ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ކެމްޕެއިނަށް އއ. ފެރިދޫގައި ބޭއްވި ޖަލްސާގައި ދަނގެތީ ދާއިރާގެ މެމްބަރު މުހައްމަދު ނާޒިމް ވާހަކަދައްކަވަނީ.-- ފޮޓޯ: ޕީޕީއެމް
14 ސެޕްޓެމްބަރ 2023 - 13:14
31 comments
ވ. އާރަށުގެ މައްސަލާގައި ޖަލަށް ލާފައިވާ ކުރީގެ ރައީސް އަބްދުﷲ ޔާމީން މިނިވަންކުރަން އެންމެ ބޮޑަށް ބޭނުންވާ ބޭފުޅަކީ އޭނާ ކަމަށް ދަނގެތީ ދާއިރާގެ މެމްބަރު މުހައްމަދު ނާޒިމް މިއަދު ވިދާޅުވެއްޖެ އެވެ.
ރިޔާސީ އިންތިހާބުގައި އަމިއްލަ ޕާޓީ، އެމްއެންޕީގެ ފަރާތުން ވާދަކުރައްވައި، ފުރަތަމަ ބުރުން ނާޒިމް ވަނީ ބަލިވެފަ އެވެ. ފުރަތަމަ ބުރުގައި އެންމެ 2،000 އެއްހާ ވޯޓު ހޯއްދެވި ނާޒިމްގެ ޕާޓީން މިހާރު ވަނީ ފުރަތަމަ ބުރުގައި އެންމެ ގިނައިން ވޯޓު ހޯއްދެވި ޕީޕީއެމް/ޕީއެންސީގެ ކެންޑިޑޭޓް ޑރ. މުހައްމަދު މުއިއްޒަށް ތާއިދުކުރަން ނިންމައި، ކޯލިޝަން ހަދައިފަ އެވެ.
ދެވަނަ ބުރުގެ ކެމްޕެއިނަށް އއ. އަދި އދ. ގެ ރަށްތަކަށް މުއިއްޒު މިއަދު ފެއްޓެވި ދަތުރުގައި ނާޒިމް ވެސް ބައިވެރިވެވަޑައިގަންނަވަ އެވެ. މިއީ މުއިއްޒުގެ ކެމްޕެއިނަށް މުއިއްޒާ އެކު ނާޒިމް ކުރައްވާ ފުރަތަަަ ދަތުރެވެ.
ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ. މުހައްމަދު މުއިއްޒުގެ ކެމްޕެއިނަށް އއ. ފެރިދުއަށް ވަޑައިގަތުން.-- ފޮޓޯ: ޕީޕީއެމް
އއ. ފެރިދޫގައި ބޭއްވި ޖަލްސާގައި ނާޒިމް ވިދާޅުވީ ރާއްޖޭގެ ރައީސްކަން ކުރައްވާ އެއްވެސް ވެރިޔަކު ޖަލުގައި ހުންނަވަން އޭނާ ބޭނުން ނުވާ ކަމަށެވެ.
"އަޅުގަނޑު ދަންނަވަން އޮތީ އަޅުގަނޑޭ އެންމެ ބޮޑަށް ބޭނުންވަނީ ރައީސް ޔާމީން މިނިވަންކުރަން،" އޭނާ ވިދާޅުވި އެވެ.
"އަޅުގަނޑެއް ނޭދެމޭ ރައީސްކަން ކުރެއްވި ބޭފުޅަކު ޖަލުގައި ހުންނަވާކަށް. ސެލެކްޓިވް ޖަސްޓިސް، ވަކި ބޭފުޅަކަށް ހަރާން ހުކުމެއް ކޮށްގެން ދާ ދިއުމަކީ އަޅުގަނޑު ގަބޫލުކުރާ ކަމެއް ނޫން."
ރިޔާސީ އިންތިހާބުގެ ދެވަނަ ބުރުގެ ކެމްޕެއިނަށް ޕީޕީއެމް/ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު އއ. ފެރިދުއަށް ވަޑައިގަތުން.-- ފޮޓޯ: ޕީޕީއެމް
ނާޒިމް ވިދާޅުވި ގޮތުގައި، އެމްއެންޕީން ޕީޕީއެމް/ޕީއެންސީއާ އެކު ކޯލިޝަން ހެދީ ވަކި ކަމަކަށް ޝަރުތު ކޮށްފައި ކަމަށް ބުނެ ދައްކަނީ ކަނޑައެޅިގެން ދޮގު ވާހަކަތަކެކެވެ. މި ކޯލިޝަން ހެދީ ސަރުކާރުން ވަކި ގައުމަކަށް މާ ބޮޑަށް ބަރޯސާވެ، ދިވެހިންގެ މިނިވަން ކަމަށް ހުރަސްއެޅޭ ގޮތަށް ކަންކަން ކުރަމުން ދާތީ އެކަމަށް ނިމުމެއް ގެނައުމުގެ ނިޔަތުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޞޯޅީ
16 September 2023
މި މީހާ ބުނި ޔާމިީންއާ އެކީ ކުރާނެ ސިޔާސީ މަސައްކަތެއް ނޯންނާނޭ ވެސް...
އާވަސް
15 September 2023
ޕޕމ ގޯސް ވެގެން މޑޕ އަނެއްކާ މޑޕ ގޯސް ވެގެން ޕޕމ. ރައްޔަތުންް ނުވިސްނާ ޤައުމު ރަގަޅު ކުރާކަށް. ހެޔޮ ވިސްނޭ ހެޔޮ އެދޭ ރައްޔަތެއް ތިބި ނަމަ މިފަހަރު ގެންނާނީ އެހެން މީހެއް. އެންމެން(ރައްޔަތުން) މަގޭ ޤައުމޭ ކިޔައިގެން ހަަދަނީ ދޮގު. ރައްޔަތުން ބޭނުން ވަނީ ޖީބު ބަރުވަން އެކަނި. އޭގެ ފަހުން ދީން ވެސް އަންނާނީ. ޤައުމުގެ ގިނަ މީހުން ތިބީ މަގު ފުރެދިފަ ކަމަށް މަ ޤަބޫލް ކުުރަނީ.
ކަމަޅި
14 September 2023
ހުރިހާ ވަގުންނާއި ޖަލުގައި ތިބި އެންމެން ދޫކޮށްލީމާ ދައުލަތުގެ ކަރަދުވެސް ކުޑަވާނެދޯ.
އަނޫފު
14 September 2023
ތިޔައީ ރަނގަޅުގޮތެއް ދެން ޖަލުގައި ތިބޭނެ ބަޔަކު ނޫޅޭނެދޯ.
ޖޯކް
14 September 2023
ފަހަތުންފެންނަ ފޮޓޯއަށް ބެލީމަވެސް ވަރަށް ސާފު. ކެޑިޑޭޓު މިހުންނާނީ ޔާމީންގެ ފަހަތުގަ. ވަރަށް ރީތި ވެރިކަމެށް ފެންނާނެ ދިވެހިންނަށް މިފަހަރު.
އެމީލިއޯ
14 September 2023
އެއްވެސް ޝަރުތަކާ ނުލާ ތިވަރުގެ ކަމެއް ނުކުރާނެ
ރަދުން999
14 September 2023
ނާޒިމްއަށް ހަމަ ނޭގެނީބާ ޔާމީން ކުރިކަންތައްތައް. ރައީސަކަސް އަދި އެހެންމީހެއްވިޔަސް ގާނޫނާ ހިލާފު ވީމާ އެކަމަކަށް އޮންނަ އަދަބު ދެވޭނެ. ތިޔައީ ވާހަކައިން މީހާ ގެ ނުބައިކަން ދޭހަވޭ. ތިޔަގޮތަށް ކޭވަރު ނޭގޭ ކަމަށް ތިޔަހަދަނީ އޭގެން ބައިލިބިފައި ތިބި މީހުން. އަދި ތިބައިގަޑުގެ ތެރޭގައި 90% މީހުންނަކީ ދައުލަތުގެ ފައިސާއިން ނުހައްގު މުއްސަދިކަން ލިބުނު މީހުން، ރެހެންދި ފުލެޓްތަކުން 3 ފުލެޓް ގަތްމީހުން އެބަތިބި. ރެހެންދީގައި ގިނަވާނީ ތިބައިގަޑު.
ކާނަލް
14 September 2023
ހަމަތިވީ އެކައްޗަކަށް. އުމަރުމެން އެތިބެނީ ގޮތުގަ މާގިނަ ވޯޓުހޯދައިގެން.
އަލްމުދިޝް
14 September 2023
އިންތިޚާބުގެ ކުރިންނާ ފަހުންވެސް ޔާމިން މިނިވަން ކުރަން އުޅުމީހުންގެ ތެރެއިން ނާޒިމްގެ "ސައިން " އެެއް ވީކަމުގަ އެނގިފަނުވެއެވެ. ކެމްޕެއިން ތެރޭގަވެސް ކީޢްވެތޯ އެކަމުގެ އިޝާރާތެއް ނުވީ ؟
ހާއިބްރީ
14 September 2023
މަގާމާ އިއްޒަތަށްޓަކާ ހާދަ ދަށު ދަރަޖައަކަށޭ ތިވެއްޓިވަޑައިގެންނެވެނީ. އަންނައުނު ލަނީ ހަމައެކަނި ނިވާކުރާކަށް ނޫން އިނގޭތޯ. ލަދު ކިޔާ އެއްޗެއްވެސް އޮންނަންވާނެ.