ރައްއޮންނާނީދިހަ,ބާރަ,ފަރާތައްވިއްކާ އަދިރައްބާއްވާފަދުނިޔޭގެހުރިހާ ބޭންކަކުން އޮންނާނީލޯނުނަގާފަ,ދެންކިހިނެއްތޯތިވިދާޅުވާމަސްހޫރުވިޔަފާރިވެރިންގެމުދާވިއްކާނީ!
ސަންތިމާރި
20 July 2023
ތިތާގަ ބަހައްޓަން ފެންނަނީ...މަޖްލިސްގެ ހާޒިރީ އެންމެ ދަށްބޭފުޅާ..ރައްޔިތުންނަކަށް މީނަގެ ފުށުން ފައިދާއެއް ނުލިބޭ.
ފަހުދު.
20 July 2023
ދިވެހި ރާއްޖޭގައި ވަގުން އުދުހިފައި އުޅުނަކަސް ސިންގަޕޫރަކު ނޫޅެވޭނެ
ހަސަނު
20 July 2023
ޖަލަށް ކަނޑާލާ...
ދަނޑިމަގޭ
20 July 2023
އިބޫ ކެންޕެއިނަށް ޖަރަދުކުރުމަށް ސިންގަޕޫރު ބޭކްގަ ހުރި ފައިސާ ނަގަން ދިޔަމީހާ ދާންމިޖެހުނީ ޖަލަށް
ނާމްދި ކާނޫ
20 July 2023
ސިންގަޕޫރަކީ ބަރާބަރަށް ގާނޫނުތައް ހިންގާތަނެއް! ރާއްޖޭގައި ބޭނުންހާގޮތަކަށް އުޅެވުނަސް ސިންގަޕޫރުގައި އެގޮތަކަށް ނުއުޅޭވޭނެ!
ކޮމެންޓްތައް ކިޔާފަ
20 July 2023
މިައަދު ސަންސިޔާމް ރައީސް އިބޫ އާ އިދިކޮޅަށް ހުންނެވިނަމަ ހުރިހާ ކޮމެންޓްއެއްގައި އޮންނާނީ ފްރޭމްކުރީއޭތާ. ރައީސް ޔާމީން އާ އެއްކޮޅަށް ކޭސް ނިމުނު ދުވަހު ސުޕްރީމް ކޯޓް ވަރެއްނެތް. ތިމާ ހުންނަ ކޮޅަކުން މީހުން ރަނގަޅު ނުބައިވާން ވެއްޖެނަމަ ވާނެގޮތް މިވަނީއެވެ. މީމިޤައުމުގެ ހާލަތު.
ކޮމެންޓްއެކަނިތަފެންނަނީ
20 July 2023
ވެރިކަމާ އެއްކޮޅަށް މީހުން އެރީމަ އެމީހުންނަށް ލިބޭ ފައިދާ އާ ވާ ގޮތް ކަލެއަށް ހަމަ ނުފެނޭ؟
އަހުދު.
20 July 2023
ސަންސިޔާމް ހުރި ކޮޅުގެ ވާޙަކަ ނުދައްކާ ކޮމެންޓް ތަކުގައި ހުރި ވާޙަކަ އެއީ ދޮގުނަމަ އެވާހަކަ ބުނެލަންވީނު. ސިންގަޕޫރު އާބިޓްރޭޝަން ކޯޓުން ޝިޔާމްގެ މައްޗަށް 24 މިލިަޔން ޑޮލަރު ހިލްޓަނަށް ދިނުމަށް ހުކުނމް ކޮށްފަވޭތަ ؟
ޙުސޭން
20 July 2023
ތިކަން ނިންމާނީ ދިވެހި ސަރުކާރުން. އޭނާޔަށް ރަނގަޅަށް އެނގޭނެ ސިންގަޕޯރ އަށް ދިޔައިރުވެސް ތިކަން ތިގޮތަށް އޮތްކަން. ދެން ދިވެހި ސަރުކާރުން އޭނާޔާ އެއްކޮޅަށް ތެދުވެ ތިފައިސާ ދައްކާދިނީމަ މައްސަލަ އެހާހިސާބުން އެނިމުނީ. ޢޭނާ ހުރީ ސަރުކާރާ އެއްކޮޅަށް އެއްގަލެއްގަ. ދެން ނިކަން ތިބެބަލަ ވާގޮތް ބަލަން....
އުދުހޭ
20 July 2023
މީނާ ސިންގަޕޫރަށް ދިޔައީ އަދީބުގެ ފައިސާއާ ހަވާލުވެ އޭތި ގެނެސް އެމްޑީޕީއާ ހަވާލުކުރަންތޯ މީ އުފެދޭ ސުވާލެއް
ހޭނުހޭ
20 July 2023
އަދީބު ފައިސާ ނަގާ ތަނަށް ގޮސް ހުއްޓާ އޭނަ ދޭ ފައިސާ މައްސަލައެއްނުޖެހި އެންމެ ފަސޭހައިން އެކައުންޓަކަށް ލާފަ ނެގޭނެ އެކަކު މިވަގުތު ސިންގަޕޫރަށް ދިއުމަކީ ހަމަ އިއްތިފާގެކޭތަ ކިޔަންވީ؟