އާބަންކޯއިން "ޕްރައިވެޓް ހައުސިން" ޕޯޓަލް ލޯންޗު ކުރުން. އެ ޕޯޓަލް އިން އަމިއްލަ ފަރާތްތަކުން ހިންގާ ހައުސިން ޕްރޮޖެކްޓްތަކުގެ ތަފްސީލުތައް އެނގޭނެ -- ފޮޓޯ: ފަޔާޒް މޫސާ / މިހާރު
21 އޯގަސްޓް 2023 - 19:05
9 comments
އަމިއްލަ ފަރާތްތަކުން އަޅާ ފްލެޓްތަކުގައި އެ ފްލެޓްތަކުގެ މަސައްކަތް ކުރިއަށްދާ މިންވަރު، އަދި ގަންނަން ލިބެން ހުރި އެޕާޓްމެންޓްތަކުގެ ތަފްސީލުތައް އެނގޭ "ފްރައިވެޓް ހައުސިން" ޕޯޓަލެއް އާބަންކޯއިން ތައާރަފްކޮށްފި އެވެ.
ހުޅުމާލޭ ދެވަނަ ފިޔަވަހީގައި ވިނަރެސް ފްލެޓްތަކުގެ ތަޅުދަނޑި ހަވާލުކުރަން މިއަދު ބޭއްވި ރަސްމިއްޔާތުގައި މި ޕޯޓަލް ވަނީ ލޯންޗުކޮށްފަ އެވެ.
އާބަންކޯއިން ބުނީ، އެ ޕޯޓަލް މެދުވެރިކޮށް މިވަގުތު އާބަންކޯއިން ފްރައިވެޓް ކުންފުނިތަކާ ހަވާލުކޮށްގެން ހިންގާ ރިއަލް އެސްޓޭޓްގެ ހަ ޕްރޮޖެކްޓެއްގެ މައުލޫމާތު ފެންނަން ހުންނާނެ ކަމަށެވެ.
އެ ޕޯޓަލުން، އެ ފަރާތްތަކުން ވިއްކާ އެޕާޓްމެންޓްތަކުގެ އަދަދާއި ވިއްކާ އަގުތަކުގެ ތަފްސީލާއި، ނުވިކި ހުރި އެޕާޓްމެންޓްތަކުގެ ތަފްސީލު ފެންނާނެ އެވެ. އަދި ޕްރޮޖެކްޓް ގޮސްފައިވާ ހިސާބުގެ އަޕްޑޭޓް ވެސް އެނގޭނެ އެވެ.
އާބަންކޯގެ މެނޭޖިން ޑިރެކްޓަރު އަހުމަދު އާތިފު މިއަދު ބޭއްވި ރަސްމިއްޔާތުގައި ވާހަކަދައްކަވަނީ-- ފޮޓޯ: ފަޔާޒް މޫސާ / މިހާރު
އާބަންކޯގެ މެނޭޖިން ޑިރެކްޓަރު އަހުމަދު އާތިފު ވިދާޅުވީ، މި ޕޯޓަލްގެ ބޭނުމަކީ އެކުންފުނިން ހިންގާ ޕްރޮޖެކްޓްތަކުގެ ސައްހަ މައުލޫމާތު ފަސޭހައިން ލިބޭނެގޮތް ހެދުން ކަމަށެވެ.
"ޕްރައިވެޓް ޑިވަލޮޕާސް އާ އެކު ހިންގާ ޕްރޮޖެކްޓްތަކުގައި ވަރަށް ފުޅާ ދާއިރާއެއްގައި އެ އެންމެންގެ މަސްލަހަތު ހިމާޔަތް ކުރަން މިއަންނަނީ އިތުރު ފިޔަވަޅުތަކެއް އަޅަމުން،" އޭނާ ވިދާޅުވި އެވެ.
އާތިފު ވިދާޅުވީ، އެޕާޓްމެންޓް ގަންނަ ފަރާތްތަކަށް އެ ފްލެޓްތަކުގެ އެންމެ ފުރިހަމަ މައުލޫމާތު ނުލިބޭ ހާލަތްތައް ބައެއް ފަހަރު ކުރިމަތިވެ، ބޮޑެތި ގެއްލުންތަކާ ކުރިމަތިވާ ކަމަށެވެ. އާ ޕޯޓަލާ އެކު އެކަމަށް ހައްލެއް ލިބޭނެ ކަމަށް އޭނާ ވިދާޅުވި އެވެ.
އާބަންކޯއިން ޕްރައިވެޓް ޕާޓީތަކާ އެކު ހިންގާ ރިއަލް އެސްޓޭޓް ޕްރޮޖެކްޓްތަކުގައި ޕްރައިވެޓް ހައުސިން ޕޯޓަލްގައި އެ މައުލޫމާތު ހާމަކުރަން ލާޒިމް ކުރާނެ ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައިން
22 August 2023
މިހާރު ތިޔަކަން ކުރިޔަސް ވޯޓު ލިބޭނެ ކަމަކަށް ނުފެނޭ. ވަގުތު ފާއިރުވީ. 5 އަހަރުގެ ދައުރެއް ނިމި ދިޔައިރު ނުގެނެވުނު އުމްމީދެއް މުއިއްޒު އިޢުލާނު ކުރީމާ އެކަން އަތުލަން ތިޔަ ކުރާ ކަމަކީ ހިންގަން ނޭންގުނު ކަމެއް ކުރަން އުޅޭ ޒާތެއްގެ ކަމެއް. މިހާރު ތިޔަތިބީ ފޭލިވެފައި.
ޙާމަ
22 August 2023
ޢަރބަންކޯ ބޮޑެތި މީހުން އަށް ފްލެޓް ތައް ބަހާ ހަމަވީދޯ...މި އީ ހަމަ އުވާލަން ވެފަ އޮތް ތަނެއް...
ހުސެއިން ފުޅު
22 August 2023
ކޮބަ އަދިވެސް ނުވޭތޯ ސީލައިފުމީހުންނަށް ދައުލަތުން ހިންގާ ބޯހިޔާވަހިކަމުން ދޭން ކޯޓުގައި އެއްބަސްވި އެއްބަސްވުމަށް ޢަމަލުކުރަން، އެމީހުންނަށް އެގޮތަށް ދައުލަތުން އެއްބަސްވީ ނުވަތަ ދޭންޖެހުނީވެސް އެޗްޑީސީގެ އިހުމާލުން (ގޯސް ކޮށްކަންކަން ކޮށްފައި އޮތުމުން) އެކަން ފޫބައްދަން ވި އެއްބަސްވުމެއްގެ ދަށުން 2 އަހަރު ތެރޭގައި ދޭން ވި އެއްބަސްވުމަށް ޢަމަލު ނުކޮށް މިހާރު މިވަނީ 4 އަހަރު؟ މީ ދިވެހީންނަށް ނުވަނީ ތޯ؟ ހަމަ އެކަނި ވޯޓުލާން ތިބި ބޯތަކެއްތޯ؟
ރެނާޓިސް
22 August 2023
ބަލަ. ރެނާޓިސް ފުލެޓުން ސީލައިފުގެ ސަބަބުން ގެއްލުންވި 140 ފަރާތަކަށް އިއްޔެ ތަޅުދަނޑި ހަވާލުކޮއްފި. އަދި މިއަދާހަމަޔައް ކޮންމެ މަހަކަށް 12000ރ އެފަރާތްތަކަށް ސަރުކާރުން ދިން.
އަލި
21 August 2023
ފްލެޓް އަޅާކަން ނޭންގިގެންތަ މިއުޅެނީ. އަތްލެވޭވަރު އަގެއްގަ ނުހުންނާތީ ނޭންގޭކަމަށް ހަދައިގެން މިތިބެނީ. 20 ޕަސެންޓަށްވެސް 8 ލައްކަ އަށްވިރެ ގިނަ ރުފިޔާ ދައްކަންޖެހޭ. އާންމު ދިވެހި ރައްޔިތަކަށް ވާވަރު ކަންތަކެއްނޫން. މުއްސަދިންނާ އެމީހުންގެ ދަރިންނާ އާއިލާ އިތުރަށް ތަނަވަސް ކުރަން ކުރާކަމެއްތީ. 3 ކޮޓަރި ހޯދަން 4 މިލިއަން 5 މިލިއަން ރުފިޔާ ނެރޭނެތަނެއް ބުނެބަލަ.
ދާލު
21 August 2023
އާބަންކޯ އަކީ މިހާރު މިގައުމުގައި އޮތް އެންމެ ކަރަޕްޓް ތަން. ޚުރީގެ އެމްއެމްޕީއާރުސީ
އެޕޯޓަލް
21 August 2023
މާލޭގައި ކުލީގެ އަޅުންގެ ގޮތުގައި އުޅޭ މީހުން ރަޖިސްޓުރީ ވާން ޕޯޓަލްއެއް ހަދާބަލަ ކަލޯމެނޭ
ބޯބީތާ
22 August 2023
ޤަވާއިދާ ޚިލާފަށް އުޅޭ ބިދޭސީން ހޯދާން ހަދާނެ ގޮތެއް ނުވިސްނުނު މީހަކަށް ހެދޭނީ ކޮން ޕޯޓަލްއެއް. ދެއަތްތިލަ ޖެހުމުގެ ބަދަލުގައި އަތުގެ ނުފުށުން ބާރަށް އަތް ޖަހާބަލަ.
އިންކަމް
22 August 2023
ނުހަދާނެ. މާލޭ ގަބީލާތަކުގެ ވެރިކަން ހިފަހައްޓާން ލާފައި ހުރި ޕިޔޯނެއް ތިޔަހެރީ. އެހެންވީމަ މާލޭ ބިންވެރިންގެ އިންކަމް ދަށްވާނެ ކަމެއް އެ ބެއްޔަ ނުކުރާނެ