އއ. މަތިވެރި އަށް ވަޑައިގެން ގާސިމް އެ ރަށު ރައްޔިތުންނާ ސަލާމް ކުރައްވަނީ. --ފޮޓޯ: ޖޭޕީ
28 އޯގަސްޓް 2023 - 12:45
47 comments
ޖުމްހޫރީ ޕާޓީގެ ވެރިކަމެއްގައި ސަރުކާރުން ކުދި އަދި މެދުފަންތީގެ ވިޔަފާރިތަކަށް ދޫކޮށްފައި ހުރި ހުރިހާ ލޯނުތައް މާފުކޮށްދޭނެ ކަމަށް އެ ޕާޓީގެ ރިޔާސީ ކެންޑިޑޭޓް ގާސިމް އިބްރާހިމް މިއަދު ވައުދުވެވަޑައިގެންފި އެވެ.
އަންނަ މަހުގެ ނުވަ ވަނަ ދުވަހު ބާއްވާ ރިޔާސީ އިންތިހާބުގެ ކެމްޕޭނުގައި އއ. އަތޮޅަށް ކުރައްވަމުން ގެންދަވާ ދަތުރުގައި މަތިވެރިއަށް ވަޑައިގެން ގާސިމް ތުހުމަތު ކުރެއްވި ގޮތުގައި، އެސްއެމްއީ ލޯނުގެ ނަމުގައި ސަރުކާރުން ލޯނު ދޫކުރަނީ އެއްވެސް އުސޫލެއް، އިންސާފެއް ނެތި، ސިޔާސީ ވަކި މަގުސަދެއް ހާސިލް ކުރުމަށެވެ. އާހިރުގައި އޭގެ ގެއްލުން ލިބެނީ ކުދި ވިޔަފާރިތައް ކުރާ ނިކަމެތިންނަށް ކަމަށް ގާސިމް ވިދާޅުވި އެވެ.
"...ދައުލަތުން، ސަރުކާރުން ދީފައި ހުރި ހުރިހާ އެސްއެމްއީ ލޯނެއް މާފުކޮށްދޭނަން ވަގުތުން،" ރާއްޖޭގެ އެނެމް ކާމިޔާބު އެއް ވިޔަފާރިވެރިޔާ ގާސިމް ވިދާޅުވި އެވެ.
"ރަށުގައި ވިޔަސް މާލޭގައި ވިޔަސް ކޮންމެ ތަނެއްގައި ވިޔަސް، ސަރުކާރުން ދޫކޮށްފައި ހުރި، އެ ހެޔޮ ދެ މިލިއަން ތިން މިލިއަން ވިޔަސް. އެ ދުވަހުން [ސަރުކާރު ޖޭޕީ އަށް ލިބުމުން] ފެށިގެން މާފުކޮށްދޭނަން."
އއ. މަތިވެރި އަށް ވަޑައިގެން ގާސިމް އެ ރަށު ރައްޔިތުންނާ ބައްދަލުކުރައްވައި ވާހަކަ ދައްކަވަނީ. --ފޮޓޯ: ޖޭޕީ
މަތިވެރީގެ މީހުންގެ ބައްދަލުކުރައްވައި ދެއްކެވި ވާހަކާގައި ގާސިމް މިއަދު ވެސް ވަނީ މި ސަރުކާރާއި އިންޑިޔާއާ ދެމެދު އޮންނަ ގުޅުމާ މެދު ސުވާލު އުފައްދަވައި ވަރަށް ބޮޑަށް ފާޑުވިދާޅުވެފަ އެވެ.
އޭނާ ތުހުމަތު ކުރެއްވި ގޮތުގައި، އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ހޯދައިދޭން އިންޑިޔާ އަޑީގައި އޮވެގެން ދަނީ ވަރަށް ބޮޑަށް މަސައްކަތް ކުރަމުންނެވެ.
އިންޑިޔާ ސިފައިން ރާއްޖޭގައި ތިބުމާއި އެ ގައުމުން ދެމުންދާ ބިޔަ ލޯނުތަކަށް އިޝާރާތް ކުރައްވައި ގާސިމް ވިދާޅުވީ މި ސަރުކާރު އިޔާދަކޮށްދީފި ނަމަ، ރާއްޖޭގެ މިނިވަންކަމާއި އިސްތިގުލާލު ގެއްލިދާނެ ކަމަށެވެ.
އެހެންވެ، މި ފަހަރުގެ ރިޔާސީ އިންތިހާބުގައި ވޯޓުލާން ނުކުންނައިރު، އެ ހުރިހާ ކަމަކަށް ވިސްނުމަށް ގާސިމް މިއަދު ވެސް ގޮވައިލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮމެންޓްކުރާމީހާ
29 August 2023
އެހެންވީއިރު އަމިއްލަ ޖީބުން ދެއްކުން ނޫންގޮތެއް އޮތްކަމަކަށް ނުފެނޭ...
ރައްޔިތުމީހާަ
28 August 2023
ގާސިމްގެ މެނިފެސްޓޯ މިފަހަރު އެންމެ ފުރިހަމަ މެނިފެސްޓޯއަކަށް ފެނުނީ. ކުލައަކަށް ކަނދުރާއަކަށް ބޮލަކަށް ނުބަލާ ކޮންމެ ކެންޑިޑޭޓެއް ވިޔަސް ހައްގު ބަސް ބުނާނަން. ކުރިއަށް ވަޑައިގަންނަވާ!
ހިލޭވާރޭ
28 August 2023
ހިލޭ ހުރިހާ ކަމެއް ކޮށްދޭން އެކިޔާ ކެނޑިޑޭޓުންނަށް ޔަގީންވޭ ދެން އަންނަ ދައުރެއްގަ މަތިން ވާރޭގެ ބަދަލުގައި ވެހޭނީ ޑޮލަރުކަން. އެހާ ޔަގީންކަމާ އެކީ ހުރިހާ އެއްޗެއް ހިލޭ ދޭނަމޭ އެހާ ފަސޭހައިން ބުނާނީ އެކަހަލަ ޔަގީންކަމެއް އޮތީމަ. މެޓް އޮފީހަށްވެސް ނޭނގޭނެ އެފަދަ މައުލޫމާތެއް.
ވެންމަސް ވެނަށް
28 August 2023
އެސްއެމްއީ ލޯނުތައް މާފުކޮށްދީފައި ބޭންކަށް އަނބުރާ އެ ފައިސާ ދައްކާނީ ރައްޔިތުންގެ އަތުން ނަގާ ޖީއެސްޓީ ބޮޑުކޮށްގެން ރައްޔިތުންގެ ޖީބުން
ސާބިތު
28 August 2023
އަދި ތިޔަ ފަދަ ޓެކްސް ވާހަކައެއްް ގާސިމްގެ މެނިފެސްޓޯއިން ނުދެކެން
ޖޖޖޖޖޖ
28 August 2023
ރައްޔިތުންގެ ފައިސާ ބަޔަކަށްދީ އެފައިސާ އަނބުރާ ދެއްކުން މާފުކޮށް ނުދެވޭނެ. ޢެއީ ގާނޫނު ހުއްދަކުރާ ކަމެއްނޫން. އެއްވެސް ބަޔަކަށް ރައްޔިތުންގެ ފައިސާއެއް ނުބެހޭނެ. އިބްރާހިމް ގޯސްވި ހިސާބަކީ ދައުލަތުގެ ހަޒާނާއިން ބަދަލުގެ ގޮތުގައިކަމަށްބުނެ ގާތް މީހުންނަށް ރައްޔިތުންގެ ފައިސާތައް ދޭންފެށި ހިސާބު. ގާސިމަކީވެސް 130 މިލިއަން ޑރ ދައުލަތުގެ ހަޒާނާއިން ބަދަލުގެ ގޮތުގައި ނަގާފަ ހުރިމީހެއް.
ކިހާދެރަކަމެއްމިދެން
28 August 2023
އެހެންތަ؟ ތިޔަފަދަ ބޮޑެތި ތުހުމަތު ކުރާއިރު ތިޔަ ކަންކަމުގެ ހެކި ކޮބާ؟ ކޮބާހޭ ހެކި ގާސިމް 130 މިލިއަން ރުފިޔާ ނެގި ކަމުގެ؟ ކޮބާހޭ ކޮބާހޭ؟
ހުސެއިނާ
28 August 2023
ގާސިމު hurihaa ސުޓުދެންޓު ލޯނެއް vesq މާފުކުރަ ން ވައިދުވެބަލަ
ޔާގޫތު
28 August 2023
މާފުކޮށްދީފައިވާނީ މެނިފެސްޓޯ އިއުލާންކުރިރޭ. ހުސައިން ކޮއެފުޅު ނިކަން އަޕްޑޭޓް ވެ ބަލަ.
ހަސަންޑީ
28 August 2023
އެބުނާ ލޯނުތައްވެސް ގިނައިން ނަގާދައިވަނީ ވިލާކުންފުނިން އޭރުން އެވެސް ފުރީވާނެ!
ކޮސްގޮވާ
28 August 2023
ބަލަ މިކިޔަނީ ސްމޯލް އެންޑް މީޑިއަމް ބިޒްނަސް ނުވަތަ ކުދި އަދި މެދުފަންތީގެ ވިޔަފާރިތަކުގެ ވާހަކަ. މި ކެޓަގަރީއަށް ވިލާ ފެތެނީ ކިހިނެއްހޭ؟ ވާނުވާ ނޭނގި ކޮމެންޓް ނުކޮށްބަލަ
ހާސްވޭ
28 August 2023
ހުރިހާކަމެއް ހިލޭ ކޮށްދީފައި ރައްޔިތުން ދެން ކީއްކުރާނީ. ގެދޮރު ހިލޭ. ކިޔެވުން ހިލޭ. ރާއްޖެއިން ބޭރުން ކިޔެވުން ހިލޭ. ރާއްޖެއިން ބޭރުން ބޭސްފަރުވާކުރުން ހިލޭ. މިއަދު ތިބުނީ ލޯނުތައްވެސް ހިލޭޔޯ. މިއީ ގައުމަކަށް ދެކޮޅުޖެއްސޭނެ ވައުދުތަކެއްތަ. ދެން ހާސްކަނޑާލާށޭ ކިތަންމެވަރަކަށް ބުންޏަސް ހާސްވާނެދޯ.
ލީންް
28 August 2023
ރައްޔިތުންގެ ފައިސާ ހެޔޮ ގޮތުގައި ބޭނުން ކޮށްފިއްޔާ މިފަދަ އެތައް ކަމެއް ކުރެވޭނެ. ވިސްނާ ކަތުން.
ހަމްދާ
28 August 2023
ގާސިމް ބުނެފިއްޔާ އެކަމެއް ކޮށްދޭނެކަން އެނގޭ ހުރިހާ ކިޔަވާ ކުދިންގެ ލޯނުތައް މާފު ކޮށްދީފައިވާތީ. ހަގީގަތުގައިވެސް މި ދަތި ދަނޑިވަޅުގައި ހިތް ދަމާލައިގެން ކިޔެވުމުގެ ފުރުސަތު ފަހިވުމަކީ ލިބުނު ވަރަށް ބޮޑު ލުޔެއް. ވަރަށް ބޮޑަށް ޝުކުރިއްޔާ.
ބޮޑުމީހާ
28 August 2023
ގާސިމް މިއުޅެނީ ޖަމްއިއްޔާއެއް ހިންގަންބާ!