ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ރިޔާސީ ކެމްޕެއިނަށް ދ. ކުޑަހުވަދޫގައި ބޭޭއްވި ޖަލްސާގައި އަބްދުއްރަހީމް އަބްދުﷲ ވާހަކަދައްކަވަނީ.-- ފޮޓޯ: ނިޝާން އަލީ | މިހާރު
16 އޯގަސްޓް 2023 - 23:32
28 comments
ސިޔާސީ ބޭނުމަށް ބައެއް ލީޑަރުން އެއް ބޭފުޅަކު އަނެއް ބޭފުޅަކަށް ދެރަ ދިނުމުގެ ސަގާފަތެއް އޮތަސް، ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒު، ކުރީގެ ރައީސް އަބްދުﷲ ޔާމީނަށް އެއްވެސް ދެރައެއް ނުދެއްވާނެ ކަމުގެ ޔަގީންކަން އެބައޮތް ކަމަށް އެ ކޯލިޝަން ހިންގުމާ ހަވާލުވެ ހުންނެވި އަބްދުރަހީމް އަބްދުﷲ (އަދުރޭ) މިރޭ ވިދާޅުވެއްޖެ އެވެ.
މުއިއްޒުގެ ރިޔާސީ ކެމްޕެއިނަށް ދ. ކުޑަހުވަދޫގައި ބޭއްވި ޖަލްސާގައި އަދުރޭ ވިދާޅުވީ މުއިއްޒުގެ ވެރިކަމެއްގައި އެންމެ ފުރަތަމަ ވެސް ކުރައްވާނެ ކަމަކީ، ރިޝްވަތާ މަނީލޯންޑަރިންގެ ކުށުގައި 11 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ޔާމީން މިނިވަންކުރުން ކަމަށެވެ. މުއިއްޒުގެ ވެރިކަން ހިނގާނީ ވެސް ޔާމީންގެ އިރުޝާދާއި ލަފާގެ މަތިން ކަމަށް އޭނާ ވިދާޅުވި އެވެ.
އަދުރޭ ވިދާޅުވި ގޮތުގައި، މުއިއްޒާއި ޔާމީނާ ދެމެދު "ދޭތެރެ ޖެއްސުމަށް" އެ ބޭފުޅުންނާ އިދިކޮޅު ފަރާތްތަކުން ތަފާތު ވާހަކަތައް ދައްކަ އެވެ.
ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ރިޔާސީ ކެމްޕެއިނަށް ދ. ކުޑަހުވަދޫގައި ބޭޭއްވި ޖަލްސާ.-- ފޮޓޯ: ނިޝާން އަލީ | މިހާރު
"އެއްވެސް ގޮތަކަށް ދޭތެރެ ޖައްސާކަށް އަންނި ބުނާނެ ކަމެއް ނެތް އިބޫ ތިމަންނައަށް ހެދި ގޮތް، މުއިއްޒު ޔާމީނަށް ހަދާނެއޭ،" އޭނާ ވިދާޅުވި އެވެ.
"ނަހައްދަވާނެ. އެ ޔަގީންކަން އެބައޮތް."
މުއިއްޒަކީ މާ އިހުލާސްތެރި ބޭފުޅެއް ކަން ސާބިތުކޮށްދެއްވާނެ ކަމަށް އަދުރޭ ވިދާޅުވި އެވެ.
އަންނަ މަހުގެ 9 ގައި ބާއްވާ ރިޔާސީ އިންތިހާބުގެ ކެމްޕެއިނަށް މ، ފ، ދ އަދި ވ. އަތޮޅުގެ ރަށްތަކަށް މުއިއްޒު މިއަދު ފެއްޓެވި ދަތުރުގައި އެންމެ ފުރަތަމަ ވަޑައިގަތީ ދ. ކުޑަހުވަދު އަށެވެ. މުއިއްޒުގެ މި ދަތުރުގައި މާދަމާ ވަޑައިގަންނަވާނީ މި އަތޮޅު މާއެނބޫދު އާއި ހުޅުދެއްޔާއި މީދުއަށެވެ. އަދި ފ. ނިލަންދު އަށް ވެސް މާދަމާ ވަޑައިގަންނަވާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢިހްސާސް
18 August 2023
ކޯޓުގައި އޮތް އިސްތިއުނާފީ މައްސަލައެއްގެ ޙުކުމް މުއިޒު ވެރިކަމަށް އައިސް ކޯޓަށް ނުފޫޒު ނުފޯރުވާ ބާތިލުކުރާނެ ގޮތެއް ނޭންގުނު.
އަންނިބެ
18 August 2023
މިހާރު އަންނި އެކުރާހާވެސް ކަމަކީ ޕީޕީއެމަށް ވޯޓް މަދުވާނެ ގޮތް ހެދުން. އިބޫއަށް ވެރިކަން ލިބިއްޖެނަމަ އަންނިއާ އިބޫ އެކުވާނެ. ޔާމީނަށް އަންނި އެހާ ހެޔޮ އެދޭނަމަ މިއަދަކު ނޫން ޔާމީން މިނިވަންކުރަން އުޅޭނީ.
ޕީޕެން ސީ
18 August 2023
އެއްގޮތަކަށް ވެސް .... ޕަކާސް
ފަލަދޭ
17 August 2023
އާއެކޭ...މުޅިމާލޭގާ ޕޯސްޓަރ ތަތްކުރީ ހުކުމް އިއްވި ދުވަހުއޭ.
އަޅެދޭ
18 August 2023
ހުކުމް އިއްވިއަކަސް ކެމްޕޭން ކުރެވިދާނެ.
ކޮންސްޓޭ
17 August 2023
އަދުރޭ ކޮންކަހަ ހިސާބެއް މިފަހަރު ތިޖަހާލީ؟ މުއިއްޒު އަށް ވެސް ވެރިކަން ލިބިއްޖިއްޔާ ތިއެއް ސާފުވާނެ
ވެލި
17 August 2023
އެކަން އެނގެއެންނު. ޔާމީނު ޖަލަށްލާއިރަށް ފުރަމަތަވެސް މުއިއްޒު ފޫގެޅީ ސެނެޓްގެ މެޖޯރިޓީ ހޯދަން. އެއޮތީ ފެންނަށް ޔާމީނު ވަކިގޮތަކަށް ކަންކުރަން އެދުމުންވެސް މުއިއްޒުގެ ޕްލޭނާ އެއްގޮތަށް ސެނެޓް އެއޮތީ އަތްދަށުލާ ބޭނުންވާ ނަޖީތާ ނެރެފައެވެ. ދެން ޔާމީނުވެސް ރަގަޅުވާނީ ސިޔާސީ ކަންކަމާ ނޫޅުނިއްޔާއެވެ. ފިކުރު ދޮންބެއަށް ވާވަރުވެސް ނުވާނެއެވެ.
ޗަގޯސް
17 August 2023
އަންނި ވެސް އިބޫ އަށް ދެރަ ގޮތެއް ނުހައްދަވާނެ، ހޮވުނީމަ އަސްލު ރައީސްއަކީ ކާކު ކަން ނޭނގުނީމަ މައްސަލަ ޖެހެން ފަށަނީ. އަންނި ވެސް ހިތުން އޭނަ ހޮވުނީ. ހުސްގޮނޑި ދައްކައިގެން ކެމްޕޭންކުރާ ފުރަތަމަ ގައުމު، ޖަހާކަޑަ އަށްވުރެ ކަޑަ.
މޮޑަފްް
17 August 2023
އެއްވެސް މީހަކު ދެރަގޮތެއް ހަދާކަށް ބޭނުމެއްނުވާނެ. އެކަމަކު އަންނާނީ ޚިޔާލު ތަފާތުވުންތައް. އޭނަ ބުނާގޮތް މީނަޔަކަށް ކަމަކުނުދޭ. މީނަ ވިސްނާގޮތަކަށް ނޫން އޭނަ ވިސްނާނީ. އެއް އުރައެއްގަ ދެކަނޑިއަކަށް ނޯވެވޭނެޔޭ ބުނަނީ ކަމެއްވެގެން. ބަސްނުވިކޭ އޮޑިއެއްގެ ދިރުނބާކޮޅަށް އަރަން މުއިއްޒު ގަބޫލުވާނެތަ. މިހާތަނަށް ފެނިފަހުރީ ހުރިހާ ޕާޓީތަކުންވެސް މިމަންޒަރު. ވެރިކަން ލިބިއްޖެއްޔާ ފެންނާނެ ޕީޕީއެމާ ޕީއެންސީ ކޯލިޝަން ރޫޅޭތަންވެސް.
އާދަމް ޕީޕީއެމް
17 August 2023
ރައީސް ޔާމީން އަރިސް ބޭފުޅުން ވިދާޅުވަނީ ޑރ. މުޢިއްޒު ނުހޮވާށޭ. ހޮވައިފިނަމަ ރައީސް ޔާމީންގެ ސިޔާސީ ޙަޔާތް ނިމޭނޭ. ޑރ. މުޢިއްޒަކީ ރައީސް ޔާމީން ވިދާޅުވާ ގޮތެއް ހައްދަވާނެ ބޭފުޅެއް ނޫނޭ. ތިމަން މަނިކުފާނު ބާއްވާނީ ޖަލުގައޭ. އިބޫ އަށް 2 ވަނަ ދައުރެއް ލިބުމާއެކީ އިބޫއަށް އެއްވެސް މީހަކު ޖަލުގަ ބޭއްވުން މުހިންމު ނުވާނެކަމަށް. އަދި ސްޕްރީމް ކޯޓުން ޙުކުމް ދެމެހެއްޓީމާ، ރައީސް އިބޫ ރައީސް ޔާމީން އަށް މަޢާފުދެއްވާނޭ. އޭރުން 2028 ގަ ކުރިމަތިލެވޭނެކަމަށް.
ބަލަމާ
17 August 2023
ހަގީގަތަކައް ވެދާނެ
އަންދަލޫސިޔާ
17 August 2023
އަދުރޭ ހުރިހާކޮޅަކުން ވެސް ނަގައިފިކަމަށް ވަނީ. ހުރިހާ ފައިދާއެއް މީނައަށް. ޑރ. މުޢިއްޒު އަށް ވެރިކަން ލިބުނަސް 10 އަހަރު ކޮށްފަ ނޫނީ ނުފައިބާނެ. ފައިބާކަށް ނުވެސް ޖެހޭނެ. އޭރު ޔާމީނަށް ހުންނާނީ ޢުމުރުފުޅުން 80 އިން މަތީގަ. ދެން އޮންނާނީ ރިޓަޔަރކުރެއްވުން. ޕާރޓީ ވެސް ގެއްލޭނެ.